ZORAM PAWNA HNATHAWKA CHHUAH TUM TE TANA HRIATTUR PAWIMAWH THENKHAT TE

Tunlaiin Mizo thalai tamtak Mizoram pawn lama hna zawng kan pung zel a, a lawmawm hle. Kan state chhung ah ringawt chuan sawrkar hna anih ngawt loh chuan hlawh tlema laktlak leh innghahna te a beitham avangin kan chhuak chur chur mai anih hi.
Chutih laiin thenkhat lehkhazira awm, hunawl leh exam chawlh chhunga lo inhlawhfa lauh lauh tawk kan awm bawk a. Tin lehkha zir chunga part time a thawk pawh kan awm nual bawk.

Ka sawi duh chu ram pawna/phaia hna thawk tura kan kal dawnin thil thenkhat inpuahchah lawk tul tak tak a awm a. A tel lova hlawh lak buai leh hna thawh theihloh nachhan anih avangin heng documents hi neih sa thlip thlep hian buaina kan tawk lo anga, sum leh pai tamtak kan save bawk dawn a ni.

1. Adhar Card.
Tunlai ah chuan Adhar card neilo chu Company tam tak in an lak duh tawh loh avangin Adhar Card neihsa hi a tul a ni. I la neih loh chuan i siamtir lawk dawn nia.

2. PAN CARD
Pan card tello chuan hlawh a lak theih loh ti ila a awlsam mau. Tunhma kha chuan Company hian thla 1/2 vel kha PAN Card siamna hun an pe thin a. Mahse tunah chuan Company tam zawk chuan PAN Card neisa lo tan an recruit duh tawh manglo a ni.

Tin PAN Card chungchanga thil pawimawh leh em em pakhat chu, hming lamtawi hi hman phalloh hulhual a ni a. Mizo te hian kan hnam hming lamtawi hi kan hmingah hian kan hmang fur a. Heng hming lamtawi eg K.Sangzuala tih emaw M.S.Dawngliana tih ang chi te hi an reject thin. Chuvang chuan kan hming hi a tluan, lamtawi awm lova tih tur a ni.

3. Hming a inmil tur a ni.
I Adhar Card, PAN Card, Voter’s ID leh Driver’s License ah hming a inmil vek tur ani. A inmil loh chuan siamtha rawh. PAN Card a hming lamtawi a hman theihloh avangin i Voter’s ID emaw i Adhar emaw kha update la, chuan i PAN Card nen inmil turin i update dawn nia.

Heng bakah hian thil dang tul tam tak chu awm mahse, heng point tlemte rawn tarlan tak hi pawimawh leh hna zawng tana neih ngei ngei ngai a nih avangin ka lo tarlang a ni e.

Tam tak chu hetah phaia an lo chhuk hnu in heng docs ho hi siam turin an hun leh tha bakah pawisa tam tak an sengral thin a, hetiang harsatna i tawh loh nan i lo inring dawn nia.

Advertisements
Aside | Posted on by | Leave a comment

SUANGPUILAWN KHAW MI BO NI LI HNUAH DAMA HMUH A NI

Suangpuilawn khaw mibo chu ni 4 hnuah 11 april khan dama hmuh a ni.

Suangpuilawn khua Tv.Ringsanga Kum 46, Ni 7.4.2018 Inrinni-a bo chu vawiin Nilaini Chawhnu Dar 2:30 khan an khaw ram khawchhak lam Sanghalin lei a nawr khuarah chau taka a lo mu hmuh a ni a, engvanga bo nge he thu buatsaih lai hian hriat a ni lo.

Tv.Ringsanga bo hi an khua bakah khaw thenawm N. Khawlek Vanbawng, Lamherh, Zawngin, Phullen leh Khawlian atang tein mi tlawmngaiten an zawnpui a, an chungah Suangpuilawn khawtlangin lawmthu an Sawi a, pawl leh mimal mibo zawngtute tana thilpek petute, khaw thenawm atanga thil pek hlantute chungah lawmthu an sawi bawk.

Author: Vanneihthanga Vanchhawngᅠ

Aside | Posted on by | Leave a comment

Lalrempuia sawisaa tihlum tute man

Lalrempuia sawisaa tihlum tute chu Vaivakawn Police ten an man ta…
1. L alhriatkima K-21 S/o Lalrizapa
2. L alrinawma K-22 S/o Kapthanga
3. Runhleihfaia K-25 S/o Sangliana Hai Khawl.

Anmahni hi Dinthar V-Section vek an ni an ti.

Sawisak a nihna hmun hi Pi B Sairengpuii in bul, Hunthar Veng ah Ni 23/3/2018 thimhlima thil thleng a ni. Amah hi 6/4/2018 ah a boral a ni.

Note:- Tlai thimhlima a hnathawk haw, Dawrte pakhata a thil leina thin ah chuan thil a lei leh a, a leizo kal tura a inher chuan Heng mite hi a su palh a, ka tihpalh min ngaidam rawh u tia ngaihdam a dil lawm lawm chung pawhin heng ho hian “Min su lui” tiin an sawisak rawn ta mai niin Dawrte nghaktu hian a sawi.

Aside | Posted on by | Leave a comment

Lalrempuia sawisaa tihlum tute man

Lalrempuia sawisaa tihlum tute chu Vaivakawn Police ten an man ta…
1. L alhriatkima K-21 S/o Lalrizapa
2. L alrinawma K-22 S/o Kapthanga
3. Runhleihfaia K-25 S/o Sangliana Hai Khawl.

Anmahni hi Dinthar V-Section vek an ni an ti.

Sawisak a nihna hmun hi Pi B Sairengpuii in bul, Hunthar Veng ah Ni 23/3/2018 thimhlima thil thleng a ni. Amah hi 6/4/2018 ah a boral a ni.

Note:- Tlai thimhlima a hnathawk haw, Dawrte pakhata a thil leina thin ah chuan thil a lei leh a, a leizo kal tura a inher chuan Heng mite hi a su palh a, ka tihpalh min ngaidam rawh u tia ngaihdam a dil lawm lawm chung pawhin heng ho hian “Min su lui” tiin an sawisak rawn ta mai niin Dawrte nghaktu hian a sawi.

Aside | Posted on by | Leave a comment

PU C LALREMPUIA TUALTHIHNA CHUNGCHANGA CHANMARY ‘W’ YMA PRESS RELEASE

Pu C Lalrempuia H/o Pi Laldikkimi, Chanmari West chu ni 23.03.2018 tlaia a hnathawk haw lam, Hunthar Veng huam chhung Pi Sarengpuii (L) in bul dawr tea a thil lei zo kal tur kutthlak rawn a, tlan chhiatsantute chu Vaivakawn Police Station staff-ten ngawrh taka an zawn hnuah, ni 11.04.2018 (nilaini)-ah an man.

Pu C Lalrempuia hi Zawlbuk Agency-a thawk lai niin mi nun nem leh ze zawi tak a ni a. Hetia kut an thlak hnu hian engtin tin emaw an in a thleng thei hram a, in a thlen hnuah a lua thi chhuak a la tam em avangin Damdawi in panpui a ni. CT Scan tih a nih hnuin a thluakah thi a tling hnem tih hmuh chhuah a ni a, kut a tawrh zan la lain zai nghal a ni. An zai zawhah ICU-ah an dah nghal a, chumi ațang chuan a thih zan April ni 6, 2018 thlengin a harh chhuak leh ta lo.

Kan member duh takin hetia mi kut a tawrh avanga min boral san ta mai hi pawi kan ti hle a. Heng mi sualte hian an phu tawk hremna hmu ngei se kan duh a, dan hmanga a na thei ang bera hrem ni mawlh rawh se tih chu Chanmari West Branch YMA duh dan a ni.

Pic : Pu C Lalrempuia

Rempuia’n a kalsan a nupui leh a chhungte pawh kan tawrhpui tak zet a ni.

Hetiang pawi sawi lo kutthlak duhtu, mi awm tha duh lote kan Police-ten rang taka an man chhuak hi lawmawm kan ti a, Vaivakawn Police Station-a staff zawng zawngte inpeknaah Chanmari West Branch YMA chuan lawmthu a sawi tak zet a ni.

Hetiang Police viak tha, mahni hna ngai pawimawha tih tur dik tak ti thinte hi an chhuanawmin, thla an timuang hle a ni.

Pu C Lalrempuia kut thlaktu nia puh Police ten an man chu heng mite hi an ni :-

1. LALHRIATKIMA, KUM 21, S/o LALRIZAPA

2. LALRINAWMA, KUM 22, S/o KAPTHANGA

3. RUNHLEIHFAIA, KUM 25, S/o SANGLIANA HAI KHAWL

Sd/
PC Lalawmawia
Secretary,
Chanmary West Branch YMA

Aside | Posted on by | Leave a comment

2021 AH CHUAN INDIA RAM AH KRISTIAN KAN NUAI CHIMIT VEK TAWH ANG – Rajeshwar Singh (BJP+RSS TIRHKOH)

BJP control tu RSS ho Pracharak (tirhkoh) Mr. Rajeshwar Singh chuan “Isaiiyat khattam karenge” (Kristian te kan nuai chimit vek ang) “2021 ah chuan India ramah Kristian leh Muslim an awm tawh lovang” tiin a sawi thu Time of India chuan an tarlang.

He BJP + RSS Tirhkoh hian ‘ghar wapasi’ programme an kal puina ah thlakhat ah chhungkua 1000 aia tam Hindu ah lettir leh thu leh nuai 50 an sen ziah thu a sawi bawk.

Vai Hindu tan chuan BJP hi a ṭha in a him ber mai thei e. Mahse, MIZO KRISTIAN TE TAN CHUAN India rama political party zawng zawngah political party rapthlak ber an ni tlat.

Sum vangin em ni BJP i lo sapawt ? BJP thil tum anga an sawi development hi Pu Donald Trump-a ten an sawi ang Development a ni dawn lova, “Development by Hinduism” a ni dawn a, a ni ngei bawk ang.

Aside | Posted on by | Leave a comment

SYRIA CHUNGCHANGAH US LEH RUSSIA AN INVAU TAWN TA : DONALD TRUMP ZIN TUM A THULH : INDOPUI 3 RIM A NAM TAN !

Syria ram chu bomb tur nge bomb loh tur? President Donald Trump chu Peru ramah America’s Summit a tel tur a thulh thut a, a aiawh turin Vice President Mike Pence a kal ang. Defense Secy Gen. James Mattis pawhin tunkar chhunga a tihtur puan lawk (schedule) te a cancel vek ta bawk.

USS Donald Cook

Hetih lai hian indo lawng phur, USS Donald Cook chuan a awmna Cypriot seaport Larnaca atangin Syria rawn pan hnaiin, Eastern Medeterannean Sea-tuipui a rawn tawlh lut mek, France’s frigate AQUITAINE, cruise missile phurin a tawiawm. USS Harry Truman erawh vawiinah Virginia state atangin Mediterranean Sea a rawn pan mek a, engtiknge a lo thlen dawn a chiang lo. Nikum April 7 a Tomahawk missiles 59 zeta Syria’s military base al-Shayriat Air Base kaptu USS Porter erawh Cheubongi, France ah a la awm thung.

Hetih lai vek hian Russian Naval base-Black Sea tuipuia awm te pawhin indo nunchan zirin, indo thei turin an inpuah chah mup mup a; SAM-400 Air Defense System te chu kah chhuah peih turin buatsaih mek a ni bawk.

French President Emmanuel Macron chuan, “Kan thawhpui US leh Britain thutlukna a zirin Syria chu beih a ni anga, sipai chaknaa kan bei ta a nih chuan Syria sorkar “chemical facility” te kan bi tum ang” a ti.

British PM Theresa May pawhin Cabinet meeting kohvin, lungrual takin Syria laka “military action” hman an rem ti. Mahse, UK danah MP’s rualten an remtih pui a ngai. PM David Cameron khan kum 2013 ah Syria bei tura hmalakna a neih chu MP’s ten rem ti lovin, mualpho takin House ah a lo awm tawh a nih kha. PM May hian House pawmpuina a mamawh dawn a ni.

Syria ah kum 2011 atanga civil war vangin chemical weapons attacks vawi 33 awm tawhin, chung zinga 27 chu Russia leh Iran thlawp Syria sorkar tih a ni a, a dang 3 erawh chu helho hman niin UN War Crime investigators te chuan an sawi. UN Security Council thuchhuak anga Syria hrem dawnin, UN resolution chu Russia-in a paih (veto) leh thin a; Syria leh Russia chuan “chemical attack” a awmlo tiin, an pha zel.

US LEH A THAWHPUITE CHHANLET AN NI ANG

Nikuma Tomahawk missiles 59 zet al-Shayriat air base kah thawr thawr ang chu a ni dawn hauh lo. Tun tum boruak tluka US leh Russia ramin military chakna hmanga direct taka an inhmachhawn teuhna hi 1962 a Cuban Missile Crisis tih lohvah a awm lo. Kha raw…Indopui 3na rim a nam tan!

Maj. Gen. Valery Gerasimov, Chief of the Staff of Russian Armed Forces chuan, “US-in Syria a beih chuan Russian Air Defense System hmangin beih let an ni ang. Russian servicemen ten an tuar tawh tur a ni lo” tiin, US chu a vaukhan lawk a ni. Gen. Gerasimov hi Syria rama Russian Military Advisers zinga awm, Damascus base a ni.

Mikhail Bagdanov, Russia’s Dy Foreign Minister chuan, “US leh a thawhpuite chet tum dan chu a hlauhawm tak zet (extremely dangerous) tiin, “Russia leh US chu direct takin an inkut palh thei a ni. US chuan kan Chief of Staff Geresimov thurawn angin Syria a beih loh kan duh a ni” a ti.

President Trump chuan Syria a bomb ul ul dawn anih chuan, fimkhur taka a chet a ngai ang. Syria ram chhungah Russian Armed Forces tam tak an awm a ni. US-in Syria a beih dawn chuan an Air Defense System a phindarh hmasak a tul ang. Kum 70 chuang Syria ram chhung lo dai a enthlatu Israel khuan Syria ram dinhmun, a chakna leh chaklohna, sihhnipna lai chu hrechiang ber turah ngaih a ni.

Military Balance-London based chuan, Syria-in Air Forces Sipai 15,000 a nei a, Israel-in 34,000 US-in 316,000 a nei, a ti. Syria’s Armed Force Defense Budget hi US$ tluklehdingawn 1.6 a ni a- hengte hi a nei: Fighter Ground attack aircrafts-130, Fighter aircrafts-75, Transport aircrafts-23, Ground attack aircrafts-36, Attack helicopters-4, Trainer aircrafts-17, Multi-role Helicopters-57.

Reuben Ben-Shalom, Isreali Military Analyst chuan, “Israel chuan awlsamtein Syria chu a sawpchhe thei ang. Mahse, Russia venhimna-nihliap zar hnuaiah an awm a; Syria ah Russia a inkulh tlat a, US in a beih chuan Indopui 3na a chhuak thei a ni” a ti.

Syria rama Iran’s military base va beitu, Israel’s F-16 te pawh an haw lam chu SAM-400 hmangin kahthlak an lo ni tawh a, chuvangin fimkhur an ngai hle dawn a ni. Trump hian Syria a beih chuan Russian hote bomb hlum tel lo tura hmalakna neih a ngai ang. President Trump chuan White House Cabinet Room-ah a General rualte meeting a neih pui tawh a; an thutlukna puan a ni lo.

UN Security Council meeting-ah Russia Ambassador Vassily Nebenzia chuan, “Douma town ah chemical weapons hmanna sulhnu hmuh a ni lo” a ti.

Russia chuan chemical weapons hman a nih leh nih loh chhui an phut a, mahse, member dangte chuan Russia hi ring zo tawh lovin, UN Security Council resolution chu a dah “zero” duh zel tho an ring tawh a ni. Nebenzia chuan, “Hetiang resolution hi chu a hlawhchham chiang ang. Syria lakah UN phal loh, dan lova military action lak anih chuan, anmahniin mawhphurhna chu an lak ngei a ngai ang” a ti. Russia lamah Bolivia chiahin vote a pe a, China erawh ralbangin vote a thlak ve lo.

ENGVANGIN NGE SYRIA HUM TLAT A NIH?

President Vladimir Putin hian a ram chhung Chechnya rama Muslim helte a tuk tlawm tum khan, Grozny khawpui chu a bomb chhe nasa hle a; UN meuh pawhin “Khawvela khawpui bomb chhiat nasat ber” a lo ti hial thin kha a ni a, Syria ram chhung Aleppo-ah pawh Russian Air Forces te hi an tichhe nasa hle. Tunah Putin, Assad leh Rouhani (Iran President) te hian Syria helte an beihnaah hian “Hual bet la, riltamin dah la, inpek tir rawh” (seige, starve and surrender) tih chu an strategy niin Jennifer Cafarella, expert@ Insitute for the Study of War chuan a sawi.

Kum 2013 khan President Obama chuan, Syria hian chemical weapons a hman chungchangah “Red Line” siam sakin beihah a vauva, mahse, Russia hmalak puinain Syria’s chemical stockpiles chu tihchhiat a, tuifinriat thuk takah phumbo a ni. Mahse, Syria chemical ralthuam hi tihbo zawh vek a lo ni lo, niin a lang.

Kum 2015 a President Putin-an Middle East ah a thahrui a rawn entir hnu hian, Kum zabi 21ah hian tun hma zawng ai israel leh Iran indona tur pawh a tihnai chho hlea ngaih a ni! Iran chuan Syria ram chhungah military base siamin, Syria ram kal tlangin Lebanon a Hizbollah helte chu ralthuam chi tin reng a pe thei a ni. Israel chuan Iran inkhuar ngheh leh Syria ram chhunga an che tla hi a duh lovin, mut mawh hnar mawhah neiin, a mit timimtu a ni. Iran thlawp Hizbollah hel, Israel ram nuaibo duhtu te hian Rockets 250,000 zet an kawl tawh niin sawi a ni thin.

ISRAEL RUM ṬHAIH SUH U!

April 4 khan Iran President Hassan Rouhani chuan, “America leh Israel te chuan kan kawng min dal an tum a, mahse, an thei lo.Terrorist puitu an ni a, harsatna nasa tak min siam thin. Kan hmelmate chuan Syria tihchhiat vek an duh a, an hlawhchham a ni” a ti deuh kher a.

Israeli PM Benjamin Netanyahu chuan Iran President Hassan Rouhani tawngkam hi chhangletin, “Min rawn tih ṭhaih duh suh u. Sazupui (rabbit) kan ni lova, Sakei (tiger) kan nih hi. Kan tana hlauhawma in lo awm chuan, in tan pawh a hlauhawmin, a ṭha lo hle ang” tiin a vau let a ni. Iran hian Syria leh Israel ramri hnaih Golan Heights ah military base siam tumin, Hizbollah hote pawh a tir lut a ni. Hei hi Israel hian a ngai thei lo.

Iran -Shia muslim ram hian Middle East region hi thunun duhin, Afghanistan, Iraq, Yemen leh Mediterranean vela cheng Shia muslim te hi tang rual tura suihkhawm hi a tum tlat a ni.

Israel hian vawi tam tak Syria ram chhung hi a lo bomb tawh thin a, mahse, chiang takin khawvel hriatah an tih a nih thu hi a puang duh meuh lo. Tunkar Thawhtanni (9/4/18) zing dar 4am vela Syria’s military base-T4 Base pawh kha F-16 pahnih hmangin Lebabon Airspace atangin a lo bei hi a lo nia, missile 8 zetin T-4 military base hi a kap a, mahse, Syria chuan missile 8 zinga 5 chu an kapthla niin an saw, mi 14 zetin an thih a, an zingah Iran sipaite pawh an tel tih a ni.


Engvangin nge T4 military base hi an beih? He hmun hi Iran sipaite inkulhna leh drone thlawhna te nena an inkulhna niin an sawi. (1) Israel hian Russia hnenah Syria a Iran inkhuar an duhlohzia entirna (2) Kum 2007 ah Syria Nuclear Reactor an bomb chhiat sak (4) Feb 2018 ah Iranin drone hmangin Israel ram enthlain kap chhangletin, Multi-front air raid an nei. Hei hi kum 1982 a Lebanon War hnu lama Israel chetna lian ber a ni (MSR ah kimchangin kan ziak tawh kha-CT).

Israel tan Syria ram chhunga Russia, Iran leh Turkey sipai awmte hi hnara hlit awm ang tluk a ni. Iran chuan sipai 80,000 a dah a, Syria chhim thlangah Iran sipaite hi an tam zual a ni. Khawvelin enge lo thleng zel dawn le? tiin Syria ram leh Middle East boruak an ngaichang thup a ni ber mai !

Author: CT Lalrinawmaᅠ

Aside | Posted on by | Leave a comment

MIZO KRISTIAN INKHAWM BORUAK (Constructive Critism) by David Sailo.

1.INKHAWM KAL TUR –
Kohhran chanchinbu an en phawt loh leh ‘Tu thusawi nge?’ tiin chhungkua an in zawt hmasa phawt a, thusawitu a zirin an phurin an phur lo thin. Dar rik hi insiam țanna atan an hmang a, muangchang takin tlai hlau takin an kal thin. Sunday chuan nalh tih ngai lovin nalh an inti em em vek a ni. A vuakveta phusa ho chu kal hma mah se a chhung an lut tha peih lova, Sound Control na bul vel leh tlar hnung lamah chhuak zeuh zeuh pah turin an inring ran thin a, Biak In kawt velah an thep kawi reng thin.

  1. CHAIRMAN/HRUAITU –
    Țan a hunin inti zei takin engmah sawi pawh awm lovin inla khunkhan takin Sam a rawn chhiar nghal tawp a, a biak Pathian aia mipui zah zawkin “Tawite in kan tawngtai ang e” te an ti mai mai thin. Inkhawm vawn urhsun an tum thei hle a, Bible chang sei tak an chhiar ngai lo a, “Halleluia, Amen” an ti ve vak ngai lo. Hmang tawi fel thiam apiang chu Kohhran mite fak hlawhna tih an hria a, Pathian aiin mipui mitmei an veng lian zawk. An chhungkuaa chhung inkhawm an hman dan nen chuan an tawngkam pawh danglam tak a ni. Heng hi lem channa vek a ni. An tawngkamah chuan inkawm hona leh chhungkuaa an hman ngai loh ‘Kan hotu ten’ tih a ‘ten’ tih hi an thluk kuai ngauh thin.
    ᅠ Thusawitu kutah hun an hlan hnu chuan mi tam zawk hi an țhutna ah thu ila kan zah dawn nen Chairman chuan urhsun a tum tehreng nen mipui tam tak hmachhawn zawngin a muthlu ngawih ngawih bawk thin. A zahtheih loh thlak nge a chak loh thlak zawk. A hnaivai ber pawn Sermon a ngaithla peih bik chuang lo !!
  2. THU SAWITU –
    An hun neih dawn an hriat atang hian an inbuatsaih nghal mai ngailo deuh vek. An thusawi hun hma ni 2 vel atangin an rilru a luah tan a, thusawi tur aiin an thusawi hunin an thinlung a luahkhat hneh zawk. Țhingthi, Bawkkhupa chunglam rawn ai chuan Bible Commentary lam an belbul chawt a, chunglam atanga thusawi tur lo thleng a awm lova, lehkhabu atangin an zawng chawp thin. Pulpit an lawn zing tawh a, vawikhat tlingtlak ve mai na tur chu an haih chham bik lo. An thusawi erawh nung hluah hluah, mi thinlunga cham reng tura hnutchhiah tur erawh a awm ngai lo thung.

Sana an en sek a, an dawn angte sawi zawh ai chuan inkhawm ban hun pangngaia ban loh hi an hlauh ber a ni. Zaipawl hla rem an awm chuan ‘Hla min neih sak turin ka sawm a’ te an ti mai mai thin. Zaipawlte chuan Pathian an fak tawh lova thusawitu sawm angin hla an neih sak zawk a nih chu !!
ᅠᅠ Ziaksa en mai tur Note bu an pharh a, mipui lam an hawi leh an Note bu thlir a in zat vel chiah thin. Bible chang an chhinchhiah, a kara Bookmark an zeh hi tla bo palh se buai em em tur khawpa thusawi tur mahni pawh bel lo an tam mai. An thusawiah chuan Thlarau lam thil aiin khawvel Knowlege engemaw zeh an ching a, miten chhiar zau leh hria min ti se tih rilru pu in Bible a chuang lem lo, Commentary a mi an sawi chhuak fo bawk.
ᅠᅠAn thusawi zo Pulpit atanga lo chhuk chu Upa tlar ho chuan lo nghakin Sermon chhung zawnga muhil te pawh chuan phungthlu taka chibaiin ‘I sawi tha hle mai’ an ti tliar tliar a, hei pawh hi lemchanna vek a ni. Chunglamin a hmu vek a, a Sermon chu sawichhawn tur an hre ngai lo.

ȚHUTNA –
Upa leh hruaitu deuh chu Pulpit veilam sir ah an thu tlangpui a, a thenin bawp an khawkherh a, a ṭhenin thutthleng nghenchhan an hlam duai a, a then dak vahin an muthlu ang phuau a, a then a kun zawngin bu leh dawrh thin khawpin an muthlu bawk. A ṭhenin ke khawkherhin an thluang duai bawk thin. A muthlu lo chhun tlemte te chuan Note bu ah eng eng emaw an ziak a, Sermon lam hawi an lo ziak ngai mang lo. A thenin Kohhran lam chanchinbu an bih bawk a.
ᅠᅠThusawitu en dauh dauh Upa hmuh tur an vang hle. Nau țap an awmin an mitin an zawng deuh ruai a, chhangchhe tan chuan inthlahrun awm tak a ni. Sound a kiu leh a chian loh in Sound Control na lam an hawi țhup a, a then chu an meng thip thei hle. Inkhawm ban chuan Biak In chhungah lehkha pawimawh, chanchinbu, Envelope an sem nuai nuai thin. Ringlo mite Biak In chhung zia pawh kan tluk love.

Pulpit vei lamah chuan Nu ho tlawngawl deuh, hruaitu chanchang leh Upa nupuite an thu hlawm a, inti changkang deuh chuan tui an pai a, an in sek thin. A changkang chin hi an lam dawrh dawrh meuh lova, tlema hnuaihnung zawk nu te hi lam peih tak an ni zawk. Hla chang ring takin sawi mahse an bengkhawn lo tih hriatna chu Hla bu an keng reng tho thin. In la changkang nu ho hian kut an beng ri ve vak vak lova, a hmingin an hnawih ve taih taih thin. An muthlu nge mitchhing satliah hriat an har hle. An bulah chuan inkhawm Bag nalh tak tak an hung a, an inelna ve ber pakhat a ni.

Mipui thutna vei lamah chuan pa ho an ṭhu tlangpui a, thusawi rei an ngaithei lo tlangpui. An zingah hian Upa la nih chhoh ve inbeisei deuh chu tlar hma deuh ah an ṭhu a, inkhawm ban pahin Upa tu emaw ber bekbawrin an chhuah rualpui thin. Khiangkawi ipte hi a dar bat zawngin an ak ve thung thin.

Tlar laia thalai thute chu an muthlu nasa thei hle a, Bible, Hlabu phena Phone khawih char char leh tawngtai laia men ching an tam hle. An Bible karah chuan Sachin, Lawngpar etc an zep mai mai a, an ei zauh zauh thin. Zaipawl zai nilo inkhawm zai pangngai ah chuan an zai țang tha peih miah lo. An hawi kual peih hle a, thusawi tha aiin thusawi sual leh nuihzatthlak, chetchhiatna an chhinchhiah thei hle thung.

Dinglama nu ho hi inkhawm taima ber an ni a, Nilai zan pawhin an tam ber zel. Sermon laia Amen Hallelui rawn pe thin hi hemi te tlar atang hian a ni thin. A hnunglamah chhangchhe ho an thukhawm deuh thin a, an luh leh chhuah a in zat thuak thin. Veranda ah chuan nauawm nu ho an awm phung bawk thin. Sunday bak inkhawm hman ve lova insawi nu buai tak tak ten he tlar hi an ti khat tha thin hle a, Sunday bak hman lo te hi Sunday chawhnu leh zan an inkhawm peih ngai chuang lo.

INKHAWM BANG –
Inkhawm bang chu an chhuak diah diah a, tih tur hlen leh tlingtla hmel an pu thin. Kawngkhar pelh atangin an in fiam a, an in beng thawr thawr a, kuhva,Sahdah tuibur leh zial chak tawh ho chu an indil tliar tliar thin. Biak In kawt hi kawngpui a ni duh hle a, lirthei kal an zah lo hle a, an kian tha duh ngai lo. Inah an haw a, an inkhawm kha an thenga thawngah a thawk lo tih hriatna chu an sawi chhawn berah ‘Awi ka mut chhuah zia chu’ ‘A lum zia kha’ ‘Thusawitu khan mut a ti chhuak’ ‘Chumi/khami kawr hak kha’ tih vel hi a ni tlangpui…

Duhtawk phawt ang…
A zawng zawng an ni lo, thlalak hian awmzia a nei thui lo.

Aside | Posted on by | Tagged | Leave a comment

KUM 2017-2018 SYNOD SUM LUT TLUKLEHDINGAWN HNIH CHUANG

Presbyterian Kohhran chuan kum 2017–2018 tangka kum tawpah Synod-a Budget hrang hrang luh dan a chhut chhuak fel ta a. Hetiang hi sum dinhmun chu a ni :

Kum 2017–2018 Synod Budget-ah Rs 2,09,08,72,602/- a lut.

Kum 2017–2018 chhunga Pastoral lama sum hmuh zawng zawng hi Rs. 1,18,36,74,490/- (cheng vbc 118, nuai 36, sing 7 sang 4 leh 490) niin Budget hi Rs 20,86,25,490/- (cheng vbc 20, nuai 86, sing 2 sang 5 leh 490) a ni a, za zela 21.40 lai-a khum a ni a, Mission lama sum hmuh zawng zawng hi Rs 90,71,98,112/- (cheng vbc 90, nuai 71, sing 9 sang 8 leh 112) niin budget hi Rs 1,33,10,112/- (cheng vbc 1, nuai 33, zing 1 leh 112) a ni a, za zela 1.49% lai-a khum a ni bawk.

Tichuan kum 2017–2018 tangka kum chhunga Synod sum lut zawng zawng hi Rs 2,09,08,72,602/- (cheng vbc 209, nuai 8, sing 7 sang 2 leh 602) niin Budget hi Rs. 22,19,35,602/- (vbc 22, nuai 19, sing 3 sang 5 leh 602) a nia, za zela 11.87% a khum a ni.

Nikum 2016–17 chhunga Synod a sum lut aiin kumin 2017–18 chhunga sum lut tamna hi Pastoral lamah Rs 16,36,71,588/- (vbc 16, nuai 36, sing 7, sang 1 leh 588) niin za zela 16.05% a ni a, Mission lamah pawh nikum 2016–17 sumlut aiin kumin 2017–18 chhunga sum lut tamna hi Rs 10,60,20,752/- (cheng vbc 10, nuai 60, sing 2 leh 752) a ni a, Za zela 13.23% a ni a. Tichuan nikum laia kumina sum lut tamna hi Rs 26,96,92,340/- (cheng vbc 26, nuai 96, sing 9, sang 2 leh 340) a ni a, a tamna hi za zela 14.81% a ni.

Aside | Posted on by | Leave a comment

ROMA LEH LIVERPOOL IN UCL SEMIFINAL LUT by Francis The Gunner

Roma chuan UCL quartelfinal inkhel hmasa-ah Barcelona chu 4-1-in an hneh lo a, zanin/tukinah, anmahni khelmualah Barcelona hi 3-0-a hneh letin aggregate-in 4-4 ni mahse, away goal dan hmangin Roma hi UCL semifinal lut zawk niin 1983-84 season hnua semifinal an vawikhat luh lehna chiah a ni.

Manchester City leh Liverpool inkhelah Liverpool tan Mo Salah leh Firmino ten goal khat ve ve khungin inkhel hmasa nen 5-1-a chakin semifinal an lut ve bawk a, Salah hian tun season UCL game 10-ah goal 8-khungin season kal mekah inelna hrang² ah goal 50-ah inrawlh tawhin goal 39-leh midang goal thun tur vawi 11-a siamsak tawh bawk. Firmino pawh hian tun UCL game 10-ah goal 13-ah inrawlhin goal 8- leh midang goal thun tur vawi 5-a siamsak tawh bawk a ni.

Aside | Posted on by | Leave a comment