SEX THILMAK (AWIH LA AWIH SUH LA)

AUTHOR : On

1. Sex hman hian mipa aiin Hmeichhia in a
nawmna an pawh hnem zawk.

2. Mipa Semen (Baw) ah hian taksa tana tha tak tak chi hrang hrang heng Nitrogen, Fructose, Lactic Acid, Ascorbic Acid, Inositol, Cholesterol, Glutathione, Creatine, Pyruvic Acid, Citric Acid, Sorbitol, Urea, Uric Acid leh Vitamin B12, mai bakah Salt leh Enzymes a awm a, mihringte mamawh em em Protein a keng tel hnem hle.

3. Chocolate hian Phenylethylamin E a keng tel a, chu chu mihring a sex hman chakna tithotu
pakhat a ni.

4. Hmeichhe serh a fiamthua a phengphehlep kan tih mai (Labia Minora) hi nau hring tawhte ta hi a dum bik zel. A fan vak a a tawmtet leh tawh vang a ni.

5. Hmeichhiate hi an thineih hma deuh hi Sex an mamawhna san hunlai ber a ni (Hriat kar chi!!!)

6. -321 Degree Fahrenheit (-196.1 Degree
Centigrade) ah hian mipa chi hi rei tak chhe loin a dahthat theih.

7. Mipaah hian kum 17-18 nih lai hi sex-a an san ber hunlai leh hmannuam an tih ber hun lai a ni.

8. Aspirin Capsule khat chhunga leng tawk lek
mipa chi hlang dahkhawm hi dam ta vek se
khawvel mihring zat thawthang a awm thei.

9. Sex hmanlai hian hnute bawr leh serh bawr
mai bakah hnarkaw chhung a tihrawlte hi an lo
inhampuar tang mar ve tlat nia!

10. Mingo hmeichhiate hi Anal Sex ngaina a,
hmang nasa ber an ni.

11. Thirfiante khat mipa Semen (Baw) hian
Calorie 5 a keng tel.

12. Vawikhat mipa chi tla ah hian chi maktaduai hnih atanga maktaduai 5 vel a awm thin.

13. Khawvel a hmeichhia hmun thuma thena
hmun khat hi chuan kum 80 chuang an nih thleng pawhin an kawppuite nen Sex an la hmang ve tlauh tlauh peih.

14. Mihring lungphu pangngai hi minute khatah vawi 60-90 velte a ni tlangpui a, sex hmana a vawrtawp thlen lai hi chuan minute khatah vawi 140 vel lai a phu hman.

15. Hmeichhiate (Pasal nei) hi chawhrualin an rai theih hun chhung thleng (an Menopause hma) thleng hian vawi 3000 vel Sex an hmang hman
tlangpui.

16. Mipa kum 40 hnuai lamah hian second sawm lek chhungin a fuk lungrun a thleng hman thei.

17. Khawvel hmeichhiate hi chawhrualin 43%
velin Anal Sex an hmang tel thin.

18. Sex hman nawmna tur thil ah hian
hmeichhiate hian mipa thil len zawng hi a
pakuana velah an dah laiin mipa chuan a
pathumna velah an dah thung.

19. Mipa hian a vawrtawp a thlen a a Semen
rawn khawh chhuah chak zawng hi 28 miles per
hour lai zuk ni a!

20. Mipa chi hmeichhe serh chhung a tla hi
darkar khat chhungin inches 7 lai zuk tawlhsawn ve thei a!

21. Mipa hian tang et awt a a tihtlak chuan
inches 12 a tang a 24 lai te a khawh phak!

22. Mipa serh sei ber record chu inches 13 vel a
sei a ni a, mahse, hei hi Penile Modification nen a Treatment pek a ni a, natural chu inches 11 vel a ni a, a tai ber erawh chu 1cm chauh a ni.

23. Mipa puitling til (Testicle) ah hian chi a
insiam tam hle a, a sei zawngin insi thapin dah
tlar ta ila, metre 250 ai a thui a awh thei.

24. Pangngai tak a sex hman hian chawh rualin
tihluh a tang a minute thum chhungin mipa 70% hian a vawrtawp an thleng hman thei.

25. Australian mite hi mi pahnih aia tam sex
hman (Threesome) ngaina ber niin an sawi a,
28% lai hetiang sex hmang anga chhut an ni.

26. Khawvel mihring 50 zelah 1 (2%) vel hi
thlawhtheihna chhunga sex hmang an ni tawk.

27. A tlangpuiin hmeichhia hian a vawrtawp
nawmna hi second 20 vel an hman laiin mipa
chuan second 7 lek an hmang thung.

28. Mipa 41% vel hian zing taka sex hman an
duh laiin hmeichhia 29% velin mipa an kar zawk thung.

29. Greek ho hian kumkhatah sex vawi 138 vel
an hman laiin Japanese hian vawi 45 vel.

30. Puitling 5% vel hian nitin sex vawikhat tal an hmang peih a, 20% kar khatah vawi 3-4. (Nang ve le?)

31. Oral Sex hmang thin zinga hmeichhia 30% vel hian an lem hmiah thin!

32. Sex hmanlai hian mipa 60% lai hi an hnute a lo khawng ve thin.

33. Sakhuana a vang nge ni, America-a mipa 80% laiin serh hmawr an tan nia!

34. Hmeichhiaah kum 40 chunglam hian
masturbation an ti tam ber.

35. Sex hman emaw masturbation hian luna a
chhawk thei a, tension kan tih ang chi pawh hi a chhawk thei. A chhan chu lu (head)ah leh taksa dang reng reng a thisen kal a chak tak a vang leh lungin thisen a pump that tak vang a ni.

A kawi zawnga ngai dam nghal mai lovin a a hlutna hriatfiah a, bengvarna hmanrua leh midangte hrilh hretu ni thei si, kan hlawkpui theuh ngei a rinawm.

Aside | Posted on by | Tagged , | Leave a comment

Tuirial Hydel Project hre reng turin MNF Thalaite ka chah a ni – – Pu Lal Thanzara

MPCC/Media/PR-2016/56 Dated : Aizawl the 22th July, 2016
PRESS RELEASE

Ni 22 July, 2016 hian Congress Party chuan Congress Bhavan Golden Hall-ah Political Session neiin Pu R. Lalzirliana, Home Minister leh Pu Lal Thanzara, Minister, Health & Family Welfare Department ten thusawina hun hmangin he hun hi Pu R. Liantluanga, General Secretary, MPCC chuan a kaihruai a ni.

Pu R. Lalzirliana, Home Minister, MPCC Vice President ni bawk chuan Party mipui te fuihin mi sawiselna tawngkam leh elrelnate hi Congress party chuan i hmang ve lovang u, mite tan malsawmna nih a, theihtawp chhuahin tawngtaina nen kan hotupa Pu Lal Thanhawla mite tan malsawmna a ni thin anga a hnung zui a, mite tana malsawmna ni turin i inbuatsaih ang u. Thawhhona te, tan hona te leh hmangaihnain sorkar kan siam leh thei a ni tih i hria ang u, a ti.

Pu Lal Thanzara pawhin thusawiin, MNYF ten Mamit kawngpui chungchangah thuchhuah siamin kawng chhiat thu an sawi a. He kawngpui NH 44A hi Central-in Tender a chhuah a, an mi duh tak he hna thawk turin an thlang bawk a, he kawngpui siamnaah hian Mizoram Sorkar a in rawlh lo. He kawng khawihtu Contractor te hian kan beisei angin hna an thawk tha lo hle a. Kawng siamna ah hian Mizoram Sorkar inrawlh lo mah se kawngchhe zualpui hi a ranglama siam turin Mizoram PWD ten Contractor hi kovin July thla chhunga kawng chhe zualte siam tha turin an hrilh a ni, a ti.

Pu Lal Thanzara chuan, Tlabung kawng pawh Central hnuaia a mi niin, hei pawh hi Central lamin Tender chhuah tawhin a thawktu tur pawh thlan fel a ni tawh a. Tin, Darzokai Lei chungchang pawh sawiin tunah hian hna thawh zawh fel thawkhat a ni tawh a, nimahsela, PWD lam ten an duh uluk deuh avangin a chhuat phah siam that leh mek a ni a, August thla chhunga zawh fel hman theih tura beisei a ni, a ti bawk.

Pu Lal Thanzara chuan, Health Department chungchang pawh sawiin Cancer Hospital khum 100 awmna tur Zemabawkah ruahman mek a ni a, he Hospital-ah khawl thar Linek, cheng vaibelchhe 20 chuang man Radiation khawl bun tura ruahman a ni. Tin Saiha ah khum 100 awmna tur cheng Vaibelchhe 15 in sak mek a ni a, Lawngtlai ah Cheng Vaibelchhe 15.80 in Hospital changtlung tak ruahman mek a nih thu leh Hospital hrang hranga hmalak mek na te, Zoram mipuite tana Phailam pan buai kher ngai tawh lo tura khawl thar thenkhat Health Department-in an lei thu leh Medical College dinna tur MoU an sign thuai beisei a nih thu te, North East State thenkhata Medical College-a an Professor Retired tawhte Mizoram a thawk tura an sawm thu sawiin MNYF ten kan Sorkar min tih mualpho tumna hi Dawt thu leh an phuahchawp mai mai a ni a. Power lama harsatna leh indaih lohnaah hian MNF Thalaite ka chah duh chu Tuirial Hydel Project hre reng turin ka chah a ni, a ti bawk.

(LIANHLEIA)
MPCC Media Department

Aside | Posted on by | Tagged , , , | Leave a comment

RUIHHLO DO BEIH RUNPUI AUGUST NI 5-AH

July 22, 2016 Zirtawpni-a Political Session Bhavan-a neihah Home Minister chuan thu sawiin, “August ni 5-ah hian YMA, Police leh Excise te nen Vanapa Hall khat tlata inkokhawmin ruihhlo do beih rùnpui kan nei dawn a ni” a ti.

He hunah hian Home Minister chuan, “Total Prohibition hi kum 17 kan lo hmang tawh a. A tirah kan kohhran hruaitute nen inrawntlangin kan kohhran hruaituten ‘Ram dangin tihlawhtling thei lo mah se Pathian chakna ringin kan hlawhtling thei ang’ an tih chu ngai pawimawhin Total Prohibition Act kha kan hruaituten an duang chho ta a,” a ti a.

“Kum 3 vel liam ta khan a hlawhtlin leh hlawhtlin loh zirchiangtu tur din a ni a, anni chuan a hlawhtling lo tih chu an zirchian dan a ni. A hlawhtling lo a nih si chuan ‘a tha ber kan pha lo a nih si chuan a dawttu kan ngaihtuah’ a ngai tiin kan hotuten koki thlak nan MLPC Act hi an ngaihtuah ta a ni.

“Kan ngaihtuah lèt duh chuan Total Prohibition hnuaiah khan zu rui an tam em em reng tho a, Gospel camping te kan siam reng a, a zan khatna phei chu a siamtute tana buaithlak khawpin zu rui insual buai reng renga hun hman a nih fo thin kha.

“Tuna MLPC Act kan hman hnu hian vawi-leh-khatah a reh nghal thut lo ang tih hi a rinawm a, ‘zu permit a awm takah chuan zu in an tam sawt’ tih pawh ka pawm thlap mai. Total Prohibition kan en lèt chuan zu chhia, zan khat thil thua tho nghal mai te an in avanga thi engemaw zat an awm tih kan hre awm e.

“Chuvangin sorkar chuan ko thlàkin hetiang hian kum khat chu kan han kalpui ta a, a zirchiang tur pawh din a ni tawh nghe nghe a ni.

“He Act leh Rule piahlama thil lo ti te chu hrem theih an ni a. Thenzawlah pawh pakhat chu kan hrem tawh a, a lisence cancel-sak a ni.

“Burma nena inri kan ni a, chhak lam atangin ruihhlo *meth* a lo lût ruih ruih reng a, ruihhlo tawlhna kawngpui kan ni chho mek emaw tih mai tur a ni a.

“Ruihhlo dona kawngah Central YMA te nen kan inbia a, anni’n SRS te an lo nei sa bawk nen, phur takin kan sawmna an rawn chhàng a, thingtlang lama an mi leh sa zawng zawng chu inkohkhawm vek a harsa ang a, *August ni 5-ah hian YMA, Police leh Excise te nen Vanapa Hall khat tlata inkokhawmin ruihhlo do beih rùnpui kan nei dawn a ni* Home Minister chuan a ti.

Aside | Posted on by | Tagged , , | Leave a comment

ROSIAMA MUMANG MAK TAK CHU

Mumang hian hringnunah pawimawhna tak a nei a, hrilhlawkna anga hmuh chan a awm ang bawkin, thil kal tawhtehriat chhuah lehna tura thilthlawnpek a ni,’ tiin Greek-ho chuan an lo sawi thin a. Mumang atanga thil lo thleng tur hrelawk thei pawh an awm thin a, tin, mumang chhawr țangkai viau pawh sawi tur an awm thin niin an sawi. He chanchin hi, Mitthi thawhlehna chungchang an sawihona leh mitthi taksa bung hrang daiha an phum takte thawhleh hun tur chanchin an sawi atanga ka hriat a ni. Duhthusamin an hming ka hre kim thei ta lo va, a pawi lo turah ngai mai ang u.

Zawlsei khuaa Pu Rosiama’te an awm laiin Myanmar (Burma) rama a țhian țha tak mai, paihte pasalțha Nangdala chuan Burma ram, Mawlaik ram chhunga ramsai kap turin a rawn sawm ve a. Nangdal chu pasaltha tak mai a ni a, sai pawh sawm thum lai a kap tawh niin an sawi a. Saisa chu ei atan leh zawrh atan a ni ber a, a ngho erawh chu Manipur atangin phai lamah an zuar thin a ni. Rosiama pawh chuan zui chhoh ve ngei a tum ta a, Sialsuk lama a nau pawh chu hruaichho ve a duh avangin an sawm ve ta a ni. A nau pawh chuan favang awllen lai tak a lo ni bawk a, a lo phur ve hle mai a. Tichuan, an unau chuan Nangdala chu an zui chho ta a.

Țiau-ah an riak a, chumi zan chuan Rosiama nau chuan, mumang mak tak mai hi a mang a. A mumangah chuan a hmelhriat ngai loh mi paruk vel nen an lo ram chhuak a. An ramchhuahnaah chuan chinghne rual hian an lo um vak mai a, an hotupa ber Nangdal chu, chung chinghnia chuan an seh a, a tai an lo pawh dawh sak a, a ruh filh vek khawp hian a sa an lo eizo vek mai a ni. Rosiama nau chu a mumanga a thil hmuh avang chuan a ngaih a tha thei tlat lo va. A u hnenah kir leh mai a rawt ta hial a. Mahse Rosiama chuan, “Mumang mai mai buaipui viau tur a ni love,” a ti ta zawk a. Chutihlai chuan Rosiama unaupa nupui lah raipuar teuh a lo ni vei bawk nen, a nupui raipuar chu chhuanlamah a hmang ta a, a u te hnung zui duh lovin Țiau atangin an khaw lamah a kir san ta a ni.

Tichuan, Rosiama leh Nangdala te chu Chin hill lamah an chho zel a, Nangdala hnungzui kumhlun ni țhin, Tawnzâng pasaltha Kapkhenthanga an sawm bawk a. Laitui khua atangin Khaisawma (L P School Head Master nau) leh a țhian Dalsuana an tel ve bawk a. Tichuan Nangdala’te khua Saipuimual chu an pan nghal vang vang a. Saipuimual khuaah Nangdala thiante pahnih, Kamthanga leh amah Nangdala nuphalpa an sawm bawk a, an vaiin mi pasarih an ni. Hetih lai hian, Nangdala chu pathlawi a ni a, a nupui nen fa an neih theih loh avanga ințhen an ni. Tichuan Saipuimual khuaah chuan rei cham lovin an ram chhuahna tur hmun lam panin kawlphaiah an chhuk leh ta a. Tahan leh Letpanchhawng khaw inkara khaw pakhat Pidawta khua an tihah chuan Nangdal farnute an awm avangin, chu khuaah chuan zan hnih an riak leh a. Tichuan ramsai awmna hmun nia an sawi, Mawlaike ram pan turin Kalaymyo atang Kalaywa khuaah an chhuk leh a. Kalaywa lawngchawlna hmunah chuan sipai sual hmel zet zet leh kut thak hmel zet zet hochuan an thawmhnaw phurh te chu uluk takin an enfiah sak zet hnuah Lawngin Mawlaike ram ngaw chhah zet awmna hmun chu an pan zel a. Tlai ni tlak dawn suarah an ramchhuahna hmun tur Mawlaike ram chhung chu an lut ta a ni.

Thlano chawm lai tak a ni a, ngaw chhungah riak lovin luikam hmun thengthaw nuam deuhah an riak a. Zing hma takah ngaw chhung pilril lam chu an pan ta a. An zingah hian Mawlaike rama ramchhuak tawh thin chu, an pasaltha khaitu ber Nangdala leh Kapkhenthanga te an ni a, anni pahnih tih loh chu ram chin hria an awm lo a ni. Mawlaike ram thlanglam pan chuan an chhuk zel a, kham sang tak tak leh lungpher sang tak tak inthuahthip tlatna hmun a tam hle a. Hmun țhenkhatah chuan inhamtanna pawh awm mumal lo a. Chuta chhapah bawmrang nena vak kual reng an nih avangin an kal sawt lo hle a ni.

Zan khat chu lengkir hnuaiah an riak a. Chumi zan chuan an hotupa ber Nangdala chuan mumang danglam tak a mang a. A mumangah chuan an riahna kianga lengkir tuikhawhthlaah chuan a hmai hi a lo phih a. Hmaiphih paha a hmai a tuai lai chuan a hmai vun chu a tuai zawngin a lo hik zel a, a tawpah chuan a hmai vun zawng zawng chu a lo inhik vek a, a ruh hlang ringawt hi a bang a. Tin, a hmaiphihna tui chu thisenah a lo chang vek a, tui luang zawng zawng pawh chu thisenah a lo chang vek mai a ni.
Chumi zan vek chuan Rosiama pawhin mumang mak tak mai hi a lo mang bawk a. A mumangah chuan hauhuk rual hi an lo țhukhawm a, an lo țap tluar tluar mai a, mak ti taka a va en hnaih chuan an hotupa ber Nangdal lubung hi an lo țah chiam mai a lo ni a.

Rosiama chu a mumang ram ațangin a țhangharh hlawl mai a, a muhil zui thei ta lo a ni. Zing khua a lo var a, a mumang chu a sawi chhuak ta a. Tin, Nangdala pawh chuan a mumanga a thilhmuh chu a thiante a hrilh hlawm a. An ngaih a tha thei ngang lo va, kir leh mai an rawt hial hlawm a. Nimahse an hotu ber Nangdala chuan,” Ka mumang a ni tak nangin, ka hlau ve hlek lo mai, heti chen kan kal tawh a ni a, mumang vang mai maia patling ramchhuak kutbeng a kan kir leh a nih chuan hmeichhe pawnfen fengah pawh kan tlak loh ang e, in duh leh kir vek rawh u, Rosiama nen kan kal zel dawn a ni,” tiin a thiante chu a an khum ta phiar phiar mai a. A thiante pawh chuan Nangdala thusawi chu tlawmah an la a, kir leh chu a sawi pawh an sawi ri ngam ta lo a ni.

Tichuan an phur an siam fel a, an kal leh ta a. Lui pakhat a lo awm a, an dai a, mahse lui kai lehlam chu fur tui lianin a lo hnawl vek mai a, kai mai theih a ni ta lo va. lui atanga ko lehlam kaina tur zawngin lui mawnglam chu an zawh thla zel a, tui lah a thuk tual tual mai si a, lung lian pui pui awmna kham sang takah chuan rem leh rem loah an van chho ta a. A hmasa berah Nangdala chu a lawn a, a hnuaiah Tawnzâng khawpa Kapkhenthanga a lawn ve bawk a. Chutiang chuan muangchangin an lawn chho zel a. Nangdala a lawnchhuak țep ta maw tihah a silai âh kha puak nghal mai theiin a lo dah a lo ni a, a chesual palh a, a silai chu lungah a sawh puak ta dur mai a. A bân dinglam chu a kiu hnuai atangin a chho kah a, silai mudenna a darte chu a hek huam mai a. Mihring pangngai tan bang ang maia awih leh kham bakbahai takah han inham tan na chi rual a ni si lova, a rawn tla thla ta a, a rawn tlakna lamah a hnuai chiaha lo awm ve, Kapkhenthanga chu a rawn nul thla tel bawk a. Nangdala chu a hnuaia lungpui chungah tak a tla a, a ring a sawh tliak a, kâ pawh chhawn lovin a thi nghal a ni. Kapkhenthanga erawh lungpui kianga tui lianin a hnawl khawm thingțang karah a tla hlauh a, a thi em lo va, mahse; a malpui tlang zawk khawpin fah-țangro chemfawng tia zeta lian hian a thil tlang zawk mai a, a hmunah a let reng ringawt mai a ni.

Chutia Nangdala’te an rawn tlak hnu chuan a hnuai lama lo awmho chu an ka hau mai a. Rosiama chuan Kapkhenthanga chu hmanhmawh takin a va bawihsawm nghal a. Thingțang hnawk nuaih kar atang chuan harsa takin Kapkhenthanga chu a rawn pu chhuak ta a ni. Țiaupho hmun rualrem deuhah a dah a, ama kawr hak lai ban chu a pawt thler a, japanhlo hnah a tuam hnan ta a.

Chutihlai chuan a țhianteho chuan an hotupa ber Nangdal ruang chu an en a, awmhmunah an lo chek ve tlawk tlawk ringawt mai a. Rosiama chuan Nangdala chu a thi chiang a ni tih a hriat chuan a zawnna tur hlang siam turin a ti hlawm a. Mahse tumahin hlang siam a tum lo va, an awmhmunah an ding tlawn reng hlawm a.

Rosiama chuan a chempui chu a hum a, lui hnar lama rawpui tuilian hnawl bang la tang thenkhat chu a han pu a. A thiante awmna hmun a rawn thlen chuan a thinin a tuar ta bik lo va, a âng ve ta hlak a. “In va timak hlawm ve, nunna meuh kan chân a ni a, tlawmngaih chhuah in tum hauh loh mai le. Tlawmngaihna pianpui sa tumah kan awm bik lo ve, mahni țhiante ngawih ngawih pawh in khawih hreh a ni a, mi vanduai leh khawngaih thlak tak in ni e,” a ti ta a, amah chuan hlang chu a siam mawlh mawlh a. A țhiante chu an ngawi reng hlawm a. Nangdala ruang chu hlangah a dah a, ramhruiin nghet takin a phuar a, a zawn tir ta hlawm a. Ani chuan malpui hliam Kapkhenthang chu a pua a, hmalam pan thei an nih tak loh avangin an rawn kalna lamah bawk chuan an kir leh ta a. A bungbel phurh thenkhat leh buhfaite pawh chutah chuan an hnuchhiah hlawm a ni.

Khua a thim țep tawh a, an chau hle mai a, an kal thui tual tual a, an chawl zing tual tual bawk a. Kapkhenthanga, malpui hliam chu a nat tak em avangin a malpuia thingțang chu phawi chhuah sak țhain an hria a. A mal tawpah nghet takin an phuar a, ippui hrui an sehtir sauh sauh va, a malpui chung lam atangin thingțang chu an phih phawi sak zawk mai a, a nâ ti lutuk chu a sen awp awp mai a ni. Tichuan thui vak lo an kalpui leh a, an zinga palian ber Laitui khawpa chuan,”Kan mi zawn hi khuaah hawn ngam chi a ni lo, sipaiho an sual si a, lawngchawlhna hmunah min man tho tho ang. In thianpa hi nangmahni thah a ni min tih chuan kan vaiin lung inah kan tâng vek dawn, hetah hian i phum zawk mai ang u,”a ti ta a. Rosiama chuan, “E khai,,,chutiang tur a ni ngai lo ve, a ruang hi an in lamah thlen kan tum ngei tur a ni,”tiin a țang nasa hle a, mahse; anni ho chuan, “Chutianga ni thei lo, kan vaiin sipaiin min man ang a, thih thlengin lung inah kan tang phiar mai ang, nang phei chu Kawl țawng pawh i thiam si lova, tin, ramdang mi i ni leh nghal a, an that nghal mai ang che,” tiin an sawițhaih ta a, Rosiama pawh chu a țang zui duh ta lo a ni. Nimahse Kapkhenthanga chuan, “A nih chuan a lu tal hi in lamah i hawn ang u, a chhungte pawh an hrilh a hai lutuk ang e,” a ti a, a taksa hawn lo va a lu chauh an hawn chuan sipaiho lakah pawh an thukru bo thei maiin an inring a. Tichuan, hrei tê an ken chu an phawrh a, Khaisawma chuan Nangdala nghawng chu an chek chhum ta a. A taksa chu țiaupho ah an phum a. Chumi zan chuan Tiauphoah an riak a, chumi zan vek chuan Rosiama’n mumang mak tak a mang leh tlat mai a. A mumangah chuan ruah sur hnuaiah hmanhmawh takin luidung an lo zawh a, puansen hi an lo sin țheuh hlawm bawk a, Kapkhenthanga puan sin chu a hlai bik a, tin, a lo sen larbik hle mai a, chutihlai tak chuan thli a lo tleh chiam a, thli chuan Kapkhenthanga chu a la ta daih mai a ni.

Zingah an bungrawn neih ang ang an phur a, Kapkhenthanga pawh chu bai sawih sawih chungin a kal thei tawh a, mahse; a hliam atang chuan thisen a chhuak duh hle mai a, a ke penna lam a piangah thi a far tluah tluah mai a ni. Mawlaike ram an luh hmasak ber zana an riahna hmun an thleng țep ta tihah lui pakhat a awm a. Chulai hmunah chuan an chawl a. Kapkhenthanga chuan, “Nangdala lû hian rim a nei der tawh a, chuvangin sipaiho chuan an zawng hmu tho tho dawn a, a luruh hlang chauh hi hawn mai ila, hmun a luah zim zawk bawk ang a, tluang takin in kan thlenpui thei zawk ngei ang,” a ti ta a. Rosiama chuan,” In thu thu a ni e,” a ti ve ta zel a. Tichuan thing an fawmkhawm a, mei an chhem a, bel chhungah chuan Nangdala lu chu an han dah a, bel lian an ken chhun kha an chetsualna hmunah an hnuchhiah ta si a, an belah chuan an lubung dah chu, duhthusamin a leng ta lo va, an phawrh leh a, a laiah cheh phela a hmailam zawng chauh hawn an rel leh a. Tichuan Khaisawma bawk chuan a chek phel leh ta a, rei ngial an chhum hnuah, rua an sat phela a hriamlai chuan Nangdala hmai vun chu an hlawi filh vek a, changel hnahin an tuam țha leh vek a, phurh mai theih turin bawmrangah an dah ta a.

Ruah a sur tluk tluk mai a, an mei pawh chu a rem titih a. Chutihlai tak chuan ui lian deuh pakhat hi a rawn lang hlawl mai a, mak an ti viau mai a, mahse; ngaihthat lohna an nei chuang lo va. Rosiama chuan a mumang a hrechhuak zawk mai a, bawmrang chu a phur lawk a, an chhak lama ngawchhung lam chu an panpui ta daih mai a, tichuan mi dangho pawhin an rawn um ve thuai a. Mahse Kapkhenthanga chu a rawn tel ve ta lo a ni. Silai a puak dawt a, a reh leh nghal vawng vawng mai a. Han ngaihthatna chi ziazang a ni ta si lo va. Rosiama chuan fimkhur takin a zu bihthla a, ui pathum leh silai keng mi paruk lai mai hi an meichhemna kiang velah chuan an vei sek mai a. Chutia a thlir reng lai chuan, ui pakhat hian luang hmun chu a va pan chat mai a, kawr pakhat, thi kai hnuang hi a rawn pu chhuak va va a, mahse; a kawr neitu mihring chu an hmuh tak loh avangin, chung mite chu thlang lamah an kal bo ta a ni. (Heng mi te hi tutenge an nih tih hriat zui a ni ta lo)

Tichuan Rosiama leh mi dangte chuan lui chu an dai kai a, khawthim rualin an riah hmasak berna hmun kha an thleng ta a,chumi zan chuan tumah an muhil ngam lo. Mei an chhem ngam tawh lova, chaw chhumtur pawh an nei lo va, thimtham hnuaiah chakawk an veha a helin an ei ta a ni. Tin, an hotupa Nangdala lu-ruh kha tha takin an tuam tlat a, rilțam takin vaukamah lawng an lo chang tawp mai a.

Tukțhuan ei hun awm velah khawnvartui phur Lawng pakhat a rawn thleng a, chutah chuan an chuang ve tawp mai a. Lawngmite chuan an khawngaih hle a, chaw te an lo pe a, Kalaywa lawngchawlhna hmun thlengin an thlah ta a ni. Kalaywa atangin Nangdala farnute khua Pidawta-ah kein an kal leh char char a. Chumi khuaah chuan thil thlendan akip akawiin an sawi ta a. Tlawmngai pawl insiamin Kapkhenthanga chu an zawng leh ngial a, mahse; engmah hmuh an nei ta lo va, a bo hlen ta a ni.

Rosiama hian Nangdala vuina hunserh pawh a hmanpui nghal a. Chumi hnuah, Mizo ramah a hawnsan ta chauh a ni.

Thu belh:Mumang lam zirmi te chuan,” Mumang hi khuavang chhinchhiah ang deuh a ni a, thatpui fe fe an awm laiin, chhiatpuitu pawh an awm thin an ti a,” dik tak ang maw??? Mumang țha tak mai kan han mang thin hi chu, a hlimawmin, rilru hah a ti dam sawng sawng thin a, sum khawhral ngai lo, a hlep hlang liau liau a ni. Hei vang hian a ni ang e, Mizoten ‘Mangtha,’ tih țawngkam induhsak nan tak kan lo hman thin ni.

Aside | Posted on by | Tagged , , , | Leave a comment

Tindarin Huana Keimi (Thil thleng mak chu)

Siliguri leh Darjeeling inkara Tindaria thingpui huanah chuan Sap pasaltha pakhat, Augustus Somerville a lo lang nawlh mai. Chutiang mikhual an nei chu Bungalow a nupa rek a khawsa, Manager leh a nupui chu Vantirhkoh mikhual thleng ang maiin an hlim a. Manager te nupa hi Scot mi niin, Somerville erawh hi chu English a ni thung. Mahse hetiang lam hlaah hi chuan unauang maiin an innel a, an hlim tlang hle. Chung lai chheh vel nawm zia leh mawi zia an sawi lai chuan Scot pa chuan tuna an Bungalow chu a tir te atanga an chenna a nih loh thu leh, an awmna hmasa chu tuna an awmna atanga mel khat vel a hla, Somerville-a pawhin a rawn kal pelh Bungalow hlui tak chu a nih thu a sawi a. Somerville-a pawh in chu Bungalow hlui tak chu kal paha a rawn hmuh thu leh remchanga han belhchian a chak thu a sawi ta zauh mai a.

Chu thu an hriat chuan Manager leh a nupui chu an inmelh ta ralh. Mahse an mikhual pa ngaih a that loh an hlauh avangin hmel pangngai an pu ta thuai. In hlui chhe tawhah chuan rul lehrannung hlauhawm te an awm thin avangin a kal hunah pawh fimkhur turin an chah ta zawk a. A tukah chuan Somerville-a chuan chu hmun chu a zuk tlawh ta ngei a. A Gate pui ber pawh chu mawngkawtha nena tang chungin a nam hawng thei tawk. Gate atanga Inpui pan pheina kawng pawh chu hnihin a lo bawhluk tawh, Verandah atang chuan dim takin Kawngka pui chu an pan phei a. Kawngka pui hawn a tum lai chuan an hawi kual leh zawk a, chu in mawih tawh zia leh hlui tawh zia a hmuh chuan tihpalh thila tihchim rup theih a ni tih hriain, zawimuangin a letleh ta a.An hawi kual leh a, khawkherh(Walnut) thing mawi zet mai, upat hmel tawh tak lam chuan a lung a len leh ta zawk. Khawkherh thing hnuai a va thlen chuan a hlimah chuan an ding vang vang a. Hmun zim te, hun engemaw chen chu enkawl zui tih hriat taka lo fai bik hen chu a hmu ta. An bel chiang a, marble lengphek, upa tawh tak a lo ni. Chuta thu inziak chu a chhiar theih tawh lova, kum 30 hmalama tu emaw thlan chunga phah a ni ngei ang tih a ring. Chiang leh zuala hriat changin a thlenin lam chu a pan leh ta vang vang mai. Mahse a thleninpa chuan a sawi hreh ngang mai, a peh hel a peh hel a, sawi ta mai lovin zanriah an han kil leh ta te te a. Mahse a nupuiin sawi law law tura a lo tur avang leh, khatih hun laia thilthleng hre pha tam tak an la dam avangin thu ni lo lo te a dawnsawn a hlauhawm bawk a. Scot pa chuan a sawi ta nge nge.

Tunhma chuan henglaia thingpui huan hi anmahni enkawl a ni lova. Scot mi tho Manager niin, a nupui leh a laizawnnu nen Bungalow hluiah khuan an cheng thin a ni. A nupui laizawnnu chu Darjeelinga Mission School-ah zirtirtu a a tan avangin inah a awm khat hle a. Reiloteah Asst Manager atana thuneitute rawn dah, Swede tlangval, Engineer zirchhuak tawh chu a rawn awm ve ta hlauh. Bungalow pindan pakhat chu a luah ve a. Chu tlangval chuan Ford Car hlui lo awm chu a chei tha a, an hmang tangkai hle nghe nghe a ni.

Mahse Manager pa nupui chu a khawhar theih em avangin Scotland a an fanu chu an chahchhuak ta ringawt mai a. Chu nula chu, nula tih tham pawh a la ni meuh lo, kum 16 mi lek, inhaithli thlerh thlawrh, chawnban nalh zet, heh sen hiam mai, hmeltha zet mai a ni. Swede tlang val chu chu tleirawl zunah chuan a uai nghal ta chatmai. Mahse a mah hi tlangval fel leh mithiam, nakin lawka Manager a la kaisang mai tur a nih avangin tleirawl nu pawh chuan an in ngaihzawn chu a hnial hran lo. Mahse he Swede tlangval hian chak lohna pakhat a nei. Zu a thlah thei tlat lo. A ruih fuh loh chang phei chuan tawrhhlelhawm tak a ni.

Krismas ni thleng chuan engkim tluang takin a la kal. Chumi kum chuan Darjeeling-a Jymkhana Club chuan Dance Party ropui zet mai an buatsaih a. Chulai chhehvela thingpui huan enkawltu sap zawng zawng chu an sawm vek a. Kan sawi tak Manager te chhungkua pawh an phur tlang hle. Swede tlangval pawhin Ford Car hlui tak chu a bialnu leh a puzawn/pizawn la nimai turte chuanna a nih dawn avangin a tuai fai ve sauh sauh a. Vanduaithlak takin an kal dawn tepah chuan Tleirawl te chu a khua a sik ta hluah mai a. Han kal chi zia zang a ni ta lo. A nu pawh chuan thulh ve mai an tum ut ut nain, tleirawl chuan a remtih tlat loh avangin a kal ve ta tho a. An chhiahhlawh te lo enkawl turin an kalsan ta ringawt mai a ni. Krismas party chu rilru bet lo zet chuan an han chhim ve a. Mahse nu ber rilru a nawm theih loh avangin zinglam dar hnih velah chuan haw turinan inbuat saih ta nge nge. Motor khalh tupa Swede tlangval chu an hmuh tak loh avangin, thiante nen khawiah emaw an intawllenah ngaiin Manager chuan Motor chu a khalh haw ta ringawt mai a ni.

Tindaria an thlen chuan ni pawh a lo tlangsang viau tawh. Bangla an thlen chuan chhiahhlawh ho chu an lo ralkhel nasa mai. Nula damloh thu leh thil thleng chu ngaihthlak tur ber pawh awm lovin an lo phulpui chul hlawm a. Nula mutna pindan an han thlen chuan room chhung bungrua chu a lo in theh thal pheng phung mai. Nula lah chu sawisak hrep tuar tih hriat takin, nikhawhre lovin khumah chuan a lo mu bawk a. Chhiahhlawh ho enkawl dan hriat lah chu a lo beitham lulai khawp. Kurseong atanga an Doctor koha lo thlen chuan an en vela, Darjeeling Sanatorium ah a rang theri ang bera kalpui a ngai a ti ta mai. Mahse kawng bumboh takah chuan inphurh hlum mai a hlauhawm avangin that deuh hun nghah mai chu tihtheih awmchhun a ni ta. That lam pan a hnekin ni thum hnu lekah nula chu a boral ta a mai a. A damlaia khawkherh hlim hnuaia thun chu nuam a tih em avangin chu nula chu khawkherh kung hnuaiah chuan zalh a ni ta a ni. A thihden erawh a mualpho thlak e tiin an ngawibosan ta mai. Mahse he thil thleng hian Manager te nupa hi a nghawng nasawt em avangin Manager chuan a hna atanga retire a dil a, phalsak a nih angin Scotland-ah an kir leh ta a ni.

Chutia laklawh taka Manager a kalchhuah takah chuan a thleninpa chu Thuneitute tirh angin Manager hna thawk turin nula boralna Bangla ah chuan a insuan lut ve ta a. Scot pachal, pa sehhel ve tak maiin nula boral dan an hriat chuan ngawihsan mai har a ti ta tlat. Swede pa lah nula a pawngsual hnu atang khan hmuh zui tur a awm tawh si lo. Chhiahhlawh ho ka atang chuan khami zana thilthleng kha a zawtchhuak ta nge nge a. Kha Swede tlangval khan Manager te nupa Darjeelinga a han dah hnu khan bungraw phur rel, siliguri pan turah a chuang thla leh niin a lang. Zing khaw var dawn lamah nula te tuarh tuarh thawm an hriat chuan chhiahhlawh ho chu an tlan khawm nghal a. Au thawm lo chhuahna Bangla lam chu an pan phei nghal. Chutah chuan Chota Sahib(Swede pa an kohna) chu meng nu rum chunga kawngka atanga a lo tlan chhuak lai an tawk a. A au vak vak a, mi a ang maia a chet avangin a hlauhawm hle. A hmazawna ding te chu a vai kiang lawp a, ramhnuai lamah a tlan lut ta nghal. Mahse chhiahhlawh pakhat chuan a biang dinglam kang dum deuh rut chu a lo hmu hman. Nula khan mutpindana thuk a thingthu nungin a hlap ni ngei tur a ni.

Chutianga thil thleng a chhui kir lai chuan tuk khat chu Manager chuan Kuli pakhat hnen atangin ramhnuaia an chhar, thilfun a dawng nawlh mai a. A han hawn chuan incheina thawmhnaw, ham teh leh seh teh, thisen kai nuaih mai chu a lo ni. Rinhlelh rual lohin Swede pa chu Sakeiin a seh a ni ngei mai. Chumi hnu rei vak lovah chuan zankhat chu Manager chuan Bangla bul lawka ri bengchheng tak chu a hria a. Hurricane khawnvar khaia an chhuah nak chuan, a Gate bul lawkah chuan an chhiahhlawh pakhat chu sakei seh hlum tih hriat takin a lo thi reng mai. Chutah a Laltin chuan an enkual a, a phu zawk mai le. Scot thisen vawt reih rawih pawhin a la tawn ngai loh a tawng ta. Thim zingah chuan mit eng(yellow) lian kelh hulh mai pahnih hian a lo thlir reng mai. Chumi zan chuan thuneitute hnenah ngenna a ziak nghal a. An la chhawr duh a nih chuan a rang lama tlang chhip lama Bungalow thar sak sak turin. Tichuan tuna an awmnah hian an insawn ta a ni.

Chutih lai chuan Sakei in thingpui huan hnathawk a seh tih chu a ri ta zauh mai. Mahse Scot Manager pa hnathawk te a seh ve miau loh avangin Manager chuan a bengkhawn tehchiam lo. Tuk khat erawh chu, mangang baklengin a hnathawk ho an lo tlan chho a, Bangla hlui bulah a hnathawk sakeiin a seh thu an rawn sawi ta mai. Chutah zawng, hnam huaisen a sawi Scot rilru luhlul a chhuak ta le. Sakei in a hnathawk a sehna chu a hmun a zuk en vat a. Khawkherh kung bul, nula thlan bul lawk chu a lo ni tlat. A hnampui nula hi a khawngaih em avangin Manager hian Thlan lung pawh hi a phah tir a ni a. A chhiahhlawh pakhat chu a khat tawka nula thlan tifai reng turinthu a pe bawk a ni. Mahse chumi tum chuan nula thlan chu thla 6 vel zet tihfai loh a ni tih a hmu ta tlat. A chhiahhlawh pawh a ban nghal ta hmiah a. A indaih loh em avanga nula thlan a lo tlawh thin lo chu a inthiam lo hle nghe nghe a ni. Hemi tum hian nula thlan bawr vel chu a chhiahhlawh te a sam fai tir vek a. An samfai em tih chian turin kar khat hnuah amah ngei a kal leh ta ngat.

Thlan bula a kalkual lai chuan hun leh hnawngin marble a tihmelhem chak zia te chu a ngaih tuah nauh nuah a. Mahse..Marble lungphek lai takah chuan fiah mangkhengin Sakei ke hmalam pahnih hniak a hmu ta tlat mai e. A lan chian dan em em ngaihtuah hian, vawi tam a ke a hung nawn thin a ang. A bul vel chu chik leh zualin an bih a. Chhiahhlawh hmun samfai te kehniak chuan sakei hnuhma chu a lo hliah zo awzawng lo. He Sakei hian he thlan hi a tlawh ngun hle tih a chiang ta. Chumi zan la la chuan a hnathawk seh hlumtu sakei chang tur chuan a inbuatsaih ta nghal a. Thlan atanga hla vak lova thing buk rem laia Thangte a dawh zawh chuan zan lama chang turin in lam a pan ta a. Hemi zan kher hian ruah phingphisiau a sur cherh cherh a, khua a vawt zek mai leh nghal. Mahse Scot thisen kai a ni a, tum thulh leh mai mai chi a ni lo. A rifle a Torchlight a vuah te chu endik leh thlapin, thelret puan sinin sa channa lam a pan ta.

He Manager hi Scot pa tih takah, seh hel leh rilsu sak ngeng ngawng tak a ni kan tih tawh kha. thlarau(Spirit) lam hian a nun a vaw buai ve vak lo. A hmelhriat ve zawng spirit chu an ram atanga a dawn tur, a bottle a an rawn thawn chhuah thin chu a ni mai. Chu erawh chu thlah a tum bau lo. Chu lai rama tiauchhum awm dan chu a hrebel ve tawh hle. Kawr ruam a bawh khah hnuah tlangpang a hrut chho leh a. Zing khawvar hma phei chuan thil hmuh fiah a har hle. Mahse hemi zan hian, vanduaina ruah phingphisiau leh thli thaw chu atan vanneihna a ni ve tlat. Thli thaw avang chuan tiauchhum chu a zia awm hle. A Thangte a thu chung chuan nula thlan vel chu chiang lo ruaiin a hmu thei tawh. Chutah thil ri deuh thep thep a hria a, a han hawithlak nak chuan, hnimbuk bulah chuan thil var paw deuh ding zun mai a zu hmu ta. A spirit kha a lo khulh tlem deuh emawni tehreng ni, a khawng titih hial.

Chhumleivak lah chu a reh titih nghal ruih mai a. Thla a eng ta ruai mai. Thin phu dawt dawt chung chuan a thlir reng a, chu thil chu a insiam rem a, nula thlan lam a pan ta. A mit khap kar chu a rei riauin a hre tawh. Chawp leh chilhin mi beidawng, lungchhe em em a insut ri hlawp hlawp a hre zui ta nghal. An enchian chuan pa pakhat hi hmeichhe thlanah chuan a lo thingthi a. Marble lungphek chu nemin, a lu chuan Marble lungphek chu a si a, a hmai dinglama meikanna ser ngei pawh chu thla eng hnuaiah Manager chuan a hmu chiang kher mai. Thinlung lungchhia ngaihdam dilna aw chuan Manager chu hlauhna atangin a hruai chhuak a. Chu Swede pa chu tualthattu a nih a theihnghilh hial tawh. A khawngaih ta em em mai a. Hnem tumin han au chhuah an tum a, chutia a insiamrem lai chuan, a sa channa Thangte chu a ri ta sak. Chumi thawm a hriat veleh marble lungphek chunga thingthi, bungbu chunga ngaihdam dil, tap hlawp hlawp kha a zuang kang zawk ta mai a. Chutah mitkhap kar lovah mihring ni hauh lo, Keipui mitmu lian kiau kiau, eng(Yellow) rual mai chuan, ngho lang vurha ang sen huam chungin a rawn chho thlir ta hau mai le.

Chu veleh Manager chuan a rifle, kausa a a dah chu lekcharin sakei lu zawn tak mai chu an tin a, a hmeipuak ta nghal. Sakei chu thlan bulah chuan a awp rawp a, mahse a thi mai lo. Manager chuan an tinnawn leh a, mahse a kap nawn thei tawh lo. Reife chhung chu sakei chuan chalchangin a mei leh a ke a la thenkual vel reng a. A tawpah chuan nula thlan chu thei leh thei lova melh tawk tawk chungin a chatthla zui ta a ni. A thih hnu hian mihring ni hauh lo mahse Manager hian rilru hahdam tak leh engthawl tak hmuhin a hmu tlat pek. A ngaihdam dilna thuchham thenkhatah hian zu a ruih a vanga pawi a tih thu te a lang zauh zauh ni awm a ni.

Ruih laia ngaihtuahna fim hman thiam nan i hmang tangkai hlauh teh ang u.

(He thu hi Augustus Sommerville a hming chiah tarlanga ziah a ni a. A kum leh ni thup vek a ni bawk. A chhan kan hrethiam theuh awm e.

Posted in Thu Ngaihnawm, True Story | Leave a comment

Mak si, Tak si

  • Bahra ah chang
  • Naupang leh Rul inkawm

Bahra-ah chang.
*March 2006 a, Maiduguru(Nigeria)-a, Evangelical Primary School-a zirlai naupang pathum te’n an headmistress hnena an thil report chu a dangdai rem rem hle. An zirlai pui pakhat chu tutih hriat loh pa pakhatin sweet pe in, sweet a ei hnuah bahra-ah achang daih an ti mauh mai. Tichuan, an sikul hotunu ber hovin bahra chu kengin police station panin FIR an va theh lut ta râwih a, police te’n sweet pe tu pa chu an zawng zui nghal chawt a, mahse, ngawrh taka an zawn hnu pawhin an zawng hmu mai thei lo a ni.. He chanchin mak sak tak hi khaw pumah a darh chhuak nghal a, kar lovah mipui sang tel tehmeuh mai chu bahraen turin an pungkhawm nghal luai luai a ni. Nigeria ah hian hetiang dawi thil(witch craft, black magic etc) hi a hluar hle.

‎Khuai‬ rinawm.
Shropshire(England) a khawsa Margarer Bell-i chuan mak takinkhuai a ngaina êm êm teh tlat mai a, a chenna in ațanga mel 7vela hla, Leintwardine hmunah an chenna tur ‘in’ a sak sak hial a, duat takin a enkawl țhin a ni. June 1994 kuma, Bell-i a boral-aa vuina hun an hman laiin, an sunna lantir ve ni awm takin a chenna in ep chiah-ah khuai rual an lo fuankhawm a, bangah an fu țhûap a ni. A vuina-a telve chanchinbu mi pakhat chuan lo hmu fuhin, an thla a lak sak a, chanchinbu-ah a chhuah nghe nghe a ni. Khuai rual hi darkar chanve vel zet an fûk khawm hnuah an thlawk darh ve chauh niin an sawi.

Shanghai ațanga hnai te Songjian-a, Chinese hmeichhe naupangte kum 9 mi chu a infiam laiin thawngleivirin a la thut a. A chhungte chuan police puihna-a ngawrh taka an zawn fê hnu-ah țhawngleivirin a lakna hmun ațanga mel 2 vel zetah hlaah an va hmu hlawl a, an hmuh hian thingkung lerah a lo awm vang a ni.

Hrilh tu aw.
1997 khân Londona nu pakhat AB-i chu a hna ațanga chawlh la-a a zin chhuah țumin, aw pahnih amah betu a hre tlat mai a, anmahni tak erawh mitin a hmu thei lawi bawk silo. Chu a aw hriatte chuan, Londona haw kir a, brain scan department pan nghal turin an rawn a. Tichuan, ‘aw’ in a hriattir anga haw kirin, an kawhmuhna damdawi inah ngei chuan a thluak chu a scan tir ta a. Mak takin a thluakah bâwk (brain tumor) a lo chawr reng tih an lo hmuhchhuah sak a ni. Hemi hma zawng hian, a symtoms a lanchhuah loh avangin inrinhlelh nachâng pawh a hre lova, hriat ngaihna pawh a awm hek lo. Hlawhtling taka a tumor an zai chhuah sak hnu-in, aw te bawk chuan rawn be lehin, “kan puih theih che avangin kan lawm hle ” an rawn ti leh a, chu chu an aw a hriat hnuhnung ber a ni ta rih a ni.

Bawng Note Danglam.
‎Pursat ‬Province(Cambodia) a bawng note pakhat lo piang chhuak chuan awle vun ang tak mai a nei a, vanneihna mak tak mai a keng tel bawk a ni. He bawng dangdai tak a lo pianchhuahni hian, thla 3 vel zet ruah tui tlak tawh lohna, khawkhen tûar mêk khuaah chuan, ruahpui a rawn sur ta chuah chuah a. A khaw mîte’n chu bawng note pianhmang danglam tak chu an pathian cheibawl ti tih phah hîal nghe nghe a ni. Vanduaithlak takin he bawng note hi a pian ațangin ni thum bâk a dam zui lo hlauh a, a khaw mîte chuan ropui leh zahawm takin an vuiliam ani.

Țhian Atan Saphai.
Setbo, Cambodia a mipa naupangte pakhat Uorn Sambath-a chuan, thian tha ber atan saphai a nei teh tlat mai. A saphai thian hi feet 16 zeta sei niin, kg 100 vela rit ani a. Thian dang pawh kawm lem lovin, saphai bulah a tâp deuh chawt a ni ber. A châng in inzial hnan tirin a mutpui thin a, a infiam pui lâwp lâwp țhin bawk a ni. Mak ve angreng tak chu, he naupangte hi thla 3 mi lek anih laiin, he saphai hian a rawn tlawh țhin niin an sawi a, chuta țang chuan țhen hran hleih theih ni tawh lovin, an inkawmngeih zui ta em em niin an sawi. An in chhungah saphai pindan tur chu a hranpa hlakin an siam sak nghe nghe a ni.

Pasal Atan Dolphin.
2006 kum tir lam khân, Eliat, Israel-ah sâp nu(English) pakhatin pasal atân dolphin pakhat chu ‘tiam tlat e’ a tih pui teh mauh mai. He dolphin hi kum 15 chhung vel tehmeuh mai chu lotlawhin an lo inhmelhriat tawh a, an inkawmngeih hle niin an sawi. An inneih ni hian mi engemawzât sawmin, mo thuam dik takin a in thuam thlap a, inneih dan pangngai takin an innei a ni.

Ui Fing..
1954 khan, ui fing (collie) pakhat a hming Tang-a chu bawnghnute phur truck pakhat hmaah dingin a bauh chîam chîam a, driver in horn a pek tuar tuar pawhin a kiang eih duh lo va. Driver chuan thil felhlel deuh a awm anih a ring ta a, a motorațanga chhuk thlain a vel a en kual thuak thuak a, a motor hnungah chuan hmeichhe naupangte pakhat kum 2 mi lek chu a lo bet ru rêng tih a va hmu ta nawlh a ni.

Aside | Posted on by | Tagged , , , | Leave a comment

UGANDA-A MUSLIM IMAM PAKHAT CHU KRISTA HNUNGZUI A THLAN AVANGIN A NEIH ZAWNG ZAWNG CHÂN VEKIN A VAKVAI

Kan ramah chuan piantharna chu tuarna leh channa aiah zahawmna hlawhna, thawmhnaw thar neihna, mi rin hlawhna, duhsak hlawhna, malsawmna tinrêng dawnna niin a lang. Kan pianthar avanga kan ‘tuar’ leh ‘chan’ han sawi viau tham a awm meuh emaw chu? Kan Kristianna dal êm êm nachhan leh piangthar da leh heti taka kan tamna chhan pawh hi kan ringtu nun kawngah fiahna tak tak hmachhawn tur kan neih tlem luat vang a tih theih ang. Hlim leh lam phurna vel chu kan thlarau chaw lâkna pui ber leh kan rinna tichaktu ber atana kan hman a ni awm asin.

Hetih lai hian, Krista leh Kristianna an dodalna hmun leh râm tam takah erawh Isua Krista hnung zui tura inpêk chu thil tih namai a ni lova, lu chhum bân chhum huamainpek a ngai fova, khawtlang leh chhungte tuithlar leh tuarna lehchanna nasa tak hmachhawn a țul fo țhin.

Africa khawmualpui-a ram pakhat, Uganda khawchhak lama khawsa, Muslim biak in(mosque) inkhawmna kaihruai țhintu,”Imam” pakhat kum 53 mi chu Muslim sakhua kalsana Kristiana a inpek avangin, a nupui fanau, a in leh lo, a hna, a ram leh a neih zawng zawng chânin, bûk te ah rethei takin a khawsa mêk a ni. A sakhaw hlui-a kir leh-a engkim neih lêt leh vek aiin Krista vanga hrehawm tawrh leh vahvaih chu a thlang zawk.

He Krista pasalțha, Kuluseni Iguru Tenywa-a hi Jinja District huamchhunga thingtlâng khaw pakhat Budhagali village-a khawsa a ni a, Kristiana a inpek avangin June 27 zan khân a chhungte leh laichin te ho, an mâkpa(a farnu pasal) kum 45 mi Nsaja-a hova inhawrkhawmin, an in kawtah an pungkhawma, thah an tum avangin loh theih lovin a sahim na’n a tlan chhiat a ngâi ta a ni..”Zan dar 8pm velah ka in pâwna mipui țawng ri lûai lûai thawmchu ka hria a..ka nunna lâk an duh thu an sawi a ni. ‘Kan chhungkaw pûmpui Kristianah an inlet tur kan thlir liam mai mai thei lo’ an ti a” tiin Morning Star News a hrilh a ni. Tenywa-a hi an inchhung hnung lam kawngkâ ațangin a relhru a ni.
“Khami zan khân ka chhungte zawng zawng kalsanin, tlanchhe lo theilo dinhmunah ka awm a ni” a ti. Fa pali, kum 10, 12, 14 leh 17 mi leh nupui pawmlai a nei a ni.

Tenywa-a chuan, thlarau sualin kum tam tak chhung a rilru, taksa leh thlarau a lo sawisak tawh țhin thu leh, May 28-a Elim Church a tlawh ațangin chhanchhuahna a chan thu a sawi..Thlarau sual awpbehna lak ata Isua Krista chhanchhuahna ropui tak a chan dan chu sawiin, “Isa(Isua) thiltihtheihna hmangin min țawngțai a, Isa(Isua) chu ka thinlungah lût turin ka sawm a, chu chuan thlarau sual min tibuaitu thiltihtheihna chu a chhu chat ta a ni” a ti.

Sawi zawmin, “Ka la hrîat reng chu ka khaw hmuh a vai nghal ruai a, thidang(faint) angin ka awm a. Tichuan, pastor chuan thuneihna nen Isa(Isua) hmingin thu a pe ta mawlh mawlh a, a tawpah chhanchhuahin ka lo awm ta hlawl a ni” a ti.

Kristiana a inpek chanchin a chhungte leh laichin te’n an hriat chuan thinurna in an khat a, Islam chu an thlahtute ațanga an sakhaw vawn ngar ngar a la nih avangin inlamleta kir leh turin nasa takin an thlem a, an vau bawk a, mahse Tenywa-a chuan Isua Krista’n a nuna thil ropui tak a tih chu engtikawng pawhin pha thei anih lo thu-in a chhâng a ni.

A inlamlet duh tlat loh avangin a chhungte chuan an thinhrik țan chhova, thlahtute ațanga an în rochung-ah chuan mikhual leh mihrang ang mai-a cheibawl a ni ta a, a nupui Fatiyah-i leh afate thlengin an in chhungah tihduhdahna an tuar chho a, a nupui in a lakah a lungawi lohna lantirin chaw a pe duh lova, țawngkam dengkhawng tak takin a ankhum a, mi rinawmlo leh nêp, mahni sakhua phatsan tih te’n a ankhum phiar phiar țhin a ni.

Mahse Tenywa-a chuan thlarau sual lak ata chhanchhuaka nun thar petu, Isua chu phatsan thei ziazângin a in hre lova, Elim Church ho inkhawmna-ah chuan a tel chhunzawm zel a, chu chuan a laka a chhungte thinurna a ti belhchhah zual sauh a, a thlai chîn, a hmarcha sen hmun chu an chil chhiat sak vek a, a dawr an khar sak a, a ram chanpual liau liau-a thlai ilo chîn pawh an khap sak lehzel a ni. A chhungte’n diklo taka an tih danah, Local Council 1 chairperson hnenah complaint a thehlut ve bawk a, mahse an hmalakna in nghawng a nei lemlo.

Tunah chenna in neilo vakvaiin a awm mêk a, ram a nei tawh lova, hna a nei tawh lova, nupui leh fanau a chân a, chaw ei tur mumal pawh nei lovin bûk te-ah riakin, a khawsa ve naw naw a ni. Hetihlai hian a chhungte chuan la duhtawk lo cheu in, thlarau sualin a luhkhung na’n dawi an la tum hram niin a sawi.
“Ka chhungte chuan min dawi an tum a, mahse Pathianin min humhim tlat a ni” a ti.

Uganda hi Kristian tam na ram a ni a, a ram mipui 85% lawih Kristian an ni. Amaherawhchu, Uganda khawchhak lam hmun/khua tam tak erawh Muslim in an awpbet thung a, Muslim-in an awpbehna hmun rêng rêng-ah sakhaw dang an chêp țhin tih chu kan hre tlâng vek awm e.

Aside | Posted on by | Tagged , , | Leave a comment

KA NU DAWT MIN HRILH 10

1. Ka nu chuan “sa te,hmui hmer chi tinreng te hi kan taksa tan a thalo a. Chu ai chuan behlawi bai te, maian bai te hi kan taksa tan a tha a. Kei pawh tun thleng in ka la chak that em hi” a ti thin. Chawthing hi ei la ilo lian tual tual mai ang a ti fo bawk.
Tun hnua ka ngaihtuah hian sa leh hmuihmer dang kha a leina tur kan neihloh vang a ni tih ka hre chhuak.

2.Artui kan hmeh changte khan ka eitur min kheh sak a. Ani chuan a ei ve ngailo. “Kei chuan artui hi ka duh ve lo a, ka ei ngai hleinem” a ti mai thin.
Mahse tunhnu a ka ngaihtuah hian ka nu khan eitur tha kha a ei chak loh vang nilo in ka ei atan a duh vang a ni.

3. Thawmhnaw tha pawh nei zo lo vin, khawvawh lai pawh khan inthuam lumna tur a nei lo em em a. Chuti chung chuan ka tan erawh thuamhnaw lum tha tak min lei sak fo thin. “Kei chuan thlasik hi vawt ka ti ve ngailo. ka taksa ah hian lum nasa deuh a awm a.a vawt ve theilo” a ti thin.
Mahse tun hnu a ka ngaihtuah hian ka nu kha vawt hre theilo a ni lo. kan pawisa neih in a zir loh avangin kei ka lum theih nan vawh a thlang zawk a lo ni.

4.Nileng in hah tak in hna athawk a,tlai ah ei rawng a bawl leh vek a. “Ka nu i chau lutuk ang” ka tih khan ka nu chuan. ”Ka chau ve thei hleinem. Kei chu Pathian in hah hre ve theilo tur in min siam” a ti mai thin.
Mahse tun hnu a ka ngaihtuah hian ka nu kha chau leh hah hretheilo a nilo…kei a fapa hian ka nghei lohnan a tuar lui thin a ni zawk.

5.Khawsik tlun hluah hluah a awmlai pawh in ka nu chuan ”Ka na lo ve, ka pang a sa deuh mai mai a ni..damdawi ka ei ang a a tha vek mai ang” a ti thin.
Mahse tun hnu a ka hriat chhuah chu ka nu khan a fapa hriat a hreawm tuar kha a duhlo a lo ni zawk. A na a, a chau ngawih ngawih a lo ni si.

6.School ka han kal a…uniform thar nilovin mi uniform hlui ka ha a. ka nu a chhan ka zawh chuan kanu chuan ”He kawr hi vanneihna kawr ani a. Magic a awm tel a. A ha tu apiang chuan lehkha an thiam thei lutuk” a ti thin.
Mahse tunhnu a ka hriat chhuah tak chu kha kawr kha eng magic kawr mah a nilo. Uniform thar leina tur kan neilo a,ka nu khan lehkha tha tak a ka zir a duh vang a lo ni.

7.Ka nu khawnge ka pa hi ti a ka zawh apiang khan ka nu chuan ”I pa chu sumdawng in a zinbo a, pawisa tamtak nen nakin ah alo haw mai ang a ti thin. Ka zawh apiangin ti hian min chhang thin. Mahse ka lo len tak hnu ah chuan hei hi ka hrechiang a ni…ka pa chu engtik ah mah alo haw ngailo ang..kei hi sawn fa mai ka ni.

8. Ka zirlai a harsatna ka neih khan ka nu kha ka zawt thin a. Ka nu chuan ”Bawihte midang zawt lo in nangmah khan thiam tur in zir la bei rawh ti chuan i thiam chiang em em ang” a ti thin.
Tun hnu a ka hriat chhuah chu ka nu khan lehkha a thiamlo a. min hrilh theih loh vang ani a. Ka beidawn loh nan min fuih sauh sauh thin.

9. Thenrual ka pawl ngai lova…hmusit taka min tawngkhum te khan ka hrethiam ngailo a. Sawwn fa min tih te khan ka hrethiam ngailo a. Ka nu ka zawh chuan ka nu chuan “Sawn fa tih chu maw..Pathian chungnung ber lei leh van leh engkim siamtu fapa i nih avangin an itsik che a nih kha” a ti thin.
Tun ah erawh ka hrethiam ta…ka nu khan a hraichawi, a neihchhun rilruna a ka awm hi a duh hauh lo.

10. Ka damloh changa khumbul a ka nu tap chunga a tawngtai ka hmuh fo te khan ka nu “ngati nge i tah” ti a ka zawh chuan ka nu chuan “ka mittui te hi ka dahkhawl zel a…tichuan pawisa ah a lo chang thin alawm” tiin min hrilh a. Khang kum chhungzawng khan ka dah khawl a.vawin ni thleng hian pawisa ah chuan a la chang ta lo.
Hei erawh ka hria a ni…Ka nu khan a rilru nat na kha ka hriat a duhlo va. Ka kiang ah chuan khawvel a hmeichhe hlimber anga awm a duh a. Tin, kei a fapa natna khan a rilru leh thinlung a tina thin tih ka hre bawk..

“Ka nu kawl pawh vel ila nang ang reng tumah ka hmu tawhlo ang. Ka nu heng i dawtsawi thin sawm te hi ka hrethiam ve vek tawh asin. Vawin ah hian ka kiangah la awm la chuan maw ka nu.ka dawtsawi sawm 50 chuang ka ngaihthlak tir ve ngei ang che. I dawtsawi 10 avang hian mipuitling ah ka chhuak a.Ka nu ka hmangaih che….dawt zawng zawnga tha ber chu i ka atangin a chhuak thin si a.

Nu la nei zawng zawng ten thu maia kan hmangaihthu sawilo in thiltih in lantir theuh ang u.

Aside | Posted on by | Tagged , | Leave a comment

Staff Selection Commission (SSC) coaching Aizawl ah hawng.

Finance Minister Pu Lalsawta’n July 19, 2016 khan Mizoram Youth Commission buatsaih Staff Selection Commission (SSC) coaching Aizawl ah a hawng.

SSC Coaching hi EXCELL Class, New Delhi leh MYC tangkawpte buatsaih niin atunah hian zirtir turin state pawn atangin mi thiam ten he coaching class hi an thutchhilh a. Vawiina Coaching hawn programme hi Mizoram Youth Commission Chairman Pu T Sangkunga leh Women Commission, Chairperson Pi C Vanlalawmpuii, an hmanpui bawk a ni.

MYC buatsaiha 2nd batch coaching course zirtur thlan bik zirlai te duhsakna leh lawmpui thu sawiin khuallian Pu Lalsawta chuan zirchhuak tur chuan tihtak zetna rilru put a ngai a ni a ti . MYC Chairman leh a thawhpui ten mahni kawtkaiah ngei hetiang zirna tha tak an chhawpchhuah chu lawmawm a tih thu a sawi bawk.

Pu T Sangkunga chuan SSC Coaching hmalakna ah sorkar puihna avangin lawmthu a sawi a. Pi C. Vanlalawmpuii pawhin thu sawiin MYC hnathawh chu a ropui a, Sorkar in a puihna zawng zawnh ah thalaite hi lawm tur kan ni a ti. Hemi bakah hian Social Media hi zofate zingah ngei pawh a mikhual tawh lo a, chutih laiin heng Social Media a thu hriat leh hmuh zawng zawng te awih mai loh lovin chhui chian hmasak phawt a pawimawh thu a sawi tel bawk.

MYC buatsaih SSC coaching in a tum ber chu Mizo thalaite Mizoram chhung mai nilova Sawrkarlaipui hnuaia hna chi hrang hrang te thawk ve thei tura an inbuatsaih theih nana he coaching hi buatsaih a ni. Coaching hi thla 4 course niin Course fee atan mi pakhatah Cheng sangthum zirlaiten an pe a, a bak zawng Cheng sangkua hi sawrkar in a tumsak ve thung a ni.

Aside | Posted on by | Tagged , , | Leave a comment

PI LALBIAKDIKI CHHUAH ZALEN A NI

POSTED by K Lalrengpuii On

Kum 2014 a Lunglei Civil Hospital a naute thihna chungchang avanga man Pi Lalbiakdiki hremna chu tun mai (20,July, 2016) khan CJM Dr HTC Lalrinchhana chuan a puang a.

He case avanga a tawrhna leh hremna a lo tawrh tawh te chu hremna tlingah ngaihsak niin Pi Lalbiakdiki chu Section 3 of Probation of Offenders Act hmangin chhuah a ni.

Hemi hnu hian he danin a phut angin Pi Lalbiakdiki hi CJM leh ama ukil leh sorkar ukil te awmlaiin hetiang thil tinawn tawh lo tur hian zilh hau a ni.

An thubuaiah hian thiam loh a chang a. Amaherawhchu, jail tan kher ngai lovin hremna nep zawk an pe a ni. A hna hi a chan dawn em tih hi a thawhna department hotute huaisen danah a innghat thui hle ang. An ban lo a nih chuan thil mak tak a ni ang.

Aside | Posted on by | Tagged , , | Leave a comment