KHAWZAWL DISTRICT-A PUAN TAWH A FUCTION THEIH NAN TAWNGTAIRUAL AN RAWT

POSTED by Vanneihthanga Vanchhawng On July 13, 2016

  • Khawzawl in Tawngtaiin District an dil dawn

Khawzawl District Implementation Demand Committee chuan Mizoram Sawrkarin District thar tura Khawzawl a lo puan tawh, a nih tur ang taka Function a nih ngei theih nan tun thla ni 16, Inrinni zanah hian Khawzawl khawchhunga Kohhran hrang hrang ten Pathian hnenah tawngtairuala thlen turin Kohhran hrang hrangte ngen an tum.

July 11, Thawhtanni tlai dar 2:30 a Khawzawl District Implementation Demand Committee Meeting, Chairman Pu Malsawmdawngliana hova neihah he thu hi rel a ni a. KDIDC hruaitute’n tunhnaia District Function chungchanga Aizawl a Sawkar hotute an dawrna chanchin te ngaihthlak a nih hnuah kal khawmte chuan hmalak zel dan tur an ngaihtuah tlang a. Hetah hian Khawzawl District a nihna ang taka aFunction ngei theihna turin Khawzawl khawchhunga kohhran hrang hrangte chu tun thla ni 16 zanah tawngtai rualna nei tura ngen nise an ti a, hei bakah hian a tul anga hmalak chhoh zelna turin KDIDC Member tinten Rs.100/- aia tlem lo thawh lawm thawhin mipuite hnenah a remchan dan angin vehbur khawn nise an ti bawk.

KDIDC Meeting-ah hian Member te – Khawzawl khawchhunga NGO hruaitute, Political Party hruaitute, Village Council Member te bakah MJA Member te an tel tha hle a ni.

Aside | Posted on by | Tagged , | Leave a comment

CHINA INDO TURIN A INBUATSAIH TA: THE HAGUE RORELNA PAWM AN TUM LO

POSTED by Ct Lalrinawma On July 13, 2016

Nimin July 13 ah International Court of Arbitration/Tribunal (UN support)-The Hague chuan kum 2013 kuma South China Sea tuipui inchuhna thubuai chin fel tura Philippines ramin a thu thehluhna chu judgement-thutlukna siam felin, China chuana ram chin ni lo a hauhva, Philippines ram dikna (sovereign rights) a chuh pui chu chawlhsan turin a ti ta.

He thutlukna hi khawvel ram dang G-7 hotuten an pawm laiin, China chuan pawmlo a bur. Chinese President Xi Jinping chuan, he thutlukna hian China-in a tuipui china a tih tur leh dikna a kenkawh kawngah engmah a thulh tir dawn lo, a ti.

He Court of Arbitration ah hian Judge 5 a nghetin an awm a; UN Conventionthutlukna venghimtu leh ram buai ching feltu ber a ni.He thutluknaah hian Philippines ram chu dik zawkah pawmin, China chu mi ram tuipui chuh puituah a puh ta a ni. Hei hian Chinese mipui a thinrim hle. Communist party chanchinbu”People’s Daily” chuan, “South China Sea tuipuiah international dan kalphung ( law & norms) bawhchhiatna a awm lo. Chinese mipuite chuan he International Tribunal, The Hague thutlukna hi an dodal tlat a ni” a ti bawk.

China chuan South China Sea tuipui chu 90% zet a Keipui sa hauh hlur mai a, he tuipuiah hian oil leh natural gas reserve tam tak a awm bakah, kum tin sumdawnna US$ tluklehdingawn maktaduai sangli ( trillion) vel chuan lawng hmangin a paltlang ziah a ni. Philippines, Brunei, Malaysia, Vietnam leh China ten “Kan tuipui chan pual” tiin an inchuh mek. China chuan Indopui 2na hun lai, kum 1947 a Japan a tlawm khan a ram chin- nine-dash line tiin hauh a nei a ni. Court of Arbitration-The Hague chu UN pawmpui Judge 5 ten enkawlin, international levela rambuai leh tuipui inchuhna leh thil diklo zawn kawngah thutlukna siam thin a ni. He Court hian rambuai a ching fel nual tawh.

Taiwan chuan The Hague thutlukna siam hnuah indo lawng lian chu Spratly Island ah a tir lut nghal a; an tuipui hauh chin venhim an tum tih an puang. Philippines President thlan thar Duterte pawhin engtia chhan let tur nge tiin, Thawhleh zanah Cabinet meeting hmanhmawh a koh phah bawk.

Kum 2014 khan US chuan Chinain 800 hactares (2000 acres) zet a zau South China Sea tuipui chu a ramah a rin lut tiin a lo puh tawh a, heng hmunah hian military outpost leh seaport a buatsaih a ni. A bikin Mischief Reef ah phei cuan oil phur tankers, indo lawngrualte chhawp theih turin a buatsaih uluk hle.Xinhua official news chuan, hetianga International Tribunal-The Hague thutlukna hi an hrethiam lo tak zet tih sawiin,”engmah tanchhan neilo” tihsakin, “hmakhawsang kum 2000 liam taa Han dynasty atang tawhin kan ram leh sumdawng lawngte lo kal velna tuipui a ni”, a ti.

He tuipui inchuhna laiah hian Chinese hote chuan jet fighters dahin, air defense identification zone (ADIZ) siam niin, Scarborough Shoal vel chu a hauh na hle a; Philippines nen an inchuh mek a ni. Sept ah China chuan G20 Summit ah hemi chungchang hi sawichhuah tumin, G7 Summit thutlukna ang thovin thutlukna an siam rin a ni.Russia chuan he thutluknaah China tanin, rambuai inchih neituramte chuan hmai chhanah inbiakna neiin ching fel tum rawh se, a ti a. China pawhin Vanuatu, Lesotho, Palestine ramten China an thlawp tlat niin an sawi. Cambodia rama sum tam tak thawh thintu chu Cambodia pawhin an thlawp tlat tih an puang.

Japan, Vietnam, Taiwan, Philippines leh US erawh chuan China chu The Hague thutlukna zah turin an phut thung. G7 Summit, Osaka a neih tumin British PM David Cameron chuan, engang pawhin China chuan The Hague rorelna a pawm tur a ni, a lo ti tawh a ni. President Obama pawhin China chuan UN pawm International Tribunal thutlukna chu zah tur a ni, a ti bawk.

South China Sea tuipui-ah hian(1) Paracel Island chu Vietnam, China leh Taiwan-in an inchuh.(2) Scarborough Shoal chu China, Taiwan, Philippines an inchuh(3) Spratly Island chu China, Taiwan, Malaysia, Philippines leh Brunei in an inchuhChina chanchinbu Global Times chuan, “US leh Japan in China a nawrh luih chuan, Chinese mipuiten sorkar thutlukna an pawm dawn a; political & military ah sorkar thlawpin “Ha aiah ha” tihna a thleng thei. China chu dan kengkawha a ram venghim turin sipai chakna nen a inbuatsaih tha tawk a ni” a ti.

China chuan South China Sea ah a indo lawngte a veivah tir nghal ( warship hi China ta chu a ni). He The Hague thutlukna hi kum 20 chhunga International legal case-ah mite ngaihven ber leh Gen. Pinochet case judgement tih lova thutlukna siam khirh ber tih a ni.

Aside | Posted on by | Tagged , | Leave a comment

LUNGLEI DISTRICT MAGISTRATE IN LEI HRANG HRANG ZAWH TAWK A SIAM

Lunglei District Magistrate Pu Abhijit Vijay Chaudhari, IAS chuan Section 144 of Cr.PC 1973-in thuneihna a pek angin, Lunglei District huamchhunga lei (bridge) hrang hrangte dinhmun en in, Motor liante’n an zawh lohna turin khapna thupek chhuah tul a ti a. Mipuite’n harsatna an tawh loh nan a hnuaia mi ang hian khapna thupek a chhuah –

Name of Road: Haulawng – Bualpui Road
Vanva BVG Bridge Maximum Load Capacity – 15.00 Ton

Name of Road: Buarpui – Bunghmun Road
Bridge over River Kau Maximum Load Capacity – 12.00 Ton

Name of Road: Lunglei – Buarpui Road
Kawlhawk Bridge Maximum Load Capacity – 12.00 Ton

Name of Road: Hnahthial – Sangau Road
Tuikhurlui at Tuipui D Maximum Load Capacity – 10.00 Ton

Name of Road: Hnahthial – Thingsai Road
River Tuipui RCC Double Lane Maximum Load Capacity – 20.00 Ton
River Tuichang RCC Warren Truss Maximum Load Capacity – 20.00 Ton

Name of Road: Phairuang – Bunghmun Road
R. Sailungrek Bailey Bridge Maximum Load Capacity – 15.00 Ton
R. De Bailey Bridge Maximum Load Capacity – 12.00 Ton
R. Tuipawl Bridge Maximum Load Capacity – 15.00 Ton
R. Zawlpui Bridge Maximum Load Capacity – 15.00 Ton
R. Tuisen Bridge Maximum Load Capacity – 12.00 Ton

Name of Road: Chawngte Town Road
R. Chawngte Lui Steel Builtup Girder Bridge Maximum Load Capacity – 15.00 Ton
R. Chawngpui Lui Steel Builtup Girder Bridge Maximum Load Capacity – 15.00 Ton

Name of Road: Chawngte – Borapansury Road
R. Chengkawl Lui Bailey Bridge Maximum Load Capacity – 10.00 Ton
R. Borapansury Bailey Bridge Maximum Load Capacity – 10.00 Ton

Thupek hi July ni 8, 2016-a tihchhuah a ni a. Thu leh awm hma chu puan a nih atanga thla 2 (hnih) chhung a huam ang. A zawm lote chu IPC Section 188 hmanga hrem an ni ang. I&PR

Aside | Posted on by | Tagged , | Leave a comment

MSU in TRIBE LIST SIAMȚHAT DUH

POSTED by Puitei Mary VanchhawngOn July 13, 2016

Mizo Students’ Union (MSU) General Headquarters, Aizawl chuan India Constitution-a Mizoram tribe list inziaka fuh tawk lo awm hi tun hma ațang tawhin a lo ngaimawh em em a, kum 2015-a MSU Inkhawmpui Lian, Darlawn-a neihah pawh ‘India Constitution-a Mizoram tribe list hi siam țhat a nih theih nan sawrkarah thlen ni rawh se’ tiin agenda an lo pass tawh a; a bawhzui turin committee pawh din a ni nghal bawk.

Mizoram Tribe list siamțhat a nih theih nana sawrkar hma lo lâktawh dante chu theihtawpin MSU chuan a zir chiang a, hmalakna hrang hrang a lo awm tawh hi a lawmawm an ti hle tih an sawi a. Chutih rual chuan an hmalakna tichak lehzual turin MSU chuan sawrkar an duh a, thuneitute pawh an sawipui tawh nghe nghe tih an sawi a. Tuna India Constitution-a Mizoram Tribe list awm hi, ‘The Constitution (Scheduled Tribe) Order 1950’ anga dah a la ni ngar ngar a, hetah hian felhlel leh dik hlel, tun hnua siamțhat ngai tur a awm nual tawh a; sawrkarin Mizoram Tribe List siam țha tura hma a laknaah hian, Zofa hnam peng hrang hrangte’n lungdam taka kan pawm tlàn theih tur ngeia hma la turin sawrkar kan beisei a ni, an ti.

‘The Constitution (Scheduled Tribe) Order 1950’-a Mizoram tribe list ziah danah hian — Serial No. 10-naah Any Mizo (Lushai) tribes tia ziah a ni a. Hetah hian Lushai (Lusei) chauh hi Mizo anga ngaih theih a nih avangin hnam inpumkhatna leh inunauna a nghawng thei niin MSU chuan a ngai a. Hei bakah hian Serial No. 5 leh 15-ah Hmar chi peng leh Paite chi peng tarlan a nih laiin, Serial No. 7-a Kuki Tribes list ziahah Hmar leh Paite chi peng țhenkhat dah a ni bawk a. Engtik lai maha Zofa ni ngai lo, Zofate nena thisen inzawmna nei lo ‘Riang’ dah a ni a; Tribe țhenkhat hming ziah dan (spelling) dik lo a awm nual bawk niin a lang.

Heng thil zawng zawng hi Mizoram Tribe List siamțhat a nih ruala siamțhat nghal a nih theih nana hma la turin MSU chuan sawrkar an ngen takzet a, India Constitution meuhva kan ram tribe list inziah dan hian nghawng thui tak a neih theih avang leh, hnam inpumkhatna leh inunauna thlenga nghawng nei thei a nih avangin, kan dam tlàn theih dan tur bera hma la turin sawrkar an ngen bawk a ni.

Aside | Posted on by | Tagged , | Leave a comment

NOVEMBER THLA AH AIZAWL-AH SIPAI LAK RUNPUI NEIH A NI DAWN

Kumin November thla khian Rajiv Gandhi Stadium,Mualpui, Aizawlah sipai lak runpui neih a ni dawn a. Sipai a tan tumte tan http://www.joinindianarmy.nic.in ah in register theih reng a ni. Application form erawhchu September 2016 atangin internet kaltlangin fillup theih a ni ang.

General Duty leh Soldier, Tradesmen telin, category hrang hrang a dilna thehlut tur hian Class X passed a ngai a ni.

Aside | Posted on by | Tagged , | 1 Comment

Chanmari West in Zu dawr leh In neitu an dodal

  • Aizawl Chanmari west in Wineshop Tiamchin awm loin tharum thawh loin an dodal
  • Chanmari west in An veng thlanmualah Zu zuar inphum an phal dawn lo
  • Chanmari west YMA in Zu zuar YMA Name plate an lak thlaksak.
  • Chanmari YMA ten Zu zawhna in neitu Chhiatni fund an pekir
  • Chanmari west Kohhran in Zu zawrhna In neitute chhungkua Kohhranin phuar a tum

Chanmari West JAC huaihawtin Chanmari Vengthlang Tangrual Pawl (MVTP) leh Chanmari West Presbyterian Kohhran chuan July 11 khan Chanmari West Thlanmual peng NH 54 kawngpui ana Wines wineshop dawr hawn chu an duh lohzia lantirin wineshop bulah nilengin an thukhawm a, dawr an khar hma chu tiamchin awm loin dodal an tum. Chanmari west nu leh pa leh tlangval mi 70 vel an thukhawm a, Kohhran hruaitu leh Presyterian Bialtu pastor pawh a tel ve a ni.

Hemi ni hian tharum thawhna engmah a awm lova, zu lei tura lo kal apiangte chu lei lo turin an lo hrilh a, tuman an lei lui ngam lo a ni.

Chanmari West khawtlang hruaitute hnen atanga thu dawn danin Wineshop dawr neitu hi Lalrinsanga, Zemabawk a ni a, Chanmari West National Highway-ah hian mimal In concrete building a luah hawh a, a zuartu hi lehkha an pe tawh a, zu zawrhna In neitupa pawh hi ngenna vawi tam pe tawhin ama Ina a zawrhtir zel a nih chuan Kohhranin an chhungkua zanin nilaini zan inkhawmah phuar an tum a ni.

Chanmari West YMA pawhin In neitupa hi Nameplate leh House number ziahna an lakthlaksak tawh a, chhiatni fund pawh an pekir a, an fanu Neua Section YMA-a Commitee member nilai mekpawh a nihna atangin an paih a, chhiat an lo tawh palh pawhin YMA bungrua an hman a rem dawn lo a ni.

Chanmari West Local Council pawhin zu dawr luahtirtu hi lehkha pe tawhin veng chhungah chhiat an lo tawh palh pawhin an veng thlanmualah phum an remti dawn lo tih an hriattir tawh a ni. Lehkha an pek hi hriattirna ni loin ngenna zel a ni.

Amaherawhchu an veng chhunga Zu dawr hawn hi tihtawp a nih chuan an tihtawp rualin heng an phuarna zawng zawng hi hlih nghal a ni ang.

Aizawl Chanmari West veng thiltih dan hi facebook lamah demna a tam hle a, dah khawm tuma collect mek a ni.

Aside | Posted on by | Tagged , , , , | Leave a comment

NKOREA – IN MISSILE ENCHHIN LEH, AN HLAWHCHHAM LEH BAWK!

POSTED by Saihmingliana Sailo On July 9, 2016

Anmahni sana-a July 9 chawhma lam dar 11:30 khan N. Korea chuan ‘submarine-launched ballistic missile’ chu Sinpo lawngchawlhna khawpui , S.Hamgyong Province atangin a kap chhuak leh ta. South Korea Joint Chiefs of Staff (JCS) chuan he SLBM hi submarine atang chuan an kap chhuak ve ngei a, mahse; an tum ram thleng zo lovin km 30 vel hnuah boruakah a puak darh niin an sawi.

N.Korea hian missile a enchhin fo hi UN in a dem a, ti tawh lo turin a ti thin a, tunkar tir lam khan U.S pawhin Kim Jong-un an hrek thu an puang bawk a, hengte avang hian runluih nan tiin tukin hian an kap chhuak leh ni pawhin a ngaih theih a, US leh S.Korea te chuan N.Korea missile kah chhuahte hi US missile defense system, Terminal High Altitude Area Defense (THAAD) hmanga lo dan dan an rel dun bawk a, a rang thei ang bera THAAD hi S.Korea ah bun an tum a ni.

Aside | Posted on by | Tagged , | Leave a comment

ISIS TEN RUSSIAN MILITARY HELICOPTER KAPTHLA, PILOT PAHNIH THI

Islamic State of Iraq and Levant (ISIL, also know as ISIS) te chuan Syria ram chhunga awm Syrian government army te control-na Palmyra khawpui hnaihah hian Russian military Helicopter an kapthla a, pilots pahnih ten nunna hlutak an chan tih Russia’s defense ministry chuan sawiin local media ten an tarlang a ni.

ISIS ho in Russia pilots pahnih te chu nimin piah firday khan Homs region atangin an lo bei tan tawh niin Interfax news agency chuan a tarlang. Tin, he thil thlengah ISIS ten an mahni tih ah an inchhal nghal bawk niin SITE monitoring group ten an sawi.

September 2015 – July 2016 inkara Syria rama Russian sipai thi 12 an tling tawh a ni. Syria ramah hian US leh Russia te chu thawkdun angin lang mahse US in President Assad thlak an duh avangin ISIS leh Rebels group hrang hrang te chu ralthuam nen tanpuiin Assad forces te an beih tir a; Russia ve thung chuan Syria President thlawpin air-strike hmangin nasa takin IS leh rebels group te an nuai a ni.

Aside | Posted on by | Tagged , | Leave a comment

Mizoram BJP chuan, “Krista nen Yoga’ tih thupui hmangin Yoga kalpui zel dawn tih an puang.

POSTED by Dingdi

9th July khan BJP Mizoram Pradesh chuan party office Venghlui, Aizawl-a political session an neiah, Pu Lalduhawma Zadeng, state Treasurer, BJP Mizoram Pradesh chuan ”Yoga chungchangah hian Mizoram BJP chuan dinhmun chiang tak kan nei a, ‘Yoga With Christ’ tih hi kan thupui a ni a. Pathian zarah Zoram mipuite duhsakna dawnga kum 2018 state assembly inthlan a sorkarna kan chang anih chuan ‘Krista nen Yoga’ tih thupui a hmangin yoga hi kan kalpui zel dawn a ni” a ti.

Pu Lalduhawma Zadeng chuan Damdawi lam nen thuk taka inkungkaihna nei anih avangin Mizoram-ah Yoga practice tum a nih thu a hriat khan lawmawm a tih thu leh damlo tam takte yoga ti tura thurawn a lo pek thin bakah amah ngei pawhin a taksa dam nan a lo tih fo tawh thu a sawi a. ”Krista ringtu kan nih angin kan thiltih apiang hi ‘Krista nen’ kan ti zawk tur a ni a. Chuvang chuan taksa dam leh hrisel nana Yoga kan ti a nih pawhin keini ringtute chuan ‘Yoga With Christ’ kan ti mai tur a ni” a ti. ”UNO meuh in International Yoga Day hial a puan hnu leh international level a Yoga kalpui a nih laia helaia ‘ka do e’ lo tih hian awmzia a nei chuang lo a ni” Pu Lalduhawm Zadeng chuan a ti.‪

Aside | Posted on by | Tagged , , | Leave a comment

IPHONE LEI NANA AN FA HRALH TUM DETECTIVE TEN AN MAN

POSTED by Saihmingliana Sailo On July 09, 2016

Mahni rila rah ngei enkawl theih loh vang pawh ni lova thildang itna vanga midang kuta hlan satliah pawh ni lova pawisaa leitir duhna rilru an pu hian hemite nupa demna thu chhak chhuah a tam em a, ‘khengbet rawh u’ ti hiala comment te pawh a awm nawk mai!

Chestnut Hnob Road, Layland, West Vergina-a cheng, Ashley Nicole Harmon, 25 leh Jonathan Isaac Lucas Flint, 20 te nupa chuan an fa sente, thla 3 leka upa chu an thenawm pitar hnenah$500 atanga $1,000 a hralh tumin an hlan a, chu pitar chuan a leiduh loh vangin midangte pawh an zawrh nual hlawm a, tuman an leisak duh vangin chu pitar hnenah chuan hlanin an kalsan tangawt a, nakinah kan rawn la leh ang tiin.

Helai hmuna Child Protective Services chuan Fayette County 911Center-ah an report ta a, Sheriff Steve Kessler leh Fayette County Prosecuting Attorney Larry Harrah te chuan May 28, 2016; Inrinni zan dar 7:30 a report an dawn chu bawhzuiin hemite nupa hi an va man ta a ni. County Sheriff Office chuan henu, Ashley Nicole Harmon hian tunhmain a fa hmasate pahnih pawhmidang kutah a lo hlan ringawt tih an hrechhuak leh ta zel a, tuntumah hian pitar hnenah chuan iPhone leina tur sum an mamawh vanga hralh duh an nih an sawi a ni.

Fayetty County Magistrate Court chuan he mite nupa hi thiamloh chantirin, “Selling or Attempting to Sell A Child” and”Gross Child Neglect Creating A Risk of Bodily Injury or Death to A Child” tlawhchhanin Southern Regional Jail-ah an khung ta a ni. Dectective te chuan Child Protective Services te chungah lawmthu an sawi a, naute hi damdawi inah hruai nghal a ni a, tunah chuan a dam tha tawh viau nia tarlan a ni.

Aside | Posted on by | Tagged , | Leave a comment