INTHLAN THLIRVELNA : 2013 ELECTION-A AN CHAKNA ZAT

Mizoram MLA General Election 2018 a hnai tual tual a, official candidate pawh a tam zawh chu puanfel a ni ta! Hetiang a nih mek lai hian chak ber tur inrinsiakna a nasa em em a, ram tana tha ber tur pawh hriatthiam a har hle.

Kum 2018 election thlirlawk tur chuan election hnuhnung ber, 2013 election chungchang engemawchen hriat ve a ngai a. Chuvangin, 2013 election a chak ta MLA-te chakna theuh pawh hriat ve a ngai a ni.

Mizoram MLA Election hnuhnung ber kha November 24, 2013-ah neih niin Congress leh ZNP an mal din a, MNF, MPC leh MDF-te chu an thawk ho thung. December 8-ah vote chhiar a ni a, result puan nghal a ni. Beisei phak bakin Congress an che tha a, MLA 34 an nei a, MNF-in MLA 5 neiin MPC-in pakhat an nei bawk. INC hian MLA 40-ah 34 neiin hneh takin sorkarna an siam a ni satliah lo a, vote tla zawng zawng atanga 44.63% hmuin anmahni hnaih bertu MNF hian 28.65% chauh an hmuh phak avangin hnehna nasa tak tih loh rual a ni lo.

Congress party candidate thenkhatte phei chuan an khingpuite hi vote sang telin an hneh a. Inhnehna nasa ber chu Tuichawng bialah thlengin INC Candidate BD Chakma chuan a khingpui MNF candidate RM Chakma chu vote 8726 zetin a hneh a. An inhnehna zat, vote 8726 hmu pha hi Mizoram pumah MLA pahnih chiah an awm a ni. Tin, Tuichawng constituency hi 2013 election a Mizoram a vote tamna ber a ni hrim hrim a, vote 26278 zet awmin, heng candidate pahnihte bakah hian BJP candidate, vote 374 chauh hmutu Victor Talukdar chiah a awm avangin Congress leh MNF candidate khian vote an insem deuh vek hrim hrim bawk.

MLA atana thlan tlinte zinga chakna hniam ber chu Tuikum Constituency atanga thlan tlin, MNF candidate Er. Lalrinawma a ni a, a ni hian a khingpui K.Lianzuala INC candidate hi vote 14 in a hneh a. Lunglei West-ah Chalrosanga, INC candidate chuan a khingpui Dr. R.Lalthangliana, MNF chu vote 94 chauhin a hneh bawk. Chakna tlem zual zingah hian H. Rohluna (INC-Lengteng), Lalsawta (INC-Aizawl E-II), Dr. K.Beichhua (MNF-Saiha), Hmingdailova Khiangte (INC-Tuirial)-te pawh an tel a ni.

–Hillsgate

Aside | Posted on by | Leave a comment

I CHUAI TA MAW by Crazy Hruaitea

I CHUAI TA MAW
-Crazy Hruaitea

MA ka han zawh ve takah chuan midang anga MA satliah nih ka tum bau lo. Hna chu vang hle mahse ka zawng lui hram hram a. Exam pawh ka pe tam narawh, ui pawh a vah a vah chuan ek ṭhin a tawng nge nge an tih ang deuh in private sikul pakhat, primary , middle leh high school awm nghal ah chuan history teacher ah chuan ka tling ve hlauh a. Cheng 18000 a ṭanin nuam ka ti khawp mai. Naupang han zirtir vel hi nuam ka tih em avang chuan ka thawhna ah pawh chuan ka tla tlum thuai a.

Ka hlawh lak hmasak ber pualin ka chhungten bike min lei sak ve a, ka hlawh lak ngei mai chuan ka thawmhnaw duh zawng leh nalh tih zawng te chu ka lei ve a, a nuam dangdai khawp mai.

Ka thin a ramin naupang kutthlak mai leh han hrem te hi ka chin em avangin naupangte pawhin min hlau em em a. Ka subject bikah phei chuan ka hrem an hlauh vangin an ti ṭha thei khawp mai, ka subject a ka tih ṭhat pui theih em avang chuan fak leh duhsak pawh ka hlawh phah hle a ni.

Ni khat chu blackboard a note an copy tur ka ziah mawlh mawlh lai chuan naupang chu an ri mam mam a. Dawhkan ka vuak rik ṭhuai chuan an reh nghal duk a. Ka ziah zawh chuan copy tur chuan ka ti nghal a. Naupang ho chu a khat tawkin tukverh lam chu an hawi leh zeuh ṭhin a.

Chuvang chuan tukverh lam chu ka hawi a, mipa naupang, kum 12 awm vel, sam buk chhip chhep, bal tak mai, iptepui a eng eng emaw ak chu, tukverhah chuan naupang ho en chuan a lo ding reng a. “Khalai naupang kha enge i lo tih, kal sawn rawh” ka va ti a. Naupang ho chuan tukverh lam chu an hawi nghal ṭhup a. Mahse tukverh a mipa naupang ding chu ka thusawi hrelo ni awm tak chuan a la ding reng a. Tukverh lamah chuan pheiin chu naupang lubuk deuh lu ah chuan na deuh chuan kan kuk ṭawlh a. Naupang ho chu an lo nui dar dar a.

Naupang lubuk bal zet chuan a lu chu tuai vut vut pahin ka mitah tak chuan zam map lo in min en kalh mai a. Chutia min en ve ngam tih ka hmuh chuan ka thinrim chu a zaul sauh a. A benga pawt chung chuan “Ka thusawi kha i hre lo mi, kal nghal rawh” vin takin ka ti a. A beng tuai vut vut pah chuan ngawi rengin muangchang chuan a kalsawn a. A kal liam hma chu ka en reng a, a kal liam hma deuh chuan rum deuh a meng chungin a rawn hawi let leh hram a. Ka thin a ti ur takzet a ni, va chhuah a ben hrep ka chak khawp mai, zilh loh fa tih a hriat ngawih ngawih, mahse um chu ka um zui ta lem lo.

Kan sikul a, primary lam zirtirtu zinga mi, miss Jenny- i chu ka ngainat zawng tak hi a ni reuh a. A bul a awm nuam ka tiin a bula awm theihna hun ṭha pawh ka dap deuh reng a ni. A hmel a ṭha in a nui a mawi bawk si, a pian lah sawisel tur awm hek lo, a ruka veitu pawh a ngah khawp mai. Kan inkawm a, kan in chul nel fe hnu chuan ka duhthu chu ka hrilh ta a. A lo inngaihtuah tur thu chuan min chhang a. Hei hi chu hmeichhe tih dan ve reng a ni, han aw ve nghal mai te hi an zak deuh tlat ṭhin.

A tuk zing thleng pawh chuan min la chhang lo a. Class ka lak pawh chu a tui lo zo vek a, naupang lo inhlei ka hmuh fuh ho chu ka hlap hrep a. Ka class la zo ka chhuak chiah chu miss Jenny- i rawn phei mek nen chuan kan intawk a. Kan inhmuh chuan kan lai dun ngei mai, zah theih loh chhuahin “I inngaihtuah fel tawh em” ka ti a. Ka kut a lehkha them rawn dah pah chuan chak deuhin min kalsan daih a. A lekha them min pak chu ka han chhiar a,”Aw,ka duh che” tih te zawng hi a lo inziak a. Tawi viau mahse ka tan chuan a aia hlu a awm chuang lo, kan sikula mipa zawng zawng star rawn chu ka ta a ni ta, ka va inchhuang em.

Jenny-i nen chuan a ni tel chuan kan induh zualin kan inngainatna chu a zual telh telh a, tuma ṭhenhran theih loh tur khawp hial chuan kan nghet tawh a ni.

Tuk khat chu Sir Thang an kan naupang ho chu exercise a lak pui lai chuan hnunglamah hmawlh keng chungin ka lo ven pui a. Kuhva ei mai ka tum chuan ka nei tawh lo tih chu hria in kan sikul bul lawk dawr ah chuan ka lei lawk a. Gate a ka luh dawn chuan naupang ho in tlarna zawnah chuan brick bung chu lo dawh in naupang ho lam en chuan a lo ding a, kalsan mai ka tum a, mahse kan en chian deuh chuan hman deuh a, ka class laklaia tukverh a rawn dak naupang bal ngeng zet kha a ni tih ka hrechhuak thut a. Ka thin chu a rim deuh thut a, chu naupang lam chu pan in a mawngah chuan na lutuk lo chuan hlapin “Hetah enge i rawn tih leh a, he lai hnaiah hian rawn kal tawh suh” ka ti a. Chu naupang chuan min rawn melh zeuh in “Engmah” tih pah chuan a kal nghal a. A mi chhan dan mai mai chu tiin vuak hrep chu ka tum a, mahse naupang mai mai han khin chu tiin ka umzui duh ta lem lo a.
A hminga hlawh han neih ve takah pawh kohhran leh khawtlangah pawh kan tla tlum ve thuai a. Yma lamah phei chuan a hruaitu pawl kan ni ve thuai a.

Lal Isua piancham pawh a rawn thleng ve hnai tawh a, chumi pual chuan YMA lam pawh vengchhun him leh ralmuan nan tiin kan duty ngawrh tawh khawp a. Section hrang hrang chu kan in duty chhawk a.

Kan section kan duty zan chuan keipawh chu ka tel ve a. Meipui kan chhep hluah a, thawk chhuak kan tam bawk a, kan ri ham ham mai. Keini a la ṭha lai deuh ho chu hmun ngaah in ṭhenin vengchhung fangkual tur chuan kan insem darh a. Kan pawlah chuan mi panga lai kalin veng chhung chu kan fang kual a. Tiang lian deuh chu kan hum fur a, a ṭhen in torch light chu an keng bawk a. Titi chho chung chuan kan chan lam chu kan fang kual a. Engmah thil dik lo kan hmuh loh avang chuan kan duty na hmun lam pan chuan kan let leh a.

Kan duty na hmun kan thlen hma deuh chuan a thim deuh laiah chuan thil hmuh kan nei tlat mai. Zunin phen chung chuan kan en thla a. Tlangval pahnih bike a chuang hian, naupang pakhat kawngsir a ding chu an lo be ru sar sar a. Bike hnung zawka ṭhu chuan eng emaw pe in a bag ah chu a keu nghal a.

Mipa naupang pakhat chuan a ipte pui aṭang chuan thil eng emawni hi la chhuakin bag ah chuan a khung nghauh nghauh a. An thil in pek chu kan hmuh theih loh avang chuan kan zinga pakhat chuan a hmeh ên ken chuan va chhunin “Engthil nge in tih kha” a ti nghal tuar a. Chumi rual chuan tlangval pahnih chu chak takin an tlan liam nghal a.

Keini pawh chu tlan phei nghalin mipa naupang chu kan man hman hlauh a. Street light hnuaiah chuan pawt pheiin a iptepui ah chu kan en sak a, local fun 8 vel hi a lo ak a, “Hei engvanga zuar nge i nih?” kan zinga pakhat chuan a ti a”Ka pu min ngaidam hram ru” tih chiahin a lo chhang a. A hmel vel leh a thawmhnaw ka hmuh chuan kan sikul vela ka hmuh tawh hnu kha a ni tih ka hriat chuan ter at in, a kawr awm a ṭham chung chuan “Nau a, hei hi khawi a mi nge, min chhang vat rawh” ka ti vin tuar a.

Ka mitah tak chuan min rawn melh in “Ka pu min ngaidam ula, min kal tir hram ru” tih chiah chuan min chhang leh a. A bianga ben sawk pah chuan “ Min chhang ṭha rawh, thudik i sawi hma chuan khawi ah mah i kal lo ang” ka ti vin leh tuar a. Chu mipa naupang chu ngawi ngak chung chuan a ding reng a. Pa hmaa chu a insum thei tawh lo a ni ang a tiang ken chuan chu nau pang mawngah chuan a rawn vaw chawrh a. Naupang chu eu zawkin a din ngai chuan a ding leh nghal a. A awm dan ngen tak chuan min ti thin ur tlang a ni.

Pa hmaa bawk chuan a samah chuan rawn ṭham in “Nau a, i sawi dawn khawp mai, i phei phawt ang” tih pah chuan mipa naupang chu a pawt vak a. Kan duty na lamah chuan kan inchhawm phei a.

Kan ṭhiante pawh an lo thleng kim vek tawh a. Thil awmzia min zawh chuan ka hrilh nghal vek a. Ka sawi zawh chuan an thinrim khawp mai. Pa Vala kan section secretary chu rawn pen hnaiin “Vala he thil hi khawi a mi nge?” mang bat chat, thinrim aw tak si chuan a rawn ti a. Chu naupang chuan “Ka pu khawngaihin min ngaidam ru, min kaltir hram ru” tih chiah chuan a chhang leh a. Pa Vala vek chuan “He thil hi khawi a mi nge tih sawi la, kan kaltir ang che” a ti dam thlup a. Naupang chuan Pa Vala mit takah en chung chuan “Ka pu, ka sawi thei lo a ni” chiang fek fawk chuan a ti a. Pa Hma thinrim chuan “Naua, i sawi dawn khawp mai” tih pah chuan a mawngah chuan a hlap leh chawrh a. Chu mipa naupang chu a ngawi ngal ringawt a. Na ti hmel pawh a pu meuh lo. Chu tak chuan kan thin a ti ur zual a ni.

Pa Vala an “kawng chunglamah kha chuan vuak loh tur” a rawn tih hnu chyan tlangval hawk lak zual chuan a chawn leh mawngbawrah chuan an hlap hrep a. Kan veng YMA president Pa Rema chuan “A tawk tawh e” a rawn tih chuan an duhtawk nghal a. Pa Rema chu rawn kal hnaiin “Bawiha, hei hi khawi lai a mi nge?” dam thlup chuan a ti a. Chu mipa naupang chu a khur der der in hnuai lam chu a melh tlat a. Tlangval pakhat chuan “A la na tawk lo a nih dawn kha” tih pah chuan rawn vuak leh a tum a. Pa Rema’n “A tawk” a lo tih avang chuan a vaw leh ta lem lo a. “Mama, sawi rawh le, engtin mah kan ti tawh dawn lo che” Pa Rema’n a tih leh chuan muangchanga rawn hawi chhuakin Pa Rema mitah tak chuan a melh kalh a. A lu thing chung chuang nikhaw hre lovin a tlu hnawk a.

Pa Rema chuan rawn buaipui nghalin a pawm a, a car awmna lamah chuan a pawm phei nghal a. Pa Hmaa leh Pa Vala te nen chuan kan zui ve nghal a. Damdawiin lam pan chuan Pa Rema car chuan kan tlan nghal a.

Casualty ah chuan kan lut nghal a. Admit a lo ngaih avang chuan Pa Rema leh Pa Vala chuan an zawn chho a. Pa Hmaa nen chuan lehkha pawimawh kan tifel thung a. Chu naupang chu a na viau tih kan hriat chuan awm a nuam thei tawh lo. imInthiam lohna ka nei ṭan a. Lehkha kan tihfel hnu chuan damdawiin ward lamah chuan kan chho ve nghal a. Step a kan chho tur chuan Jenny-i leh a ṭhiannu chu kan tawk thut a. Pa Hmaa chu min lo chhoh san tur chuan ka ti a. Jeny-i chu enge a tih ka zawh chuan a ṭhiannu nau nei an kan thu chuan min chhang a. Ka kal chhan min zawh chuan sawi a nawm vak loh avangin pehhel deuh chuan ka sawi a. Jeny-i chuan a ṭhiannu chu amah hawsan mai tur chuan a ti a. Haw ve nghal tura ka tih pawh chuan a duh tlat lo a, chuvang chuan kan in zui chho ve ta a.

Ward chhunga kan luh chuan Pa Rema te chuan kan naupang damlo chu an lo hual laih a. Keini pawh chu kan ding hnai ve nghal a. Jenny-in naupang chu a hmuh rual chuan kal hnai nghalin “E Thantea a nih hi, tinge a?” a rawn tih chuan mak tih hmel tak chuan a rawn hawi nghal a. Pa Rema chuan “I hria e law” a tih chuan “Aw, hria e, a nau hmeichhia hi kan sikul ah pawh thum a zir mek a, a nau fee a rawn pe ṭhin alawm” a ti a. “Enge thil awmzia hi chiang takin min han hrilh teu” a tih chuan Pa Vala chuan inthiam lo ru tak chung chuan a hrilh ta vek a.

Ngawi reng chuan kan panga chuan Thante a kiangah chuan kan ṭhu ṭhap a. Ka rilru ah chuan inthiam lohna lian tak chuan min tibuai a ni. Ka thil tih kha a dik lo tiin ka inchhir ru em em a, mahse a sawt tawh si lo.

Darkhat hnu ah chuan Thantea chu a rawn meng diar diar a, min rawn enkual dan dan a. Jenny-i a hmuh chuan “Miss, tinge tah hian ka awm?” a rawn ti tham ṭiak a. Jenny-i chuan a chhan dawn lai tak chuan “Miss, kal la ngai, ka nau, ka nau in” tih chiah sawiin a khuh bawrh bawrh a, doctor chu kan ko nghal a. Doctor chuan rawn en nghalin eng eng emaw a chiu in chumi hnuah chuan tui tak chuan a muhil lehnghal a.

Jenny-i chuan “A nau kha” rawn ti sapin “Kal nghal ang” ka bulah chuan a rawn ti a. A scooty chuan kan inphur chhuak a. An awmna lai a hriat leh hriat loh ka zawh chuan “An in tak chu ka hre lo, mahse an veng chu ka hria” a ti a. An veng kan thlen chuan kan hmuh remchan apiang chu Thantea te in an hriat leh hriat loh chu kan zawt zel a. An hriat loh thu chuan min chhang zel bawk a. Kan beidawn tawh lamah chuan pitar dawr nghak pakhat hian a lo hre hlauh a. A sawina lamah chuan kan chhuk nghal a.

Vengmawng lam in pakhatah chuan kan lut a, Thantea te in awmna lai chu kan zawt a. In neitunu pitar chuan “Khu kan kawmthlang maiah khuan an awm” a lo ti a. Kal nghal lo chuan “Ka pi an chanchin hi min hrilh thei lo maw, tlem azawng tal” tiin ka zat hram a. Chu pitar chuan “A, han sawi tur em em hi ka hre vak bik lo a, Thantea nu leh pa hian an rawn luah phawt a, a tirah chuan an hlim thei em em a. Thantea a rawn pian hnu phei chuan an hlim zual sauh a. Mahse a nau Ruattei a rawn pian hnu hian inhauh zeuh zeuh an ching ṭan a. Mahse an inhau rei ngai lo. Ruattei kum 4 a rawn nih kum hian an inkarah chuan khi zau tak a awm ṭan a, tlaitin chuan an inhau buai reng a, thlakhat a ral leh meuh chuan Thantea nu chuan mipa dang a um san ta nge nge a. Chu chu Thantea pa hian a tuar thiam lo em em a, zu a in phah a, a lungleng leh thinrim chuan hnapawh thawk ṭha thei lo khawp a in a ching ṭan a. Kumkhat pawh a ral leh hma in a pa pawh chuan a boral san ve leh a.

A pa boral tirh khan khawtlang hruaituten an unau a fahrah chawmna dah an tum a, mahse Thantea hian a duh tlat lo a, an tilui bik ta lo. Thantea chuan a nau chu sikul kal chhunzawm tirin a rem rem thawk chuan a nau chu a chawm a. A tirah kha chuan puitu pawh an ngah mahse a rei tial tial a an theihnghilh leh vat hlawm a. Keini an hnaih ber te lah hian han puih theih ngaihna awm bik hek suh, in hmuh ang hi a ni mai, enge in tih dawn reng reng a” a ti a. An zirtirtu kan nih thu leh hmuh lawk kan duh thu chu kan hrilh a. Kan chhuak zui nghal a.

Thantea chanchin ka hriat hnu chuan ka dik lohzia leh ka sual zia chu chiang takin ka hmu thei a ni. Kha nau chingah khan thil ṭha lo a thleng a nih chuan ka damchhungin ka in thiam tawh ngai lo ang. A u chunga ka thil tih vang chuan a nau Ruattei chu hmuh ka hreh zo vek a ni.

SignUp for free Adult Video Streaming and Download

An in min kawhhmuh kan thlen chuan lung a tichhe zual ngei mai. An in chu en reng reng pawn a hlui tawh tih hi a hriat ngawih ngawih a, an bang lah a pawp nasat vang niawm tak chuan silpaulin chuan a lo in khuh deuh ṭuk a.

Jenny i chuan an inkawngka chu a kik karh karh a, inchhung aṭang chuan “U lo lut vat rawh” hmeichhe naupang aw tih hriat tak chuan a rawn ti a. A u kan ni si lo, a u chanchin hrilh ava huphurh awm dawn ve.

Chutia a rawn chhan vang chuan Jenny-i chuan kawngka chu a hawng a. A hawn ruala ka thil hmuh chu ka thil hmuh tawh a zawngah chuan a la hrehawm ber ang.

Hmeichhe naupang kum sarih mi vel, hmel fel fai at mai leh kawrfual hlui tawh tih hriat tak ha chuan tap bula lehkhabu keng chung chuan mak tih hmel takin min lo en a.

“Miss, enge i rawn tih?” fel at chuan a rawn ti a. Jenny-i chuan a chhang mai li, ngawi reng chuan a en ringawt a. Ka kheuh zeuh a, “A,,ih…kan rawn leng lawk” a ti bah nuaih a. Chu hmeichhe naupang Ruatpuii chuan ṭhutthleng hniam pahnih chu an tap bula rawn dah pahin “Miss lo ṭhu ru” a rawn ti leh a. Ngawi reng chuan kan ṭhu ve mai a.

Jenny-i chuan a sam a chul hliau hliau pah chuan “Tinge i va meng rei ve?” tii a zawt a. Ruatpuii chuan “A u a lo la haw lo a, ka la nghak a” a ti sam et a. A u a lo nghak ṭang ṭang chu a ni sia, a u lah chu kan suahsual vangin damdawiin ah a awm mek chu a ni sia, a u chanchin hre ta se eng tin nge a awm ang le.

Jenny-i chuan “Ruatpuii, ih,,thil hrilh tur che kan nei a” a tih chuan “Enge?” a lo ti nghal vat a. Jenny-i chuan sawi mai a tum a, a sawi zawm thei tawh lo, a mittui far tur chu a rawmawl chuan an hru leh te te a. Huphurh tak si chuan a u damdawiin a a awm thu chu a hrilh a.

Ruatpuii chuan “Miss a na em, tinge a u chu, chaw ei ah ka lo nghak asin” ṭap pur chung chuan a ti a. Jenny-i chuan a mittui chu a dang seng ta lo a luang zawih zawih a, kei pawh ka mittui chu a tla lo, mahse ka thinlung erawh a tui ral zo tawh a ni.

“Miss damdawiin ah chuan min lo hruai, khawngaihin” a tih chuan Jenny-i chuan a mittui chu hruk hul pah chuan “Chaw ei phawt la, kan kal dawn nia”a ti a. Ruatpuii pawh chuan hnial buai lo chuan chaw ei tur chuan a inbuatsaih nghal a.

Ka ṭhutna bula cooker ung deuh khik khek chu a rawn la a, steel thleng tle varah chuan chaw chu tam lutuk lo chuan a khawrh a, an tapa thirbel ung lian deuh inchhuang chu a suan thla a. A han hawn chuan nutrella tui nei a kan, a tak pa sarih vel chiah awm tawh chu a lo awm a. Ruatpuii chuan a tui chu tlem chawm in a tak chu a chanve vel chu a suak bawk a. Kan piah deuh ah chuan ṭhu in hman hmawh takin a bar mawlh mawlh a. Jenny-i nen chuan ngawi reng chuan kan en reng a.

A chawhmeh chu a bei tham bawk a, a ei zo thuai a, a rawn lak belh leh dawm emaw ka tih lai chuan chaw leh chi chauh chu a ei miah miah a. Mak ka tih em avang chuan “Ruatpui a dang hi ka rawn suah sak ang che aw” ka ti ta nge nge a. Ruatpuii chuan “Ai, sir, kha kha chu a u ka ken sak tur a nih kha, chaw a la ei si lo a, a ei ve duh ang” a rawn ti leh a. Min chhanna chuan min vel chiang ngei mai. Hei ngei hi hmangaihna dik tak chu a lo ni.

“I u chuan a ei tawh alawm, hei chu nangman ei zo vek rawh” ka tih chuan “Sir tak tak a mi?” a rawn ti leh hram a. A u hi a va hmangaih em, a ei ve loh mawlh chu a hlau a ni. Aw tia ka chhan hnu chuan a rawn ei zo ta vek a. A ei zawh chuan damdawiin lam pan tur chuan kan chhuak nghal a.

Jenny-i scooty chu ka khalh a, Ruatpuii chu a laiah kan ṭhut tir a. Zan rei lam pang a nih tawh vang chuan motor pawh a tlem tawh hle a, kei pawh chu chak takin ka tlan ve bawk a. Ka tlan chak deuh chuan Ruatpuii chuan ka jacket ah chuan nghet deuhin a rawn vuan nghal a, a chuang ngai lo a ni maw ka ti rilru a. Rei vak loah damdawiin chu kan thleng a.

Thantea awmna kan luh chuan Pa Rema te pathum pawh an lo la awm ṭhap a. Min hmuh velah chuan ṭhutna chu min lo kian nghal a. Ruatpui in a u a hmuh rual chuan a u banah chuan a vuan nghal a. “A u tinge i raqn haw loh, ka lo nghak char char che asin, dar 8 rik hma in ka rawn haw ngei ngei ang i tih kha, dawt tinge i sawi, haw tawh ang, ka mut a chhuak tawh” tih pah chuan a u chu a sawi nawk nawk a. Jenny- i chuan Ruatpuii chu pawm bet nghalin “I u chu a muhil lawk a lawm, a rawn harh ṭep tawh ang” a tih chuan a ngawi ve mai a.

Pa Rema te ho kil khat a lo ding reng a hmuh chuan “A pu, a u zu zawrh in man a mi, a pa in chi ang kha” a tih chuan Pa Rema chuan “Aw, kan man sak a, engtin nge i hriat a” a ti let nghal a. Ruatpuii chuan “A u hian pawisa kan neih tlem apiangin a zuar ṭhin mahse, a in ve ngai miah lo, a u hi man lo hram ru aw” a ti tham ṭiak a. Pa Rema te chu an ngawi ngal a. Pa Hmaa chuan “Awle, kan man tawh miah lo ang, khawia mi nge i u hian a zawrh ṭhin a?” a ti a. Ruatpuii chuan a u chu en leh vang vang phawt in “A u in tuma hnenah sawi suh min tia, ka hre lo a ni mak” a ti reuh a.

An unau inhmangaih zia hi ka hmu chiang telh telhin ka hria. Jenny-i chuan riah pui a tum tlat avang chuan keini ho chuan kan hawsan phawt a. Pa Rema chuan motir khalh pah chuan “Kan in enfiah ve hle chu a ngai a ni” a rawn ti sap a. Kan lu chu kan lo bu tliar tliar ringawt a. Min rawn melh zeuhin “Kan naua khan lung ṭha lo a lo nei sa a nih hmel a, a ngaihtuah awm khawp mai” a rawn tih leh chuan ka phu deub zawk a. Engvangin nge hetiang em em a harsa hian an awm theih zawk le, tiin ka rilru chu ka kawm melh melh a.

Zan pawh chu ka muhil thei thlawt lo. Thantea chunga ka thil tih kha ka inchhir tawp thei lo a ni. Class ka lak laia tukverh a a rawn dah te kha hau miah lo tur ka ni asin. Kan sikul naupang kianga ṭhut ve chak em em khan tukverh ah a lo thlir dauh dauh kha a ni sia, kei lah chuan chu chu ka lo hriat pui si lo, ka thinchhiat luat vangin kut a tawrh phah a, naupang exer lak rual a, brick dawh sang chung a, intepui a thil ak puar lung chung khan an tih dan zawmin a lo phar kual ve kha a ni a, kei misual hian kha naupang khawngaihthlak, pawi sawi na nei miah lo kha ka kut thak hnawih nan ka lo hmang mai mai chu a ni sia. Ka va inchhir tak em. Sikul naupang zingah khan awm chak ve hle mahse chhungkaw pa berah a ṭan a ngai a, an ei leh in tur buaipui reng reng in naupang hlim laini pawh chen ve hman lo in rim taka a thawh a ngai a. Kei lah chuan ka lo hriat thiam pui der si lo, hun hi kauh kir leh theih se ka va ti em.

Zingah chuan hma takah tho in damdawiim lam chu ka pan nghal a. Chawlhni zing a nih avang chuan khawlai pawh a reh khawp mai. Damdawiin ka thlen chuan Jenny-i chu khum ruak pakhat ah chuan a lo muhil bawrh bawrh a, Ruatpuii erawh Thantea bulah chuan a u pum a kuah chung chuan a lo mu kawm ngal thung a.

Jenny-i chu ka kai tho a, min hmuh chuan a nui sen sen a, a hmuiah ka lo fawp zeuh a, bathroom lamah a inphih fai nghal a. A inphih fai zawh chuan ka bulah chuan rawn ṭhu in Thantea te unau chu a melh ngawih ngawih a. “Tinge Ruatpuii hi i bulah i mut tir loh a” ka tih chuan “A duh tlat lo lawm, a u bulah chauh ka mu duh a ti tlat a” tiin min chhang a. Jenny-i chu haw tur chuan ka ti a, a duh leh tlat lo a, inthlak tal rawh ka tih chuan inthlak lawk tur a haw chu a lo duh ve mai a. Jenny-i kal hnu lawkah chuan Ruatpuii chu muangchang a rawn ṭhu chhuak in a mit chu a rawn nuai chat chat a.

Min rawn en pah chuan “Pu khawiah nge miss kha a awm?” a rawn tinghal a. A haw lawk thu leh a rawn kal leh nghal tur thu ka hrilh chuan khum aṭang chuan muangchang a rawn chhukin ka bulah chuan a rawn ṭhu ve a. Thingpui leh chhang ka ken sak chu ka eitir a. Tui tih hmel tak chuan a einghal bawrh bawrh a.

A ei pah chuan “A pu a u hi tinge a muthilh reng a” a rawn ti a. A harh ṭep tawh thu chuan ka lo a chhang a, a ei zawm ve lehnghal mai a. A ei zawh hnu lawk chuan Thantea chu rawn khuh bawrh bawrhin a rawn meng diar diar a, a nau nen chuan min rawn en vang vang a, chumi hnuah chunglam chu a melh leh a. “Thante i ṭha em?” ka tih pawh chuan engemaw ngaihtuah nei tih hriat tak chuan a en ngai chu a en reng a.

A nau in a biak pawh chuan a ngawi reng a. Ka phone a rik avang chuan chhang turin ka chhuak lawk a. Pa Rema a lo ni a. Damdawiin kal turin min lo sawm a tum hi a lo ni a, damdawiin ah ka awm tawh thu ka hrilh chuan a rawn phei ve nghal tur thu chu min hrilh bawk a.

Ka luh leh dawn lai tak chuan kan kawmthlang te chu ka hmu hlauh a. An nau a awm ve thu te min hrilihin kan ti ti luam a. Minute 20 lai kan inkawm hnu chuan ka dam lo awmpui chu hrechhuak zawkin ka kalsan nghal a.

Ka luh chuan Thantea chu a lo muhil leh tawh a. A nau chuan pen pakhat chhin seh chung chuan a u chu a lo en ve ngar ngar bawk a. A muthilna a rei tawh leh tawh loh ka zawh chuan a muthilh chiah thu chuan min chhang a.

Pa Rema leh a nupui chu an rawn lang hlawl a, chumi rual chuan Jenny-i pawh chu a rawn thleng ve nghal bawk a. Eitur tam deuh an rawnkeng ve ve a. Thante an a ei ve theih loh vang chuan Ruatpuii chuan tui ti takin a ei miah miah a. Pa Rema nupuiin “Mate ei zo vek rawh aw” a tih chuan “Ai” ti ringawtin a lo chhang a. Pa Rema nupui chuan “Tinge a tui lo mi?” mak tih hmel tak chuan a rawn ti a. Ruatpuii chuan “Ai, a tui, ka eizawh vek chuan a u in a ei be duh dawn a, sa a ei chak thei lutuk a, tlem dah sak a ngai a lawm” a ti reuh a. Pa Rema nupui pawh chuan lainat tih hriat tak chuan Ruatpuii chu a en tawp a.

Thantea chu a rawn harh har em avang chuan kan mangang deuh tawh a. Doctor kan koh chuan doctor chuan lung chu a thawh ṭhat tawh loh thu leh a chauh tial tial thu chu min hrilh a. Kan mangan khawp mai. Doctor lah chuan enkawl dan a awm loh thu a sawi mauh mai bawk si.

Doctor chhuah hnu chuan Ruatpuii chuan “Miss a u hi a thi dawn mi?” a rawn ti deuh thut a. Jenny-i chuan a chhang thei lo, a mittui chu a hru mawlh mawlh ringawt a. Midang pawh chuan kan chhang thei bik lo. A u dinhmun lah chu a chhe ropui bawk si, engtiklai pawh a, kal thei reng a ni.

Chawhma inkhawm dar chu a rawn ri bul bul a. Chumi rual chuan Ruatpuii chu a u awmna lamah pheiin “U, lo tho tawh rawh inkhawm a hun tawh a nia, i ṭan ni a nih kha i va phakar ve, lo tho vat rawh” tih pah chuan a u chu na vak lo chuan a sawi a. A thusawi chuan ka beng chu a verh zak a. “Ruatpui sandes sikulah maw i u chu a ṭan dawn” ka tih chuan “Aih kan inah” tiin min chhang a. Pa Rema chuan “Biakinah in inkhawm ngai lo mi?” a lo ti ve nghal bawk a. Ruatpuii chuan “Aw, kan inah chauh kan inkhawm ṭhin” a tih chuan a chhan ka lo zawt nghal a.

“Ih..biakin ah chuan mi zawng zawngin kawrfual nalh deuh deuh leh kekawr nalh deuh deuh nen chauh an inkhawm a, kan nei ve si lo a, chuvang chuan kan inah kan inkhawm ṭhin a,” a tih chuan mak ka ti ngei mai. Hemi te unau vang hian thil zirtur ka va ngah ta em.

Inkhawm ṭan dar rik hnu chuan Thantea chu a rawn meng leh diar diar a. “Mate” a rawn ti sap a. Ruatpuii chuan a u ka bula beng dawh pah chuan “Aw, a u enge?” a tinghal a. Thantea chuan a nau chu eng emawni a hrilh a, kan hre pha ve chiah lo a. Ngawi reng chuan kan lo en tawp a. Ruatpuii chuan “A u, i phakar thei bik e, nangmah a i tih ni asin le, mahse pawi lo sawi dun mai ang” tih pah chuan a u mutna khumah chuan ṭhu kaiin a u kut chu a vuan nghal a. “Pakhat pahnih pathum “ tih rual chuan “Aw ka nunna Lalpa chu fak la, ka kawchhunga awm zawng zawng te u, a hming thianghlim chu fak rawh u, aw ka nunna Lalpa chu fak la, a thiltih ṭhat zawng zawng chu theihnghilh suh” tih Sam nunber 103 na chu Ruatpuii chuan ring deuhin a sawi lauh lauh a, Thantea pawh a nau phun rual chuan ri si lovin a lo phun ve sep sep a. An unau chu ngawi rengin kan thlir tawp a.

“Mihring zawng, a dam chhung nite chu hlobet ang a ni a, phul pangpar ang hian a vul ṭhin a” Ruatpui in a tih lauh lauh lai chuan Thante a chu a rawn khuh bawrh bawrh a, a thaw leh hrawk hrawk a, Pa Rema chuan doctor chu a ko nghal a, Ruatpuii chuan “A u, tinge, tinge,a u ti khan awm tawh suh, ka hlau, a u” tiin a u bula ding chuan ṭap pur chung chuan a lo au vak vak a.

Doctor a lo thlen chuan pawn lamah chuan kan chhuah san a. Jenny-i chuan Ruatpuii chu a kuah bet tlat a. Doctor ho in Thantea an buaipui lai chuan kan veng nula tlang val 100 dawn ṭep chu an rawn kal mup mup a. Pa Hmaa chuan hma a rawn hruai a. Kan bul an rawn thlen chuan chanchin min rawn zawt nghal a. A ṭhat vak loh thu ringawt chuan ka lo chhang a. Ngawi reng chuan kan ding a.

Doctor a rawn chhuah rual chuan Jenny-i pawmna a tal chhuakin Ruatpuii chuan doctor lam chu a pan nghal a. “A pu, a u kha a dam tawh em?” a tinghal a. Doctor chuan naupangte chu en in a ngawi ngal a. Ruatpuii chuan a coat var fual hak ah chuan pawt in “Mawh, a pu a u kha i tidam tawh em ?” a ti leh a. Doctor pawh chuan a chhang thei meuh lo. Ngawi reng chuan Ruatpuii chu a en tlawk tlawk a. Ruatpui in a zawh nawn leh chuan doctor chuan kan lam rawn hawiin a lu chu a rawn thing a. Chumi velah chuan Ruatpuii chu a u awmna lamah chuan a tlan phei nghal a. Kan um zui nghal bawk a, kan va luh chuan Ruatpuii chuan a u nunna nei tawh lo chu a lo kuah ngawih ngawih a. “A u, thi suh, thi suh, a u lo harh rawh, lo harh rawh, thil hrilh tur che ka nei a nia, a u, lo tho rawh haw tawh ang, a u haw ang” ṭap bai bai chungin a ti a. Tumah reng kan ṭawng thei kan awm lo, kan mittui chu a tling pam hlawm a.

Thantea ruang chu Pa Rema chuan an inah la pheiin ropui taka thlah liam a ni a.

Thantea hian thi zirtir min va ngah tak em. Thantea ka tawn aṭang chuan ka nun dan chu a inthlak hlawk a ni ber. Ka lawm a ni.

Thantea kan vui zawh chuan Ruatpuii chuan lehkha them te hi min pe a. In ka thlen velah chuan ka chhiar nghal a.
“Ruattei te sir,

Ka pu, i hmin pawh ka hre lo, mahse thil hrilh duh che ka nei. In sikul tukverh a ka rawn dah kha ka thiam loh a ni, in lehkha zir kha ka tibuai tih ka hre lo a, a pa dam lai bak kha lehkha ka zir lo a, chuvang chuan an lehkha zir dan ka hriat chak vanga rawn dak ka nih kha, min ngai dam dawn nia. Chuan in sikul bang aṭanga ka lo bihthlak pawh kha ka tihpalh aw, an exer lak dan kha a nawm hmel em a, ka ti ve chak lutuk a, ka lo en ru ta mai a nih kha, in phal lo tih ka lo hre lova, min ngaidam dawn nia.

Chuan ram phal loh thil ka zawrh avang khan ka tihpalh, a ṭhat lohzia pawh a pa in ṭhin aṭang khan ka hria, mahse ka zawrh loh chuan ka nau sikul kalna man tur ka pe thei dawn si lo a, zu ka neihna min zawh a ka sawi theih loh chhan chu maw, zu zawrh tur min pe ṭhin tute kha ka tan chuan vantirhkoh an nih vang a nia. An ni chhung chauh khan min pui ṭhin a ni, a ba in zu zawrh tur min pe ziah a, chuan ka hlawh tur aia tam pawisa min pe ziah bawk ṭhin, kan unau chunga fel em em awm chhun an nih vang in ka sawi thei lo a ni, min hrethiam hram dawn nia. Chuan damdawiin thleng a min hruai avangin ka lawm lutuk e” tih hi a lo ni a.

Ka chhiar zo chu ka nghilh dup mai, ka sual zia ka hre chiang zualin ka inchhir telh telh a. Mahse a sawt tawh si lo. Thantea kha harsatna hnuaiah harsa takin a rawn sei lian ve a, a parmawi tak chu chhuah ve chak viau ṭhin mahse a bul hnaia hnim in an dip buai tlat avang chuan a par mawi tak chu a chhuah ve thei lo a ni. Bei nasa viau mahse a parchhuahna daltu chu a tan chuan tihchhiat rual a ni lo. He lei ah chuan a parmawi tak chu chhuah ve hman lovin A CHUAI TA SI. Mahse vanah erawh dip tu leh tibuaitu awm miah lovin a parmawi tak chu a chhuah ve ngei ang le.

{ Kan sikul naupangte hi lehkha zirtir ringawt lo hian an chhungkaw khawsak leh an nun thleng hian enfiah sak ṭhin tur a ni. Tiang leh hmawlh aiin zaidamna leh dawhtheihna nena enkawl hi a ṭha zawk a ni. Eng harsatna nge an neih, eng buaina nge an tawh tih hriatthiam pui phawt ila, tichuan he khawvelah hian mawi takin an rawn par chhuak thei ve ngei ang}

Aside | Posted on by | Leave a comment

SA CHAN KA SIM

Ni pawh atla dawn suar suar tawh a ka sakhi chan chu a lo chhuak tep tawh turah ka ngai a, . Hetiang hun hi keini ang pasal tha tan chuan beisei na a invawrhsan hunlai tak ani. Khawthim hmain sunhlu a rawn tlan ngei ringin ka thangte dawhah chuan che chang tha ngamlo hian ka thu reng a.

Chutah ka beisei loh tak maiin ka thlang hmin chu kawr lam atang chuan rawn tawn chho tu awm tih hriat tak hian a rawn ri chho sun sun a. A rawn nek tu a te lo tih a hriat hle. Ka silai chu chulam hawi chuan ka tin a. A cheng chu a rilo thei ang berin ka kau a. A hmehnaah erawh ka kut ka la dah duh hrihlo. Ka hmuh chian loh thil ka kap ang tih ka hlau a ni. Hmuh chianloh thil kah avang hian mi an inkap fuh fo tawh si a. Hei vang hian ka fimkhur em em thin a.

Chu thil chu a rawn chho zel a. Sanghal a nih ngei ka ring nghet bur tawh a. Mahse ka bul a rawn thlen hma hlam sawmhnih vela hnim buk zingah chuan a thawm a reh fel hmak a. Thawm dang a nei zui lo chu a mak ka ti khawp mai. A awmna lam chu sakhi lo kal na tur a ka rin lam a ni lehzel bawk si a. Sakhi alo kal ngam loh palh ka hlau rilru ta khawp a. A thawm nei ber alah a reh hmak mai bawk sia. Ngaihtuahna a kal thui duh ngei mai. Sanghal niloin sakei te a ni anga, ka sa chan tur hi alo chang ve em ni ang. Nge hnim kar atang min hmu anga, min beih tumin khawthim a nghak ni zawk ang tiin ka rilru a vakvel a.

Chutia ka ngaihtuahna a kal ding lai leh boruak pawh a reh ruih lai chuan ka piaha thing kung chu a nghing lawih lawih a, chutih rual chuan nachina thawm tawpna atang khan mihring na tuar rum thawm hi zawi te te hian alo ri chhuak a. Thil thlen dan chu ka duhdan anilo tawp mai a, insaseng nghal tur ani tih chu ka man thiam rang ngei mai. Pa huaisen ve tak ka ni lemlo bawk nen, sa changin thim thamah ram hnuaiah vak fo mahila, a mood a chen loh tum chuan thim te pawh hi ka la hlau ve fo thin a. Tuna ka thil hriat ang phei hi chu ka hriat chak loh zawng tak mai alo ni bawk nen, sakhi sa ka eichak zawk zawk lai anilo bawk a. Rang tak maiin thangte atang chuan ka chhuk a. Sawi kher ngailo in pu Hriata te thlam chu a rang thei ang ber a ka thlen a ngai a ni tih chu ka hre chiang viau.

Ni lah chu a liam a ni ruai tawh mai a, kawr ruam a rawn thim tan tawh a. Thangte atanga ka chhuk lei ka rap chiah tih chuan ka piaha rum deuh dur dur chu muang chang hian la lam pan hian a rawn che phei tih hriat zet hian a thawm chu a rawn hnai phei riai riai a. A engamah a hma a chulam hawi a silai hmeh puah pawp chu ka chak ngei mai. Mahse kah a reh mai chi a nih hmel siloh. Ka theih tawp a rangin ramngawah chuan ka lut a, thlam lam pan chuan ka tlan nghal vat a. Chu thawm lah chuan min umpha silo hian min hlatlo riau reng mai a. Ka hlauh ti zual tur tingin thing tang leh lungnawi hi ka lamah chuan a rawn vawm phei leh zauh zauh thin a.

Zuksih ka thlen dawnah chuan thawm pawh a reh ve ta a, ka thaw a veng huai hian ka hria. Mahse ka thla ala ngamlo. Zuksih hi pu Hriata te tui chawina leh inbualna a ni a. Zuksih atang chuan an vau chu hlam sawm panga vel a ni a. Zuksihah chuan ka zuk lut thla anga, chu ruam atanga ka chhuah leh chuan pu Hriata te lo ka thleng tawh dawn a ni. Mahse mualpawng atanga zuksih ka lut tur chu alo thim ruih tawh a. A huphurhawm duh ngei mai. Eng em tiloin zuksih chu ka thleng mai a. Ka pelh dawn lai chuan ka hming dik taka min koh chung hian ‘i kal tlang mai dawn em ni?’ Fiah kelh kawlh hian a rawn ti a. Ka hawi let a. Engmah ka hmulo. Mahse ka hmalam ka hawi leh chiah chu pu Hriata te lo vah en chinah chiah ka kalna tur kawng lam ni siah chuan papakhat alo ding reng mai a. A kawr lah chu a var uk khuih a. Ka lam pan chuan a rawn tawlh thla zal zal mai a. Ka silai chu hman ngei ngei a hun a ni tih ka hria a, chupa chu mihring pawh lo ni mahse kah ka hnial tawhlo. Bakah mi hring pangngai pen miahlo a tawlh zel zelin a kal theihloh tih ka hria. Chuvang chuan ka kah ngei a ngai a ni. Silai kah hi ka thiam ka in ti ve khawp a. Tuna mi pawh hi min hnaih em a, tinzawn lem loin a awmah ka kap fuh sak thei tih ka hria, a awmah ngei chuan tinzawn lem lo chuan ka kap ta pawp mai a.

Chutia ka kap ta chu a hlawm tawp mai a. Kawng thlangah chuan tlu thla ruahin, hnim te chu a bawh eng sut a. A bawk ruah a ni tih tlan pahin ka mitsirin ka hmu a. Engchiang ngam khawpin ka huaisen lo. Ka silai ka hmeh puah rual khan ka chhak mualah hian ‘ana lutuk’ ti a patling rawn au chuai raih thawm a rawn ri a. Rum thawm a hma a ka hriat kha ka bul maiah a rawn ri lehnghal bawk a. Khua lah chu a unau hmelhai chhut tawh mai si a. Lo vah en chin ka thlen chuan ka hawi let a, nachin a ka thil kah kha kawngah a lo ding leh tawh a. A kut zungchal chuan minlo kawk run mai bawk a, ka thil hmuh avang chuan lo vah enchin-ah pawh chuan a thlamuan thlak loh hle mai. Ka lam panin a rawn tawlh chho leh ruai ruai nghal leh ta mai bawk si a. Ka hmul thi a ti ding sung sung a. Rang takin thlam lam pan chuan ka tlan ta a.

Thlam chu tlan hlir in ka thleng a. Thlamah chuan ka thiante an lo awm a. Ka silai ri an hriat khan ka kap ni turah an ngai a. Mahse thla ai thawm an hriat ve takah khan an ngaih a thalo a, mei chher chhi a min lo zawn tumin an lo inbuatsaih mek hi alo ni a. Chumi zan te chuan kan piah hmawng kungah chuan na tuar tre thawm hi a awm zan khua zak a. A khat tawkin thlam hnuaiah vawk an rawn nguk leh vak zel bawk a. Thlam thlang lam atang lung an rawn vawm lut leh thin nen mut a har ngei mai. Mei chu kan tuah eng reng a. Mei eng a nasat lai in thawm a reh deuh a. A tu a mah kan mu thei lo. Mu ngam pawh kan awmlo a ni.

A tukah khawchhunga kan haw a, a hre ho pasal tha dang ka zawh a, an sawi dan chuan, ka sakhi va channa sunhlu kungah khan hmanah pasaltha pakhat an kap palh tawh a. Chuta tang chuan athla kha hmunah khan a cham tlat a. Sunhlu kha sakhiin tlan viau mahse tumah hian chan enah pawh an lo en tawhlo a lo ni a. A thla khan alo tibuai zel a. Pu Hriata ten helai a lo an neih hma phei chuan dai thleng hian sachang ho hi alo um haw thin hi a ni awm a. Pu Hriata te thlama ka hlawhfak pui ho nen kan lo riak hlauh chu mahniin ka tawrh rei loh phah a. Ka lawm hnuhnawh ngei mai. Chuta tang chuan sa chang a ramhnuai a kal fo chu ka sim phah ta a.

Author : Ziona Zahau

Aside | Posted on by | Leave a comment

CONGRESS MLA PU HMINGDAILOVA KHIANGTE MLA ATANGIN A BANG, CONGRESS A BAN SAN BAWK, INDEPENDENT IN A BIAL NGAIAH DIN A TUM

Tuirial bialtu Congress MLA Pu Hmingdailova Khiangte chuan nimin khan MLA a nihna leh Congress Primary Member a nihna atangin a banna a thehlut a, Tuirial bialah Independent-a a din tur thu a sawi.

Pu Hmingdailova Khiangte hian a banna hi Assembly Speaker Pu Hiphei-a hnenah a thehlut a, Speaker hian a banna hi lo pawmsak nghal a, nimin la la khan Assembly Secretariat chuan Pu Hmingdailova Khiangte a ban tak avangin Tuirial Assembly Constituency chu bial ruak a nih thu a puang nghal a ni.

Reseller Web Hosting

Pu Hmingdailova Khiangte hian nimin vek khan Congress party atanga a banna thehlut nghalin, a bial ngaiah hian Independent-in a ding dawn tih a sawi. Congress party-in an party official candidate an puan hma pawhin a bialah hian mi dang dah an tum thu hi a hre thawi deuh tih Pu Hmingdailova Khiangte chuan sawiin, bial a chan loh em hi chu a ring pha lo tih a sawi a. Mi hrang hrangin Congress chhuahsan mahse party-ah lungawilohna a neih ngai loh avangin chhuahsan tumna rilru pawh a nei ngai lo tih a sawi a, a bial chu vawng him ve viaua a inhriat laia Congress-in an party official candidate an puan zingah a tel ve tak loh avangin a bial mipuite rilru a na a, Independent-a ding mai tura an nawr angin Independent-in a ding dawn tih a sawi a ni.

Author : Vanneihthanga Vanchhawng

Aside | Posted on by | Leave a comment

Inthlan a hnai, mumang a lar.

  • Ṭum dang ang bawkin Mumang nei an rawn inlar leh ta.
  • Inthlan zawlnei an tlem ṭum tak a ni.
  • Mumang hmutute hmuh a inang lo.

DAIDO KHAW PA MUMANG
Peka Ngente in Feb 25, 2018 a a post hi lo thlir ila.

Election dawna ka mumang hi thleng diklo a awm lo
ᅠ F. Rina.Daido.

Ni 12.2.2018 zingkarah ka phone a lo ri a, ka mi hriat ngai reng reng loh hian hmar lam khaw hla tak, DAIDO khua atang hian min lo bia a, mak ka ti viau.

Mumang a neih thin thu leh chu a mumang chu puangzar tura min duh thu a sawi a, Kei chuan, ” nanga mumang mai mai lo puanzar te chu a diklo ang “, ka ti a. Ani chuan, “i puangzar lo a nih pawhin tihngaihna ka hre chuang lova, mahse inthlan dawna ka mumang te hi thleng diklo a awm ngailo a nia”, a ti mauh si a, kan inbiakna chu ka record ta nge nge a. min beisei ang chuan ti hian ka post darh ta a nih hi. A hnuah pawh vawi 2 kan in be leh tawh.

1986 a MNF lo chhuak tur leh an sawrkar siam tur thu ah mumang a nei a

“ka mumangah chuan ka nupui nen Dawr pakhatah kan lut a, a nghaktute chuan,
heng hi MNF ta vek tur a nih hi, in duh duh kha la ru an ti a, mahse engmah chu kan la lo, a hnu lawkah inremna a awm a, MNF an lo chhuak a, MNF sawrkar a piang ta reng a ni.

MNF SAWRKAR TLA TUR
MNF Sawrkar chu a chhe dawn tih ka mumang ah ka hmu a, ka mumangah chuan, “Helicopter hi a lo thlawk a, vanduaithlak takin a chesual a, a chhunga chuangte chuan, “ min tanpui ru, MNF hotute kan nia, chhan tlak kan la awm e” tiin an rak nasa a, kan va kal a, hliam tuar te chu kan bawisawm a, hlang te kan siam a, a hnu lawkah MNF sawrkar chu namtlukin a awm a, Congress sawrkar a piang ta a ni.

1998 MNF SAWRKAR TUR A HMU
Ka mumangah chuan ka kawmchhak pa nen thingkungah kan lo in lawn siak a, Kei chu ka lawnna, ka thingzar rah chu a tliak a, thingkung atang chuan ka tla ta a, ka thianpa chuan a tawp a lawn thleng a, ka thangharh chuan ka nupui chu ka ko harh a. “e khai, kawmchhak pa te pawl kan hneh leh dawn miah lo mai” ka ti a, ka sawi ang tak chuan MNF sawrkar a piang ta a, kei chu Pu Tanpuia pawl, tangrual pawl ka ni.

2008 CONGRESS SAWRKAR TUR A HMU
Ka mumangah chuan Pu Lalduhawma, Pu Zoramthanga, Pu Lalthanhawla leh ka hriat loh mi pakhat hian Dospati hi an lo khel a, kan lo thlir a, ka hriat loh pa chuan, “ka zo e” a ti thut a, Pu Zoramthanga leh Pu Lalduhawma chu an game a, Pu Lalthanhawla chuan a ei ta a ni. Ka rilru te te chuan ‘ “Pu Zoramthanga leh Pu Lalduhawma te hian chakna bial pawh an nei lo mai ang a” ka ti a. Anni 2 phei chu an tlinglo ta reng a, Pu Lalthanhawla pawl ten sawrkarna an siam ta reng a ni.

2018 INTHLANG TUR A HMU
Ka mumangah chuan ramhnuaiah kan lo kal a, chutihlai chuan Thingkawrawng atang hian mihring hi an lo chhuak an lo chhuak a, ka thlir reng a, mak ka ti hle a. Mi pakhat hian, “khung mi, Thingkawrawng a leng tawk leka in ngaih te khu huphurhawm thamin an la awm thei dawn a nia” min ti a. Chuta tang chuan ka kal zel a, mual pakhat, hmun nuam deuh, pangpar te pawh awmna, eng ruih mai hi ka thleng a, mi pakhat chuan, “heng i thil hmuh te hi MNF ta vek a nih hi, MNF hian he Êng-ah hian ro an rel dawn a ni” a lo ti a, thingkawrawng atanga lo chhuak zingah chuan ka hmel hriat pakhat a tel ve nghe nghe.

“He kan inthlang turah hian MNF hian sawrkarna an siam ang. Kei hi chu Congress party a awm thin ka ni a, mahse VC inthlan dawnah khan party atanga banna ka thehlut a, tunah tak hi chuan eng party ah mah kan awm lo” a ti.

A hrechiang leh zual duh an awm chuan a number ah hian biak theih a ni.

F. Rina Daido.
8974195781


Tun hnai maiah mumang dang nei an rawn inlar ve leh a. Hei chuan MNF tling turin a mang thung.

SESIH PA MUMANG MAK DANGDAI.
Ka Hming chu Kamkhanthanga ka nia, Sesih khuaah nupui fanau neiin kan chhungkuain kan Cheng mek a. Politics hi ka ngaihtuah ngailova, vote thlak hunah ka thlakve tawp zel a, eizawnna mumal tehchiam CHHUAN tur ka nei lova, Thingtlang Kut hnathawka eizawng ve mai ka ni.

Dated 12 November, 2013 zanah MUMANG mak deuh mai ka nei a. Chu ka mumangah chuan Arsi eng tak mai ,Mnf party symbol ngei mai hi a lo de chuai chuai a. Chu Arsi de chuai chuai chu Nghal ruh ria deuhvin a dal vek mai a. Kan Bial East tuipui a kan Ex-chief minister Zoramthanga a lo in candidate tum a ni nghe nghe. Chu ka MUMANG chu Zoramthanga hnenah ka sawi a, amah pawhin hrilhfiah dan tur vak a hre tehchiam Lova, “A mak danglam khawp mai i MUMANG chu” tiin min chhang.

A tuk naktipah MUMANG mak deuh mai ka nei leh ta a. Chu ka mumangah Ni lo chhuak de sur mai hi Kutphah hlai pui pui in a dal vek mai a, chuti chuan ka harh chhunzawm ta a. Ka inngaihtuah a, a tuk khuavar hunah kan veng Congress unit president bulah membership fee ka pe Nghal chawt mai a. Chutah kan inthlang a, Congress party hi hneh taka thlantlin niin ,ka MUMANG chu a thleng dik ngei ah ka ngai ta a ni.

Dated 24 Sept, 2018 Zan khan MUMANG mak tak mai ka nei leh a, chuta ka MUMANG chu Zoramthanga hi Kan khua Unit president inah public meeting neiin, chutah in chhung khat tlatin Mipui an lo pung khawm a. Chumi Zan vekin Congress pary in kan khua congress Unit president te inah public meeting Pu Hawla hovin an nei mek a. Mipui chu an kal tam lemlo a, ka han harh leh a ka chhing leh Nghal mai a. Chutah MUMANG mak deuh mai hi ka nei leh a.
ᅠ Chuta ka MUMANG chu pu lalduhoma’n Kan khua community hall ah public meeting a lo nei mek chu niin, hall chhunga lenglo Mipui zi mur mur karah ka lo thu ve a. Chutah ka ṭhangharh a. “Mak deuh maiin Zpm hi a tling dawn a nih hi” tiin Ka ngaihtuah neuh neuh a. Naktuk khuavar veleh Kan khua Zpm chairman ka hrilh ang a tiin Zpm member ka nih thu ka hrilh ta a ni.

Note:
Ka MUMANG hi Pathian min pek ni ah ka ngai a. Ka MUMANG avangin Zpm member pakhat chu ka nive ta a ni. Ka MUMANG hi kum 2013 mla election pawh khan a thleng dik a, tun kum 2018 Mla electionah pawh a thleng dik ngei ang tih hi ka rin dan a ni.


SESIH PA MUMANG MAK DANGDAI.
Ka Hming chu Kamkhanthanga ka nia, Sesih khuaah nupui fanau neiin kan chhungkuain kan Cheng mek a. Politics hi ka ngaihtuah ngailova, vote thlak hunah ka thlakve tawp zel a, eizawnna mumal tehchiam CHHUAN tur ka nei lova, Thingtlang Kut hnathawka eizawng ve mai ka ni.

Dated 12 November, 2013 zanah MUMANG mak deuh mai ka nei a. Chu ka mumangah chuan Arsi eng tak mai ,Mnf party symbol ngei mai hi a lo de chuai chuai a. Chu Arsi de chuai chuai chu Nghal ruh ria deuhvin a dal vek mai a. Kan Bial East tuipui a kan Ex-chief minister Zoramthanga a lo in candidate tum a ni nghe nghe. Chu ka MUMANG chu Zoramthanga hnenah ka sawi a, amah pawhin hrilhfiah dan tur vak a hre tehchiam Lova, “A mak danglam khawp mai i MUMANG chu” tiin min chhang.

A tuk naktipah MUMANG mak deuh mai ka nei leh ta a. Chu ka mumangah Ni lo chhuak de sur mai hi Kutphah hlai pui pui in a dal vek mai a, chuti chuan ka harh chhunzawm ta a. Ka inngaihtuah a, a tuk khuavar hunah kan veng Congress unit president bulah membership fee ka pe Nghal chawt mai a. Chutah kan inthlang a, Congress party hi hneh taka thlantlin niin ,ka MUMANG chu a thleng dik ngei ah ka ngai ta a ni.

Dated 24 Sept, 2018 Zan khan MUMANG mak tak mai ka nei leh a, chuta ka MUMANG chu Zoramthanga hi Kan khua Unit president inah public meeting neiin, chutah in chhung khat tlatin Mipui an lo pung khawm a. Chumi Zan vekin Congress pary in kan khua congress Unit president te inah public meeting Pu Hawla hovin an nei mek a. Mipui chu an kal tam lemlo a, ka han harh leh a ka chhing leh Nghal mai a. Chutah MUMANG mak deuh mai hi ka nei leh a.
ᅠ Chuta ka MUMANG chu pu lalduhoma’n Kan khua community hall ah public meeting a lo nei mek chu niin, hall chhunga lenglo Mipui zi mur mur karah ka lo thu ve a. Chutah ka ṭhangharh a. “Mak deuh maiin Zpm hi a tling dawn a nih hi” tiin Ka ngaihtuah neuh neuh a. Naktuk khuavar veleh Kan khua Zpm chairman ka hrilh ang a tiin Zpm member ka nih thu ka hrilh ta a ni.

Note:
Ka MUMANG hi Pathian min pek ni ah ka ngai a. Ka MUMANG avangin Zpm member pakhat chu ka nive ta a ni. Ka MUMANG hi kum 2013 mla election pawh khan a thleng dik a, tun kum 2018 Mla electionah pawh a thleng dik ngei ang tih hi ka rin dan a ni.

Inthlan dawn apiang hian mumang nei an inlar ṭhin a. An party ṭan lam an hmu chak deuh ziah. Tunah erawh Social media lamah an hmuh dikloha deuna a nasat ṭhin em a. Mumang an nei ṭha ngam meuh tawh lo.

Sesih pa nge Daido pa mumang dik zawk ang

Aside | Posted on by | Leave a comment

Blood Bank a thisen pe tam ber nihna Serchhip in hauh mek

Kumin sawrkar kum kalmek-a thla ruk (April-September, 2018) chhungin Mizoram-a Blood Bank 10 awmah Thisen Unit 13,991 pek ni tawhin heng zingah Unit 11,794 chu Voluntary Donation a ni a. Blood Bank hrang hrang zingah Serchhip Blood Bank chu thisen pek zawng zawng atanga chhuta a thlawna thisen pek tamna ber a ni mek.

Association for Voluntary Blood Donation (AVBD) chhinchhiahna atanga a lan danin kumin sawrkar kum kal mek-a thla 6 chhung hian Mizoram-a Blood Bank 10-a thisen lak zawng zawng hi Unit 13,991 niin heng zinga Voluntary donation 11,794 hi thisen pek zawng zawng atanga 84.3% a ni a, hemi chhung hian Mizoram pumah Blood Donation Camp tum 230 neih niin heng Camp hrang hrangah hian thisen Unit 9473 lak a ni a, a bak Unit 4158 hi mi tlawmngai ten Blood Bank-a kala an thisen an pek leh Replacement donation a ni thung.

Mizoram-a Blood Bank 10 awm zingah Serchhip Blood Bank chu thisen pek zawng zawng a\anga chhuta a thlawna thisen pek dawng tam ber a ni mek a, Serchip Blood Bank-ah hian kumin sawrkar kum kal meka thla 6 kan hman tawh chhung hian thisen Unit 577 lak niin heng zinga 566 chu Voluntary Donation a ni a, hei hi thisen lak zawng zawng atanga chhutin 98.09% zet a tling a, hemi chhung hian Blood Donation Camp tum 14 neih a ni tawh bawk a ni. Serchhip District dawta a thlawna thisen dawng tam chu Champhai Blood Bank niin anni hian hemi hun chhung hian thisen Unit 719 dawngin heng zinga Unit 688 chu a thlawna pek a ni a, hei hi thisen pek zawng zawng atanga chhutin 95.69% a tling phak a ni.

Mizoram-a District hrang hrang zingah Lunglei District Hospital Blood Bank chu a thlawna thisen pek dawng tlem ber la niin sawrkar kum kalmekah hian thisen Unit 1234 an dawn tawh atangin a thlawnin Unit 854 an dawng a, hei hi thisen an dawn zawng zawng atanga chhutin 69.21% a ni bawk.

AVBD Serchhip Branch hruaitute chuan tunhnaia Serchhip mipui, a bik takin thalai ten thisen pek an uar mek chu lawmawm an tih thu sawiin, thisen pek zawng zawngte Voluntary Donation ni vek (100% Voluntary Donation) chu an tum ber a nih thu an sawi a. Damlo mamawh ten engtiklai pawha thisen an hman tur Blood Bank-a dah chu a pawimawhna hriaa thisen pek uar zel turin mipuite an sawm bawk.

Author : Kapliana Pachuau

Aside | Posted on by | Leave a comment

MPF ten thuthlung bawhchhiat pawi an ti.

MPF PRESS RELEASE

Mizoram People Forum chuan Inthlanna fel, thianghlim leh dik a awm theih nan theihtawpin hma a la thin a. Kumin MLA Inthlan lo awm turah pawh Political Party hrang hrangte nen vawi engemaw zat inhmukhawm in Thawhhona Thuthlung fel tak siam a ni a.
Kan Thawhhona Thuthlung 2 : 4- ah chuan ” Mipui vantlang tana ruaitheh leh pinic hi a hautak em avangin tih loh nise ” tih a ni a. He Thuthlung bawhchhiatna nia lang Hrangturzo Constituency chhungah leh Aizawl East 11 Constituency chhunga thleng hi pawi kan ti a. Kan Constituency Forum leh Local Forum hruaitute hmalakna hi tha kan ti a, kan thlawp tlat a ni. Hetiang thil hi Mizoram chhung khawihmunah mah thleng tawh lo se tih hi kan duh hle a ni.

Hmun thenkhatah Political Party thenkhatin sum an chelek ni a sawi a awm a. Tin, Thawhhona Thuthlung bawhchhia a Party flag, banner leh poster tar te pawh a awm a sawi a ni bawk a. Heng thil te pawh hi tha kan ti lo va, a tul anga bawhzui zel a ni bawk dawn a ni.

Thawhhona Thuthlung hi kan ram leh hnam thatna tura MPF leh Party hrang hrang hruaitute siam a ni a. Party hrang hrang President leh MPF President te hming ziak hnan a nih avangin zah a, zawm theuh turin Political Party zawng zawngte kan ngen nawn leh a ni e.

Sd/-
Rev F Lalrinnunga
President

Sd/-
Rev Dr R Lalbiakmawia
Gen Secretary

Mizoram People Forum,
General Headquarters
Aizawl, Mizoram.

Aside | Posted on by | Leave a comment

MNF IN AN CANDIDATE TUR PUANG!

Vawiin dt.22/10/18 khan Mizo National Front(MNF) chuan an dim champha vawi-57 na lawmna hun an nei a. He hunah hian kumin 2018 Nov.28-a Mizoram inthlanpui lo awm turah Candidate turte puanna hun Vanapa Hall ah an nei a. Bial 39 puan niin bial khat erawh an puang lova, Tuichawng bial ah candidate an neih dawn leh dawn loh hriat a ni lo.

MNF hian an MLA nilai panga te chu an bial ngaiah an dintir leh vek dawn a. Congress ticket a MLA a thlantlin pahnih, Party chhuahsan a MNF Party zawm ta Pu R.Lalzirliana leh Pu Lalrinliana Sailo te an tel bawk.

MNF Candidate ah hian Minister/MLA nilai 17 an awm a. Candidate te hi Kum 30-40 inkar 2, Kum 41-50 inkar 12, Kum 51-60 inkar 11, Kum 61-70 inkar 9, Kum 71 leh a chung 5 te an ni a. An kum hi chawhrualin 53 a ni.

MNF in Candidate an puan teah hian mithiam mi thiam, mi lar an tam hle a. Zirna lama thiam avanga Doctorate Degree nei mi pali, Doctor pahnih, Prof/Asst.Professor nilai 5, Engineer Pahnih, Advocate/Ukil pathum an awm a ni.

Candidate tur leh an dinna bial turte chu :-

  1. Hachhek

– Lalrinenga Sailo

  1. Dampa

– Lalrintluanga Sailo

  1. Mamit

– Er.H.Lalzirliana

  1. Tuirial

– Sailothanga Sailo

  1. Kolasib

– K.Lalrinliana

  1. Serlui

– Lalrinsanga Ralte

  1. Tuivawl

– Lalchhandama Ralte

  1. Chalfilh

– Lalrinliana Sailo

  1. Tawi

– R.Lalzirliana

  1. Aizawl North I

– Lalringliana

  1. Aizawl North II

– Laltlanzova Khiangte

  1. Aizawl North III

– C.Lalmuanpuia

  1. Aizawl East I

– Zoramthanga

  1. Aizawl East II

– Robert Romawia Royte

  1. Aizawl West I

– K.Sangthuama

  1. Aizawl West II

– Lalruatkima

  1. Aizawl West III

– Vanlalzawma

  1. Aizawl South I

– K.Liantlinga

  1. Aizawl South II

– Denghmingthanga

  1. Aizawl South III

– Prof.Dr. Lalnunmawia

  1. Lengteng

– L.Thangmawia

  1. Tuichang

– Tawnluia

  1. Champhai North

– Dr.ZR.Thiamsanga

  1. Champhai South

– TJ Lalnuntluanga, Advocate

  1. East Tuipui

– Ramthanmawia (Papuia)

  1. Serchhip

– C.Lalramzauva Sr.Advocate

  1. Tuikum

– Er.Lalrinawma

  1. Hrangturzo

– Lalchamliana

  1. South Tuipui

– Dr.R. Lalthangliana

  1. Lunglei North

– Dr.Vanlaltanpuia

  1. Lunglei East

– Lawmawma Tochhawng

  1. Lunglei West

– C.Lalrinsanga

  1. Lunglei South

– Dr.K. Pachhunga

  1. Thorang

– Er.R. Rohmingliana

  1. West Tuipui

– Robert F.Hmingthansanga, Advocate

  1. Lawngtlai West

– C.Ramhluna

  1. Lawngtlai East

– H.Biakzauva

  1. Siaha

– Dr.K. Beichhua

  1. Palak

– M.Chakhu


Author : Chhana Vidic Vanchhawng

Aside | Posted on by | Leave a comment

Duh zawng vote ngam ve ila

Inrinni kalta Oct 20 khan Australia ram Prime Minister paihthlak tak Malcolm Turnbull-a rauhsan MP seat ah bye election neih a ni a. Independent candidate Kerryn Phelps-i thlan tlin a ni a. Sorkar lai party te pahnih tangkawpin majority an hloh nain MP thlantlin thar Dr Phelps-i hian pawn lam atanga conditional support pek a tum thu a sawi a ni.

Australia ram hi democracy kan tih mipui rorelna hmang dik leh hmang tha ram tlemte zinga pakhat a ni a. A tlangpui thuin mipuiin an duh an thlang tling a, thalo an tih chu an paihthla leh mai thin. Hei hi mipui rorelna hrisel entirna pakhat a ni. Bye election a Australia mipui ten a ruling party candidate thlantlin ngei ngei tura an ngailo hi politician te laka mipui an zalen zia pawh a ti lang a. Tin, party atchilh tawk hi awm bawk mah se, an chhia leh tha hriatna thiang tak hman an hrehlohzia pawh a ti lang awm e. Hetianga mipui zawkin an hmakhua ngaia an duh zawng tak an thlantlin hi mipui rorelna kan tih awmzia chu a ni ber pakhat a. An thlantlina te kha an lo tha lemlo a nih leh mipui bawkin an thlak leh mai thin a ni.

Mizorama bye election kan neiha mi sawi thin chu, “Sorkar lai party candidate a nih chuan tling chiang sa” tih hi a ni a. Hei hi Mizorama kan tih dan phung ngei niin a lang.

Hetiang ngaihdan hi mipui berin kan neih tlat chuan political party te leh politician thil ti thei leh hausa te thuhnuaiah kan awm tihna a ni ang a. Democracy a mipui thuneihna hi kan duh anga hmang ngam lo leh hmang tangkailovin kan awm tihna a ni ang.

Dr Phelps-i thlangtling tute hian ruling party candidate a nih loh vanga thlan loh turah an ngai lova, ruling party leh opposition party te politics an nin avang te’n independent candidate hi an thlangtling a ni.

Tin, mi satliah a ni lova. Doctor a ni a. Australian Medical Association ah te pawh President lo ni tawhin Sydney khawpui Council ah Dy Lord Mayor te pawh a lo ni tawh a ni. Chutiang background nei a nih avang chuan ruling party candidate ai chuan “enchhin” an thlang zawk niin a lang.

Mizoramah hian mak deuh mai chu hlawh nei hna la thawk ngai miahlo te hi MLA atan kan thlangtling duh a. Tun inthlan lo awm leh turah pawh hian eizawnna mumal neilo, profession mumal neilo an rawn in candidate leh nual dawnin a lang. Hrangturzo bye election a tling ta Pi Vanlalawmpuii Chawngthu hi a in candidate lai khan eng hna nge a thawh tawh thin tih zawh a nihin, a campaign pui nasa ber ber te khan chhan theih alawi an nei lova. Hriat chinah chuan hlawh chhuah nei hna thawh a lo la neilo niin a lang, a in candidate hma zawng khan.

Hna hi a hniam ber pawh hian zahawmna a nei a. Ek paih hna pawh nise hlawh neia mahni leh chhungkaw chawmnana miin a hman phawt chuan a zahawm em em a. Thawh hlawh a ken tel tlat avangin mawhphurhna tak tak a keng tel nghal bawk a ni. Pawl engemaw-a phusa ve thin tih ang chi nilovin.

Kan ramah hian mipuiin duhthlang thei kan ni a, duhloh pawh thlang thei kan ni. Bye election ah te hian ruling party candidate an nih vang ringawtin candidate te hi I thlangtling tawh lovang u. Tin, independent a ding ngam emaw party té candidate pawh nise bial tana thawk thei tur chiang taka kan hriat te an awm a nih pawhin thlang tling ngam ila kan ram hawizawng hi kan her danglam thei ang. Amaherawhchu, hna thawh emaw career mumal la nei ngailo te hi chu I thlangtlinglo ngam ang u.

Democracy hman dik thawkhatna ram Australia ah te chuan bye election a ni emaw general election a ni emaw, an duh loh an thlang lo ngam a. An duh pawh an thlang tling ngam a ni, Delhi mipui angin. Mizo mipui pawhin chutiang chuan kan ti ve thei.

Author: Maṭana Pachuau

Aside | Posted on by | Leave a comment

SAWMA PAKHAT Leh Pu Romawia

SAWMA PAKHAT/ TITHE

Leviticus 27:30 ah chuan,”Ram chhunga mi, sawma pakhat zawng zawng, lova thil hawngte pawh, thei rahte pawh LALPA pual a ni a, LALPA tana thianghlim a ni” tih kan hmu a. He Thuthlung Hlui dan hi kohhran ten “sawma pakhat” thawhlawm zat kan inzirtirna niin a lang. Amaherawhchu, Thuthlung Hlui dan kha kan en zel chuan hemi sawma pakhat chauh lo pawh pek tur a la awm a – Levia chi te tana thil pek te, tempul thawhlawm te, sakhaw ruai atana thawhlawm te leh mi rethei te tana thawhlawm te zawng zawng nena chhut chuan sawma pakhat (10%) nilovin sawma 23.3% vel tura chhut niin Bible zirmi te chuan an sawi.

A engapawh chu ni ta se, Thuthlung Thara Isua ringtute tan Thuthlung Hluia dan phuara kan awm ve tawh loh avangin sawma pakhat (10%) hi kan pek tam lam emaw kan pek tlem lam tehna tur a ni lovanga. Lal Isua zirtirna kan en chuan sawma pakhat chu sawi loh sawma sawm, zaa za hi ringtute laka phut kan ni zawk a tih theih ang. Amaherawhchu, practical taka thlir chuan he Thuthlung Hlui danin thawh zat tur a sawi sawma pakhat hi thawh zat tur bithliahna fel tak a ni a. A aia pe tam theiin an pekin a tha a, a pe thei lovin sawma pakhat an pek tlin loh pawhin Pathian hmaa inthiamlohna an neih a ngai lovang. Pathian chu kan thinlung entu a nih avangin. Engzat nge thawhlawma pek tur tih hi a inzirtir zawnga kan inzirtir dawn a nih chuan I Kor 16:2 hi kan innghahna ber tur niin a lang – “malsawmna in hmuh ang zia zelin…” Hei hi Lal Isua zirtirna nen pawha inmil a ni.

Aizawl pa hausa Pu Robert Romawia Royte in 2010-a a lawina kohhrana cheng nuai 30 (leh nuai 21) a thawh kha “kan chhungkaw thawhlawm” tiin Oct 11, 2018-a press conference a neihah khan a sawi a. “NECS-in a hnathawh hlawh atanga…Chhinga Veng Kohhranah” thawh a nih thu pawh a sawilang a.

Amaherawhchu, kha thawhlawm kha news report hrang hranga a lan dan chuan “sawma pakhat” thawhlawm tih a ni a. Cheng nuai 30 thawhlawma thawh a nih chuan cheng nuai 300 hlawh atanga chhut a ni ang a, cheng nuai 21 thawhlawm kha cheng nuai 210 hlawhchhuah atanga chhut a ni bawk ang. A zavaiin cheng nuai 510 hlawhchhuah atanga chhut tihna a nih chu.

The Frontier Despatch in investigative reporting a tih naa a hmuhchhuah chu Pu Robert Romawia Royte company NECS in Nagaland sorkar atanga sum sanction order a hmuh zat leh ACB a a thehluh zat inanglo tih a ni a. Hei hi 2010-a buaipuitu te pawhin an lo zawh fo tawh a ni. NECS in sum a siamzat inanglo kha.

Pu Robert Romawia Royte in Chhinga veng Presbyterian kohhrana nuai 30 (leh nuai 21) a thawh kha “sawma pakhat” nge a remchang figure a thawh zat?

Sunday hman nuam vek ule!

Aside | Posted on by | Leave a comment