KAN BIBLE-IN ZU IN A KHAP RÊNG EM? ZU IN HI SUAL A NI EM? BIBLE ATANGA BIHNA.

.Kan râm leh hnam, Kristian za a za deuhthaw-a kan inchhalna ramah hian, zu chu ‘social taboo'(thiang lo bur) a ngaih a ni a, ram dan phalna license/permit nei thlapa zuarte pawh mipuite’n mahni hna țul țhulh țhaka an eibêl leh intunnunna, an zu sumdawnna kan danchah sak duhna ram a ni. Zu țan leh thlawp zâwnga thusawi dêk dêk tu chu ‘khawtlang hmelma'(public enemy) nihna a ni hlauh. Heti taka zu kan huatna chhan hi kan Kristianna thurin nen inkalh/indo tlata kan hriat vang niin a lang.

Kan thurin innghahna lehkhabu thianghlim Bible hian ringtute tân zu in a khap(forbid) rêng em? A dodal em? ‘Sual'(sin) anih thu a sawi em? Kohhran upa, pastor, missionary, evangelist, mihlim, thlarau mi, rawngbawltu adt te sawi dan nilovin, kan Bible ngeiin a sawidan i han bihchiang dawn teh ang..Bible thuziak khawilai mah-a zu in hi ringtute tân sual leh thiang lo ti-a tarlanna a awm hauh lo. Zu in naran(moderate drinking) hi kan Pathianin a khap lova, amaherawhchu “zu ruih chînna, zu hmansual” (drunkenness) erawh a khap thung. Mizo Kristiante kan kalsualna lian tak chu “zu in” leh “zu ruih” huangkhatah kan khung hi a ni. Zu rim nam phelh phulh tawh phawt chu engamah hma-in kan hmu mawh/khawlo nghal êm êm ringawt a, eng ang mi nge a nih pawh hriat fiah tum hmasa îk lovin kan ngaihdanin judgement kan lo siam a, piangthar lo turah kan lo ruat ve thâwr ringawt țhin. I Korinth 6:9,10-a Pathian ram lut lo tur zinga Paula’n a tarlan “zu ruih hmang” a tih te kha, mahni rilru leh taksa thunun zolo khawpa uchuak taka zu in țhinte(drunkard) leh zu ngawlveite a sawina a ni a, zu in nazawngin Pathian ram an lut dawn lo tihna lam a nilo.

Bible-a kan hmuh dan…
ISUA’N ZU-IN A DODAL LO
Matthaia 11:19; Luka 7:34 ngun taka kan chhiar chuan Isua pawh khân uain a in ve țhin tih a hriat theih a ni. Bible scholars te sawi dan chuan, Uain(wine) hi Juda ho hnam dan(tradition) abet nghet tlat a ni a, an ei-in zinga pawimawh tak niin chaw ei rûal ten rui lovin a tawk chauhin an hmeh/in țhin. Isua kha Baptistu Johana angin zu in lo tura inserh hrâng ‘Nazarite’ a ni ve lova, mahse ‘sual kailo’ a nih avangin ruih nan erawh a hmang lovang tih a chiang thung. Isua uain in ang hi Greek țawng chuan ‘oinos’ an ti a, dawidim pawlh(fermented wine) in tam chuan ruih theih a ni. Zanriah hnuhnungah pawh khân amah ngeiin a zirtirte hnenah uaiin(oinos) a sem tih kan hmu. Tin, a thilmak tih hmasak ber pawh Kana khuaa inneihna-ah tui uain-ah a chan tir a nih kha. Heta wine pawh hi ruih theih ‘oinos’ bawk a ni. Isua’n zu a dodal lo tih chu chiang takin a hriat theih a, a zirtirnaah pawh zu țhatloh chungchâng a sawi lang lo hulhual a, zu in mite țhian a ni zawk a ni. Kan rin Isua berin a do loh hi engvanginnge kohhranin kan lo do ve vak vak le? tih hi ngaihtuah tham a tling.

DAMDAWI ATAN HMAN A PHÂL
I Tim. 5:23 “Tui chauh in mi ni tawh suh la, i pum avang leh i taksa a chak loh avangin uaian(oinos) tlemte hmang țhin ang che”Kan Bible hian zu hi damdawi atan hman min phalsak a ni. Doctor te chuan a tawk chauh-a zu in in lûng cancer lak ata nasa takin a veng tih an sawi a, lûng natna, depression, indigestion etcdamdawi atan an chawh fo țhin rêng bawk. Tin, a tawk chauh va zu in thiam mi chu a in lote aiin an damrei zawk niin an sawi.
A tawk chauh(chaw ei dawn/ruala peg khat) a zu in hi thil theihloh hial anga ngaihna Mizote’n kan nei a, hei hi kan khawhawi a zau loh vang mai mai niin a lang. Kan Mizo upate(kum upa) zingah pawh hian a tawk chauh-a zu in țhin hi an awm ve nual a nia, hnampui leh changkang hovah phei chuanchhiar sen loh an awm.

MIN TIHLIMTU ATÂN HMAN A PHAL
Sam 104:15 “Mihring thinlung tihlawmna uain nen..”

HNUKCHAT TURTE HAHDAM TAKA AN KAL NA’N LEH RILRU NA CHHÁWK NA’N HMAN A PHAL
Thufingte 31:6-7 “Boral dâwn țêpte chu rakzu pe ula, mi lungngai chu uain pe rawh u. In sela, a pachhiatna chu theihngilh sela, A hrehawmzia hre reng lo rawh se”.

HUNPUI-A LEKLAM A PHAL
John 2:1-10; Kana khuaa inneihnaah khân uain an leklam tih a lang a, Isua pawh kha a kalve mai nilovin uain indaih lohna problem a solve sak nghe nghe zawk anih kha..Zu zuarte sawi chhan na’n taka Bible châng kan leklam uar êm êm, sign board-a kan tar chei chuai “A țhenawmte hnena zu in tur petu chu a chung a pik e,” tih thu hi coma in kan tawp tira, kan duh lai-ah rêk bungin a châng pum kan tarlang kim lo a ni.

Engtingnge a sawi zawm zel kha? “nang, an saruak i hmuh theih nana i tûr chawhpawlh-a tiruitu chu”. He Bible châng hian, midang chunga dik lo taka advantage lak nan(pawngsual nan etc) mu leh mal an hloh thlenga zu a hrai ruih chingte ho chungthu a pik tur thu a rawn sawina zawk a ni.

Sawi tur a la tam mahse a thui lutuk dawn. Engpawhnise he thu kan ziah chhan ber chu zu in sawi mawi tumna lam a ni lova, Mizo mipui nawlpui te’n Pathian thu ațanga zu kan thlir dan(concept) hi a dik zîktluak tâwk loh deuh avangin ‘thudik’ kan rawn tarlang ve rawih mai chauh a ni. Bible hian zu in a fakmawi hran lova, mahsela a tawk chauhva in hi a dodal lo a ni.

Hetihrual hian zu ruih chinna leh ngawlveina leh zu hmansualna chu namen lovin a dodal a, zu ruih hmangte chuan Pathian ram an lut lovang a ti tawl mai a ni. Zu hmansual hi tlakranna, tlakchhiatna, chhungkaw kehchhiatna, nuihzabûra min siamtu, cancer leh natna khirhkhan veina, chetsualna thlentu, zahawmnaleh nungchang țha hlohna, chapo-a min siamtu, thihna thlentu, Pathian min hlat tirtu anih avangin zu laka fihlim tluk a awmlo a ni. Lal Isua’n a huat ber leh a sawi zin ber erawh “lemchanna, pianthar derna(hyprocisy)” Mizo Bible-a “Vervek” ti-a an lehlin hi a ni.

Aside | Posted on by | Tagged , , | Leave a comment

Pi Lalbiakdiki chunga Court Thutlukna vawiin dar 2 a puan tur leh a behbawm

Vawiin chawhnu dar 2:00 hian Pi Lalbiakdiki W/o Vanlalpeka Ngente chu Lalchansangi Lunglei Venglai fa thihnaa mawhphurtua puh anih vanga hremna, a chunga lek tur puan a ni dawn ta a. Hemi chungchangah hian sawi neuh neuh a tam hle.

Politics a inrawlh an tih chhan hi chiang takin ka han sawi ang a, Pi Biakdiki hi a thiam emaw a thiam lo lam erawh ka sawi lo tih ka han sawi hmasa zet ang e. Court berin a thiam lo tiin a sawi tawh chu hnial chi a ni lo.

Lunglei HPC Vice Chairman leh Vanlalpeka, MNF Lunglei Sub Hqrs hi Politics thilah an inbei viau a. RTI hmang leh thil dang dang hmangin Peka Ngente hian vawitam tak a bei tih chu a thu post aṭangin in lo hre ve tawh mai thei.

A sawhkhawk chu hei hi a ni. Peka nupui hi an transfer ta mawlh mawlh a, vawikhat phei chu Peka hian a thu post-ah a faten a nu an sawnkual reng mai an sawichhuaha a rilru nat thu a post nghe nghe kha.

Politics thila inbeihna mai kha a ni nangin MLA hian a duh loh ang zawnga khawsa transfer kawngah hian rual a khum tih tlang hriat niin Sub Hqrs YMA hruaitute, LDSC hruaitu te, Lecturer nen a sawnkual nasa ngang mai a, hei hi Lunglei mipui chuan an hriatchian vek a ni.

Tichuan, a hmaa an inhmelmak vanga a lo sawnkual tawh kha hremna court-in a han pek khan MNF lam hian an Politicize zui ta mai a ni. Kan politics chim chin hi a la hniamin mimal anga inbeih te leh mimal chunga ṭuan tak maite hi a hnam mawl khawsazia viau niin a lang.

India State lian dang ang chu ni sela, Nurse khing lo hian chhiatna tawktute hian ngei ngeiin a Damdawiin a zawk hi an khingin zangnadawmna an dil ngei ngei tur anih laiin hetah chuan mimala inbeihna a la thlen zui tak bawk avang hian sawi a tam ta a ni.

Kolkatta te, Delhi leh Bihar a thil thleng kan hmuh pawh khan Damdawiin kha khin an niiin tah chuan Damdawiin lam zawk khan an staff leh doctor te kha an ban anih zawk kha. Damdawiin khan enquiry an ti a, sawrkarin zangnadawmna, chhiat tawktute hnenah a pe mai anih kha.

Tunah hian Pi Biakdiki hi lo hremin lo tang pawh ni se, chhiatna tawkte hian hlawkna pakhatmah an nei dawn chuang lova, damdawiin kha khingin zangnadawmna phut se, he an chhiat tawhna lak aṭang hian zangnadawmna an hmu zawk ngei dawn anih laiin Court rorelna hi an hlawkpuina awm tur reng reng a awm ta lo a ni.

Thuampui naupang Rosangpuii D/o Rosangliani, kum 8 mi 23th June 2013 khan khawsik leh luak avangin Lunglei Civil Hospital-ah Thuampui atanga an luhpui, jection sual vanga Aizawl lama naupang kut an tansak kha kan hre theuh awm e. Health Minister chuan hna pek a tiam a, mahse thla khat hnuah pawh engmah a thlen tak lovah chuan naupang nu leh pate hian PRISM min rawn pur ve a, hma kan han laksak atanga ni hnih khat hnuah Civil Hospital, Medical Supt hnuaiah IV Grade hna nghet naute nu hi an pe ta a, compensation claim kan tum pawh kan thulh ta a ni.

Hetiang ang hian hlawkna tel nachang an hre ve lo a ni ber. Chhiat kan tawk a nih chuan kawng khat tala hlawkna tel tum hihlawkna kan neihchhun a nih avangin hria ila, Pi Lalchansangi te pawh hian mawhpuh tur dik tak hria ni se, thurawn dik tak dawng ni se, Nurse ni lo hian Civil Hospital hi an khin ngei a rinawm. Chu chu hnam changkang ten an tihdan tlangpui niin hmalakna finthlak a ni zawk bawkin a lang.

Hospital a chhiatna tawk an awm nual a, mimal ang vekin chhiattawkte hian mawhphurtu an zawng thin a. Tisualtu chu Nurse emaw Doctor emaw pawh ni se, Hospital kha kan khintur a nih lai hian a lo thinrim thlak bawk nen mimal ang hian kan inkhing a, zangnadawmna kan tel lo ta mai thin hi a pawi a ni.

Aside | Posted on by | Tagged , | Leave a comment

Civil Hospital inentir Ni

Aizawl Civil hospital a inentir tur te hriat tur.

1. MEDICINE O.P.D = Ni tin hawn ani a, Holiday ah khar ani.

2. SURGERY O.P.D = Ni tin hawn ani a, Holiday ah khar ani.

3. ORTHO O.P.D = Ni tin hawn ani a, Holiday ah khar ani.

4. CARDIOLOGY O.P.D = Ni tin hawn ani a, Holiday ah khar ani.

5. GYNAE O.P.D = Ni tin hawn ani a, Holiday ah khar a ni

6. EYE O.P.D = Ni tin hawn ani a, Holiday ah khar ani.

7. ENT O.PD = Ni tin hawn ani a, Holiday ah khar ani.

8. DENTAL O.P.D = Nilaini apiangin Operation leh dressing tih a nih avangin inentirna khar a ni.
Holiday anih loh chuan ni dang zawng ah inentir theih a ni

9. SKIN O.P.D = Nilaini apiang in Operation, ETC. tih a nih avangin inentirna khar a ni. Holiday a nih loh chuan ni dang zawng ah inentir theih a ni

10. PAEDIATRIC O.P.D = Nitin inentirna hawn a nia, holiday ah erawh khar a ni.

11. PSYCHIATRY O.P.D = Holiday a nih loh chuan nitin inentirna hawn a ni.

12. ENDOSCOPE O.P.D = Inentirtur ten Book lawk a ngai a, tih dan tur an lo hrilh hmasa thin.
Doctor : Lalthanpuii Ph.9436155823.

13. T.B(D.T.C) O.P.D = Holiday a nih loh chuan nitin hawn a ni.

14. AYUSH O.P.D = Holiday a nih loh chuan nitin hawn a ni. Inentir leh tur chuan Card hlui ken a tha a, damdawi a thlawna sem a ni.

15. CANCER O.P.D = Zemabawk ah an enkawl thin.

16. BLOOD BANK = Nitin Doctor leh Technician an duty

17. CASUALTY = Doctor te 24hrs an Duty Reng thin.

Aside | Posted on by | Tagged , | Leave a comment

NUAI 1000 MAN ZODIN SAKTHAT DAN TUR INTIHSIAK

POSTED by Aizawl Post

  • Zodin an din thar dawn
  • Zodin ruahmana inelna

Mimal hnen atanga Mizoram sawrkarin cheng nuai sangkhata a lei Zon Cinema Hall hlui chu Multi Level Car Parking cum Multi Utility Centre-a siam tum a ni a. Hemi atana a sak dan tur ruangam din chhinin architect rual te an intihsiak hmasa a. Sawrkarin architect inelna siama hmunhma siamna tura hma a lakna hmasa ber a ni.

He in sak that turah hian a changtu department UD&PA chuan architectural design competition a buatsaih a. Mi parukin an design siam hi an thehlut a. Heng zingah hian JMT Architect chuan lawmman pakhatna a dawng. JMT hi Josef Malsawma Thiak enkawl a ni.

Pakhatna dawngtu JMT hian Rs 1,25,000 lehlawmpuina thuziak a dawng a, a dang zawngin consolation prizedawngin Rs. 10000 theuh an dawng. Lawmman pakhat latu atang chauh niloin heng design hrang hrang atang hian a sak dan tura tha ber duan tum a ni.

Zirtawpni khan architectural design intihsiaka lawmman semna hi neih a ni a. UD & PA minister Zodintluanga chuan lawmman hi semin thu a sawi bawk a. “Aizawl ti Aizawl-tu tur atan Zodin din thar hmalakna kan nei a, architect ten rilru zawng zawng senga Aizawl khawpui mawina atana hma in la hi lawmawm ka ti a ni,” a ti.

Zodin chu Aizawl khawpui chhinchhiahna pawimawh ‘landmark’ a nih thin thu a sawi.

Mizoram ah thilthar leh tha kan hmuh chhoh mek zel thu UD&PA minister chuan a sawi bawk a. “Khawpui nuam leh thaa cheng nih kan duh a, mipui tana awlsamna te ngaihtuah niin sawrkar laipui ayangin scheme hrang hrang, Smart City leh AMRUT ah te hma kan la a, chuta kan ngaihpawimawh hmasak ber chu Zodin Cinema Hall hlui hi a ni,” a ti.

Aizawl khawpui hmasawnna atan hma la in ngaihtuahna sawrkarin a sen thu sawiin financial year hmasa-ah luikawr siamna atan cheng tam tak hmangin hma lak a nih thu Zodintluanga chuan a sawi a. Financial year 2016-2017 atan pawh thahnem tak ‘approve’ a nih leh tawh thu te, ek in (septic tank) chungchangah buaina tam tak a awm avangin sewarage scheme an siam thu te, septic tank khur ‘septic’ thei turin mithiam ruaiin hma an lak thu te a sawi bawk.

UD&PA secretary Dr. C. Vanramsanga, IES sawi danin, sawrkarin Zodin Cinema Hall hlui a lei hi sq.mt 924.95-a zau a ni a, kawngpui ana building tam tak te lei tel a ni. Architectural design competition ah hian endiktu atan Board of Asseccors siamin member pasarih zinga pali chu architect an ni.

Aside | Posted on by | Tagged , | Leave a comment

ENGVANGIN NGE MIPA LEH HMEICHHE KAWRKILH AWMNA A INAN LOH?

Mipa kawr chu a kilhna dinglamah a awm a, hmeichhe kawr erawh a kilhna veilamah a awm ve thung. A chhan i ngaihtuah tawh ngai em? Hetianga mipa leh hmeichhe kawrkilh awmna lam a inang lo tlat mai hi a chhan a ril ve riau asin!

Today show-ah co-host Matt Lauer leh Savannah Guthrie ten ‘What’s Trending’ segment-ah Ningani kalta khan hemi chungchang chhuina hi an nei a, mipa leh hmeichhe kawrkilh awmna a inan lohna chhan hi kum zabi 13-na lai vel atanga lo intan daih tawh a lo ni.

Kum zabi 13-na velah chuan mi hausa nu chauhin kawrkilh awm kawr an ha pha a, mi hausa leh awm thei deuh lo tan chuankawrkilh awm kawr neih ve phak a ni lo. Mi hausa nute chuan chhiahhlawh an nei a, an kawr ha turte pawh an chhiahhlawh ten an pui thin.

Nu awm thei deuh te chuan an kawr haktirtu chhiahhlawh an nei a, an chhiahhlawh ten kawr an hak tir laia an kilh awlsam nan hmeichhe kawr chu a kilhna veilamah an dah ta a ni. Hetianga a kilhna veilama a awm hian kawr haktirtu chuan a kut dinglamin kawr chu a kilh sak thei a, kut veilam hmanga kilh aiin a awlsam zawk a, chuvang chuan hmeichhe kawr chu a kilhna veilamah an dah ta thin a lo ni awm e!

Source – Aizawl Post

Aside | Posted on by | Tagged , | Leave a comment

I VUN LEH HMAI TAN SERTHLUM

POSTED by Aizawl Post

  • Serthlum thatna
  • Serthlum kawr hman dan

Vitamin C a pai hnem tia kan hriat lar serthlum hi taksa hrisel nan mai piah lamah vun leh sam enkawl nan pawh a tha hle niin Times of India health section chuan an tarlang.

Serthlum-ah chuan Vitamin C leh citric acid a tam hle a, chu chuan kan taksaa collagen a siamtha a, collagen chu vun timar thatu leh vun upa tur vengtu tha tak a ni. Citric acid pawhin vuna inrin deuh nek nek awm tur vengin vun a tinem thei a, vun tilang naupangtu tha tak a ni. Vuna cell thi te a paih a, vun kua a tifai a, ni zung atanga thil thalo vuna kai te a tifai thei bawk.

◈ Serthlum i khehna kawr chu chi tuiin silfai la, chu chu rawt diak rawh. Chutah chuan bawnghnute chhia (dhoi pawh a pawi lo) chaweinaa hman fiante khat telh la, ser tui tlem leh khawizu thirfiante khat pawlh bawk la, chawhpawlh rawh. I hmai chu tuilum pep pep-in phih fai la, i thil siam chu hnawih ang che. Darkar khat vel chiah la, tuisikin i hmai chu i phih fai leh mai dawn nia. hei hian i hmai a vuin thi leh bal te a tifai ang a, i hmai chu a freh sawtin i hre thei ang. I hmai chu i phih fai hnuah face cream pan tein i hnawih leh dawn nia.

◈ Serthlum kawr chu a tui sawr la, chu chu i lu vunah hnawih rawh. Hei hi luphut leh lu mawm tan damdawi tha tak a ni.

◈ Serthlum i khehna kawr chu paih mai loin a chhunglam chu i vun hruk nan hmang la, chu chuan i vun a ti mar sawt bawk ang.

Aside | Posted on by | Tagged , | Leave a comment

LAL RORELNA HNUAIAH ZOFATE LA AWM

POSTED by Aizawl Post

  • Manipur ah Mizo Lal an la tam
  • Manipur Zohnathlak te an inti mizo hle

Mizoramah lal ban an nih tawh avangin Mizoram Mizote chuan lal an awm tawh lovah an ngai thin a, Mizoram state pawna Zofate chanchinin naihven a hlawh thin loh avangin Mizoram thenawm mai Manipur-ah ngei pawh Zo hnahthlakte hi lal hnuaiah an la awm tih hi a hriat loh theih khawp ang.Manipur-ah hian tlangmite’n lal an la nei a, Zo hnahthlakte pawh lal rorelna hnuaiah an la awm. Zo hnahthlak lal hi 2000 chuang daih an ni a, Lusei lal pawh an awm ve.

Zo hnahthlak lalte inzawmkhawmna United Chief Committee-a an spokeperson Lalmalsawma sawi danin, Manipur-ah hian Hmar lal 30 vel an awm a, Paite lal 100 chuang, Thado lal 2000 chuang, Kom lal 20 chuang, Lusei lal pahnih an la awm. Lusei hi Kawnpui leh Ngathal-ah an lal.

Zo hnahthlak dang Simte, Zou, Vaiphei, Gangte leh a dangte pawhin lal an la nei a, Zo hnahthlak lal hi 3000 an tlin a ring.

Malsawma hi Mualbem lal a ni a, 1929-a din Mualbem-ah hian 1993 atang khan lal a ni. A sawi danin, a tirah chuan Mualbem lal hi Thanchungnunga a ni a, ani hi Thuamchaka pa nen unau an ni. Thangchungnunga’n fapa a neih loh avangin a dawtah Thuamchaka kha lal tur a ni a, a duh loh avangin a lal ta lo.

Thangchungnunga unaupa (mi dang) fapa Mangthang a lal ta a,tuna an lal Lalmalsawma hi Mangthanga tupa a ni. Mualbem hi in 64 khua a ni a, Hmar an tam ber avangin an tawng lar ber pawh Hmar tawng a ni. Mahse Duhlian tawng an thiam vek thu an lal chuan a sawi.

Mizorama Village Council ang hi Manipur-ah chuan Village Authority an ti a, chutah chuan lal hi ex-officio chairman an ni. Lal kaihhruaiin Village Authority chuan ro an rel ta a ni.”Lal hi Village Authority-ah chuan chairman kan ni a, chumi tihloh a dangah chuan Mizorama Sailo lalte kalphung kha kan kalphung chu a ni mai. Mipuiin a pawisain chhiah an chawi lo a, mahse Sailo lalte hnena chhiah an pek thin ang kha helamah pawh lal hnenah an chhung ve a, Village Authority a awm tih lohah chuan thil dangah chuan Sailo lalte kal dan kha kan kal dan chu a ni,” Malsawma chuan a ti.

Lal hian ram chungchangah thuneihna sang tak an nei; an khuate’n LSC an nei lo a, khaw tam zawkah chuan LSC hi lal hming zelin a awm. Judicial power an neih bawk avangin thubuai hlabuai reng reng an kutah a awm a, thu chhe rem hi an thuneihna pawimawh a tling.
“Ram hi lal kutah a awm a, chuvangin khuaah lal thu lovin tumah an awm thei lo. Lal hian mi a awmtir theih bakah misual leh hnawksakte a hnawtchhuak thei,” tiin Malsawma chuan lal thuneihna chungchang a sawi a, “Mikhual pawh lal hnenah an in-report thin,” a ti.

Tun hnaiah pawh Mualbem-ah hian Assam Rifles-in mi in an lo dap a, a hnuah ngaihdam an dil. Ngaihdam dil nan hian sipai hian vawk an talh a ni.

Manipur-a Zo hnahthlakte’n Mizoram an thlir thu leh an lung tilengtu a nih thu a sawi a, “Mizoram hi kan ngaisang a. ‘Kan ram’ kan ti a, Meitei-ho nena kan intihthiamloh chang pawhin kan thlamuanpui a, ‘Ram kan nei,’ tiin Mizoram kan sawi thin. Mahse Mizoram lam hian eng vakah min lo ngai lo a, chuti chung chuan kan rawn inti neitu tho,” a ti.

Aside | Posted on by | Tagged , , | Leave a comment

PAWL LEH KOHHRANA INHMAN VANGA SAWN THEIH LOH AWM-HM

Home minister R Lalzirliana chuan NGO leh kohhran leh pawl danga inhman thuk chhuanlama hmanga sawrkar hnathawk, transfer tur zawm hleithei lo an awm thin niin a sawi.

Central Training Institute, Sesawng atanga 35th Batch MizoramHome Guards & Civil Defence Recruit Volunteers Course leh 8th Batch Excise & Narcotics Department Basic Course training chhuakte passing out parade July 15-a a hmanpuinaah Home minister chuan transfer and posting chungchang hi a sawi a.
“Hmunkhata NGO, kohhran leh pawl hran hrana inhman thuk chhuanlam vangin sawrkarin hmundanga a sawnna order zawm theilo an awm thin chuan kan hnaah kan chian tawkloh thin zia a tilang a. Kan service-na apiang hi ram leh Pathian tan kan rawngbawlna a ni vek a, NGO leh thildanga kan nihna chu kalsan theihloh emaw intih loh tur a ni,” a ti.

Training chhuakte chu mipuite vengtu tur an nih angin India danpui leh hnam puanzar hnuaia an thuthiam te nghet taka vuan turin a chah.

Training course hi Jan 15, 2016 atanga neih tan a ni a. 35th Batch MRHG recruit volunteers course-ah hian recruit 35-in training zawmin, 8th Batch Mizoram Excise & Narcotics Basic Course ah hian recruit mi 40 ten training hi an zawm a; an vai hian course an zo a ni.

Aizawl Post

Aside | Posted on by | Tagged , | Leave a comment

KHAWVELA RITCHAWI CHAK BER Eddie Hall

POSTED by
Aizawl Post

Khawvela rit chawi intihsiakah tuman Kg 500 a rit an la chawi thei ngai lo, mahse, British rit chawi chak Eddie Hall, a hming lemah pawh ‘The Beast’ an tih hial chuan world record siamin Kg 500 a rit a chawi thei ta tlat mai le.

Eddie Hall, kum 28, hi feet 6 leh inches 3 a sang a ni a, Deadlift King an tih hial khawpa rit chawi chak a ni. Kg 500 a rit chu ritchawi intihsiaka an tih dang ang thlapin a chawi kang a, record a siam hnu lawkah a thingthi nghal hnawk a, nikhawhre loin a awm hman zeuh niin a sawi. A rit chawi lai entu mipui ngaih a tha lo hman a, mahse, nui chungin a rawn dingchhuak thei ve leh mai.

Tihian Eddie Hall hi khawvel mihring zinga weight lifting-a Kg 500 chawi kang thei hmasa ber a ni a, he record hi World Deadlift Championship, Leeds Arena-a neihah a siam ta a ni.

Yorkshire Evening Post-in an kawmnaah Eddie Hall chuan, “Ka thih phah tep a ni. Ka taksaa pressure na lutuk kha a rapthlak tawp. Nikhawhre loin ka awm phah a ni. Ka hnar a thi phah bawk. Hetiang tih hi a hrisel lo. Mahse, ka ti thei ta. History bu-ah rei tak chu a chuang ngeiin ka ring. Tih leh ka duh tawh lo, mahse, he record hi midangin an rawn khûm a nih chuan, a tih te pawh ka la ti leh mah na. A nuam ve khawp mai, thlaa lawn hmasa ber leh minute li pawh tling lo a mel khat tlan thlengthei hmasa ber ten nuam an tih ang tho kha a ni. Tunah chuan deadlift-a Kg 500 chawi kang thei hmasa ber ka ni ta. He history ka siam thei hi ka inchhuang ve khawp mai,” a ti.

Eddie Hall chuan tunah chuan World Strongest Man competition-a tel ve a tum tawh thu sawiin, “World’s Strongest Man title hi lak hi ka suangtuah ve thin a ni a, chumi chu ka tihpuitlin theih hma chu ka bei zel ang a, ka ni ngei ang,” a ti bawk.

Aside | Posted on by | Tagged , | Leave a comment

Yahoo company chuan 2016 second quarter (April-June) chhungin $440million an hloh

Yahoo company chuan 2016 second quarter (April-June) chhungin $440million an hloh tih nimin khan an puang.
Yahoo company hian Google atangin Marissa Meyer chu hlawh sang zawka ruai in tan an la nasa hle a. Kum 6 chhung a enkawl tawh a, Chet that chang nei mahse, hmasawn tak tak an nei lutuk lo a. Anmahni elpui ber Google an pha thei lo. Yahoo’s revenue hi 19 per cent zetin a tla hniam a, $440 million zet an hloh a ni.

Tun kumtir ah khan Board thuneitute chuan lei duh tu tur an zawng tan tawh a, mahse an la awm hrih lo.

Yahoo lei duh tura rin zing ah telecommunications providers pahnih Verizon Communications leh AT&T Inc. te hi digital services lamah hmalak tum chho mek an nih avangin an langsar ber a. Quicken Loans founder Dan Gilbert leh a thawhpui te, billionaire investor Warren Buffett te pawh sawi rik a ni a. Heng mite leh yahoo hian engmah an sawi lo thung.

Yahoo’s headquarters in Sunnyvale, California.

Yahoo hian nimin Monday khan kum 2013 a $1.1billion a an lei Tumblr hlutna chu $482 million a a tlak Thu an ziak bawk.

Hetihlai hian yahoo hi stock exchange lamah an che chhe lem lova, Yahoo’s stock hi tun kumah 14 per cent in a thang thung. Yahoo shares chu 22 cent a sangin share khat $37.95 a hralh theih a la ni.

mithiam te chuan Yahoo hian $4 billion atanga $8 billion chu email service leh line hrang hrang news, sports leh finance atangin lalut thei turah an ngai a. Yahoo hian nikum lamah $1 billion vel an lakluh theih laiin tun quarter ah chuan $842 million an lalut phak chauh a. Mayer in a enkawl hnua an tlak chhiat ber a tling. $440 million an hloh hian share khat ah 46 cents zel hloh ang an ni a. Nikum khan $22 million hloh in share khat ah 2 cents zel an hloh thung.

Aside | Posted on by | Tagged | Leave a comment