Maoist ten Pastor an That

  • Maoist killed pastor in Andra Pradesh

Andhra pradesh state a East Godavari district a Chinturu khua bul lawk Nellipaka mandal huam chhunga Lakhsmipuram khuaa pastor
chu Maoists ten kawktu nia puhin an that.

Maoist 25 zet te chu he khua ah hian July 29, Zirtawpni zan khan lutin pastor VOORAKA MARAIAH, kum 45, te chhungkua chu an kaitho a. Pastor chu an hruai chhuak ta a ni.

Pastor hi a lo haw tak loh avangin an zawng ta a, a tuk Inrinni zing lamah chuan khaw dai lawkah thiin an chhar ta a, a taksa ah chemtea vihna leh silaia kahna a lang a, a kut hi hnungkhirh sak tlat a ni a, sawisakna hnuhma a taksa ah a tam hle.

An lehkha hnutchhiah ah chuan Pastor hi police te hnena anmahni Maoist te hektu leh an vauna pawh ngai pawimawh duh lo niin an sawi a. “dik lo takin sum a chheprelh” tih sawiin, “Thingtlang mi tribal rethei tak tak te sum a rawk avangin mipui court chuan kan hrem ta a ni ” tih an ziak a ni.
Hei bakah hian a khua a hruaitu thenkhat te hming tarlangin an awmdan sim turin an hrilh bawk a ni.

Aside | Posted on by | Tagged , , | Leave a comment

Mizoram-in Burma mi hnawtchhuak dawn

Dan lova Mizorama awm Burma mi leh sa te chu Mizoram a NGO ten an ram lama thawn haw dan tur an ngaihtuah dawn.

June ni 30 vel atang khan Kolasib Township leh Mualkhang khuaa awm Burma mite chu mizoram chhuahsan turin Young Mizo Association(YMA), Mizo Upa Pawl(MUP) leh Mualkang khua thuneituten thuchhuah an lo siam tawh ani.He inhnawhchhuah hna thawk tur hian Joint Action Committee(JAC) din a kalpui an ni a, Mualkang khua YMA, MUP, khaw lal te leh JAC ten hma an la zel dawn.

Zonet TV Special report-in a tarlan danin, kan sawilan tak khua leh a chhehvelah hian kum 3 vel kalta khan an awm tan tawh a. local zu chhumna te siamin an inbengbel hlawm a, heng local zu te hian thangtharte a tihbuai zel loh na’n tuna inhnawhchhuahnahna hi kalpui an ni a ti.

Mualkhang khuaah hian in 50 ah in 16 vel chu dan lova awm Burma mi an nih thu reportna chuan a tarlang bawk.”Engtin nge ka awm zel dawn chu ka hrelo, ka naupanlai atang tawhin hetah hian kan awm tawh a. Burma ID pawh ka nei lova, Mizoram voter IDs pawh kan nei thei lo” tiin nu pakhat chuan a sawi.

Chin mipuite hnathawk turin Mualkang khua leh Kolasib township velah hian inhlawhfa turin an inbengbel a, kum 10 chuangte pawh an awm tawh nia hriat a ni. mi engemawzat chu Rangvamual leh Phunchawng velah an awm bawk a. Aizawl vela awm thenkhat chu kan hnung thla khan an ram lamah Central YMA in an thawn haw tawh a ni.

Aside | Posted on by | Tagged , , , | Leave a comment

Gas check chungchanga Sorkar thuchhuah

*SUPPLY DEPARTMENT THUCHHUAH*

No. I.21011/1(C)/2010-DTE(SPY) Vol-II: Director, Food, Civil Supplies & Consumer Affairs hova Ni 15.07.2016, thukhawm in a rel angin tunlai hian khua/veng thenkhatah DC atanga permit nei leh Directorate, FCS&CA atanga permit hlui nei ten IOC tirh/aiawh nia in sawiin veng/khua hrang hrangah kal lawrin mi gas an check sakin, thlak ngai nia an sawite thlak sakin pawisa an laksak thin nia hriat a ni a, hei hi dan kalh a nih avangin hetianga permit lo nei tawh te hi DC-in a cancelled sak tawh a, Directorate, FCS&CA atanga permit nei pawh cancelled nghal an ni.

Hetianga House to House survey leh check ngai a nih chuan a bialtu LPG Distributor-te chauhin an check thei a ni. He Order chhuah hnua hetiang tih ching hmu leh hria chuan thuneitute hnenah rang taka report tur a ni.

Sd/-
(R.LALRAMNGHAKA)
Director
Food, Civil Supplies & Consumer Affairs,
Mizoram:: Aizawl
Dated Aizawl, the 2 August 2016

(Note: _House to House Gas checking hi Kum 2 dan a neih thin tur a ni a, 2 years mandatory Domestic LPG inspection tih a ni. 2 years Mandatory Domestic LPG Inspection tih man hi Ministry of Petroleum and Natural Gas, Govt of India bituk angin Rs 75/- lak thin tur a ni_)

Aside | Posted on by | Tagged , | Leave a comment

LPG gas check chungchang

AUTHOR : Maruata

  • gas connection check chungchang
  • gas check hun
  • gas pipe man

Hei hi Puia Indane ( IOCL AUTHORISED DISTRIBUTOR) te ka zawhna lamah anmahni hnen atanga whatsapp a min rawn thawn a ni a. Tunlai hian approved mechanic ten gas checking an nei mek a, anmahni rawn tirh an nih leh nih loh ka zûk zawt kher kher a, kan inbiakna atangin Customer an chhan dan a tha in thil an sawifiah tha khawp mai. An thuziak hi ka lo share e. ⬇⬇⬇

GAS AGENCY TEN GAS CHECKING (ENDIK) AN NEIH SAWIFIAHNA

Tunlai hian gas Agency ten consumer te Gas hmandan phung enfiahna an nei mek a. Hemi chungchangah hian mipuiten kan hriat tur thenkhat te tawi fel deuh hlekin hrilhfiah in tum dawn teh ang.
Gas Agency ten Mechanic te tir a, an consumer te in a gas endika an kal hi Mandatory Inspection tih a ni.

Gas hi chhungkaw tin tana hmanraw tangkai a tello a awm theih loh hman dan phung tur leh a hman kawnga fimkhurna chang kan hriatloh chuan mahni chhungkua leh thenawm khawveng tan chhiatna nasa tak thlen thei tu a nih avang hian Central sawrkara Ministry of Petroleum and Natural Gas chuan Oil Marketing Company hrang hrang e.g Indian Oil Corporation Ltd hnuaia Gas Agency ten kum 2 danah an consumer te in tina kal a, consumer-te Gas dinhmun check a, IOCL approved hmanraw tha leh him (Cylinder, Regulator, Pipe leh Stove) an hmang ngei em tih endik thin turin Gas Agency zawng zawngte a phut tlat a ni.

Heng Mechanic te hian an kalna ah hian Consumer-te Gas hman dan record a, hmanrua hman tur dik hrilh a, Gas hman kawnga chet dan him, Gas remchen zawka hman dan leh Gas leak palha chet dan tur te a tul anga hrilhfiah nghal tur an ni. Mandatory Inspection tih sak te hian IOCL rate siam dinglai angin Rs.75 Agency hnenah an chhung lut tur a ni.Hei hi IOCL order ding lai Gas Agency ten an tih ngei tur a niin India ram hmun hrang hrangah kalpui mek a ni.

Agency atanga tirh ni lo, khawi emaw atanga phalna la a Gas chhe siam a vak vel te hi dan in a phalloh a nni. Heng te hian mipui te hmanraw tha lo hmangin an bum in, man sang uchuak taka consumer te gas thuk (stove) tul lo thleng thlenga siam sak in gas part man to takin an lei tir thin. Hemi chungchanga Aizawl DC in phalna a lo pek thin pawh Ni 19.5.2016 khan cancel sak leh an ni. Hetianga kalpui thei chu structure training chhuak mechanic Gas Agency in an aiawha a tirh te chauhin an check tur a ni

Mipui tana Mandatory Inspection tih ngei a tulna leh thatna

i. Consumer ten hmanraw dik lo leh him lo an hman avanga chhiatna thleng thei chungchang Mechanic (Mandatory Inspector) te hian an zirtir bakah a theih chin chinah gas remchen dan, gas leak palh a chet dan tur leh kangmei chhuah palh thuta chet dan te mipui an zirtir.

ii. Mandatory Inspector te hian Consumer tam tak an gas connection chungchanga harsatna tawk te harsatna kawng an kawhhmuhin nghal thin. e.g Bank account a pawisa lut lo, Transfer dan, New Connection pek chhuah dan etc

iii. Gas accident a vanga chhiat tawh palh a Insuarance claim thei turin IOCL in hmanrua hman tura a tih te hman ngei tur a ni in chumi endik Mandatory Inspection tih tir ngei a ngai.

iv. Agency tirh Mandatory Inspector te hian Company approved part dik tak hmang in man zawk in an gas an siam sak thin. Gas pipe hman tur a tih hmang lo te hnenah IOCL in Gas Pipe hman tur a tih Suraksha Hose pipe (Rs 150) chauhin Agency te hian consumer-te an lei tir thin.

Mandatory Inspection ti tir duh loh theih a ni em ?

i. Mandatory Inspection hi Ministry of Petroleum and Natural Gas, Govt. of India hnuaia Oil Marketing company IOCl thupek ding lai a a niin IOCL a gas connection nei te chuan loh-theih-loh (mandatory=tih ngei ngei tur)a an tih ngei tur a ni.

ii. Gas connection neihna lehkha SV hnunga inziak term and condition hi Gas connection pek chhuah laia consumer in a zawm ngei tur leh hriattur a ni. Point 10 na ah distributor leh IOCl in a tul a tih hun ah comsumer te gas check sak theih tur thu leh gas vanga chhiat theihna laka him zawk nan tul atih chuan Agency in consumer te gas pek loh thlenga hma a lak theih thu ziah a ni.

iii. SV voucher hnunga inziak term and condition Point 11 na ah consumer ten hmanraw dik tak company pawmpui hmanrua chauh hman tur a nih thu leh hmang lo te chu gas pek loh thlenga hrem theih an nih thu a inziak.

iv. Ni 23.6.2016 a Aizawl District chhunga Gas Agency te Aizawl DC in meeting a neih pui na ah mandatory inspection hi agency tin ten an area theuh ah kal pui turin Agency te a ti.

Gas pipe chungchang a mipuite hriattur:
Tun hma khan IOCl hian Gas pipe IS 10908 :1991 hmang turin a ti thin a. Chumi number IS 10908 :1991 chu tuna Gas card ah pawh hian a la inziak. Nimahse 19.8.2015 khan Petroleum and Ministry of Petroleum and Natural Gas thuchhuah siamin gas pipea LPG Suraksha hose Pipe , Bereau of Indian Standard IS 9573 chauh hman tawh tur a nih thu a chhuah a.

Gas chhe siam a vak kual Pipe IS 10908 :1991 Silchar vela ziah chawp ni awm tak a rawng dum, man to taka rawn zuar ten ‘I gas book a mi ziak ang a ni a hemi pipe hian I hman lai hi thlak’ an rawn tie maw chutiang pipe IOC approved ni lo, quality chhe tak MRP in ziak sang tak Rs .250-400 an rawn zuar a nih chuan, bum che an tum tih hriat a tha. I awmna Gas distributor ah I report vat dawn nia. IOCL in pipe hman tur a tih hi Rs 150 man chauh niin tun dinhmun ah mipuiten kan lei duh chuan Gas Agency bakin an kawl lo.

Hemi chungchang hrechiang duh tan Vanlalvuta Chinzah 961273982
hnenah leh heng a hnuaiah te hian a zawhfiah theih a ni.
1. Indian Oil Corporation Limited, Area Office Silchar
2. Pu Lalpekliana, IOCL Field Officer, Mizoram
3. Aizawl DC
4. Gas Distributor Association hruaitute

Mipui ten thil nih phung dik an hriat theih nan leh Gas chhe siam a vak vel ten mipuite an bum loh nan I AWMNA GROUP A PIANGA I LO THEHDARH DAWN NIA

Aside | Posted on by | Tagged , , | Leave a comment

Hmun hnih a tualthahna thleng ah pathum boral

  • Sihhmui ah pahnih vaw hlum
  • thingzai bungin vaw hlum

Ni 31/7/16 Pathianni zan khan Mizoram hmun hnihah Tualthahna a thleng a, mi pathumin nunna an chan phah a ni. Tualthahna a inhnamhnawih ni a push pahnihte chu police-ten manin thu zawhfiah atan an kawl mek ni a hriat a ni.

Kan thu dawn danin, Pathianni kalta zan khan Sihhmuiah ami Sanga chuan a thenawm pa Zokaia leh riahpuitu Lalramlawma s/o Vanlalnghaka chu an muhil lai Thingzai bungin a vua a, an pahnih hian an tukhum leh bek bawrah a vua a, an hliam tuar loin an thi Ve ve ni a thu dawn ani.

Sihhmui YMA hruaitute hnen atanga thu kan dawn danin he thil thlen hun hi Pathianni zan dar 11 leh 12 inkar vel kha a ni a, Pu Zokaia chu Aizawl Civil Hospital thlenpui a nih hnuin (34) nimin chawhma dar 11 vel khan a hliam tuar lovin a boral a, postmortem a nih hnuah nimin vek khan Sihhmui thlanmualah vuiliam a ni.

Tv. Lalramlawma chu Aizawl civil Damdawiin a ICU-a enkawl anih hnuah nizan khan a boral ve leh ta ani .

Pu Zokaia te thenawm hmeithai pakhat chuan thil ri chawrh chawrh thawm hriain bang atangin a bihthla a, Pu Zokaia chu a lo tlu tawh a, Lalramlawma chu bang nghengin a lo thu a, thiin a lo bual nasa hle a, midang a hrilh nghala, an buaipui zui ta a ni.

Tlangval Sanga hi mau sat leh hna remchang chang thawka inhlawhfa thin a ni a, rilru lama harsatna nei thin nia sawi a ni. An inkhawih chhan hi hriat a ni lo va, Sangtea hi Sairang Police ten an man a, thu zawhfiah atan an la kawl mek nia hriat ani.

Pathianni zan vek khan Kelsih khuaa Pu Darngulliana (49) chuan a nupui Vanlalhnemi (30) a vaw hlum

Thudawn danin, Pu Darngulliana leh Pi Vanlalhnemi te hian fa hmeichhia pahnih, kum 8 mi leh kum 6 mite an nei a. Pi Vanlalhnemi hi khawchhak mi a ni a, zu-in a chin bakah pasalte mit tikham zawnga khawsak chang a nei niin sawi a ni a. Pu Darngulliana hian a dawm hram hram a, siamthat theih beiseina avangin TNT Camp ah pawh a dah tawh a, mipa dang nena an tlanchhuah pawhin a dah lut leh a, June thla khan a course zovin a lo chhuak ta niin sawi a ni.

Pathianni chawhma lama Pi Vanlalhnemi lengchhuak chu dar 5 vel khan rui takin a haw a, eirawngbawla lo buai tak an pa chu a ankhum ta chiam chiam a, zanah pawh a ankhum tak zel avangin Pu Darngulliana thinin a tuar ta lova, dar 7:30 leh dar 8 inkar vel khan a nupui chu a hmuh remchan Iron Rod bung chuan a rem lai laiah a vua a. Chhuata Pi Vanlalhnemi tlu chu a ti derah ngaiin Pu Darngulliana hian tuia leih harh a tum a, mahse Pi Vanlalhnemi chu harh tur a awm ta lo a ni.

Pi Vanlalhnemi ruang hi a pazawn Pu Lalrinawma te inah lak a ni a ,a pasal Darngulliana hi thu zawhfiah atan police ten an la kawl mek ni a hriat a ni.

Aside | Posted on by | Tagged , , , , , , | Leave a comment

SERLUI TUIKHUAH-A TLAHLUM NIA RIN RUANG HMUH A NI

Serlui Tuikhuah-a tla nia hriat Lalawmpuia Kawnpui Hmarveng zawn hna chu Inrinni atang khan ngawrh takin thawh chhoh a ni a, tukin zing dar 6 vel khana ruang hi hmuh a ni.Kolasib Venglai Branch YMA tuihnuai enna khawl hmangin tui thiam ten a tlakna lai vel zawng zawng an dap chhuak a, mahse ruah sur avangin Tui a nu a; chawhnu dar 1:00 vel khan an chawlh san a; Tui hnuai lama zawn hna chawlhsan a nih avangin pawn lama a rawn lan chhuah hun an nghak a.

Nimin Sunday ah Kawnpui Hmarveng Branch YMA member mi tlawmngai thenkhat an kal leh a; zan hmasa lama riak tawh te an chhawk ang a; vawiin ah Kawnpui Venglai YMA an lut veleh tur an ni a, mahse tukin August 1 zing khan a ruang hi hmuh a ni ta a ni.

July 31 khan Kolasib DC aiawhin Pi Lalrinchhani, SDC Kolasib leh Pu Liankunga President Sub Hqrs YMA bakah Sub Hqrs YMA Executive Member thenkhat Kawnpuiah an chho bawk. Police lam pawh a hmunah an riak a ni.

Tui tla zawnna hmun hi Kawnpui atangin 9.5 kms a hla kal hnu-ah Serlui thlen theih a ni chauh a. Serlui thlen hnu hian Luimawng lamah darkar 2 deuh thaw Mau Pum (Lawngleng) hmanga kal a la ngai cheu a. Chuvangin a hmunah hian mi tam tak an thleng thei lo a ni.

Information Centre hi Kawnpui Hmarveng Bazarah siam a ni a. Hetah hian VC leh YMA hruaitute an awm reng a ni.

Tuitla zawnna senso atan hian Pu Hmingdailova parliamentary Secretaty chuan Rs, 2000/- leh silpouline a pe a. Sub Hqrs. YMa Kolasoib chuan Rs. 2000/-, Kawnpui Hmar veng Presbyterian Kohhtanin Rs, 2000/- an pe a, a bakah mi engemawzatin pawisa, khawnvartui leh thil dang a tula hman turin an pe bawk.

Lalawmpuia hi tuia a tla lai hmu an awm lo va, a thiante buk-ah a leng a, a hnuah a maupum chauh hmuh a ni a, a ipte leh a thawmhnaw te chu hmuh an ni lawi si a, tuiah a tla niin an ring a, a maupum an hmuhna lai vel nasa taka an dap hnuah a ruang hi hmuh a ni ta a ni.

Aside | Posted on by | Tagged , , , , , | Leave a comment

NUPUI VAWHLUM

Aizawl South-III huam chhung Kelsih khuaa Pu Darngulliana (49) chu a nupui Vanlalhnemi (30) thih chungchangah nizan khan Kulikawn Police ten an man.

Kulikawn Police Station atanga thudawn danin, Pu Darngulliana leh Pi Vanlalhnemi te hian fa hmeichhia pahnih, kum 8 mi leh kum 6 mite an nei a. Pi Vanlalhnemi hi khawchhakmi a ni a, zu-in a chin bakah pasalte mit tikham zawnga khawsak chang a nei niin sawi a ni a. Pu Darngulliana hian a dawm hram hram a, siamthat theih beiseina avangin TNT Campah pawh a dah tawh a, mipa dang nena an tlanchhuah pawhin a dah lut leh a, June thla khan a course zovin a lo chhuak ta niin sawi a ni.

Kelsih YMA hruaitute leh Police lam atanga thudawn danin, nimin chawhma lama Pi Vanlalhnemi lengchhuak chu nimin tlaidar 5 vel khan rui takin a haw a, eirawngbawla lo buai tak an pa chu a ankhum ta chiam chiam a, zanah pawh a ankhum tak zel avangin Pu Darngulliana thinin a tuar ta lova, nizan dar 7:30 leh dar 8 inkar vel khan a nupui chu a hmuh remchan Iron Rod bung chuan a rem lai laiah a vua a. Chhuata Pi Vanlalhnemi tlu chu a ti derah ngaiin Pu Darngulliana hian tuia leih harh a tum a, mahse Pi Vanlalhnemi chu harh tur a awm ta lo a ni.

Pi Vanlalhnemi ruang hi a pazawn Pu Lalrinawma te inah lak a niin nizan kha tlaivarpui a ni a. YMA lam leh a chhungte chuan post mortem tul an ti lova, mahse Police lamin tul an tih avangina tul angte chu an buaipui mai dawn niin thu dawn a ni a. Kelsih lam atang chuan FIR thehluh pawh tul an tih loh laiin, Police lam ten thehlut tura an tih angin thehluh a ni leh ta chauh a ni.

Source : Zonet

Aside | Posted on by | Tagged , , , , | Leave a comment

Katy Perry – Rise [Official Olympic Song] MP3 and MP4

Title: Katy Perry – Rise (Official)
File Type: mp3 @ 128kbps
File Size: 1.83MB
DOWNLOAD MP3

~~~~~~~~~~~

Katy Perry – Rise
Resolution : 640×360,360p,
File Type: mp4
Size : 9.88MB
DOWNLOAD MP4

Aside | Posted on by | Tagged , , , , , | Leave a comment

Red One – Don’t You Need Somebody MP3 MP4 download

Red One – Don’t you need somebody [Official]
Resolution : 640×360,360p,
Type : mp4
File Size 19.93MB
DOWNLOAD MP4

Title: Red One – Don’t You Need Somebody [OFFICIAL]
File Type: mp3
File Size: 3.57MB
DOWNLOAD MP3

Aside | Posted on by | Tagged , , | Leave a comment

KUM TLINGLO LIRTHEI KHALH CHUNGCHANGAH AIZAWL TRAFFIC SP IN THUCHHUAH SIAM

  • Naupang lirthei khalh khapna
  • Kum tlinglo lirthei khalh khapna dan
SP Traffic chuan kumtlinglo lirthei khalh chungchangah hetiang hian thuchhuah leh thupek a siam;

Tunlai hian Aizawl khawpui chhungah kumtlinglo leh Driving License neilo lirthei khalh, a bik takin School naupang two wheeler khalh an tam hle a. Heng te hi Motor Vehicle Act (MV Act), 1988 leh Central Motor Vehicle Rules (CMVR), 1989 kalh a nih avangin Traffic Police ten man in dan hmanga hrem thin an ni.

Hetianga naupang kumtlinglo (kum 18 hnuailam) lirthei khalhtu te hi a khalhtu mai bakah lirthei khalhtirtu/lirthei neitu/ nu leh pa te hi Rs. 1000/- thleng chawitir theih bakah thla thum Lungin tan theih a nih avangin nu leh pa /lirthei neitu ten an fate kumtlinglo lirthei khalhtir lo turin leh Driving License neilo/kumtlinglo te pawhin lirthei hi khalh chhuaklo turin hriattir an ni.

He thupek bawhchhia man an awm a nih chuan dan angin an chungah hremna lek a ni ang. Traffic Police ten khauh zawkin Driving License neilo a lirthei khalh te Check hna hi an thawk thin dawn a ni.

Aside | Posted on by | Tagged , , , | Leave a comment