MNF Sorkar leh CT Scan eirukna kha ( a chin chhuakin) – Rothuama Sailo

1. Taksa pum enna khawl Computerised Tomography Scanning lei rawtna chudt. 8.3.2000 khan Director, Health Services in sorkarah a thlen.(Vide No HSP 9/99/28 )

2. Chu rawtna chu bawhzuiin, Director, Regional Institute of Medical Science te recommend angin Detail Project Report (DPR) siam a ni a, Japan siam, HITACHI Model PRACTICC lei ni se tih a ni. DPR hian a khawl leina tur bakah a dahna tur Room leh a chhung cheina te, thawktute training-na te a huam vek. .

3. DPR chu NABARD leh Mizoram Sorkar-in an pawmpui hnuin, a leina tur sum chu 12% pungin NABARD atanga puk a ni. 4. NABARDsum an puk atang chuan Mizoram sorkar chuan dt 31-3-2000 khan Rs.199,97,302 chu a Sanction ta a. (Vide No B/11014/25/95 HPN/Pt).
Hemi ni hian he sum hi Director, Health Services Account-ah K-Deposit-a dah nghal a ni.

5. He khawl Supply-tu tur zawngin Commissioner & Secretary, Health & Family Welfare Department chuan dt 22-5-2000 khan Tender a chhuah ta a. (Vide No P. 11011/9/89/DHS (PRO)/4 ). Tender chu ni 29-6-2000-ah hawn a ni a, Company 3-in Tender chu an rawn chhang a. Chungte chu:-
(1) WIPRO General Electrics, Calcutta.
(2) SIEMENS Ltd. Calcutta leh
(3) Philips Medical System (India) Ltd. Calcutta te an ni.

6. He Tender chungchangah hian thil fel lo chihrang hrang a awm a. Chungte chu:-
1) Tender lo dawng tur hian Health Director ni lovin, Director, Hospital and Medical Education chu ruat a ni hlauhthung. (Vide No B/11014/2/89/DHS (PRO)/4 dt 22.5.2000).

2) Tender hi National Paper-ah chhuah a ni lova, chuvangin a hretu an zau lo hle.

3) Terms and Conditions-in a phut angin Duplicate Tender an thehlut lo.

4) A tu-amah hi a khawl siamtu, Manufacturer an ni lova, Bonafied Manufacturer Certificate leh Certificate of License an nei lo. Tender-ah chuan Manufacturer te chauh chhan theihtura tih a nih laiin a chhangtute hi Agent mai mai vek an ni.

5) A Form hman tur dik an hmang lo.

6) Document thehluh tel tur an thehlut kim lo.

7) Earnest Money hi tihdan tlangpui chuan 2% a ni thin a.Tribal tan 5% leh Non-Tribal tan 10% an ti a,hei hi a sang lutuk.

8) NABARD atanga sum puk hi HITACHI siam lei nana puk anih kher avangin, Company dang siam lei a nih dawn chuan NABARD (Funding Authority) pawmpuina lak tur a ni a, an la lo.

9) He Tender hawn ni hian Technical Bid Envelope chauh hawn a ni a, a rate ziahna Envelope erawh hawn a ni lo. Hun rei tak tuinemaw a kawl nia hriat a ni a. Chumi chhung chuan Calcutta Supplier pakhat chuan a vil ta vat vat a, duhtawka inbiakremna hun a inhawng ta a ni.

10) Tender hawngtute hi officer 4 an ni a. Heng thil fel tawk lo te hi ziakin an tarlang thlap a, an zinga pakhat erawh chuan a sign ve duh lo nghe nghe a ni.. 7

. Tu ber nge kan thlan ang tih chingfel turin Chief Secretary Chairman-na hnuaiah State Purchase Advisory Board leh Technical Committee techuan vawi 3 Committee an nei a, ni 25.9.2000, ni 27.10.2000 leh ni 6.12.2000 ah te a ni. Comparative Statement an siam chu sorkarah an thehlut ta a. (Vide No. P.11011/9/89-DHS (PRO)/169 dt 16.11.2000) He statement hi vawiinni thlengin thuruk tawpkhawk angin an vawng zui ta tlat a ni.

8. A chhangtute hi thlan tlak loh leh Manufacturer pawh ni lo vek an ni chung leh, HITACHI siam lei nana tih an ni chung chungin, Mizoram sorkar chuan rei tawk tak a chin vel hnuah SIEMENS Company chu a thlang ta tho tho mai a ni. (Vide No. 11014/2/98-HFW dt 2.3.2001). Letter of Indent chu SIEMENS Co. hnenah pek a ni ta a ni. (Vide No. P 11011/9/89-DHS (PRO)/196 dt 16.3.2001)

Mizoram sorkar leh SIEMENS Co. te chuan ni 19.4.2001-ah Agreement an sign nghal a. A man a tan Rs. 195,96,845 a ni ta daih mai a ni.

9. Hetah hian heng thil fel lote hi a awm a ni:-
1) Sawi tawh angin HITACHI siam lei a ni lova, Tender chhuah tirhte atangin a fel lo chho vek a. Manufacturer pawh an ni lova, Calcutta-a an agent satliah mai anni a. HITACHI siam ni lo hi phalna NABARD atangin an la hek lo.

2) 11th Finance Commission chuan Mizorm tan C.2) 11th Finance Commission chuan Mizorm tan C.T.Scan 2 lei a phalsak a, a man a tan Rs. 90 lakhs chauh a rawn ruahman sak a, chu aia to daih maiin an lei ta a ni. (Vide Chapter VII, Table &:3 Equipmet for Regional Diagnostic Centre).

3) SIEMENS Company hian hetiang khawltho hi MKOG Medical College, Orissa hnenah Rs. 99,50,000 chauhin an supply a ni tih finfiah a ni bawk. Hei hi a document pawh Philips Company te hian an thehlut nghe nghe a ni.

4) He khawl hi mipui sum renchem thei ang bera lei tuma dawr kual chu nise, cheng nuai 100 aia to loin a lei theih a ni tih a chiang hle a, chuti chung chuan nuai 195 chuangin lei a ni ta a. Tul hauh lovah nuai 95 vel chu a kalral ta tihna anih hmel hle.

5) Nuai 195 atang hian Custom Duty Exemption 34% paih leh tur a la ni leh nghal a. Chu chu a man atanga intlakhniamtir awm tak a nih laiin, a company hian an tel mai dawn niin a lang bawk.

10. He khawl manah hian a enkawl zuina tur (maintainance cost) a bet tel nghal a. A maintain-naman hi kum 4-na thlenga kumtin inpek tur a tih a ni chungin, khawl man an pek rual hian a vaiin an pe tla vek a, a enkawlna a tan ringawt Rs. 54,65,330an dawng nghal tawp mai a ni. Ni 10.5.2001-ah Work Order an pe fel a. (Vide No P 11011/9/89 DHS (PRO) dt 10.5.2001).
Work Order an pek tuk leh ni 11.5.2001-ah Rs 195,96,845 hi an pe tla nghal vek. (Vide Bank Draft No 004465 dt 11.5.2001)

11. He sum hi Director, Health Services Account-ah K.deposit-a dah a ni a, chuvangin Controlling Officer leh a Account neitu chu Health Director a ni. Mahse Health Director hriat miah lohvin hetiang zat sum hi Director of Hospital and Medical Education-in zuk draw sak daih thei a maw le! Hetianga ti tur hi chuan “thuneitu sang ber” a inrawlh a ngaih hmel hle a ni. A chhan chu hetih lai hian Mizoram sorkar chuan Treasury atangin vawikhatah cheng nuai 3 aia tam lakchhuah a phal lova, ni 13.6.2001 atang khan nuai 15 lakchhuah a phal chauh a ni. Nuai 3 aia tam pek chhuah khap a nih laia nuai 195 zet han pe chhuak mai tur chuan “Lalber” thuneihna hman a ngaih hmel hle a ni.

Hetih hun laia Health & Family Welfare Minister chu Tawnluia a ni.

Aside | Posted on by | Tagged , , , , , , | Leave a comment

”TÛMAH RAWN LO A ZU ZUAR NGAM CHUAN, TU MAH RAWN LO VIN ZU ZAWRH TI TAWP RAWH SE”-Tawnluia, Sr. Vice President MNF

Tun hnaia Congress Sorkarin Zu zawrhna dan MLPC Act. ennawntu tur ‘Review Committee’ asiam chungchangah MNF Sr. Vice President, Pu Tawnluia chuan “Zu zawrh dawna tu mah rawn lo ngam chuan, Zu zawrh ti tawp turin tumah râwn lo ngam rawh se,” a ti.

He thu hi Aug. ni 8, 2016 (Thawhtanni) Mizo Hnam Run inkhawmah a sawi a. MNF Sr. Vice President chuan, “Zu zawrh an phalrai te te a, congress sorkar chuan Zu rui leh buaina siam an veng hneh leh si lo va, a venpui turin phungbawmah NGO a țah-awh leh si hi mualphona satliah pawh a ni lo, suahsual thil tih a ni,” a ti.

Zu zawrh a nih hnua MLPC Act thubuai 2313 ziahluh a ni chu Congress sorkar Zu zawrh policy hlawhchham zia entirtu a nih thu a sawi bawk.

MNF chuan Independent suala ramhnuaia a awm lai pawhin Zu chu a duh ngai lo a, a lo khap hial tawh tih, MNF Sr. vice president chuan a sawi a, “MNF Founder president Pu Laldenga hoa kan sorkar pawh khan, congress sorkarin zu a lo zawrh mek chu tihtawp kan tum a, mahse, Zu zuar permit neite licence a la thi si lo va. An Permit a thih veleh zu zawrh kan khap ta a ni,” a ti. “Tunhnaiah MNF party chuan Zu zawrh duh lohna Resolution siamin Sorkar hotu lu ber, Chief Minister hnenah lehkha pawh kan thehlut a; vawiin thlengin chhanna engmah kan la dawng lo hi, a inngaih pawimawh loh thlak a. Heti mai maia an kal a nih chuan MNF party hian mipui hmakhaw ngaiin kan tih tur kan hai lo vang,” a ti bawk.

.North East Democratic Alliance(NEDA) chungchanga mi thenkhatin MNF an sawi dan chu chhângin Pu Tawnluia chuan,India ram chu Congress party lal inthlahchhawngin ram retheiah a hruailut a. North East phei chu Congress party hian a ngaihthah a, min rapbet a, nasa takin min hliam a. Kan hliam tetuam dam tur leh, min rapbettu te do leta hneh tur leh hmasawnna te, ei leh bara kan intodelh theih nan tein Congress party hi do rawn a, thawk tha tihna bawm thar a lo piang ta a ni. NEDA hian MNF thupui leh thinlung chhun han khat pawh a ti danglam lo, Mizo mipuite tana thawhsaktu a lo nih tawh thin angin a thawhsak zel dawn a, BJP vang emawa kan ‘principle’ kalsan mai mai thei kan ni awzawng lo, a ti bawk.

Hemi ni hian MNF party zawmthar mi pahnih Pu Lalramchhana, ZNP Headquarters Secretary leh Pu C. Lalsawma Police Inspector Rtd. te chu MNF Sr. Vice President Pu Tawnluia chuan MNF ah a lawmlut a. MNF a zawm chhan sawiin, Pu Lalramchhana ZNP Secy. chuan Aizawl Municipal Corporation (AMC) inthlan result atang khan ZNP dinhmun chu a chiang tawk tawh a. ZNP hotupa berin Bhavan nena inchhunfin a buaipui hnu phei chuan MNF pan tur, mi tam tak insehmur mêk an awm thu a sawi.

Police Inspector hlui, Pu C Lalsawma chuan, MNF lungphum ‘Pathian leh kan Ram tan’ tih hi a nghet tawkin ka hria a, kan ram siamtha turin ka ring ber bawk a, lungsi takin ka zawm ta a ni, a ti bawk.

Mizo Hnam Run inkhawm hi MNF Treasurer, Pu Vanlalzawma MLA-in a kaihruai.

Aside | Posted on by | Tagged , , | Leave a comment

MI BUMRO PATHUM

AUTHOR : Zonuna Rl

He pa thuziak hi a ho thei em em a, mahse a chhiar tawh an inchhir ngai lo , chhiar ve teh

THU HMA
Tleirawl, tlangval hre tan kan ni ve tawh a. Hetih lai hian National Higjway kam khaw lian lo ve taka kan awm lai kha a ni. Kan khuaah chuan Police pawh an la awm lo.
.
Heta kan awm lai hian ka pa chuan thian pathum, maksak tak tak leh bumro tak vek a nei a. Mite pha zan lo, mianglo nih duh bau lo vek kha a ni a. Parawl vek an ni bawk. Hemite pathum chanchin hi tlem sawi ka tum a ni. Tamtak pawh sawi tum ila mite pha lo an ni a, chanchin ngah tur an ni lo hrim hrim a. An chanchin ka hlimpui deuh pakhat ka’n sawi ang e.
.
PATHUMTE CHU
Heng ka pa thiante pathum hi han hmelhriat diat diat dawn ila:
.
PA RUAIA : Ani hi palian pui sa tha tung mai leh lu lian zet mai a ni. A hmel enin mi pangngai a ni lovang tih a hriat reng a. Nunna tam deuh nei hmel a pu a. A thih har hmel hliah hliah mai a ni. ‘Vaw hlum rawh’ min ti ta se, ka huphurh zawng tak a ni. A thih hmain kan in vaw chau mai ang tih a rinawm. Vaihlo bawm ‘Dumbur’ hi a kalna apiangah a keng reng mai thin.
.
PA BELA : Ani hi chu tawi len lun, sanghet tlut mai leh lu lian tak tho a ni. Hnar lian tak, beng parh zet leh hang dum muk mai a ni. A kawng kal hi a bu deuh luk luk thin. A hlawma mumang nei tawk thin hmel a pu a. Thlakhat te mumang nei lo vang vanga, zankhat thil thua neih leh hnawk thin a nih duh hmel. Tin, a chaw ei a tui hmel bawk. Sunglass hring deuh ngulh lian pui mai hi a vuah run reng mai a ni. Hmeithai pakhat hi a ngaizawng em em a, ‘ka bialnu’ a ti deuh reng thin.
.
PA NGAIA : Ani hi chu hmai sin tak leh hmui chhah zet si a ni. A hmel hi a Genesis ve hrim hrim. Pa Ruaia ang lo takin nunna der thawn hmel zet mai a ni. A luah kuk kerh i la a thih bel duh hmel. Mahse a hmai sin ang aiin a taksa a inphut nalh ngang mai. A chunga mite pahnih ai khian chaw a heh fe zawk. A hmel a chhiat em avangin nu ho hian an fate tihthaih nan an hmang thin.
.
THE BUMRO TRIO
Anni pathum hi inkawm lo thei si lo, inkawm hlei thei si lo an ni. An feh leh ram an riak a nih loh chuan kan in hi an tap chawtna a ni. Ka pa hi an ngai em em a, hlauh pawh an hlau viau mai. Ka pa hian an pathum hian a khawngaih em em a, a kawm thiam hle bawk. Miten an nuihzat leh an hmuhsitna an tih lan te hian ka pa rilru hi a lo na thin.
.
“Engtikah emaw chuan min la transfer leh ngei awm si a, heng mite hi ka va han ngaihtuah em aw..” a ti vawng vawng fo mai.
.
Ngawi renga an awm hian an inngeih a ni mai a. An titi ho tawh chuan engmah an sawi hman tak tak ngai lo. An inhnial vat a, insual an tintuah nghal zel mai a ni. Ka pa hian a lo thelh vat thin. Mi ang lo enin an inen tawn theuh a, an mahni chauh mi pangngaiah an in ngai vek a. An in ngaisang lo tlang khawp mai.
.
Kan ina lo kal ziah si an rawn kal rual ngai lova, an haw rual ngai hek lo. An pathuma an han thu tlar thup mai hi chu hmu ve mah u la Pathiam themthiam zia in hmu thei ang!
.
Heng ka pa thiante hi khawtual mite chuan THE BUMRO TRIO an ti.
.
ENTIR NAN
An mi an phak lo zia lantir nan hei hi kan sawi ang e:
.
Sikul chawlh ka haw lai hian zankhat chu ka pa khan an pathum chuan a tuka an tih tur a zawt diat diat a. An vai chuan ‘engmah’ an ti vek a. Ka pa chuan, “A nih chuan naktukah ek in khur laiin in rawn inhlawh ang. Rs 100 theuh in hlawh ang a, thuk takin in lai ang,” a ti a.
.
A tukah chuan kan lai ho ta a lawm le. An va han chak hlawm tak em!! An tawng chuan an inhau ang tih a hlauhawm si a, “Ngawi rengin thawk ang u,” ka ti a. A lei a tha bawk a, chawhnu herah chuan Pa Ruaia pawh a pil titih der mai!
.
Pa Bela lut chuan bawngtuthawh a rawn theh chhuak a, “Ruaia, suahdur kha min pe teh, a vung hi ka rawn theh chhuak ang,” a ti a.
.
Pa Ruaia chuan a pe duh ta hauh lo mai a. “Hlawh inzat theuh theuh tumah intirh bik loh tur,” a ti tlat mai a!!
.
“Rawn la vat mai teh, ka paih zawhtir vek mai tur che a nia,”
.
“Level pui intirh loh tur ka tih chu mawle aww…” An inhnial thinrim ta.
.
Pa Bela chuan lei tlangin Pa Ruaia awmah chuan a rawn chhoh vawm dawp mai a. Pa Ruaia chuan cubic lung a chawi lawk a, Pa Bela khur chhung awm chu chhuk den a tum a, keiin ka lo dawm a. Pa Ngaia lah khan a’n ngai ho mai mai khawp a. Thu chungin a lo thlir nui var var a, “I duh leh chhu hlum mai rawh,” a lo ti!!
.
Khur chhung atang chuan Pa Bela chuan kutzungchal a rawn hmuh a. “Min han chhu hlum vaih teh, ka lo chhuak ang a, i chak lovang,” a ti a. Pa Ruaia thin a ur tulh tulh mai si. A lung ken chu kan inchuh a ni ber mai.
.
Kan thawm hriain ka pa a rawn tlan thla a. Phelsepin an kutphahah na vak lovin vawi khat theuh a rawn vua a. Pa Ngaia chuan, “Ka tel ve lo a sin mawle,” a ti niah niah mai.
.
Khitiang vel khi an ni.
.
KA PA DUHSAKNA
An inngeih thei reng reng lo kha ka pa a mangang a, siam that dan tur ngaihtuaha bei reng thin kha a nia. Hemi kum hian inri thapin lo nei se, anmahni siam nan a ti leh ta a.
.
An hnenah chuan, “Lo in nei hla thei em mai, hnai deuhah nei tawh ang che u. Saw laia ka ram saw tin khat hmun theuh in vat ang a, in inri vek ang. Thlam hran in sa theuh ang a, Ruaia hi a laiah awm se, thlam sa lian bik deuh se. Ka hman hun hunah Ruaia thlamah kan riak ho thin ang. Ka tel lo chuan mahni thlamah pawh in riak tur a ni lo,” a ti a. Kan khua atanga Km 4 leka hla Highway kama kan ram chu vahtir a tum a ni. An phur hlawm ngei mai.
.
Ka pa chuan, ” In inhau reng mai hi, a tha lo. Inngaihtuah chiang rawh u. In inngeih loh chuan miten an nuihzat ang che u a, an hmusit telh telh ang che u. Tuna in awm dan ngawt hi chuan kan pemsan leh ang che u a, in inkawm thei dawn em ni”? a ti a. An ngawi thap a, an inngaihtuah ve nasa mai.
.
Lo chu an vat ta a, mautak hmun hlang a ni bawk a, an zo hma ngei mai.
.
CAR HAL THU
Khatih lai kha Mizorama thlawhna tumhmun awm hma lawk kha a ni a. Kan milian ho thlawk duh pawh Silchar-ah an chhuk zel a ngai a.
.
Lo hal hun tawhah Minister pakhat Delhi kal tur kha a car leh pilot motorin Silcharah an zuk dah a. An haw lam chu Minister car kha a chesual palh ta a. Mi Bumro ho vahchapah tak mai chuan a lum lut hlauh mai a. Driver chauh a chuang a, a na lo an ti. Keini chuan hriat pawh kan lo hre ve lova. Mi Bumro ho erawh kha chuan an lo hre vek a lo nia!
.
VC Tlangau a rawn au ta a, “Naktukah lo hal vek tur a ni,” tiin.
.
Kan Bumro Pathumte khan an vahchapa Minister car chu an han hal hnan hmiah mai a!!
.
A hnua kan hriat leh dan chuan VCP kha Police lamin Minister car tlakna laia mite kha hal ve rih lo turin an lo hriattir a. VCP khan Tlangaupa kha zinga The Bumro ho hrilh turin a tir a. Tlangau zing zu chhim hmasa khan a lo chahthlaksan pek a ni awm e.
.
HAND CUFFED
Zana kan ina an lo leng khawm, an lo hal chanchin ka pa hnena an report mek lai chuan Aizawl lam Police an rawn lang ta thut mai! “Minister car in hal vangin man in ni.” Kutkawl an buntir ta hmiah hmiah mai a. A hrilhhaithlak ngei mai.
.
Bumro ho thlabar khan ka pa chu beisei nei tih hriat reng hian an en thin a, tih theih a awm si lo. Ka pa chuan, “Hlauthawng suh u, naktukah ka rawn chho ve ang. Lo inhau hauh suh ang che u. In inhauh chuan in lo hal sa saw midang ka pe daih ang,” a ti a. Police chuan an hruai ta a.
.
Chumi zan chuan ka pa kha a muhil miah lovin ka hria.
.
A tuka ka pa kal tur chu zui ve ka tum ruh ngei mai, ka pa pawn a phal. Ka hriat loh hlan khan Bumro ho chu ka lo hmangaih ve hman em a lo ni! Bakah, Aizawl OC chu ka hmel hriat a ni tlat! A fapate nen sikulah pawl khatah kan thu hova, an inah pawh ka leng fo; amah paw’n min hria.
.
A tukah chuan ka pa nen Aizawl kan pan ve ta vang vang a. Thana kan pan ding nghal a. OC chuan kei min hmu chu a lo fel ngang mai. Ka pa nen chuan an mi mante chungchang kan sawi nghal zung zung a. Ka pa ai mah khan ka sawi thiam zawk a. Mi pangngai an phak lo dan te, khawtuala mite endawng leh hmuhsit an nih dante, an thiltih leh sawi thutak khuka kan khukpui ngai loh zia te kan sawi a. An chungah hremna nep ber lekkawh sak turin kan ngen bawk a.
.
OC chu a ngawi vung vung a. “A nih chu a. Keimah ngeiin kan bia ang e, nangni pawh lo awm ve rawh u,” a ti ta a. A hote chu a mal mala rawn hruai lut turin a ti a.
.
Pa Ruaia : An rawn hruai lut chu a zam lo tih leh a thil tawn chu ek tlukah pawh a ngai lo tih hi a hriat reng mai. A hawi vulh vulh mai a ni.
OC chuan an zawt ta a.
.
“Engatinge Minister car in hal mai?”
.
“Engahnge kan hal loh ang? VC ten hal tur an tia lawm!!”

Ka pa nen kan lo nui a. OC pawh a nui suk mai!
.
OC chu a ngawi leh vung vung a, “Hruai chhuak u la, a dang rawn hruai leh rawh u,” a ti ta ngawt a.
.
Pa Bela : A sunglass hring lian pui mai vuah chungin a rawn lut ngulh ngulh mai a, zam lo tak a ni.
.
OC chuan, “Car chu engtia han hal hnan ngawt nge maw in nih le?”
.
Pa Bela lah chuan, “Ka bialnu chauh lo chu engmah dang ka ngaihtuah lo,” a’n ti teh daih a nih chu!
.
“Tunge i bialnu chu?”
.
“Ziki khu mawle, i hre nange? Hmeithai Ziki.”
.
“In innei dawn em?”
.
“Ka hausak veleh kan innei dawn,”
.
OC chuan hruai chhuak turin a ti leh a.
.
Pa Ngaia : Mak tih hmel deuhin a lo lut a. Ka pa nena min han hmu chu min kawk a, a nui ta vak vak mai a.
.
OC – Engatinge car in hal hnan mai?
.
Pa Bela – A ho e a. Ka vahchap a mi pawh a ni hleinem. Ruaia vahchap a lawm. Bakah enge a rawn lum ngawt teh ei.
.
OC chuan a hruai chhuahtir leh a. Police arsi bel pakhat a ko a. “Engmah kan ang dawn chuang lo, man loh tur tur kan lo man mai mai a ni. Khang mi pathumte kha chhuah tawp mai rawh u,” a ti ta a. Ka pa nen chuan kan va lawm tak em!! Ka pa phei chu a tap lo chauh a ni.
.
HLOH CHU HLAWKNA
Aizawl atang chuan kan hruai haw nghal a. Tlaiah kan inah chaw an ei nghal a. Ka pa chuan, “In han inhau pek em?” a ti a. Pa Bela chuan, “Teh nang aw… Rip chhungah khan Ngaia khan Police zawhna kha a chhang duh lova, pakhat khan vuak a tum a. Ruaia khan, ‘Han vaw vaih teh i chak lovang,’ a lo ti a. Kei pawh ka ngei a, vua se chu a ring kha ka elh tliak ang ka ti deuh a,” a ti a.
.
Ka pa chuan a chil a lem khawlh a. A lawm lutuk chu a hnuk a ulh tih ka hre mai a. A thiante pathum chuan inchhan nachang te an lo hre ve ta si a. Ka nu chuan, “In tang chhuak lawm nan naktukah ka arpui tui lai ka talh ang a, in rawn ei leh dawn nia,” a ti a. An va han hlim tak em!! Heta an hlim hmel tluka hmuhnawm hi kan chhungkaw tan chuan a awm thei chuang lo a ni.
.
Sorkarin car pakhat a chan a, keini’n The Bumro Trio thar kan chhar ve thung a ni. Pem pawh ni ila ka pa hlauhthawn ruk thin chu a thleng lo maithei a ni. Sorkar hloh chu kan tan hlawkna a lo ni ta si a. Ka pa khan a beisei loh lam atangin a thawh hlawh a hmu a ni. Chu hlawh chu sum a ni lova, ropuina leh chawimawina a ni hek lo.
.
Kei pawh keima tawkah ka thaw a lo veng ve em em a. Heta tang chiah hian a ni hmingthan leh fak beisei chuang lova thawh hi a hlawkzia ka hriat ve tak ni. Hei hi Siamtu duh dan pawh a ni ngei ang. Ka pa thiante pawh faina kawngah te, silhfenahte leh eizawnnaahte hma an sawn ngei awm si a. Sorkar paw’n kan chhiah pek khawm atangin car thar a lei leh thei mai ang chu.
~~~~~~~~

Aside | Posted on by | Tagged , | Leave a comment

MIHRING NUNNA CHHANHIM THIN TU RAMSA/RANSA TE

✒ Kum 2007 khan California ah kum 24 mi Todd Endris chuan tuipui ah surfing a ti a, thawklehkhat ah shark lianpui feet 15 vel zeta sei chuan a rawn bei a. A ke ah seh sakin amah pawh hian thi tawh turah a inngai hman a, mahse dolphin rual an rawn lang thut mai a, Endris a chu an hual a, shark in a beih theih loh nan hum tlatin Endris a nunna an chhan him sak ta a ni.

✒ Scotland rama loneimi nu pakhat Fiona-i chuan ran a vulh teuh mai a, a bawng pawn no a nei ve a, a no en thlithlai paha a khawih lai chuan bawngpui chuan a rawn bei nghal mai a. Fiona-i chu tai thlu in a chil zui chiam a, a au thawm leh tanpuitu a ko thawm chu a sakawr Kerry ti a a koh chuan lo hria in a rawn tlan phei nghal a. Bawng pui chu theihtawpin alo kheng a, hetihlai hian Fiona-i chu alo insaseng hman ta a ni.

✒ Colombia ah chhungkaw pakhat chuan intihhlim nan ramhnuai ah an camp a. An chhungkaw pa ber chuan an fate pathum chu motor a phur in a lenkualpui a, chinghne rual chu hnim kar atang an rawn lang thut a, naupang ho chu rawn seh an tum ta mai a. Mahse an ui hruai Rottweiler thlah pawlh chu a rawn tlan nghal vat a, chinghne rual chu a mal beih ta a, an pa ber chuan suahdur nen chinghnia ho chu a um darh thei ta hram a ni.

✒ England rama cheng Simon a chuan sazupui a vulh a, amah hi zunthlum nei a ni. Tum khat thuthleng seia a mu chu nikhawhrelovin a awm der mai a, an nu Victoria-i chuan a tirah phei chuan a muhil satliah emaw tiin a uksak lem lo. Mahse an sazupui vulh in Simona hmui a liah a liah pawha a harh theih tak lovah chuan a zunthlum a chhuak a ni tih a hre ta a, doctor te kovin Simona nunna chu an chhanhim theih phah ta a ni. He sazupui hi Rabbit Welfare Association ah honorary membership pek zui a ni.

✒ Kum 1996 a thil thleng pawh hi mipui te bengkawn zawng tak a ni. Naupang kum 3 mi chu a nu in sahuan ah a hruai a, naupang tih takah a nu hnen atang chuan a kal hrang a, Gorilla an dahna ah chuan a tla palh a. Kum 8 a upa Gorilla Binti tiha an phuah chuan lo chharin Gorilla dang lakah a veng tlat a, sahuan neitute hnenah va kalin him takin ava pe leh a ni. He nau hi a tlak thlak hian nikhaw hre lovin a awm nghal a, Gorilla Binti hi no enkawl lai nei niin a no thla 17 a upa chu a pua a, naupang te hi nausen angin a awi thung a ni.

✒ China rama diving contest an huaihawt tum chuan Yang Yun chu a tel ve a, tuipui ah he contest hi buatsaih niin Yang Hun hian tui a hleuh laiin a ke a na vak mai a, a chet theih tak lovah chuan a pil tan chu a ni der mai. Tuipui ah feet engemawzat a pil hnu chuan a hnuai atanga rawn dawm kang tu a awm tih a hria a, Whale pakhat hian boruak ah rawn nawr chhovin vaukam ah a rawn nawr chhuak a ni.

✒ Mizo te hi chuan vawk hi zilh fin theih ah kan ruat meuh lo, mahse thil an lo hre thiam ve thei khawp mai. Pennsylvania a cheng Jo Arm Alsman chuan ui ang chiah in vawk hi a vulh a. Tuk khat chu a lung lam thalo a chhuak thut a, a chhungte tumah an awm bawk si lova, chhuat ah chuan a tlu ta reng mai a. An vawk vulh chuan a hmuh veleh pawnah tlanchhuakin kawngpui ah motor an rawn tlan veleh alo mu tawp zel a, driver thenkhat in an hel a, thenkhat in an hnawt thung a. Hetihian minute 45 zet a tih hnuah driver pakhat chuan engemaw tak a thleng a nih ringin vawk chu ava enchiang a, vawk chu in chhungah tlan lutin driver pawh chuan a zui ve zel a. Chutah chuan chhuata Alsmana lo tlu reng chu hmuin ambulance a ko ta nghal a, Alsman a nunna chu an chhanhim theih phah ta a ni.

✒ New Zealand tuipui kam ah chuan Rob Howes (life guard) chuan mipui chawlh lai chuan a fanu Nicey leh a thiante pahnih chu hruaiin tuipui ah chuan an in chiah dai a, thawklehkhatah dolphin rual hian an rawn hual thut mai a. Tal chhuah han tum teh mahse dolphin zinga a lian deuh pahnih chuan an phal tlat lova, Rob-a chu a han hawi deuh a, a piah lawkah shark lianpui chuan rawn beih a tum tih a hmu ta a. Shark lakah chuan dolphin ho hian an veng tlat a, hetia minute 40 vel an ven hnu hian shark pawh chuan a beidawnsan ve ta a ni.

✒ Ethiopia rama thil thleng pawh hi a mak khawp mai. Misual pali chuan thingtlang naupang kum 12 mi lek chu ru bovin ramhnuai ah kar khat lai an man (pawngsual) tawh a. Tum khat chu an rin loh tak maiin sakeibaknei rual an rawn lang thut a, heng misual ho hi baklengin an tlanchhia a, he hmeichhe naupang hi police in an rawn chhan hma chuan sakeibaknei rual ho chuan an awmpui ve reng a. Police te hian misual ho pawh hi an man a, naupang hi an khua atanga km 560 laia hla ah an hmu a ni.

✒ Columbia rama mipa naupang chuan ui thla 18 leka upa a vulh a, khaw daifem deuh ah awmin tum khat chuan an in bul maia a infiam lai chu keite hian a rawn bei thut mai a. Chutah a ui vulh Angel tiha an koh chuan a pu (naupang) chu a rawn chhan nghal a, keite nena an insual lai hian Austin a chu inah tlanlutin tanpuitu dang an kova, he keite hi an that thei ta a ni. An ui Angel pawh chu enkawl nghal niin a dam chak hle a, lawmman atan sa thahnem tham tak pek a ni.

✒ Vaki pawh hi an lo tangkai khawp mai. Meagan-i chuan a roommate fanu kum hnih mi lek chu a lo awm hrih a. Rawng a bawl hlan chuan an vaki chu a rawn te ta vak vak mai a, “Ka nu, naute, ka nu, naute” tiin a hram chiam mai a. An vaki Willie ti a an koh hian tawng thiam nual mahse hetihian vawi khat mah ala tawng ngailoh avangin Meagani ngaih chu a tha lo riau mai a, naute ava en chuan a thil ei lai chu lo hakin alo thi lo chauh tawh a, midang punin he naute nunna hi an chhanhim thei ta hlauh a ni.

✒ Kum 2002 khan Australia rama kum 78 mi Noel Osbourne chu an huana khur awmah a tla palh a, a kawng ruh ti tliakin hetah hian ni 5 zet chu a awm a. A chhungten an rawn hmuh hma chuan an kel vulh lai Mandy ti a an koh chuan hnute tui alo pe thin a, zanah a theih ang angin alo mut lumpui ve bawk a ni.

✒ 2007 kuma thil thleng a ni. Keeslingi chu an zawhte Winnie i chuan zanlai ah a rawn ti harh a. An tui pump chhia atang chuan boruak chhia (carbon monoxide) rawn chhuak chu an zawhte chuan alo hre hmasa ber a. Keesling in a pasal a va en chuan a fapa nen boruak chhia vang chuan nikhawhrelovin an lo awm reng tawh hi alo nia. A rang a rangin 911 a ko a, a pasal leh a fapa nunna an chhanhim theih phah a ni.

✒ Italy rama lawng khalh thin (sailor) fapa David Ceci kum 14 mi chu a pa lawng khalh lai atang a tla thla a. A tla lai hi tuman an hmu lova, ani tui hleuh thiam bawk silo chu a pil ti tih ta mai a. Chutah Dolphin Filipo ti a an koh thin chuan lo hmuin Davida chu a hnar hmangin a dawm kang a, lawng khalh tute hmuh theih turin lawng hma lamah ava pu phei ta a ni.

✒ Brenda Owen-i leh a ui Penny chuan tlai dang ang bawkin an khaw daifem velah chuan an va insawizawi a. An khaw dil lar tak an va then chuan dil kama wheelchair let reng chu an hmu a. Owen-i chu a han hawizau deuha, dil ah chuan nu pakhat ke thalo hi alo tla reng chu niin, a ui Penny hnen ah chuan va chhan turin a ti nghal a. Penny chu tui ah zuang lutin tui tla chu a theih ang angin a rawn pawtchhuat ve a. Vaukam ah thaw te an han pe a, tha takin a rawn tawngchhuak leh thei ta a ni.

Aside | Posted on by | Tagged , , | Leave a comment

CHANCHIN DANGDAI LAWRKHAWM

1. Mihringte hian kan lungngaih vangin emaw, kan ­natna avanga kan mittui a tlak hian mit veilam atangin a chhuak hmasa zawk a. Hlimna avanga mittui tla erawhchu mit dinglam atangin a chhuak hmasa zawk thin.

2. Khuai (bee) te hi an inpawl hian a pate’n a vawrtawp (climax) an thlen chiah hian an sazu mu hi a puakkeh ta thin a, hei vang hian khuai pate hi an inpawl apiangin an thi ziah tihna a nih chu. Ka hlauhzawng tak a ni.

3. American flag-a 50- Star hi Ohio High school naupang pakhatin an project a tana a designed a ni a. Chutih laia an zirtirtu chuan B- a lo pe thawr a, mahse; hei tun thleng chuan an la hmang zel chu a nih hi maw!!

4. Coca Cola hian ramtin deuh thawh a fangchhuak a, mahse; Khawvel ram hrang hrang zingah Coca Cola lakluh emaw, zawrhemaw khap tlatna ram pahnih a awm a, chu chu, North Korea leh Cuba te an ni.

5. Kan ke sei zawng hi kan banrek atanga kiu nen hian a inchen chiah a. Tin, kan kutzungpui leh kan hnar hi a inchen chiah bawk a, kan kutzungchal leh hmui pawh hi a inchen leh chiah bawk an tih tlat pek chu!!Han teh ve ta che!!

6. Hmeichhia regular taka lipstick inhnawih thin te hian an damchhungin chawhrualin lipstick kg 3 vel an inhnawih ral thin an ti bawk.

7. Dawnfawh, (watermelon) 92 percent lai tui awmna hi a lo chhuahna tak chu Kalahari Desert a ni teh daih.8. Pakistan rama khua leh tui te Identity Card ah chuan Sex tih zawna tick turin Male/Female ringawt awm lovin mi laklawhho tick-na tur an dah tel tlat nia mawle. Hmun 3 ah tick tur a awmtihna nih chu.

9. Denmark-rama nupa tuakkhat Anette-i leh Kenneth Lund-a te chuan kum 2008 khan ni khat chhungin vawi li teh tawp mai an innei nawn tluk tluk mai! Tin, kum tina vawikhat tal inneih an tum dawn thu an la sawi zui cheu bawk.

10. Mizo A Aw B lampum fiamthu in an sawi thin. A Aw B = AiAwt Bawm kan tih fiamthu thin hi A B C ah chuan A B C= Always Be Cool an ti ve tlat.

11. Spain-rama ui pakhat chuan a pu boralna damdawiin kawtah kum 7 chhung teh meuh mai a pu a la nghak ta reng. He ui hi a pu mitdel leh diabetes nei chuan amah puitu ber atana a hman thin a ni a, damdawiina hruai thintu pawh a ni. Tuk khat chu damdawiinah lungphu chawlin a pu hi a boral ta hlauh mai a, mahse, he ui hian haw zai reng a rel duh chuang lo. A pu a nghahna thin damdawiin kawtah chuan a awm ta char char mai a ni awm e. A vela chengte hovin he ui rinawm tak hi chaw an lo pe thin a ni.

12. Khawvel ram hrang hrang zingah Philippines ram Flag hi zar dan tih danglam thin awmchhun a ni. He ram flag hi a pawl leh a sen inpawlh a ni a. Ralmuan lai chuan a pawl chu chunglam ah an dah a, indo lai chuan a sen chung lamah a awm ve thung.

13. Romeo Adrales-a, kum 33 mi chuan, a lumehtir chu fiamthu thawh nana a thiante’n an lo hmansak avanga thinurin a lumettupa, Bonifacio Delgado-a chu va panin a kaphlum riap mai! Tanina an kawmnaah chuan heti hian a sawi zui nghe nghe. “Ka lu meh dan hi ka thiante hovin an lo nuihsawh avangin ka thin a rim a, he thil hi ka tih phah ta a ni,” a ti. “Tin, tun hi vawi hnih tawp min meh sualsakna a lo ni ve tawhreng reng bawk,” tiin a sawi zui bawk. (A thu chhuak a rum el awl kher mai)..

14. Thu ziaktu lar tak George Bernard Shaw kha kum 29 anih laiin hmeithai pakhat lakah a chesual ve khauh mai a. A thiltihah a inchhir viau nge ni kum 15 chhung zet chu mipat hmeichhiatna lamah a inhman zui loh phah hial a ni.

15. Buenos Aires-a nu pakhat chuan, a pasal irhfiak reh thei lo chu hmaikawr vuahin, a irhfiak tihrehsak tumin a va barakhaih ve teh ngawt a, a tisual chiang hle mai. An pa, Nestor Lutz, kum 48 mi chuan misual ni turah ngaiin chemte-in a lo vithlum siah mai a ni awm e. Nestor-a hi police hnenah a inpe zui nghal a ni. A pasal irhfiak tihreh a tumna lamah a nunna a chan ta a ni.

16. Waldoboro, Maine-a mipa phir, Gary Nisbet leh Randy Joubert-a, an sen laia lak hrana awm te chu kum 55 hnuah an intawng leh teh nawlh mai. Randy Joubert-a hian a unaupa hnathawhna hmun tak kawr zawrhna dawrah chuan va thawk ve chatin, chutah chuan an inchhar leh ta a ni. Unau an ni tih hi aninhre nghal mai bik lo va, an inhmuh hlim chuan an hmel leh pianzia a inan em avangin an innuih tawn vel mai mai a, mahse,a hnua an chanchin an han chhui chian nak chuan phir an lo ni reng tih an hmuchhuak ta hlawl mai a ni.

17. Puithuna thil leh hmanlai ngaihdan hlui avangin ram țhenkhatah chuan nunna chan phahtu an la awm reng mai. Ivory Coast-a mipa zahmawh (penis) dawi tê thina puh dawithiam pasarihte chu khawtlangin an sawisak rawn hrep hnuah a nung chungin a rualin an hal hlum phiar mai a ni. Uganda te, Kenya te leh Ivory Coast-ahte chuan heng thil hi a la hluar viau mai.

18. Kum 1934-a US-a bank rawk thubuaia an man, John Dillenger-a pistol tê chi, .41 calibre chu kum 2009 khan an lilama, mi pakhatin $95,600 teh meuh maiin a lo khul chhuak. He silai hi Dillinger-a, Tucson, Arizona-a an man tumin a mawzaaha lo pai a ni.

19. An uite-te an morning walk-puina lama inchhar, Harriet-i leh Andrew Hathay-a, Dorset (England)-a chengte chuan an inkutsuihin an uite-te ve ve chu mothianah an hmang teh mauh mai.

20. Japan khawpui Tokyo-a school pakhatah chuan zirtirtu robot an nei mauh mai. He robot a hming Saya tia an sak chu mihring pangngai ang thei ber tura a hmel leh pianzia pawh duan a ni a. Mihring tak ang maiin lungngai hmel te, lawm hmel te, thinur hmel te, hlau hmel etc a pu ve thei thlap bawk. Hei chang ni lovinzirtirtu tak ang maiin zawhna leh chhanate pawh a siam thiam ve vek a, tawng chi hrang eng emaw zat a thiam tel nghe nghe a ni.

21. Antartica-a tlang panga vurtawlh zawng zawng zingah khuan penguin ho zun 3 percent zet a tel ve tlat nia!!

22. Romania police-te saw an remhre riau. Romania, Sibui County-a police-te chuan motor khalh chak lutuk tur ven nan an khawpui motor kawngpui sirah police car lem lehkhakhawnga siam chu an dah thluah thin a. Motor khalhtute’n police motor tak tak turah ngaiin an khalh fimkhur phah thin fo thin a ni.

23. Coventry, England-a nupa pakhat, Paul leh Val Howskin te chuan an thenrual thate engemaw zat sawmin an fridge kum 50 tlinna champha lawmna an buatsaih mauh mai. An fridge kum 50 a hman tawh chu chhe hauh lova kum 50 an hmantlin tak avanga buatsaih a ni ber.

24. Northern Portugal-a jail tang pakhat tlanchhuak chu kum 16teh meuh mai an zawn hlawhchham hnuah kum 2009 khan an man ve ta hlawl a. Heng hun chhung zawng hian puk pakhatah alo khawsa reng thin chu lo niin, inhnemhnan nan theirah a ei thin a ni. A sam leh hmuihmulte chu a lo sei hman tawh hle a, a kawrte lah chu a hlui chhiat tawh em avangin a lo tet hniang hnuang bawk a. Police-te pawh hian an hmuh hlim chuan an hai hial reng a ni. (A mantute hian thla an lakpui ve chiam kher lo.)

25. Ukraine police-te chuan thawmhnaw dawr rawktu pakhat chu a thil ruk nen an man a. An man hian a thawmhnaw ruk chhuah ho, kekawrte 30, tracksuit 4 leh kekawrtlawn 6 te chu a lohak thuah hlawm hem mai.

26. Kum 2009-a Hillary Clinton-in Kenya a tlawh tum khan Nairobi councillor pawh lo ni ve tawh thin, Godwin Chepkurgor, kum 39 mi chuan a fanu Chelsea-i chu nupui atan neih lo dilin a man atan bawng 20 leh kel 40 a hlan teh mauh mai bawk.

27. Cambodia-a nupa pakhat inthente chu an fair dun hle mai. An nupaa an thil neih hote chu an inzah sem vek mai bakah an chen dunna in pawh a zahve chiah chiahah phel phawkin an insem leh zel a ni. An nu chuan a in chan phel chu a awmna ngaiah a luah chhunzawm a, a pasal chuan hmunram dangah a suan phei ve thung.

28. Rajasthan-a mi, Dhanna Rama chuan kum 1988-a a pa a boral atangin a hmuihmul a la zuah ta reng a, kum 2009 a lo inher chhuah meuh chuan feet 4 1/2 zeta sei a ni der tawh. Dhana Rama hian mi hriat hlawh duh vang leh record break-na tur atana a hmuihmul hi zuah a ni lo va, feet 61/2 zeta sei hmuihmulnei, a pa Karma Ram Bheel-a hriatreng nan a zuah a ni.

29. Myanmar, Pago Div-a naupang pakhat Htetswe leh an venga hmeichhe naupang Mayțin chuan piangnawn niin an insawi a, Japan ral laia thi niin an insawi mauh mai. An phumna thlan thlengin an sawi dik tlat mai a, an nulat tlangval laia inngaizawng nia an insawi avangin an chhungte ve ve remtihnain an innei ta a ni.

30. Switzerland-a thingtlang khaw pakhat, Cheiry-a farm pakhatah chuan bawng hnar kaw pathum nei a awm teh mauh mai a, he bawng hian a khawchhunga mite lawm a hlawh em avangin a neitupa Urs Herrmann-a chuan hralh chhuah tura a bawng dang ho a khungkhawmnaah pawh dah phal lovin a chenna tur in a hran hlakin a siamsak nghe nghe a ni.

31. Kan pumpui chhungah hian thil tuihnang tha tak, kar hnih dana a thar a inthlak reng a awm a, he tuihnang hi chu awm lo se kan taksa a acid hian kan pumpui hi a eichhe vek ang.

32. The Guinness Book of Records hian record lehchhawng a siam a, chu chu, Public Libraries atanga lehkhabu ruk chhuah hnem ber a ni.

33. Bak (bat) kan tih te hi an puk atanga an rawn thlawhchhuah hian vei lamah zel an kawi hmasa an tih tlat chu!!

Aside | Posted on by | Tagged , , , , , , , , , | Leave a comment

Rio Olympic Gymnastic ah Chesual, Said a ke a tliak

  • France Gymnast Said Broke his leg

Nizan khan Samir Ait Said (France) chuan gymnastic ah a ke a titliak hlauh a, a invawrh vir a, a tum turin rap sualin a tliak a, TV ah pawh a ri a hriat theih hial. A tan Olympic a tawp ta der mai.

A hma lawk hian Andreas Toba, Germany pawhin a khup a ti na a, pommel horse (thingsakawr chunga vir kual) a ti thei tawk a, medical treatment la turin a chhuak nghal a, hemi hnu lawk ah Said hi chesualin a ke a ti tliak ta a ni.

Nizan chu gymnastic lamah tum sual, zuang sual, invawrh diklo an awm nual mai a, Israel gymnast pakhat pawh a tum sual a, a bai deuh a, competition a ti zui thei thung. Korea leh Japan gymnast te pawh an tla fuh lova, chhuat ah an thal tawp tawp a, hliam na tak an nei lo hlauh.

Horizontal bar a tha ber nia ngaih Japan gymnast Uchimura pawh horizontal bar ah a chesual a, thum dawt khawpin a tla a. A invawrh vir in a man fuh tawk lova, zangthal zawngin a tla

Aside | Posted on by | Tagged , , , , , | Leave a comment

Principal Secretary hnena Open letter – Jail inenkawl dan enfiah tura ngenna

  • Central jail inenkawlna diklo
  • central jail chungchang open letter

To.
The principal Secretary.Home Department,Goverment of Mizoram.
Aizawl mizoram.

Subject:- PRISONS DEPARTMENT ENFIAH TUR LEH SIAMTHA TURA NGENNA LEH RAWT NA.

Ka pi,
Ihnena ka thu rawn thlen hi khawngaih taka minlo bawhzui saka,atheihanga hma min lak sak nghal turin kan ngen ache.

I department hnuai a prison department ah hian thil diklo leh fel lo siam that ngai tamtak a awma.he department hi en chian a siam that anih theih nan.thil fello lo awmtheih dan thenkhat ka rawn tar lan te hi min en fiah saka tuna siam that nghal theihchu min siam that sak nghal turin kan ngen ache.

RATION CHUNGCHANG:- prisoners tehi chi thum (1)Rigorous inprisonment (2)simple inprisonment
(3)undertrial Prisoner ah te then an niin.heng te hi ration scale in anglo an ni a.Eg.Buhfai R.I. in 600gms.S.I/U.T.P. 540gms per day Atta R.I. 90gms S.I/UTP 60gms above per day Dal R.I. 60gms S.I/UTP 45gms above per day Sahbawn R.I. in 120gms S.I/UTP. 40gms above per week. etc.etc.Tichuan heng hi an ration scale in thlauh dan tlangpui anih laiin prisoners 40% R.I leh.S.I. leh UTP te hi minimum(S.I/UTP)scale ang vek in ration hi pek an ni a. Tin sa(meat)hi 200gms(per person)(with 10% born allownce)an scale a nih lai leh kar khat a vawihnih 100gms 100gms dawng tur an nih laiin vawikhat saturday ahchiah an dawnga. Tum 4 an sa dawn hi an buk tawh a 80gms(per week) chauh zel an dawng thin a ni.

He mi finfiah tur chuan saturday 1:00pm ah surprise audit neih nise hriat theih a ni ang.

Tin bathing soap bikah hian 25gms(per one person)chiah pek thin an ni a.washing soap hi one ball per tenperson(40gms)perweek an dawng bawk a ni.

(a)Thing(fire wood)— hei hi 1350gms(per men)a ni in hriat a ni a.tichuan mi 600 tan nikhat ah 8qtls per day a nih laiin 7qtls pekthin an ni a.kum 2015 christmass lai phei kha chuan thing hi an ration hralh in an in lei chawp hial a ni.

(b)Tui(water) — hei hi nikhat ah R.I in 30ltrs leh S.I/UTP in 15ltrs scale anih laiin everst in mihring 40/60 ah 500/600 ltrs bak dawn a ni ngai lo.(As 14ltrs per noe person)

(c) Hmarcha(chilly)— hi kar khat cghungin dawn loh ni atam hle bawk a. chi(salt)pawh hi chu tiang bawkin dawn loh ni an nei fo.

(d) Thei(fruit)— hi nitin dawng tur an nih laiin2015-2016 july thleng hian vawi 4-5 bak an dawng lo.

(e) Hmunphiah(swap)— hi 2014 atang khan jail tangten an account atangin an inlei vek tawh a ni.

(f) Bucket hi kum hnih(2)chhungin ward khat(50 person) tan pakhat pawh an dawng hman lova. mahni inlei chawp vek a ni bawk.

(g) Medical dite:-Damlo te leh taksa lama chak lo zual te enkawl na medical dite hi kum 3 chuangmah dawn a ni tawh ngailo.

(h) Contractor (supplier)in Godown a ration a rawn dah khawl hi.tangte ei tur a lak chhuah a nih dawn ah an buk thin a mahse kan dawn tur dawngkim angin record ni mahse kan dawng dik ngai lo. Uluk taka buk nawn ziah ni se ; chu tilo chuan a chhia emaw a lo pelhe thin a.a dawngtu tur ten an scale an hmu kim thin lo.sawrkar senso a gai reng tho si a.

(i) An thil dawn hi 2/3gms lek lek te a nih avangin Digital scale hman nise tuna an scale hman hi endik ni bawk se.

(j) Ration saved hi hralh thin a ni a.hei hi scale neitu mipui hnenah puan zar ani ngai lova, nitin saved zat leh hralh na hi.hralh a nih rual in puan thin ni rawh se.

(k) 2015 june-Aug vel a Buhfai bag 40 jailtangte ration bo kha sawrkar ah ahralh tu te hian an recover em?

(l) Sa ei ngailo te hnenah artui pek a ni thin a. vawksa hi Rs.250/- per kg a ni a.chu chu 100gms Rs.25/- tihna ani. tichuan mi pakhat in 200gms(Rs.50/-)an scale a nih laiin. Artui chu pa 4 nos (Rs.20/-)man chauh pek thin an ni a.chu ti a nih chuan Inrinni apianga mi pakhat chanai zela Rs.30/- zel chu khaw nge a awm?sawrkar senso a ngai reng si a.

2.GENERAL OFFICE.
He tah hian branch hrang hrang an awm a.a vaiin Asst jailer pa 5 awm tur an nih laiin.Asst jailer pakhat(MR)in a enkawl vek a ni.

(a) ISSUEING SECTION:
He tah hian lehkha lut leh chhuak te chhin chhiah thin a ni a.ni mahse la en let leh chhui let hleih theih a ni thin lo a ni.EG.date.4.5.2016 hian Hight court ah appeal na pali thawn a ni tih ang te a ziah luh a ni mai thin a.petitioner hming leh nihna te ziah lan a nih loh avangin.an lehkha te Issue a ni ngei em tih hriat theih a ni thin lo va,hei hian harsat na tam tak a siam a ni.

(b) PRISON BRANCH:
He tah hian prisionerste profile leh thil dang tam tak khawih a ni a.hei hi Asst jailer pakhat(MR)hian a thutChilh a.prisioners te appeal na emaw.remmision dilna emaw.complaint na ect. te chu prison branch hi kal tlang tir vek a ni a.chu tih rualchuan a khawihtu Asst jailer in aduhsak zawng te atlang tir duh chauh lo chu lehkha hi a kal tlang ngai lova.dustbin ah chhar tur a awm fo thin a ni.EG.june.2016 a Hight court a appeal na tur Industry worker pakhat pettion chu tlang tir a ni lova.Asst jailer hnenah Rs.300/-a pek hnu ah forward a ni chauh a.tin R.I. Convicted pakhat 7-ward-D. a mi pettion pawh forward na man Rs.200/-achawi hnu ah chauh kal tir a ni.

(c) ACCOUNT BRANCH:
Hei pawh hi Asst jailer (MR) tho hian a khawih a. ama tan a chanvo(shave)a awmloh chuan pawisa dahluh leh transfer tak nghial pawh a theih thin lo a ni.
EG. june.2016 vel khan malsawma 6-ward-A. Leader chu a nau vin a chhuah huna a hman tur mobile phone leh pawisa Rs.1000/- office(account)ah dahsak a tum chu”Nangni tan hun kan neilo”ti a chhangin phal sak a ni lo a. pawn lam mi ten prisioner te account a duhsak na a thil pek rawn dah an tum te lo phal sak loh kha a nih dan tur a ni reng em?

(d) pettion reng reng hi Asst jailer hnen a pawisa pe vetheilo te chu nasa taka tih khawtlai an ni a, paih bo sak hi a tam zawk an ni thin a ni.

(e) Hei chu ka chiang ngamlo na in mahse ka lo hriat ve dan anih avangin kan lo tar lang ve tho ang e..

Indent leh ration bill zawng zawng siam tu chu Asst jailer hi a nih avangin tangte hian harsat na namen lo an tawk renga.mahse nalh taka ziah bo a ni thin a ni.
EG. Nikum 2015.Nov. thla a Dal an dawn loh te.thei leh hmarcha an dawn loh zawngzawng hi sawrkar senso a pangngai reng tho si a, tu nge a bill hi la ta ang le? Tin an petition ziah na tur hi an mahni an in tum bakah office copy tur Department machine hmanga an xexox hian Rs.50-200/- thleng te prisioner ten an chawi thin a ni. Chuvangin Asst jailer (MR)private Car a office kal par par theihna hi jail tangte ration leh an petition forward sak na man te.an facilities an hmuh si loh te a vang hi a ni thei ang em?bill zawng zawng hi a ma siam vek ni in an sawi si a. Chuvangin hei hi zawhna awm tak pawh ni in a lang.

3. PRISIONER TE DAN BAWHCHHIAT NA.
(a) jail chhunga phal loh thil .EG. Zu rui, Ganja leh mobile phone man tur awm fo hi a chhan a awm ngei nia rin a ni a. mithen khat ten an thil neih pawh dahluh an harsat laiin.thenkhat prisioner ni ve tho si.office atanga pawisa duh zat zat la lut thei an awm vangte hi a ni thei ang em?chu vangin jail a phal loh thil luhna a mawh phur tu chu pawisa pe lut tu a/c incharge hi a ni.

jail chhhungah ruihhlo lei tur aawm chuan prisioner te hian an account a pawisa te chu tu te emaw hnen ah 40% pungin an hralh a.
EG. A chuan B hnenah Rs.1000/- jail chhungah hian min pe la ka account a mi Rs.1700/- hi i account ah i transfer dawn nia” ati a.
Tichuan account khawih tu official tu emaw combine in ‘B’ chuan a lak luh sak thin a ni. he ti ang ti thin te chu an account(january-june-2016)atang’a-mi account an transfer na en in ahriat theih mai a ni.then khat chu an pawisa lak luh hi note number pawh hriat a ni. Rs.500/- note No JHU 907793 te ODS 679564 etc hei hi date 30-5-2016 ami mita hmuh ngei a ni.

(b) Prisioners te hian an right humhimtur leh an welfare ngaihtuah turin hun rei tak atang tawh khan prisioners welfare committee an din a office bearer pali(4) leh member 22 vel an awm a, hun eng emaw chen chu tha takin a function a.mahse tunah erawh chuan he pawl hi corruption thupna leh corruptioner an ni zo ta a ni. Atir a a kal phung chu tih danglam niin.prison department hi Home department hnuai a autonomaus Body leh manual hran neih ngai a nihna chu tan chhan ah hmangin, he N.G.O. hruai tu te hi India Dan pui kalh in an inthlan khap a ni a, jail official ten an duh duh an dah mai a ni. Tunah phei chuan an duh duh a an tih theih tur deuh hlir hruai tu ah an dah niin alang a, nihna pawh hi an inrochun ni hial in a lang bawk.

(c) tuna an G.S. pawh a thianpa G.S. chhuak ta nen a tangrual a jail tang ration Dal bag a a lei ni a sawi tu te pawh an awm a ni.

(h) Date.13-5-2016 khan O.B. pa 4 zinga pa 3 (Fin.secy. Tel lovin) te hi ration incharge. Lalduhawma hian pawisa an in sem tur a pe a , hei hi a ni warder constable mai hian engtin nge a sem theih? chhui chian ngei a ngai a ni. Fin.secy. atang hian chhui theih a nih ngei a beisei awm.

(i)heng mi te hi mahni dikna pawh hum ngam lo.nihna tlak hlau reng renga awm an nih avang leh an enkawl mipui thlan an nih loh avangin jail chhung in enkawl na administration leh Dicipline hi a fail ta vek a ni tih heng thil thleng 10% pawh tlinglo atang hian alang em em a ni.

(j)Nikum December.Ni.12.zanlai ah an G.S. mutna ah mobile phone ring an hria a.G.S. dawhkan(bawm) ah hian phone thukruk na(secret box) a awm a. Tichuan he phone hi 2016-march-thla vel khan pu.kungtea(warder) chuan vawk chaw chhum na In ah a man a.vawk enkawl tu hi an-kawl tir a ni. chu vangin action pawh la lovin vawkpu chu a post sawn in working ah dah ani a.tunah hian a ka hup nan ward leader ah Dah a ni leh ta bawk a ni.

(k) kum tir lam vek khan vawk chaw chhumna ah hian jail Dan phal hauh lovin arsa tam tak(jail ration)chu O.B. ho hian an lo rep a. chu chu”suplier in min bonus a ni an ti a.eng vanga bonus nge a nih? a dik ngei em tih hriat pawh a ni lo a, a hmutu chu 2-ward-B. Leader leh mi dang then khat an ni, kan ration dawn a bonus 10% awm thin pawh tih tawp a ni an tih laiin!

(2) 2015-khan lalrempuia(tuna Bazar i/c) hian biakin pulpit hnuai ah mobile phone a chhar a, all controller hnenah a pek luh chu chhui zui a nilova.atawp na pawh hriat a ni lo. Biakin hi inkhawm lai lo chuan kalh tlat a ni a.chahbi chu (1-ward- O.B. ho awmna) ah chiah an kawl a midang an lut mai mai thei lo.

(3)2015.Oct.thla khan No.5-ward.B.a mi P.C.a.an tih chu No4 over dose avangin buaipui ngaiin a awm a.inquiry a kal lo.

(4)Sept.2016-khan Laibunga hnen atangin Ganja 400gms vel.No.4-ward.B.ah man a ni bawk.

(5)Jan.2016 khan No.2-ward.B. ah Abrahama hnen atangin Ganja 50gms vel man a ni bawk.

(6)Sept.2015 khan No.2-ward.B. ah No4. O.D.vangin buai na aawm leh bawk.

(7)june.2016 khan jail kitchen atangin mobile phone man a ni bawk.

(8)june.2016 vek khan No.2-ward.B.ah mobile phone man a ni leh nghal bawk .

(9)june.2016 vek hian No.4-ward.B.ah mobile phone man a ni zui zat a ni.
Heng thil then khat atang hian central jail aizawl in enkawl na ah hian thil fel lo in zep ru a awm ngeia ni a rinhlelh loh theih a nilo a ni. pawisa ber aluh theih chuan engkim chu awm thei tur a ni.market awm lovin business a awm thei lova.market awm tur chuan pawisa a awm ngei ngei a ngai a ni.chu vangin mizoram jail hi Dicipline leh Administretion leh Law and Order kawngah an fail let tawp niin a lang bawk a ni.

Heng thil hi ihnen rawn thlen a nih a vang hian Prisoner zinga thil dik duh tu te chu nasa taka rinhlelh leh tih duhdah leh nekchep an ni leh ngei ang.chu vangin an dikna chanvo hum halh tur hian ka rawn ngen nghal bawk che a ni. Prisioners te hi rilru dam lohna eng emaw neih vanga thil ti sual vek an ni a.accidentally a thil thleng chu tlemte a ni.chu vangin dam lo(patient)an nih avangin uluk taka enkawl ngai an ni a.vuak leh diriam leh vauna hian eng mah asiam tha ngai lo vang. chu vangin warder te hi C.T.I. ah training ngawt lovin.physicologist ten an training hi guide se atha in a rin awm. Heng jail tangte harsatna ka rawn thlen te hi tuna tih mai theih chin office function dan leh prisoners ten direct a officer te an hmuh theih dan tur te.inmates te in enkawl na(Administration)te hi tun atan chuan ngaih pawimawh masak ni se tih hi ka rawn ngen che a ni.thil tul ah chuan M-Cityhunter Facebook account ah zawh theih ka ni a.tin helehkha hi inmate te tih nilo-vin kum 7 chhunga ka hmuh leh hriat chian ngei thil te a ni tih ka rawn hriat tir bawk e.

Ka lawm e.

I rintlak.

M-CITYHUNTER
aizawl mizoram.

Copy to:-

The president
Public Right Information Society
mizoram(prism)
uper republic aizawl For information and nessecery action.

2:-The chairman Mizoram public service comission, aizawl for information and necessary action.

Aside | Posted on by | Tagged , , | Leave a comment

KHAWSIK EN DAN

  • khawsik hriat theih dan
  • BP check dan
  • BP awm dan tlangpui

Thermometer leh hmanraw dang tellova mi tupawh khawsik san lam i check duh chuan a hnuai a mi hi lo en la:

Mipa marphu hi engtiklai pawhin dinglamah zel check tur a ni a, hmeichhia chu veilamah check tur a ni.

Marphu (pulse) chu minute khatah 60-65 anih chuan a taksa lum lam ( a khawsik) chu 98° Fahrein heat a ni.
70 pulse chu 99°
80 Pulse chu 100°
90 Pulse = 101°
100 Pulse = 102°
110 Pulse = 103°
120 Pulse = 104°
130 Pulse = 105°
140 Pulse = 106°

Marphu chu 10 zel a a pun chuan mihring taksa lum dan pawh 10° zelin a pung ve a ni.

Raipuarin a pai lai naute pulse hi 140 atanga 150 vel a ni.

Marphu tha ber chu 70 atanga 74 hi a ni.

Kum tam dan azir a Blood Pressure check dan chu:
Raipuarlai BP leh a naulai BP hi a inang chiah a ni.
Nau piang hlim – kum5 ==81 / 45.
Kum 5 – 10==== 90 / 50.
Kum 10 -15 ====100 / 62 .
Kum 15 – 20 ==== 110 / 71 a ni.
Kum 20 atanga kum 30 inkar BP chu a sang lamah 120 leh a hniam lamah 80 a nia.
Kum 30 atanga kum 35 inkar BP chu a sang lamah 124 leh a hniam lamah 82 a nia.
Kum 35 atanga kum 40 inkar BP chu a sang lamah 126 leh a hniam lamah 83 a nia.
Kum 40 atanga kum 50 inkar BP chu a sang lamah 128 leh a hniam lamah 84 a nia.
Kum 50 atanga kum 60 inkar BP chu a sang lamah 132 leh a hniam lamah 86 a nia.
Kum 60 atanga kum 65 inkar BP chu a sang lamah 136 leh a hniam lamah 88 a nia.
Kum 65 atanga kum 80 inkar BP chu a sang lamah 140 leh a hniam lamah 90 a nia.
Kum 80 chunglam zawng chu BP chu a sang lamah 145 leh a hniam lamah 92 a ni.

Mi thenkhat BP ah chuan a sang lamah leh a hniam lamah hian +5 leh -5 a ni thei bawk a, mahse heihi buaina tham a tling hranlo a ni. 5 aia a tam emaw a tlem emaw a nih chuan Mihring chu damlo a ni thin.

Aside | Posted on by | Tagged , | Leave a comment

AIZAWL KHAWPUIAH FREE WIFI

AUTHOR : Vanneihthanga Vanchhawng On 3 August 2016

Information & Communication Technology (ICT) department hmalaknain Aizawl khawpuichhunga mobile tower awmna hmunah free wifi service daha ni dawn a, hei hi tun August 15 hma a hawn hman turin hmalakna kalpui mek a ni.

ICT dept a Chief Informatic Officer (CIO) Lalthlamuana hnen atanga thudawn danin, he ruahmanna hi ICT leh Aizawl DC in Mizoram a serivce provider hrang hrangte kokhawm a ruahmanna an siam a ni a, mobile tower a freewifi service dah hi service provider hrang hrangte pawhin tha an tih thu leh tower dahna in neitute chauh nilo, tower awmna chhehvel a awmte pawhin hamthatna an dawnna tur a ni dawn a ni.

CIO Lalthlamuana sawi danin, mobile tower a free wifi service dah tura ruahmanna siam a nih vang hian service provider hrang hrangte chuan mobile tower dahna tura harsatna an awh thin pawh a ziaawm phah an beisei a, tower dahna In neitute chauh nilo, a chhehvel a khawsa te pawhin hamthatna hi an dawn theih dawn avangin, tower bun belh zelna kawngah pawh hei hian harsatna tawh thin a tihziaawm theih service provider (BSNL, Airtel, Aircel etc)te chuan an beisei a ni.

He ruahmanna hi tun thla August 15 hma a hawn theih turin service provider hrang hrangte chuan tunah hian ruahmanna an kalpui mek ni a hriat a ni a, hemi chungchangah hian ICT CIO Lalthlamuana chuan, Mizoram a service provider hrang hrangte chu pilot project tala launch theih tura inpeih hman turin hriattir an nih thu sawiin, he ruahmanna kal mek hi peihfel a nih hunah chuan Aizawl khawpui chhunga mobile tower zawng zawngah free wifi service dah a ni ang a, tower bulhnai a khawsa ten hemi hamthatna hi an dawng thei dawn a ni.

Aside | Posted on by | Tagged , | Leave a comment

SCHOOL EDUCATION DEPARTMENT PHALNA NEILO TAN HOSTEL DIN PHAL A NI TAWH LO

  • hostel din dan tur
  • Mizoram hostel rules hman/siam tanni

Nimin August 5 chawhma dar 10:30 khan School Education Directorate Conference Hall-ah Mizoram School Hostel Infrastructure,Facilities and General Care of Students (Management) Rules 2016 chu Aizawl khawpui huamchhunga Hostel neitute hrilhfiahna hun hman a ni.

Hostel Rules hi School Education Director Pu K. Lalthawmmawia’n Power Presentation hmangin a hrilhfiah a, Hostel Rules hi Council of Minister-in Dt.29.03.2016 ah pawmpuiin Govt. Gazette-ah chhuah a ni a, Dt. 01.06.2016 atanga hman tan a ni. He Rules hian Class I atanga Class XII, School naupang 10 nei chin Hostel a huam a, hetah hian Hostel mal din leh School behchhan te an tel a, College zirlaite erawh chu a huam lo a ni.

Hostel Rules ang chuan Hostel nei turin December, 2016 ral hmain Hostel Managing Committee an din a ngai a, Managing Committee chu Hostel enkawlnaa mawhphurtu tur leh Hostel vilzuitu tur an ni. Hostel-a awm zirlaite Medical Record leh Academic Record te bakah an Moral leh Spiritual Guidance te pawh record tur a ni.

Director, School Education Department atanga Permission leh Recognition nei lote tan Hostel din phal a ni tawh lo va, Hostel lo din tawh sate chuan Permission leh Recognition te chu DEO kaltlangin Director-ah dil tur a ni a, kum 2 chhungin danin a phut te zawm tura beisei an ni. Permission an dil hnuah Provisional Recognition pek an ni ang a, kum 2 hnuah recognition chu pek leh an ni ang. Recognised Hostel te chu kum 2 hnuah an renew zel ang a, Recognised Hostel list chu Directorate-in a tichhuak thin ang.Hostel chu chhiatna leh vanduaina thlen theihna hmun; leimin hlauhawm, boruak bawlhhlawh leh lirthei tawtna hmunahte din loh tur a ni.

Hostelah te hian Study Room te, Dining Room te, Recreation Room te, Bathroom leh Toilet tha tak leh Dormitory tha takte a awm a ngai a, Kawngpui atanga panna tha tak a neih a ngaih bakah Mizoram chhunga mite chauhin an din thei dawn a, Hostel leh School a inhlat chuan naupangin School an pannaah Hostel neituten an hruai a ngai a ni.

Director, School Education-in Monitoring team a din ang a, an ni hian Hostel Permission leh Recognition neite hi tlawhin an endik thin dawn a ni.

Hostel Rules inhrilhriatna inkhawm, Pu K. Lalrintluanga, Addl. Director, School Education Department kaihhruaiah hian Hostelnei 80 chuang an kalkhawm a, chung zingah chuan Kohhran din Hostel te, School mal Hostel te, School mal behchhan lem lo te, Girls hostel te leh Boys hostel neitute an kal a ni.

Aside | Posted on by | Tagged , , , | Leave a comment