INDIA RAM STATE AH MIZORAM A SANG BER : Lalthanhawla

MPCC President Lalthanhawla chuan kawng hrang hranga tehin Mizoram chu India ram state ah a sang ber kan nih thu a sawi

https://mizoarchive.files.wordpress.com/2018/10/vid-20181012-wa0079.3gp

Silchar pawh la pel lovin Mizoram kawng a chhia an han ti ve ngawt a, ram dang aṭanga lo kal ten in kawng chu ava ṭha ve an ti zel zawk a ni a ti bawk.

Aside | Posted on by | Leave a comment

CONGRESS CANDIDATE PUAN A NI, BANNA BAWK, PU ZORAMA SUANGPUILAWN AH, MNF IN 22nd OCTOBER AH

11th October
CONGRESS CANDIDATE PUANNA –

11october khan Congress Party chuan General Election lo awm tura an Candidate tur an puang a, a List tarlan a ni e. Bial 40 ah Bial 36 puan a ni a, Bial 4 puan hmabak a la awm a, Palak, Siaha, West Tuipui leh Tuichawng Bial te an ni.

Candidate zingah hian Candidate thar a vawi khatna tur mi 9 an awm. Candidate zingah hian kum 40 hnuailam 4 awmin Kum 41-50 hi 8 lai an awm. Kum 51-60 inkar tam berin mi 14 lai an awm a, Kum 60-70 hi mi 4 awmin kum 70 chunglam mi 5 an awm bawk. An kum chawhrual hi kum 57 vel a ni.

MLA nilai Candidate a lang lo mi 8 an awm;
Hmingdailova Khiangte(Tuirial)
JH.Rothuama(Champhai South)
Lalrinmawia Ralte(Hachhek)
R.Romawia(Azl N-I)
K.Lalrinthanga(Serlui)
PC.Zoramsangliana(Kolasib)
S.Laldingliana(Lunglei South)
R.Lalrinawma(Azl E-I)
President, Pu Lalthanhawla chu Bial 2 ah a ding dawn a, Champhai South leh Serchhip ah dah a ni. Candidate zingah Bial sawn pakhat awmin Pu Ngurdingliana chu Chalfilh atangin Kolasib ah dah a ni a, a Bial ah hian Pu.LT.Hrangchal dah a ni bawk.

PARTY ATANGA BANNA –
Banna Report a awm deuh reng a, nimin khan Kawrthah South Unit Congress (Hachhek Bial) te chu an hruaitu zawng zawng deuh thaw in banna an theh lut a, an ban chhan hi Unit Committee President leh Secretary laka lungawi loh vang a ni ber.

Vawiin khan Lai District Congress Committee(LADC) a Secretary ni lai B.Vanlalsanga chuan MPCC President hnenah banna a theh lut bawk a, a ban chhan hi tarlan a ni lo.

PU ZORAMTHANGA SUANGPUILAWN AH
11 Oct khan Chalfilh biala Chalfilh West Block te chuan Election Campaign hawnna, Suangpuilawn Community Hall ah an nei a, helai Biala ding tura ngaih Pu Lalrinliana Sailo bakah Party President Pu Zoramthanga leh Pu Lalruatkima MLA te bakah lirthei 30 velin an zui niin an sawi.

MNF hian Candidate Official hi MNF dincham pha 22nd October hian an puan beisei a ni a, hetih lai hian Candidate erawh an chiang deuh vek tawh a ngaih a ni. ZPM hian puan an tum hun a la hriat loh thung.

Earn commission over Rs. 50,000 by inviting your friends to be Reseller on Meesho. Click Here! http://bit.ly/2r4b7w4 http://bit.ly/2r4b7w4 http://bit.ly/2r4b7w4

Aside | Posted on by | Leave a comment

KHABIB AN UFC HOTU TE A VAU. A TEAM MATE AN BAN CHUAN A BAN VE NGHAL TUR THU A SAWI.

UFC Lightweight Champion lai, mi 27 a hmachhawn tawh la hneh vek tu Khabib Nurmagomedov chuan UFC 229 a buaina chhuak a inhnamhnawih ve a teammate UFC fighter tho Zubaira Tukhugov UFC hotu ten an ban chu mak a tih thu a sawi a, UFC hotu lam chu tan lam leh awn lam bik neiah a puh a, an thuthlukna siam an sut leh a nih loh chuan UFC ah a inhnek an hmuh tawh bik loh tur thu a sawi a, a ban ve nghal tur thu a sawi a, UFC 229 neih zawh taka a hlawh tur an hren sak bik reng pawh chu a nin thu leh UFC hotu lam ten nei vek mai tura a duh thu a sawi bawk.

Khabib

Khabib Nurmagomedov chuan a tih dikloh a nih thu leh hremna chu a thianpa chungah ni loin ama chunga tla tur a nih thu a sawi a, tin, video ah Zubaira Tukhugov an McGregor kut a thlak hmasak loh thu chiang taka a lan thu a sawi a, a kut thlak hmasa zawk tu a him hlauh chu mak a tih thu a sawi bawl, tin, tun tuma buaina chhuak aiin McGregor an an chuanna Bus a beih vak kha a case a san zawk thu a sawi a, ban phu zawk chu an awm a, mahse Bus bei vak tu te zinga a teammate te ban anni lo a, buaina chawkchhuak tu pawh a rawn inlan leh tho a ni tiin a sawi bawk.

Aside | Posted on by | Leave a comment

SINGAPORE AH MIZO NULA A BORAL

Brigid Lundeihchingi, D.O.B. 12/12/1992, D/o Jacob Awnkhangina (L),
M/o Catherine Ngochingi, Champhai, Vengthar chu a awmna naupang, A enkawl chu inhliam palh in Hospital ah Admit a ni a. A awmna te hian amah mawhpuhin Police koha Case siam sak an tum a. Ani la naupang bawk si, rilru dawi chi a ni bawk nen, A rilru chiai hlau lutuk chu inchhawng tukverh atang a zuang thlain a boral zui ta niin an sawi.

A ruang hi Mizoram a agency ten la tur in an buaipui mek a. A kalsan tak a chhungte kan lainat tak zet zet a ni.

(He thil hi awih a har hle. Singapore lamah hian awmpui tiduhdah ve tak tak an tam bawk si.)

Aside | Posted on by | Leave a comment

Mizorama Krismas kan hman tan dan

Mizorama Krismas kan hman tan dan hi chiang taka ziakna hmuh tur a awm mumal loh avangin kan hman tan dan leh tih dan chiah hriat a har hle a. Kan rama chanchinbu hmasa ‘Mizo leh Vai’ Feb.1904 leh Feb.1905-a chhuaka an ziak dan i lo thlir teh ang, heta tang hian Krismas hi kan hmang chho ve zel niin a lang (he thu hi Thu leh Hla Dec. 1989-a chhuak, “Mizo Krismas Hmasate’ tih Pu C.Vanlallawma ziak atanga lak a ni).

Kum 1903 Krismas :
Krismas hi a awmzia Isua lo pianni a ni. Kum tin-in Disembar ni 25 a awm thin. Tin, Kristian hovin chumi ni chu an ngai hlu em em mai a, “Lawmni ni bik a ni,” ti-in. Tin, chumi ni chuan awmni an kham thin. Tin, tunlai sawrkarte hi Kristian sawrkar an nih avangin chu mi ni chuan awm ni an kham thin; an hnathawk tute zawng zawng Kristian emaw, mi dang emaw pawh an chawlh tir thin.Tin, hlimna turin ruaithehna te, englo shem te, in fiamna tin reng te an shiam. Zosap leh sawrkar in, chu mi ni atan eng lo an thawh-lawm khan sebawng leh vawk ser leh fu nen an lei.

Kum 1904 Krismas :
Krismas chu Mizo ramah hian Sap ho an awm avangin a lo awm ve ta a, 25-na Disembar 1904 a khan an tan a. Lunglei zosap pahnih te pawh an nupui ve ve te nen 23-12-1904 khan Aizawl an lo phei a. Zosap skul naupangte pawh in tangkan thawhlawm a. Sapho pawh in cheng 50/- lai an ngah a. Vawk pathum an lei a, thil dang nen. Disembar 27 ah ruai an theh a, nitlak dawn in zosap skul ah an inkhawm a, Lunglei zosap pahnih te chuan hmanah Mizo rama an lo kal hmasak thu, an chanchin leh lawmthu te an sawi a. Tin, a tuk 25 a bawrhsap in a sapho Pathian thu ngaithla in an inkhawm a, sap hmeichhia 6 leh mipa 9 an ni a, Mizo 11 leh Khasi 7 leh Bengali 3 pawh an tel. Sap te chuan hla an sha a, sap upa zawk in thu a shawi a, Isua lo pian tirh ata a thih thlengin a shawi a. Hemi zan hian sap ho chu bawrhsap in a an inkhawm leh a, in chhung a chuan Far kung, a hanh chawp in an phun a, a zar kin chuan khawnvar mawi tak tak an khai thluah a.

Chu mi bul ah chuan sapho 15 lai chuan nasa takin hla an sha a, a mawi em avangin babu office a mi pawh an lo kal khawm a, mawi an ti hle a. Bawrhsap chuan a chaw ei dawhkan a Khasi ho thingpui tui a in tir a. Dar sava en nawm te an shiam a, dar zaiin an chaih a, a hmuh nawm hle mai. Mi lem kaih chhuk zawng a nui thei, hlawh chhoh zawng a mu hil thei te an shiam a. Desembar 26,27,28 chhung zawng in zosap skul a chuan Pathian thu an shawi leh ngai-thla in mi an awm reng a, lehkha pawh an zirlo. 29 zan ah skul vek sap ho an in khawm leh a, Babu ho, Mizo te pawh a duh apiang an lo kal a, Bawrhsap in , ‘tumah chapo suh u,’ tiin mipui a zilh a, sap an zai a, Khasi hmeichhia 2 pawh in hla an sha ve. Mizo chuan pawl 4 in shiam in hla an in shak siak a, kalrem ‘Mizo kan ni lawm ilang in’ tih hi. Chhinga zirtirtu pawlin an thiam ber a, lawm man tlem an hmu. An shak na hmun an dawh kang a: puan sen an phah a, hla sha apiang an va ding, mipui an tam vei nen ! Ni 30 ah chuan sapho chu Chaltlang a an kal a, ruai te an theh leh a, January 2 a chuan Lunglei Sap te an haw phei.

(Kum 1905-ah pawh Pu Zosapthara (Edwind Rowlands) hovin tuna Synod Press awmna hmunah hian Krismas an hman thu report hlui thenkhat atangin a lang thei a, hengte hi Mizorama Krismas kan hman hmasakte leh hman dan tlangpui chu a ni mai awm e)

Aside | Posted on by | Leave a comment

SAKAWLH & A CHHINCHHIAHNA (Tunlai mite buaipui chu)

Khawvel tawp dan tur programme tlangpui –

Tun hi hun hnuhnung ber a ni tawh a ( 1 Hoh. 2:18-19); khawngaihna hun a ni bawk. Khawngaihna hun hmáwrtawngah kan awm tawh a; chuvangin khawvel tawp dawna thil mak pui pui lo thleng tur kan Lalpain min hrilhlâwkte kha a ni têlin an lo lang zut zut tawh a ni ( Mt. 24:3-14; 2 Tim. 3:1-5). He hun zawha hunpui lo inher chhuak leh tur chu Mi thianghlim lâwr a ni tawh nghal mai dawn a ni. Lâwr bângho khawvelah chuan Sakawlh kan tih hi a lo chhuak tawh ang a, chu hun thim tak chu ‘Hrehawmna Hun’ (Tribulation, thilipis, Gr.) chu a ni. Chu hun chu Sakawlh rorelna hun leh, a thu awih lote nasa taka a tih duhdah hun a ni. Lehlamah Sakawlh chibai bûk a, a chhinchhiahna pute zawng zawng chu Pathianin nasa takin a hrem lêt ve thungna hun khirh tak a ni dawn bawk si a, chumi a lo thlen hunah chuan khawvel hi ṭahna leh rûmna, chhiatna leh boralna hlirin a khat tawh ang.

Kan chhinchhiah lâwk tur chu, chu hun thim lo thlen hma lawk chuan, Lal Isuan he khawvel buaina lo thleng tur lakah amah ringtu, kohhran tina mi piangtharte chu vanah a hruai chho ang. Chu mi thianghlim lâwr (rapture) chu eng hun pawha thleng thei a ni reng tawh ( Joh. 14:2-4; 1 Kor. 15:51-53; 1 Thes. 4:13-18).

Tribulatuin & Great Tribulation –

Mi thianhlim lâwr zawha, lâwr bânghote awmna khawvel ‘Tribulation’ hun awmdan tur chu – tun laia kan buaipui ber hi a ni ta a ni. Sakawlh lal a lo chhuak ang a, kum sarih chhung (hapta khat) a lal ang. A tir kum 3½ chhung chu khawvel pum awp tura inbuatsai nan a hmang ang a, a dawt kum 3½ dang erawh chu he lei hi hrehawmna hmunah a chantir ang. Amah chibai bûk a, Pathian anga be turin ama lim chu biak in tinah a tar chhuak ang a, lei mihringten an chhinchhiahna an pu ang. Chu chhinchhiahna pu ve duh lote tan tihduhdahna rapthlak a thleng ang a; mahse chu Jentailte ni kin dawn ṭêpah chuan Sakawlh leh a lim chibai buktute leh a chhinchhiahna putute zawng zawng chungah Pathian thinurna berhbu van aṭanga leihbuak a ni ang a, leilung hi chhiatna rapthlak takin a nuai tawh ang. Hetih chhung hian khawvel sorkar ‘one world governament’ a lo ding ang a; khawvel huap sakhaw inzawmkhawm “global religion’ or ‘super church’ lian pui a lo ding bawk ang. He kum sarih hun chhung hi Daniela Hapte 70-na tia sawi a ni bawk.

Krista Lokal Lehna –

He tribulation hun tâwpah hian he leia rorêl turin Lal Isua chu ropui râpthlâka inthuamin, vantirhkoh zawng zawng te, van mipuite nen, a siruk lain an lo thawk thla tawh ang. Hei hi Krista Second Coming a ni. Sakawlh leh zawlnei der leh an sipai zawng zawng chu Harmageddon Indona ropuiah rawn hnehin a that vek ang a, Sakawlh leh zawlnei derte erawh chu a man ang a, a nung chungin Meidilah a paih lut ang (Zak. 12:4-9; Thup. 19:20). Ama mi Israelte zinga la dam chhun (a ram mipui (1/3rd) leh, Sakawlh tihduhdahna hrehawm hun chhunga rinawm tak Isua ringa, Israelte thlavâng hauhtu zinga a thi bângte a rawn chhan chhuak ang. Israel hnamin an lo hai kumkhua, Isua Krista chu an pipute chena an nghahfak Messia a lo ni reng tih an hre chhuak tawh ang a, a hnam pumin an piangthar vek ang a, Israel mi zawng zawng chhandamin an awm vek ang ( Zak. 12:10-14; Rom 9:27; 11:26).

Kum Sang Rorel –

Leilung aṭanga misual zawng zawng tihboral vek an nih hunah, Krista ringtu Israel hnamte leh Jentail ringtu, Sakawlhin a tihhlum bângte tan – lalram thar, hmasang aṭanga Israelte ropuina tura Pathianin ram pek a lo tiam tawh, Israel miten dingdihlipa an lo thlir – ‘Kum Sang Lalram’ chu a lo inher chhuak tawh ang ( Thup. 20:1-6; 1 Kor. 6:2; 2 Tim. 2:12). Beram leh Kel hnamte chunga rorelna zawh a nih hnu khan, Beram hnamte hnenah chu lalram chu roreltu Lalberin – “khawvel siam ṭantirh ata in tana ram buatsaih chu chang rawh u,” tiin a hlan tawh dawn a ni ( Mt. 25:34). Kum sang rorel a zawh hian, mi sual zawng zawng Meidilah paih thlak an ni ang a, mi felte tan chuan chatuan lalram, Lei Thar leh Van Thar leh a khawpui Van Jerusalem Thar chu a lo inhawng tawh ang (Thup. 20:7-15; 21).

Hei hi khawvel tawp dan tura Pathian remruat dan tlangpui, Premillenial, Pre-Tribulation Rapture, Dispensational Viewpoint a ni a. He hrilhfiahna hi hun hnuhnunga Bible hrilhlâwkna hrilhfiah dan ziktluak leh tluangtling ber a ni. Khawvel puma evangelical kohhran tam zawk pawm dan a ni al America rama Pathian thu zirna hmunpui ( bible college leh seminary) 200 chuangin an kalpui dang tlangpui (standard interpretation) a ni bawk a, he lehkhabua kan thu kalpui dan tur pawh a ni. India rama Bible college tam takin an kalpui dan a ni bawk a; mahse India rama theological college ṭhenkhat erawh chuan hun hnuhnung chungchang hi awm lo ang maiin an inzirtir map lo thung a, a manganthlâk tih piah lam a ni ta.

Kum Sang Rorel Chungchang Hrilhfiahna Chi Thumte –

Postmillenialism – Kum Sang Rorel lo awm dan turah leh a rei zawng chungchangah ngaihdan chi dan pahnih a la awm a. Postmillenialism ngaihdanah chuan kum sang rorel pawh hi kum 1000 tak tak sawina ni lovin, entirna (symbolic) mai a ni a, Kristan ringtute thinlunga ro a relna ang zawkin an ngai. Chanchin Ṭha hian khawvel pum a hneh chho zel ang a, tichuan he leiah hian tisa leh thlarau lamah hun duhawm leh hausakna a rawn thlen tial tial ang a, Krista lokal lehna in a rawn titawp dawn a ni an ti a. Kum sang rorel zawh (post-millenium) ah Krista lo kal leh dawn chauhin an ngai hla ruih mai a ni. https://ekhai.com

Amillenialism – ‘No millenium tihna a ni (‘A’= no). Hei pawh hian kum sang rorel chu a ngial ngana kum 1000 tihna ni lovin, a rei zawng bithliah chuang lova hun rei tak chhung sawina maiah an ngai vek bawk. Kum sang rorel hi a hring hranin a awm chuang lo vang tihna a ni. Tun hi kum sang rorel chu a ni mai alawm, a thlarauvin Krista mite chuan ro kan rêl reng a nih hi, te an ti bawk. Thuthlung Hlui zawlnei tura an sawi, Israel hnamin an lo nghahfâk ber chu an sawibo a ni ber mai. Ṭhenkhatin, Isaian ‘tlang thianghim, intihnat awm lohna ralmuanna hmun a sawite kha Krista ringtute zingah hian a thleng reng alawm, tia Kohhrana lo sawi lut ta mai an awm bawk. Mahse sual a pun deuh deuhna leh chhiatna leh thihna rapthlak pui puiin a chimpil mek khawvel hi, Biblein kum sang lalram beiseiawm taka a sawi lawk leh, Krista hova rorelna hun muanawm a sawi nen chuan a inrem lo deuh. Setana phuar a, kum sangkhat chhung leilâwta khung bo tlat a nihna hun pawh a la thleng rih lo a ni ang, Setana hnathawh sualna a pun nasat dan aṭang hian.

Premillenialism – Kum sang lalram a awm hma (pre) in Isua Krista chu van aṭangin leiah a lo kal leh ang, emaw, he leiah hian kum sang rorel turin a lo kal leh dawn, tih thurin hi premillenialism an ti. Tun hi hun hnuhnung a ni a, mi thianghlim lâwr a lo awm phawt ang a, lâwr bângho khawvelah Sakawlh lalram chu kum 7 chhung a lo ding ang a, chu hun tâwp dawnah, van aṭangin Krista chu van mipui leh angel rualte nen ropui taka, he leia rorel tur leh, khawvel ni a kin hma lawka kum sang lalram din turin a lo kal leh dawn, tia hrilhfiahna hi liberal lam ni lo, evangelical kohhrante zingah chuan hun hnuhnung chungchanga Pathian thu kalpui dan tlangláwn ber a ni ta.

Sakawlh ho chhuah hun tur – Engtikah nge Sakawlh a lo chhuah ang? Hei hi tun huna mite zawhna pawimawh leh hriat chak ber a ni ta. Hemi chhang tur hian hrilhlâwkna lam zirtu theologianten chhanna (theory) hrang hrang an neih zinga a langsar pahnih kan tarlang ang. Chungte chu, Pre-Tribulation Rapture Theory (Sakawlh hun thim lo thlen hmain mi thianghlim lâwr a awm hmasa dawn) tih leh, Post-Tribulation Rapture Theory (Sakawlh lo chhuah hnuah mi thianghlim lâwr a awm ang) tihte hi a ni. He lehkhabu tâwp lamah hian chipchiar zawkin kan la chhiar ang a, tunah chuan a tlangpui chauh lo tarlang ila:

Pre-tribulation Rapture Theory – (Pre-trib)-ah chuan nakin lawka tribulation hun thim lo her chhuah hma lawk, Sakawlh lo lam hma (pre) in mithianghlim lâwr a awm hmasa dawn a ni, an ti. Chuvangin hemi pawmtute Pathian thu kalpui danah chuan Sakawlh lo chhuak tur hi engto tur a awm ve lo a ni, a lo chhuah hmaa mi thianghlhim lâwra mifelte Lalpa tawk tur boruaka lakchhoh an nih dawn avangin (! Thes. 4:13-18; 1 Kor. 15:52-53). Tuna piangthar lo, lâwr ve loh turte tan chuan engto awm ber tur a ni thung ang. Tichuan, ringtu piangthar, kristian dik takte tan Sakawlh a hlauhawm ve lo a nih chu.

Post-tribulation Rapture Theory – (Post-trib).

He ngaihdan tlangláwn tak leh mi tam takin an kalpui mek danah chuan, mi thianghlim lâwr hi Sakawlh lo chhuah hnua lo awm chauh tur a ni, an ti a ni. Chumi awmzia chu, ringtute pawhin he Sakawlh hun thim lo thleng tur (tribulation) hi kan paltlang ve tho dawn, tihna a ni. Hei hi a dik a nih chuan, mi zawng zawng tan Sakawlh leh a chhinchhiahna chungchang hi engto awm tak, ngaihthah lo va, lo inpuah lâwk ṭul tak a ni lo thei lo. Khawvel pum huapa kristiante leh a bikin, Mizorama Sakawlh hlau hote hian he Post-trib. theory hi an kalpui dan a ni tih chhinchhiah ila. Tribulation huna Sakawlh lal lo awm tur hi kan lo khêl lâwk a ni ber mai si a!

Heng hrilhfiahna chi hnihah hian a hmasa zawk pawmtu chu tam zawk hle mahse, chi engemawzat chuan hnuhnung zawk hi an pawm a, thâwm pawh lian tak an nei ṭhin. A eng zawk zawk pawh hi dik se, kristiante thupui leh uar ber tur chu, Lal Isua neitu nih hi a ni. Lal Isua neitu leh mi piangthar i nih chuan, Sakawlh lo chhuah hmain mi thianghlim lâwrah tel vein, boruakah Lalpa tâwk tur leh, a hnena cheng kumkhua turin, duhsak taka lakchhoh zingah i tel ve ang. Amaherawh chu, post-tribulation hrilhfiahna angin ringtute pawhin Sakawlh rorelna hnuaiah kankûn ve dawn pawh ni se, Sakawlh laka kan inhumhimna lungpui chu ti dang ni lovin, Isua Krista tho hi a ni zel ang. Sakawlh hlauho kalsualna chu – Krista rinnaah an thlamuang tawk lo va, piantharnaah an ngaih a ṭha tâwk bawk lova, sahimna tur hmun an dap an dap a; an dap chhuah chhun chu chhiarpuia hming ziak ve loh te, an hmuh-sakawlh kohhran aṭanga inlakhran daih te, khawi lai ramhnuai leh thinglang hmun kilkhawr leh biru deuhte an inkawhhmuh a ni ber. Chung hmun him nia an hriatah pawh chuan awm sela, ringtute tana himna kulhpui Lal Isua an neih loh chuan an him chuang lo vang al chatuana boralna – hremhmun bâk beisei tur an nei chuang lo vang.

Hun hnuhnungah kan awm tawh si a, subject pawimawh a ni chho tual tual mai si a. Sakawlh te pawh mi ṭhenkhat chuan hmasang Nero Kaisa sawina mai a ni e, thil kal tawhhnu a ni, ti zawngin ‘preterist’ ngaihdan awihawm fahran lo hmanga phum bo daih te an lo tum tawh ṭhin a; mahse an puh ṭhelh deuh a ni ang, a khât tawkin a lo tho chhuak leh ṭhin si a. Kohhran lamah zirtirna mumal a awm si loh avang leh, mipui rilru a chiai a, puitu an mamawh laiin puitu an hmu lo. Chu hmun ruak luah khat tur chuan, zirna mumal nei ve hlei lo, lehkha thiamna lama engmah sawi tur neiloten an hriat ang ang leh, rinthua an suangtuahna nen an lo chhunzawm a, khawlaiah an zuar chhuak tawh mai si a. Sakawlh nambar te pawh ‘chhut thiam chuan chhut rawh se’ (Thup. 13:18) tih a nih laiin, chhut thiam hlei loten ṭan an lo la a, mipui min tichiaia a, kan buai zo ta a nih hi.

lehlamah Pawl chhuakhote hi kan dem tur ani hauh lo. Kohhran mitthlu min kaihrah a ni zawk. Krista Kohhrante hi kan muthlu tlat mai si a. Khawvel hi kan la ngaina vet vet êm a, tâwp mai turin kan phal lo va, Lalpa lokal leh tur nghakhlel lo hian he leiah hian kan lo inbengbel sauh sauh mai a; hun hnuhnung thu sawitute chu kan nuihsan lek lek zawk a. Lalpa tâwk tur zawng hian ngaihtuahna kan hmang thei der lo va; chuvangin engemawti zawng tala ṭhanharh chu a ngai ta a ni. Chutianga min kaiharh tura Pathian hmanruate chu kan lo sit leh bawk si a; mahse Pathian rorelnaah kan tel ve pha lo tih tal erawh chu in hre chhuak ang u.

Hun hnuhnung berah kan awm tawh a. Khawvela thil thleng mekte hian Sakawlh chhinchhiahna lo thleng tur chu hai rual lohvin a ti-ang chho tial tial a ni. Tun lai thil awmdan aṭang hian muhilte thawhharh a hun ta, tih pawh hai rual a ni ta lo. Amah Sakawlh ber a lo la inlâr loh avangin, tunlaia thil thlengte hi a aitechhinna a ni thei, tih hi kan sawi theih chin a ni. Khawvel tawp dawna nuihsantute lo la chhuah tur thu Petera sawi lâwk kha, tunah chuan a takin an lo lang ta. ‘Kan lo muhil reng tak mai a,’tih nachang hriate an harh chhuak ang a; muhilah pawh inngai duh lote erawh chu an harh chhuak chuang lo vang. Lalpa mite tan erah chuan inveng fimkhur tur leh, thil lo thleng apiang lo thlir fim turin mi tinin i ngaihven ang u. Hotea bum mai mai theihin i awm lo bawk ang u. Ṭhenkhat rilru a kânglâng lutuk a, thâwm rîva a awm hleka an nghîn dual dual laiin, kohhran mipui lam kan mitthluk nguai bawk si avangin, tun laia thil thlengte hi min kaiharhtu ṭangkai tak an ni zawk e.

TUN LAI THIL AWMZIA

Hmasang aṭanga tun thlenga khawvel ram tina kristiante buaipui leh ti luhaitu ber pakhat chu Sakawlh leh a chhinchhiahna chungchang hi a ni. Ngaihdan leh pawm dan chi hrang a tam êm êm a. Entirna thil mai mai anga ngaia sawi bo tum pawl an awm reng a, hmasang thil kal liam tawh chungchang mai a ni, tun hun atan engmah engto tur a awm tawh lo, tia sawinêp pawl an bo hek lo. Kohhran páwl ṭhenkhat, abikin Seventh Day Adventist-te chuan Sakawlh chu Roman Catholic leh an hotu lú ber Pope hi a ni e, tiin an lo puh chho ngar ngar bawk a.

Liberal theologianho leh an ṭhuihruaite lam ‘theology’ kalpui danah chuan Sakawlh chu, hmasang Rom lal Neroa sawina mai kha a nia lawm, thil kal tawh, tuna lo buaipui tur a awm tawh lo, tiin an sawibo hmiah mai a. Mahse, chutiang preterist-ho ngaihdan leh hrilhfiah dana, thil kal tawh hnu ang leka, awlsam piata phum bo theih a nih loh zia erawh chu, hun kal chho zel leh Bible hrilhlâwkna thleng dik chho zel hian a tichiang reng a.

Mizoramah pawh mi ṭhenkhat zirtirna kalsual avangin kohhran hi an lo hmuh-sakawlh ṭhin avangin páwl aṭangin an lo chhuah phah ṭhin a nih kha. Taksaa chhuak êm lo, mahse thinlung lama inhnambei tawh si lo, rilru inkau reng hi engemaw zat an awm bawk. Tunah tak phei chuan India ram puma chhiarpui (census) neih mek hi Sakawlh chhinchhiahna a ni e, emaw, a hmahruai tal a ni ang e, tiin râlkhel dár an lo vaw leh tawh a; mi ṭhenkhat chu an lo chiai a, chhiarpuiah an hmingte an lo dah luh ngam loh phah mek a, Heng bakah hian India sorkarin ni danga a la tih ngai loh, ram pum huapa Identity Card changkang – Unique Identification (UID) mimal tin tana siam chhuah tumin a lo buatsaih leh mek bawk si nen. ‘A sen rêng rêng hlau zel ang che’ tih ngaihdan pu sa tawhte tan chuan, Sakawlh chhinchhiahna anga ngaiin, an lo hlau leh ta mek a ni. https://ekhai.com

Heng inrâlkhelhna boruak hian engemawti zawng tak chuan ringtu muthlu a rawn kaiharhna chin pawh a awm. Dik takin Kohhran hi a muthlu veng veng mai tih hi phat rual a awm lo. Inkhawmpui nikhuaah Kohhran ropuina a paun dup dup lai hian, Kohhran Lú ber, Isua Krista leh a lokal lehna lam hi a tuipui loh bakah, a nghahhlelh loh êm avangin, tisa thil leh châkkhaia inbenbelna – materialism lamah a insawhnghet bur bur mai a ni a. Thil ṭha ve tho, ṭul ve tho, mahse programme leh kalphung awmsa, ‘routine’ thilah a inhmang zo va. Tun hun atana Pathian thuchah hi eng nge ni, hmelma pain ringtute zinga kaw hreuh a tumna zâwn hi eng nge ni a, tunlai thil awmzia aṭang hian eng thu hi nge kan buaipui dawn? ti zâwnga ngaihtuahna kan hmang thei tlat lo mai hi a manganthlâk ta a ni.

Mipuite chiai tur vêng a, rilru leh thlarau lama ringtute tana Lalpan thlamuanna thuchah min hnutchhiah lam ngaihthahin, ‘Sakawlh ka hlau lo. Páwl chhuak ho tih tawk lek,’ ti zawngin, anmahni hmusitin, a mihring hlawi ṭhawt zawngin mi tluang purte ngaihtuahna hi chu a kal a ni zawk awm e. Ṭhenkhatin thil awmdan dik zawk dap chhuah a, mipuite chiai lo tura ṭan an lak mek laiin, thlamuanna thuchah sawi tura mipuite beisei zawkte erawh chuan a him tawkah ngawih an lo chuh leh hlauh bawk si a. Lehlamah erawh chuan, mite kal sual tur ven hna leh kohhran thurin humhalh hna hi Pathianin a vei tir leh mawhphurhna a pekte tan lo chuan, hmalak ve ngawt a harsat vang pawh a ni thei bawk ang.

666 thurûk a lar tial tial –

Hun hnuhnungah kan awm tawh a. Khawvel tâwp dawna thil thleng tur Bible hrilhlâwknate chu ni tinin a lo thleng zut zut ta mai a nih hi. Heti chung hian, a hmu thiam lo tan chuan thil danglam a thleng a, hun a inher danglam tih hi a fiah chuang lo. Khawvelin chhiatna râpthlâk pui pui a tawng mawlh mawlh a, a pun telh telh lai hian, tunlai thil awmzia man thiam lo leh hrethiam duh lote chuan, ‘Hengte chu leilung kalphung ve reng a lawm,’ an ti tlat mai a ni. Tirhkoh Petera khan, “Ni hnuhnungah te chuan nuihsantu te chu anmahni châkna anga awmin, nuihsan chungin an lo kal ang a. “A lokal lehna thutiam chu khawiah nge? Siam tirh aṭangin engkim a awm pangngai angin a la awm zel a lawm,” an la ti ang (2 Pet. -34) tia a lo sawi lâwk kha tunah hian a thleng dik mek a ni. Chuvangin a ngaihtuahtu tur ber ni awm, kohhran hi a lo khawvel ta êm a, kan Lalpa Isua lo kal leh hun tur hi kan thlahlel lova, kan dah hlaruih mai a; 666 te phei chu sawi thiang lovah kan ngai hial emaw ni. Kohhranin a ngaihthah lai hian, khawvel huapa 666 rawn vaw lârtu zawk chu Hollywood film lar, 1976 a chhuak The Omen kha a ni phawt a; chung aṭang chuan páwlchhuak hoten hma an rawn la ve chhunzawm ta ni angin a lang thei.

Mizo Kristiante chauhin em ni Sakawlh hlau?

Mi ṭhenkhat Mizo kristiante hi hlauh ngah ta bika sawite kan awm a; hnam dang mite awmdan an thlir tel loh vang a ni ngei ang. Kristian kan nih ve hma kum sang khat zet kal tawhah te khan khawvel ram danga ringtu hmasate zingah Sakawlh chungchang hi an lo buaipui em em tawh ṭhin a. Inralrin dan chikimin an lo inralringin, an lo ralkhêl vak vak tawh ṭhin a. Ram changkang ber America ramah te leh hman kum lawkah Australia-ah te pawh an lo râlkhel ve tho. Kohhranho zingah te pawh he thu hian inrem lohna a lo chawk chhuak tawh fo zawk a ni.

Nambar 666 hi misual nambar anga ngaihna thûk tak a awm avang leh, hei hian ânchhia leh vanduaina nasa tak a thlen dawna rinna chu mite thinlungah a inphum ngheh tawh em avangin, miten nambar ṭihkhai bera an lo neih ṭhin a ni. Chu nambar 666 hlauhna chu Sapṭawngin Hexakosioihexekontahexaphobia tiin an sawi duah mai. Ṭhenkhatin puithûna âtthlâk anga an ngaih laiin, hlauhawm lo tlheng tur laka inralrinna tur zawnga ngai tam tak an awm. He nambar sawi nêp a, nuai bova, phum bo tumna a awm mek lai hian 666 hi tun lai khawvelah a lâr chho leh ta tial tial zawk a, mi tam takin nambar mak leh thil tithei – ‘suai’ neiin an ring telh telh mai a, he Diabola controlna hnuaia awm lei mihringte zingah engemawti zawng takin he hambar ṭihbaiawm tak hian mi rilru herh pui puite lung a kuai tlat mai a, inkhat beh ngawt theih lah a ni si lova, mihring nambar a ni miau si a. Chuvangin Sakawlh hi ngaihnêp avanga sawi bo theih a ni lo, tih leh, buaipui luat avanga puh dik mai theih a la ni rih lo, tih ch a chiang awm e. Khawvelin he nambar a buaipui zia leh, Bible-in a lo sawi lâwk dante chu vung dangah kan la chhui chho dawn a ni.

By – Dr. P.C. Biaksiama
Lehkhabu hming: TUN LAI THIL AWMZIA

Retold by viper – October 11, 2018 018

Aside | Posted on by | Leave a comment

Siaha – Aizawl night bus chesual

Tukin zinglam dar 2:30am vel khan Siaha atanga Aizawl lam pan, Colney Bus chu Pukpui dai, Tawngtaina atanga hla vaklo ah a chesual.

Passenger list a a landanin bus chesualah hian mi 23 an chuang a, mi 2 in nunna an chan a, hliam tuar te hi Christian Hospital Serkawn-ah enkawl an ni. Bus chetsual chhan hi chiang taka hriat ni lo mahse a break failed vang ni a hriat a ni.

Chhiattawhna hmunah hian Pukpui YMA leh mi tlawmngaite’n chhanchhuah leh chhawmdawlna hna an thawk a, Christian Hospital Serkawn hian hliam tuar te hi a thlawn veka an enkawl tur thu an sawi.

Nunna chan te:

  1. H. Zirsanga s/o H. Ngunlala,
    Lawngtlai-III
  2. Albert Rothangpuia
    c/o R. Lalruatkima,
    Dinthar, V Section. Aizawl.
    (Hei hi Aizawl khaw pawn lam khua ni a hriat a ni.)

Colney bus Passenger list:

  1. Monday – 9485110156
  2. Rka- 8974243495
  3. Rka ṭhian
  4. Thangtei- 8413896629
  5. Thangtei kalpui
  6. Pu Chhuana
  7. Liankima- 9862864551
  8. Lalthlamuana- 9612760984
  9. Lalthlamuana nupui
  10. Lalthlamuana fa
  11. Momo- 8414898145
  12. Rema Driver
  13. Ruattea Driver (Accident laia khalhtu)

Lawngtlai atangin 4 leh Lunglei atangin 1 an chuan belh a. Lawngtlai atanga lo chuan belh pakhat hi Lalmuanawma (Mamuana) Aizawl Missions Vengthlang a ni.

An ruang hi Civil Hospital Lunglei thlenpui a ni a, hliam tuar ngaihtuahawm lutuk an awm lo niin kan thudawnna chuan a sawi.

Author : Kiddy Vanchhawng

Aside | Posted on by | Leave a comment

2018 Noble Peace Prize dawngtu tur hming leh ram

by Belle Re U EL

Khawvel chawimawina zawnga ropui ber Noble Prize kum tin pek thin chu tun kum 2018 a dawngtu tur hming leh ram chu tarlan a ni tawh a, he thil hi midang te tana in pe zomi leh mi ropui leh chawimawi tlak te hnen ah an pek thin a ni. Tun kum a an pek tur te hi an zavai hian mi 12 an ni a, december ni 20 khian he chawimawina hi a dawngtu tur te hnen ah pekna hun an hmang ang.

He mimal chawimawina hi a chunga kan sawi tawh angin mi inpe zo leh midang tana nun pe huam te leh harsatna tam tak midang te avanga tuartu te an ni hlawm a, heng chawimawina dawng tur hian chuan mi chung chuang bik nih a ngai reng a ni.

Noble Prize dawngtu tur an thlanchhuah te leh an ram te chu i lo en ho ang u:

Physiology/Medicine – James P. Allison (USA) & Tasuku Honjo (Japan)

Physics – Arthur Ashkin (USA), Gerard Mourou (France) & Donna Theo Strickland (Canada)

Chemistry– Frances H. Arnold (USA), George P. Smith (USA) & Sir Gregory P. Winter (UK)

Peace – Denis Mukwege (Congo) & Nadia Murad (Iraq)

Economic – William D. Nordhaus (USA) & Paul M. Romer (USA)

Aside | Posted on by | Leave a comment

CONSISTENCY CONSISTENCY

Khawvela hnam changkang leh belhchian dawl ber pawla ngaih British-te khuan an hnam lungphum pakhata an ngaih chu CONSISTENCY a ni a. Chu chu ngelnghehna ti tein letling ila a dik thei turah ka ngai a. Ngaihdan leh tihphung belhchian dawl kan neih chu a aia ţha zawk ngei kan hria a nih loh chuan tihdanglam mai mai loh tur tihna a ni thei bawk ang. British-te chuan an hnam tihphung nghet an dah lala an thlâk zen zen lo a ni. Lal neih khu an “Institution” pawimawh ber pakhata an ngaih avangin tuna an inrelbawl danah ţangkaina nei vak tawh lo mahse pawimawhna tak an la neihtir zel a ni.

A hun taka thil tihte hi a pawimawhin a zahawm a. Office kal te, Biak in inkhawm te, Chanchinthar puan te a hun taka kan tih hian a ţangkai a, a zahawm a ni. Chhan ţha awm mang lo va, hun kan bawhchhiat fo chuan kan changkan lohzia lantirna mai a ni.

Sawrkar kalphung dang dang dangah pawh tihphung a awm a, chu chu kan zawm ţhat a pawimawh a ni. Hna ruak a awm a, promote tur sawrkar hnathawk an awm chuan a rang thei ang bera promotion pek chu tihdan ţha leh belhchian dawl a ni.

Ka ţhiana Ruata Sailo-ina a ţhianpa promotion hmu lawmpuina thu, hetianga a thawn hi ka lo hmu ve a:
“Eng level ah pawh hian a Junior ber han nih hi chu a nuam vak lo tih chu kan pawm vek awm e, chutia thla hnih chhung chauh mahni level a Junior ber nihna min rawn chhuhsak hian min tilawm hle zawk mai…. Post a ruah a tranga thla li zet ral hnu a, MPSC in a Junior ber tura recomendation min pêk theih chauh laiin, nang chu post pawh a ruah hma hauha he mi levela Junior ber ni tura recomendation an lo pe lâwk che pawh hi, chunglam A mi hian junior bera ka awm rei a phal lo-ah ka ngai ve tawp mai, nang lahin step thar i lo kai hma phah ve leh zel bawk si.

I would like to hand you over the position of junior-most incumbent and at the same time welcome you to the level of Selection grade! A BIG CONGRATULATIONS my friend…..
Consistent taka tih chho zel ni sela, kar lehah chuan MPSC pawhin recommendation thar a rawn pe leh hman ngei turah I ngai ang u..”

Hei hi sawizawm tlâk niin ka hria. A sawi ang khian S.E. post ruak a awm a. Ani kha E.E. senior ber, record ni ţha bawk, promotion pêk theih mai a nih lai khan thla nga dawnlai an han tihtangkhansak kha a ‘fair’ lo hle a ni. Khatiang kha an tihphung pangngai ni se, a ţhat loh rual rualin ngaih hnathiam theihna te pawh a awm thei ang. Mahse, Ruatan a sawi ang khian a hnu chiaha miin promotion a hmuh theih hun tur chu December 31-a S.E. pakhat pension hun tur a ni a. Chumi thlirlawk chuan MPSC-ah ‘proposal’ an lo va thehlut daih tawhin MPSC pawh chuan January ni 2 emaw-a promotion pek turin ‘recommenDation’ sawrkarah an lo thawn let diam tawh a ni.

Hetah hian click la, Hlawh nei turin Clickcash ah Inziak lut ve rawh.

Officer pakhat vanduaithlak taka a thih thut avangin leh officer pakhat promote tura hual lâwk tana vanneihthlak takin hun a rawn inhawn thut tâkah chuan January thla tira promotion order tih chhuah theih tur chu, October 5 khan a tak a chang thei ta der mai a ni. Dan narana promotion hmuh theih hun hma thla 5 dawnlaiah proposal an lo siam lâwkin recommendation an lo siam lâwk tihna a nih chu.

Dan ang taka hnathawk tan chuan kan hnena ‘file’ a lo thlen veleh kan en nghal a. A tam ber chu minute hnih khata chhiar chhuaha hnuai lama thawnthlak leh emaw chung lama thawnchhoh theih emaw deuh vek an ni a. Tlêm azawng thu khirhkhan deuh awmna chu zir chian deuh a ngai a. Chuta tan chuan Inrinni emaw sawrkar chawlhni dang emaw kan hmang ţhin. Eng pawh ni se, chawlhkar khat aia rei ‘file’ pending chhan tur a awm lo.

Sawrkar hnathawk tam tak chuan, a bîkin officer lianten, rei tak tak file an pending ţhin a. Chumi awmzia chu kha file aţanga hamţhatna hmu turten an rawn THAM hun an nghâk tihna a ni tawp mai. Chutiang ti ve duh lo chuan file kan pending ngai loh aţang hian chutiang tihphung bawlhhlawh tak chu huai taka sawi ngam a ni.

Tute emaw thil an pending vung vung chuan kan sawi tâk ang khian thamna an ngiat emaw, kha officer kha eng emaw chhan avanga ‘lession’ pek an duh vang emaw a ni ţhin a. Khaw êng pawh zah lo khawpa tute emaw thil a hun thlen hma hma-a an lo chinfel lâwk chûk chûk chuan thamna ţha tawk dawn vang emaw, mimal thila induhsak chungchuan vang emaw, politics thil te emawa ţangkaipui theihna a nih vang emaw a ni ang. Chhan dang vak a awm lo vang.

Hetiang tehfung hmang hian kan sawrkar hnathawkte tihdanphung hi zir chiang ula, 90% vel emaw chu Pathian thuawiha chhiar tlâk loh an ni tih in hre thei ang. Chuvang chuan alawm huai taka Zonunmawi kha hmuh tur a awm tawh lo va, kan Kristianna ve pawh hi a lem deuh vek a ni, kan tih fo ţhin hi ni.

Michael Lalmanzuala

Aside | Posted on by | Leave a comment

CENTAL YMA in Chakma chungchanga hma a lak dan

Tunlai mi thenkhat ten CYMA, Chakma District Council thiah chungchanga inthlan dawn hnaih anih avanga hma la chauh ni a an sawi hi thudik ziktluak lo a ni a.

CYMA hmalak dan tlangpui lo tarlang teh ang :

Dt.17-19 October 2017-ah General Conference Zotlangah neih a ni a, chutah chuan dan lo a din Chakma District Council hi dan ang a thiah ni rawh se tih pass a ni a.

Hruaitu tharte hian dt.24.10.2017-ah hruaitu hluite hnen atangin charge an la a, dt.27.10.2017-ah President leh Vice President te Delhi-ah zin in, Parliament House Library-ah Chakma chungchang Parliament a an sawi dante an zu haichhuak a.

Dt.09.02.2018-ah Chakma chungchangah CYMA Hall-ah mi pawimawh hrang hrangte sawm in Consultation neih a ni.

Dt.26.04.2018-ah Tlabung leh Chawngteah CEC rual ten Kumpuan hawnna CADC avangin neih a ni a, hei hi kumdang a an la tih ngai loh a ni.

Dt.14.04.2018-ah CEC Meeting in Chakma chungchang Study Group, President kaihhruaina hnuaiah a din leh a. An ni hian RTI hmang ten CADC chungchanga hriattur an neih te an zawt nghal a, Mizoram Legislative Assembly Library-ah te thil pawimawh te haichhuak in hma an la chhunzawm char char a.

CADC chungchanga thil hre awm a an ngaih Prominent Citizen hrang hrangte zinga mi an chenna inah an kawm kual vek a, chutianga an theih ang tawka an zirchian hnu in September thla khan report an peihfel thei hram in CEC-ah thehluh nghal a ni.

Dt.28.09.2018 CEC Meeting chuan Study Group te report ngaihtuah in dt.10.10.2018-ah Governor hnenah CADC thiat tura ngenna thehluh nise a ti a, chumi tihchakna atan leh mipui awareness atan kawngzawh hi a lo rel ta a ni.

He kawngzawh hi CYMA hruaituten an intihlar duh vang leh mimal hamthatna an zawn vang lam nilo tih hi mipui ten kan hrethiam mai awm e.

CYMA hruaitute hian thil tam tak hmalakna an neih karah General Conference zawh a mawhphurhna an lak atang hian chawl loin CADC chungchang hi an buaipui a ni. Hemi hnuah hian Study Group te thil zirchhuah hmang hian Law Court kal leh an la tum a ni.

Aside | Posted on by | Leave a comment