HPC VICE CHAIRMAN PU S DINGA MLA FARNU PI LALIANNGURI PENSION TAWH RAWIHNAWNNA ORDER COPY AN HAL.

Mizo National Youth Front (MNYF) SubHqrs. Lunglei chuan Mizoram sorkarin Lunglei HPC Vice Chairman Pu S. Laldingliana Farnu, Pi Lalliannguri chu sorkar hna atanga a pension hnu ah pawh dan kalha hmalain kumkhat dang rawih nawn lehna order a tihchhuak ni a sawiin, hemi duhlohna lantirnan vawiin chhun dar 12:00 khan an Party office, Mizo Hnam Run, Lunglei kawt ah sorkar thupek (order) copy an hal ral.

Sorkar thupek an halral chhan sawiin MNYF Sub hqrs. Lunglei Vice President Pu Lalropuia chuan, Mizoram Congress party sorkar chuan rorelna an chelh chhungin thuneihna hmang sualin, Politics-ah induhsakna uchuak tak an hmang chho zel niin a sawi a. Tun hnaiah Congress Party MLA leh HPC Vice Chairman nilai Pu S. Laldingliana farnu, tuna Personal Private Secretary to Chief Secretary ni lai, Steno Senior Grade-I a pension tawh Pi Lalliannguri chu a pension hnu pawhin Mizoram Sorkarin Nov 30, 2016 khan SDO (Civil) Hnahthial a thawk turin rawih nawna order a tichhuak leh niin a sawi a. Hei hi MNYF Sub hqrs. Lunglei chuan mak an tih thu leh mipui zahlohna leh democracy palzutna ah an ngai tih an sawi a ni.

Sorkarin Pi Lalliannguri a rawihnawnna order copy, MNYF Sub Hqrs. Lunglei ten an halralna ah hian resolution panga an pass a an resolution pass zingah hian Hnahthiala Post ni chung leh Chief Secy. hnathawh tir reng a ni si te, Steno Senior Grade-I nisi, MCS post a dah a ni te chu Congress Party sawrkar in dikna luipui anga luang tur dang chat zawk zeltu a nih zia tilangtu a an ngaih thu te, Politics a induhsakna uchuak tak hmanga sorkar hna a an rawih nawn Pi B Sairengpuii, PWD Commissioner pawh Zirlai Pawl ten an duhlohna an lantir avanga an sut leh hnuah pawh hetiang thil rawn thleng leh ta chu an hriatthiamloh thusawiin, Mizoram sorkar chu Thalai lehkhathiam zawkte hma khawihna nei miahloh a, an ngai thu te leh District khawpuia puan tawh Hnahthial khaw mipuite hmusitna a an ngaih thu te an resolution passed ah hian an tarlang a ni.

Mizoram sorkarin Pi Lalliannguri rawihnawnna order hi a sut lo anih chuan MNYF sub hqrs.Lunglei chuan a tawp thlenga hmalak an tum thu an sawi a ni. Mizoram Sorkar thuchhuak a tarlan anih danin PPS to Chief Secretary Pi Lalliannguri chu Nov 29, 2016 ah pension a chhuak tur a nih laiin Dec 1, 2016 atanga Nov 30, 2017 thleng SDO (Civil) Hnahthial hna chelh tura rawihnawn leh a nih thu te, a hlawh pawh CCS (Fixation of Pay of Re-employed Pensioners) order 1986 anga kalpui anih tur thu te tarlan a ni a, sorkar Notification ah hian DP&AR Joint Secy. R. Malsawma’n hming a ziak a ni.

Kiddy Vanchhawng
Jan. 30

Advertisements
Aside | Posted on by | Tagged , , , | Leave a comment

CANADA RAMA MUSLIM 6 KAPHLUMTUIN THIAMTHU SAWIIN A KA A ANG LO

Sunday zana Quebec khawpuia Muslim Biak In (Mosque) a Muslim tawngtai lai kaphlumtu tlangval Alexandre Bissionette (27) chu niminah Court ah police ten hruaiin, a kut leh ke ah thirin an hling a, reilote Court ah hruai a nih hian engmah thiamthu sawiin, a ka a ang miah lo. Police te chuan tualthah tumtua puhna chi hrang hrang 5 in charge an pe.

Alexandre Bissionette hi Laval University hmuna Social Science zir lai niin, Quebec hmuna refugee buaipuitute chuan a hming hi an lo hre khawp a, French Far-right hruaitu Marine Le Pen leh a party din National Front party thlawp thintu a ni. Sunday zan dar 7-8pm vel khan Muslim ho tawngtai lai chu AK-47 assault rifle hmangin a kap chiam a, mi 6 thiin, hliam 19 an awm a, mi 5 te chu dinhmun thalo takin Hospital ah enkawl mek an ni.

Canadian PM Justin Trudeau chuan Muslim hote thlavang hauhvin, a tawrh puizia a thawn a, “Muslim maktaduai 1 awmte lungngaihna leh tawrhna chu mipui maktaduai 36 in kan tawrh pui che u a ni. Kan tawngtai pui che u a, venghimna pek che u kan tum a ni” a ti.

Aside | Posted on by | Tagged , , | Leave a comment

LUNGLEI CIVIL HOSPITAL-A NAUSEN THIH CHUNGCHANGA MAWHPHURTU-A PUH THUBUAI COURT IN TITAWP

Nikuma Lunglei Civil Hospital-anausen thih chungchanga mawhphurtu a puh leh Chief Judicial Magistrate-in thiamloh a chantir tawh Nurse K.Lalbiakdiki Lunglei Rahsiveng chu Lunglei District Addl. Dist & Session Judge, Lunglei Dist.Court Helen Dawngliani’n chuan a thubuai a tihtawp sak.

Court-ah hian K.Lalbiakdiki Ukil chuan, Nausen thih nachhan; Nurse inthlahdah vang tia sawi chu thudiklo a nih thu sawiin, “nausen chu thla 6 leh ni 1 chauhva piang a nih avangin dam thei a ni lo tih theih tluk a ni a, Medical Doctor te pawhin he nausen enkawlna chungchangah hian nurse duty te inthlahdahna hmuh tur a awm loh thu leh hetianga thla kim lo lutuk chu enkawl dam theih a nih meuhlo thu an sawi” a ti a. Medical thil lam hre lo court in a lo awihsak lo ringawt chu thil diklo a nih thu te, sorkar hnathawk laite an duty hun chhunga thil tisual tia puh a nihin man an tul a nih chuan Dan in a sawi angin thupe theitu hnen atangin prosecution sanction a awm tur awm miah lova K.Lalbiakdiki man a ni te, Jail hiala dah luh nghal a ni te chu thil diklo hulhual a nih thu te a sawi a, hei vang hian a hma a thutlukna lo awm chu thiat turin Court an ngen a ni.

Addl Dist & Session Judge chuan ngun taka a ngaihtuah hnuah, he mi chungchanga CJM Lungleiin nikum July ni 13-a thuremna lo tihchhuah tawh chu sutin, a thubuai hi tihtawp a nih thu order a ti chhuak ta tih thudawnna chuan a sawi.

Vanneihthanga Vanchhawng
31 jan, 2017

Aside | Posted on by | Tagged , , | Leave a comment

LUNGLEI CIVIL HOSPITAL-A NAUSEN THIH CHUNGCHANGA MAWHPHURTU-A PUH THUBUAI COURT IN TITAWP

Nikuma Lunglei Civil Hospital-anausen thih chungchanga mawhphurtu a puh leh Chief Judicial Magistrate-in thiamloh a chantir tawh Nurse K.Lalbiakdiki Lunglei Rahsiveng chu Lunglei District Addl. Dist & Session Judge, Lunglei Dist.Court Helen Dawngliani’n chuan a thubuai a tihtawp sak.

Court-ah hian K.Lalbiakdiki Ukil chuan, Nausen thih nachhan; Nurse inthlahdah vang tia sawi chu thudiklo a nih thu sawiin, “nausen chu thla 6 leh ni 1 chauhva piang a nih avangin dam thei a ni lo tih theih tluk a ni a, Medical Doctor te pawhin he nausen enkawlna chungchangah hian nurse duty te inthlahdahna hmuh tur a awm loh thu leh hetianga thla kim lo lutuk chu enkawl dam theih a nih meuhlo thu an sawi” a ti a. Medical thil lam hre lo court in a lo awihsak lo ringawt chu thil diklo a nih thu te, sorkar hnathawk laite an duty hun chhunga thil tisual tia puh a nihin man an tul a nih chuan Dan in a sawi angin thupe theitu hnen atangin prosecution sanction a awm tur awm miah lova K.Lalbiakdiki man a ni te, Jail hiala dah luh nghal a ni te chu thil diklo hulhual a nih thu te a sawi a, hei vang hian a hma a thutlukna lo awm chu thiat turin Court an ngen a ni.

Addl Dist & Session Judge chuan ngun taka a ngaihtuah hnuah, he mi chungchanga CJM Lungleiin nikum July ni 13-a thuremna lo tihchhuah tawh chu sutin, a thubuai hi tihtawp a nih thu order a ti chhuak ta tih thudawnna chuan a sawi.

Vanneihthanga Vanchhawng
31 jan, 2017

Aside | Posted on by | Tagged , , | Leave a comment

LEI (TONGUE) EXERCISE TANGKAINA

Kan taksa bung hrang tin hian exercise an mamawh tih chua chiang a. Ke-a kal(Walk) hi chi khatah chuan a tha ber leha hawlkim ber a ni. Mahse, Walk-ina a khawih phak loh hi an awm ve nual a, chu’ng zinga mi chu kan lei(tongue) hi a ni.

Tuk tin thawh hlima hmaiphih zawha lei a sei thei ang bera tih chhuaha vei lam leh ding, a chho zawng leh a chhuk zawnga vawi 10(sawm) theuh thlektir hian hetiang tangkaina hi a nei a ni:

1. A pawimawh berah chuan Alzheimer intan tur a veng thei.
2. Weight loss nan a tangkai
3. Thisensang tihhniam nan a tangkai
4. Thluaka thisen khar awm tur a veng
5. Asthma enkawl nan a tangkai
6. Mita khaw hmuh hlat nan a tangkai
7. Beng kiu vung vung tih reh nan a tha
8. Hrawkna tihdam nan a tha
9. Dar leh nghawng na ven nan a tha
10. Mutthilh harsat neite tan a tangkai.

He thu hii Mallika Nampoothiry, Trivandrum-a miin, a fapa Doctor pakhatin a hrilhhriat, ringa practice-a a thatpui em avanga Whatsapp etc.-a thehdarh ta a ni a. Kan thluak leh lei hi a inkungkaih viau a lo ni a, hetiang exercise hian thluak a tiharha, hriatrengnain a thatphah a, a tlangpui thu-a taksa chak zawk leh chet vel tinuam zawktu a nih thu ama experience ngei atangin a sawi ngam a ni. La naupang deuhte chuan in mamawm tampui lo mai thei, mahse, in nu leh pate lo hrilh ve ula, tuipuia tangkaipui an awm kan ring a ni. Thatchhe deuh tan pawh minute hnih khat tih chu harsa awm lo tak a ni bawk a.

Michael Lalmanzuala

Aside | Posted on by | Tagged , | Leave a comment

PRESIDENT TRUMP-AN BARACK OBAMA RUAT ATTORNEY GENERAL SALLY Q. YATES A BAN HMIAH

Nizan Jan 30. ah US President Donald Trump chuan a presidential executive thupek awih tha duh lo, Barack Obama hun laia ruat, Dy Attorney General thin, tuna Acting Attorney General Sally Q. Yates chu Thawhtan zan 9pm khan a ban ta hmiah. Change a thleng mek e!

Ms Sally Yates hian President Trump-an Muslim refugees chungchanga Ni 120 chhung US la lut rihlo tura thupek a siam chu, tihpuitlin duh lovin thupek hi Justice Dept angin bawhzui a tumlo tih a sawi hnu lawkah, amah Sally Q.Yates chuan banna thupek lehkha a dawng ta zawk a ni. Sally Yates ai hi Dana J.Boente, United State Attorney for Eastern Dist of Virginia chuan a awh ang a, ani hi Acting Attorney General atan ruat rih a ni. Dana Boente chu White House ah zan 9pm ah chhechhama lakluh nghal a ni a,”Kan ram dan te chu US khua leh tuite venghim turin ka lek kawh dawn a ni” a ti.

Trump-an US Attorney General tura a ruat, Alabama Senator Jeff Sessions chu Congress in an la confirm hman rihloh vangin, Sally Yates hi an lo hmang lai lawk rih mai chauh a ni.

White House-a Trump Adviser pakhat John DeStefeno chuan Sally Yates chu 9:15pm ah lehkha pe in, “United States of America President-in Dy Attorney General (acting Attorney Geneal) atangin a ban che a ni” tih a hrilh a ni. A hnu 2min lekah White House Press Secy Sean Spicer chuan khawvel hriatah Sally Q.Yates ban a nih thu puang chhuak nghalin, “Refugee chungchanga mi chaklo lutuk, dan lova lo lutru te dap chhuahkawnga mi chaklo leh ramri chungchanga mi chaklo niin, Sally Yates hian a tihtur a ti lova. US khua leh tuite chu a venghim tur a ni”, tiin State Dept a official te pawh, Diplomat thlengin Trump’s policy pawmpui theilo te chu an hna atanga bang ngam turin a hrilh bawk.

President Trumpuia pawhin Twitter ah tihian a rawn ziak thuai bawk, “Democrat hoten ka Cabinet tura thlan chhuah chu political thil vangin an nemnghet tlai a. Obama AG hi kan mamawhlo ve”, tiin.

Kum 1973 khan “Saturday Night Massacre” lo awm tumin, Consitutional harsatna thlen tumin, Robert H. Borum, Silicitor General chu President Richard Nixon chuan banin, Archibold Cox, Special Prosecutor atan alo thlak tir tawh a ni. Sally Yates ban a ni thut hi Democrat Senators ho chuan an sawisel nasa hle.

C.T.Lalrinawma

Aside | Posted on by | Tagged , , | Leave a comment

KRISMAS BORUAK A MUANAWM, BUAINA LIAN THAM CHHUAK A AWM LO

  • Aizawl Superintendent of Police Pu Lalhulian Fanai chuan kumin Krismas vuakvet ah thil thleng duhawmn lo leh buaina lian tham chuak a awm loh thu a sawi.

    Aizawl SP Pu Lalhuliana Fanai chuan krismas kan hmanzawh takah Aizawl SP huam chhungah Krismas tha tak leh ralmuang tak hman a ni chu lawm awm a tih thu sawiin kum dang aiin sualna chi hrang hrang leh chhiatna thleng thawm hriattur a tlem thu a sawi. December ni 31 kumhlui thlah zan kan hman tur leh a tuk January 2017-a Kumthar lawmna kan hman turah pawh halpuah leh halmawi khap a nih anga hal lui lo tur leh midang tana harsatna thlen thei tur zawnga khawsa lo turin mipuite a ngen nghal bawk a ni.

    Kumin krismas vuakvetah Bazar leh a chhehvelah te halpuah leh halmawi thenkhat Police ten an man thu SP chuan sawiin, heng bakah hian hralh chhuah phal loh naupang silai lem, a mu kahchuah theih chiengemawzat an man thu a sawi bawk.

    Aizawl SP Pu Lalhuliana chuan Krismas kan hmanzawh takah kawtlaia buaina siam leh rui buai man tur an awm meuh loh thu a sawi a, ni 24 urluk zanah Rangvamualah mi pahnih an insat tih loh chu case lian tham thleng a awmloh thu a sawi. Mipuiten hunpui boruak thlanmuang tak leh hlim taka an hman theih nan zan lamah pawh Police dutyhmun hrang hrangah an dah belh thu sawiin, veng kilkhawr deuh ah te pawh Police foot patrolling a hranpa a an dah thu a sawi bawk a ni.

    Police bakah Excise& narcotics, YMA leh VDP ten buaina chhuak thei vengin chhun zan zawmin an mahni vengchhung theuh an veng tha hle a, heihian buaina liantham thleng thei pawh nasa takin a veng niin SP chuan an sawi a ni.Krismas leh Kumthar vuakveta ruihhlo dona atan Mizoram hmun hrang hranga YMA Branch ten an hman tangkai turin Home Minister Pu R. Lalzirliana chuan a pisaah Central YMA hruaitute hnenah cheng nuai 10 a hlan a. Hei hi Central YMA leh Police Department leh Excise & Narcotics Department ten ruihhlo do kawnga an thawhhona kal zel a ni.

    Sawrkarin halpuah hal khapna thupek a chhuah pawhin zawm a hlawh tha hle a ni.

    Aside | Posted on by | Tagged , , | Leave a comment

    Urlawk ni atanga thawhtan thleng khan Aizawl Civil Hospital Casualty Emergency chu mi 528- in an pan

    Urlawk ni atanga nimin thleng khan Aizawl Civil Hospital Casualty Emergency chu mi 528-in an pan a .Aizawl Civil Hospital Casualty Emergency in-charge,Dr. LC Liana chuan kumin Krismas vuakveta Aizawl Civil Hospital Casualty pantute zingah hian natna khirhkhan lutuk nei an awm lo, a ti a.

    Casualty pantu tam ber chu lirtheia chesual hliam tenau deuh nei te, luak, pumna, ui seh leh mahnia chetsual vanga inhliam te an ni ber a. Krismsa vuakvetah hian ni dang aiin Casualty pantu tam deuh mah se natna khirh tak leh buaithlak tak a awm lem lo a, Casualty-ah hian a pantute zinga mi pahnih khat an boral tih loh chu harsatna lian tham a thleng lo a ni.

    Dr. LC Liana chuan Aizawl Civil Hospital chu damlo pantu an tam thin em avangin damlo enkawl leh admit kawngah harsatna awm deuh thin mah se a tlangpuiin damlote mamawh ang chu pek zel thin a ni, a ti a. Tunah hian Casualty Emergency bikah hian khum 14 leh Observation Bed pahnih a awm mek a. Doctor Duty-te hi ni khatah tum thum inthlak kualin tum khatah Doctor panga zel an duty a, a pui turin Nurse engemawzat mamawh ang zelin Duty-tir thin an ni bawk.

    Aside | Posted on by | Tagged , , | Leave a comment

    Lawngtlai District ah UID hmalakna chhunzawm

    Lawngtlai District-ah tun hnai atang khan Aadhar Card (UID) siam hna tan a ni a. Bualpui leh a chhehvel mipuiten Bualpui NG a Aadhaar Enrolment Centre hawn thar chu an chhawr tangkai hle tih kan corr chuan a sawi.

    Lawngtlai District chhunga Aaadhaar Enrolment hnahun engemaw chen chawlhsan lailawk tawh chu tunhnai mai atang khan Lawngtlai DC hmalaknain Lawngtlai District mipuiten awlsam zawk leh chak zawka Aadhaar Enrolement (UID) an tih theihna turin Enrolement Agency – Lawngtlai Deputy Commissioner Office, Sangau SDO leh BDO Office, Chawngte leh Bualpui NG khuaa Common Service Centre (CSC)-ah te Enrolement Centre hawn thar leha ni a.

    A bikin, Lawngtlai District Phawngpui Area-a khaw 10 – Bualpui NG-I, Bualpui Ng-II, Tlangpui, Lungzarhtum, Siachangkawn, Lungpher South, Vawmbuk I, Vawmbuk II, Archhuang leh tialdawngilung khaw mipuite chuan Lawngtlai DC Office pan buai ngai lo leh awlsam zawka Aadhaar Card an neih theih nan Bualpui NG-ah Aadhaar Enrolement Centre dah thar a ni a. Helai chhehvel mipuiten an pan nasa hle a. Krismas dawn leh Krismas hnu thleng pawhin Bualpui NG Common Service Centre-a Aadhar Card siam hi an thahnem hle a ni.

    Sangau SDO (C) leh BDO thut hmun Sangau khaw mipui leh a chheh vel khuate tana Enrolement awlsam zawka tih theih nan Sangau BDO Office-ah pawh tunhma deuh tawh atang khan Operator pakhat dah a lo ni tawh bawk a, hun rei loteah Common Service Centre Sangau atang pawhin hun rei loteah UID Aadhar Enrolment hi awlsam zawka tih theih beisei a nih thu UID lama thawktute chuan an sawi a ni.

    Aside | Posted on by | Tagged , , | Leave a comment

    Kum 2016 chhunga mizoram medal lak

    Kum kalmek 2016 chhung hian infiamna lama ramchhung leh pawn intihsiakna hrang hrangah Mizo infiammi ten Gold Medal 118 an la a, Silver Medal 58 leh Bronze Medal 62 an la bawk.

    He thu hi kar kaltaa, Sports Minister Pu Zodintluanga hova, Sports & Youth Services Department leh Mizoram State Sports Council (MSSC) hmalakna thlirletnaah tarlan a ni a, Medal lak zingah hian International Competition-ah Gold 31, Silver 12 leh Bronze Medal 11 lak a ni a; National Competition-ah Gold 55, Silver 17 leh Bronze Medal 31; Regional Competition-ah Gold 32, Silver 29 leh Bronze Medal 20 lak a ni bawk.

    Infiamna tih hmasawnna tura hmanrua leh hmun buatsaihna pawh chak taka bawhzui a nih thu he meetingah hian tarlan a ni a, kumin chhunga Sports Infrastructure project zawhfel te chu cheng nuai 789 senga Mualpui a Multipurpose Indoor Hall sak te, Cheng nuai 175 sing 5 leh sang 5 senga sak Taekwondo & Powerlifting Hall, Republic Veng, Aizawl ami te, cheng nuai 150 senga sak Zemabawk Judo Halbakah cheng nuai 600 senga Kawnpui Boys Hockey Academy-a Hockey Astro Turf phah te, cheng nuai 50 senga Thenhlum a Indoor Stadium sak leh cheng nuai 50 bawk senga Bunghmun a Indoor Stadium sak te an ni a. Heng bakah hian NEC in a pawmpui tawh project pathum leh project 10 kal lai mek a awm bawk.

    Aside | Posted on by | Tagged , | Leave a comment