PARKING FEE KHAWN THLANNA ENFIAH TURIN MINISTER NGEN

Aizawl municipal corporation-in parking fee khawn tur tender an kalpui danah Prism chuan thil fel lo a awm nia hriain UD&PA minister Zodintluanga hnenah a tul anga action la turin an thlen.

Aizawl khawpui chhunga parking fee khawn tur thlan danah thil dik lo tam tak a awm nia a lan thu prism chuan an sawi a. UD&PA minister chu thil awmdan enfiahsak tur leh a tul anga action la turin an ngen a ni.

Prism chuan parking fee khawn tur thlannaah thuneitute duhsak zawng siamlen tumna avangin AMC chuan an sum hmuh theih tur chu Rs nuai 32 chuang an chan dawn tih an sawi a. Kum 2016-17 chhunga parking fee khawn tur thlanna tur tender chu mi 352 in hun tam tak khawhralin an chhang, an ti bawk.

Aizawl Municipal Corporation thuneitute chuan area 56 zinga 34 (60.71%)-ah a chhang hniam zawk hna thawk turin an thlang a. Hei mai hi ni lovin area 24 (42.85%)-ah phei chuan a chhang hniam ber hna pek an ni, an ti.

AMC-in sum hmuhna lamah thahnem a ngai hle nia ngaih leh mipui phunna leh lungawilohpui thama sum hmuhna lamah thahnem an ngaih laia parking fee khawnna tura tutee maw duhsak vanga Rs 32,21,040 hlohna tura thutlukna an siam hi mipui zah lohna leh dan palzutnaah an ngai tih an sawi a, UD&PA minister Zodintluang chu hmala turin khan an ngen a ni.

Source: The Zozam Times

Advertisements
Aside | Posted on by | Tagged , , | Leave a comment

MIZO KUT ATANGIN 4 CRORE HU US DOLLAR MAN

Jul 30, 2016, Times News Network-in a tarlandanin Air intelligence unit, Kolkata Customs te chuan Mizo 4, Samuela, Vanlalzawni, Lalpekmawi leh Lalnunsiama te kut atangin 4 crore hu, US dollar dan lova tawlhruk an tum ni a rin an man.

Thudawnna-in a sawidanin air unit intelligence official te hian an thu dawn bawhzuiin heng mi te hi security check point paltlang an tum lai an lo tiding a. Heng mi te hian an ipte-ah chuan Custom danin a hal chin US $ 700 aia tlem an ak a, “Reilote an thuamhnaw (luggage) kan dap hnu-in an air bag chhunga uluk taka a hranpa, a ruka thui chhungah heng pawisa note te hi kan hmuchhuak ta a ni,” tiin Air intelligence unit official pakhat chuan a sawi.

Aside | Posted on by | Tagged , , | Leave a comment

MIZORAM HOUSE , BALLYGUNJ, KOLKATA HI…

Mizoram sawrkarin a theh thang ral dan tur detail hi…. Kan Chief Minister , Pathian nung prawkram a kal inti thin hian ka hre lo….tiin Kolkata Mizo Welfare hruaitute chu tun Sunday , ni24 July, 2016 zing khan zu han tih khum ngam a….. A duhdante anih loh avanga a Minister bright tak tak te’n Mizoram leh hnamtan a tha tur ngawih ngawih proposal an theh luh pawh….yes or no or please modify pawh ti duh lo lui ngat a….lo up hlum thak thak duhtu Chief Minister ber hian tun tum chu a inrawlh tha duh lo ve teh mial a nih hmel chu maw le.

Tin, ropui lo leh deuh chu…… Kolkata Mizo inkhawm a tel pui ve tura an sawm pawhin… Vai hovin Kolkata khawpui khawilai emaw ni a in an saksak mek lai chu en dik a duh zawk avanga a inkhawm hman loh thu te a la hrilh ta deuh deuh a nih awm chu…. Chapo na over tak leh mahni kaihhruai ngei ngei , chung ho mipuite la mawl leh fel luat avanga amah an rin leh duh em vang pawh nilo, ramhuai rau rau ah chuan a zia deuh e…tih boruak avanga an thlan Lal leh thin ni reng chung sia a hmuhsit let leh em em zel si zia te avang erawh hi chuan…a hun taka a duhai nasa in a sawhkhawk chu a la khum ve hlek chu a ngai dawn a ni…A lo ropui beng beng em hi ….a ni ber mai.

Ballygunj a Mizoram House hi kan Mizoram sawrkar hian PPP mode chi khata sak that a tum mek a. Chu mode / model chu…. Private company pakhatin Mizoram house compound feet 148 dung x 125 vang, chu chu a zau zawng 18,500 sq feet tihna niin, a ram chan ve hi chu private company chuan an nei theks anga, a chan ve dang lehah chuan Mizoram house thar tur chu min sak sak ve lim liam dawn ani awm e.

He Mizoram house hi hun rei tak atang tawhin helai a thawktute pawhin sak that an lo nawr tawh a. Sak that chu an han tum ta cheng a, mahse kan ram neih hlu em em mai chu teite leh ti riral zawnga sak that tura hmalak a ni ta si.

Kan CM hian Kolkata Mizo Welfare hruaitute hnenah hian …. hetianga chhuan chham zawnga hma an lakna chhan chu Mizoram sawrkar a retheih em vang ani a, amah tak phei chuan “heti zawnga hmalak hi a duh lo ber ber tu ani tihte a lo la hrilh zaw mah”

Mizoram sawrkarin engti takin nge hma a lak tawh dante phei chu amah pawhin a hre hauh lova, Mizoram Chief Secretary lo zawt chiang turin zu han ti then duh aaa …..Marawh chu heti zawnga sak that leh si erawh hi chu House enkawltu te ngen dan emaw Mizoram mipuite beisei dan chu a nilo chiang bang tih a hriat.

Helai Ballygunj hmun hi Kolkata ah pawh hmun laili, posh area an tih te zing ami ani a. Internet atanga Ballygunj area a ram to em em dan te i en chuan Square feet khat ah Rs 15,000 aia tlem a lei tur a awmlo tih i hmu thei ang. Chutah kan Mizoram house awmna tak phei chu Ballygunj area ah rau rau pawh kawngpui an, tram car kawng bul mai niin, Birla Mandir lar zet mai thenawm a ni bawk a. Ram ruak phei chu lei tur pawh square inch khat pawh a awmin a awm tawh lo hrim hrim. Tuna kan House awmna lai tak phei chu Square feet khat leka zau pawh a nilo berah Rs 25,000 tal chu man ngei ngei tur ani. Tunah hian kan Mizoram sawrkar hian helai hmun ah hian kan building leh infrastructure dang neihte chhiar tel map lo hian…. Rs Nuaih 4625 zet chu kan lo nei tha reng tihna a ni. A ram hlutna a la pung tulh tulh bawk dawn. Chuti chuan a ram chan ve kan pek tur man ringawt pawh Rs Nuaih 2313 dawn tihna a nih chu…Engzat ang hu takin chu House building thar tur chu min dak sak ang i maw le..???

He pawisa figure tam zia hi keini Cheng Nuaih khat hlawm pawh la hmuve lo tan chuan a tam dan tur zia han hisap thiam pawh harsa tak ani….

Kan pu ber hian hetiang ang Project ah hian engmah a lo paipawn ve duh ka ring phal bawk silo. Chuvangin hetiang ngaihtuahna hi ram leh hnam hmangaih ve det avang pawhin lo….postpone lul teh khai kan ti a nih chu.

Chuvangin kan CM hian Mizoram sawrkarin he House sak thatna tur pawisa a la nei remchang hrih lo anih pawhin….tunahthut thut I buaipui hrih lo mai ang u… Kan CM ber hian he House hi engtikah nge a hmuh hnuhnung ber ka hre lo tak naa, July thla tir a ka hmuh kha chuan …chutia han chim rum rum tur khawp a building hlui trawp ala nilo tih a lang reng. Civil Engineer ropui tak nih ngailovin a hriat theih reng…Kum 5 atanga 10 te chu ngaihngamin a la luah theih tih a chiang. Chuvangin kan ram leh hnam hi kan lo rethei ta em em hrih a nih pawhin a tlaran zawng nilovin….tan la nasa zual sauhsauh zawk tura inpeh kawh kan mamawh tih hriain…. Khawngaihin he Mizoram house tuna kan suasam tum mek project hi chu lo kal pui lo hrih mai turin ….kan ngen che a ni. I tan pawh a tha anga kan ram leh hnam tan pawha tha ang…. tiin ka han vau tih tih, thlem ti tih che ani ber mai.

Eng dang zawng aia Mizoram Chief Minister kawisurut a nih thupui ber tu tan chuan …..he thurawn / fuihna hi zawm thek mai chi mawle.

Aside | Posted on by | Tagged , , , | Leave a comment

Beau Dermott – Defying Gravity MP3 and MP4

AUTHOR : Maruata On

Beau Dermott hian kum 2015 Britain’s got talent ah telin audition round a paltlang zo lova, zaithiam Uiawm zing ah an thlang hial a. Mahse a beidawng mai lo. Kum 2016 ah chuan a lo kir leh a, Hla har tak Defying Gravity tih chu a rawn thlang a, mipui leh judge te mak tih a hlawh.

Mahse a han zai ta a, a lo thiam nasa mai a, Judge Amanda in Golden Buzzer a pe hial. Final a thleng hial a, Final ah hian 6na ah a awm. MP3 and MP4 leh 3gp han download teh le.

Beau Dermott – Defying Gravity

Beau Dermott is Amanda Holden’s golden girl @ Britain’s Got Talent 2016

Resolution: 640×360,360p,mp4,
File Size 19.68MB
Download: https://is.gd/iRgKBO

320×180,180p,3gp,
File Size: 6.52MB
Download: https://is.gd/WKCRx1

Title: Beau Dermott is Amanda Holden’s golden girl | Week 1 Auditions | Britain’s Got Talent 2016
File Type: mp3
File Size: 3.84MB
Download : https://is.gd/L1wC6h

Aside | Posted on by | Tagged , , , | Leave a comment

Bill Gates-a hi eng ang taka hausa nge a nih ?

Kum 2014 khan $ 81 billion neia chhut a ni a. Tun dinhmunah erawh $ 79.2 billion nei anga chhut a ni. Heng a pawisa hi bank hrang hrangah dahin sawi dân tlanglawnah chuan kum tin 5% a pung anga chhutsakin Bill Gates-a hian second tin $ 128 thawkchhuak ang a ni. Chu chu kum khatah $ 4.4 billion ang a ni.

Bill Gates-a hian pawisa a ngah a ni ngawt lova, ELL20 chuan tihian zawhna a siam a. “Bill Gates-a hian a pawisa neih zawng zawng hi ruah angin van aṭangin sur tir dawn ta se, engtia rei nge a sur tir theih ang?” tiin. $ 1 hi a rualin second tin 128 chung lam aṭangin rawn theh thla ta se, a pawisa neih zawng zawng theh thla tur hian kum 64 zet a rei a mamawh ang!

Dollar bill pakhat hi gram 1 tluka rit a ni a, 0.0022 lb (pound) a nih chu. A pawisa neih zawng zawng rihzawng chu 17.8 millionlb zet a ni. Chu chu a kg ang zawng chuan kg 8073937.6 zet a rit a ni ang. Twitter leh Instagram hi lei ta ang pawh ni se, tluklehdingawn tam tak a la nei cheu dawn a ni.

Gates Foundation hi khawvela pawl anga thil phal kawngah pahnihna niin Gates Foundation hi khawvela mimal anga din pawl lian ber niin he pawl kaltlang hian kum 2013 thleng khan $ 28 billion midang ṭanpui nân an lo theh chhuak tawh a ni.

A hausakzia kan la chhut thiam lo cheu a nih chuan tihian sawifiah lehzual ang. A pawisa hi $ 100 bill angin chhep ta ila, km 88.5137 zeta sangin kan rem thei ang. Chu kan pawisa chheh inchi khat lek chu la chhuak ta ila, $ 2242 zet a ni ang. Khawvel ami zawng zawng hi $ 10 min pe ta se, $ 2.6 billion a la nei cheu ang!

Nitin hian $ maktaduai hmang ta ang ni se, Bill Gates-a hian a pawisa zawng zawng hmang zo tur hian kum 218 zet a mamawh ang! A hausa namenlo a ni tawp mai a nih ber chu.

Aside | Posted on by | Tagged , , | Leave a comment

Conway Twitty-Don’t Cry Joni free download

Title: Conway Twitty-Don’t Cry Joni (With lyrics)

Title: Conway Twitty-Don’t Cry Joni (With lyrics)
Resolution: 540×360,360p,
File type : mp4
File Size 4.11MB
Download: https://is.gd/GksGjC

Title: Conway Twitty-Don’t Cry Joni.MP3
File Type: mp3
File Size: 3.41MB
Download: https://is.gd/OCC72G

Aside | Posted on by | Tagged , , | Leave a comment

Alessia Cara – Scars To Your Beautiful Free download

Title: Alessia Cara – Scars To Your Beautiful (Audio)
File Type: mp3
File Size: 3.51MB
Download: https://is.gd/R4yuxR

Alessia Cara – Scars To Your Beautiful .MP4
File Size 5.9
Download: https://is.gd/VH6taW6MB

Aside | Posted on by | Tagged , , | Leave a comment

Sia – Cheap Thrills MP3 and MP4 download

Title: Sia – Cheap Thrills [Performance Edit] (Official Video) Sub. Español + Lyrics .MP3
File Type: mp3
File Size: 3.24MB
Download : https://is.gd/O8MHzX

Sia – Cheap Thrills.MP4
Resolution : 640×360,360p,mp4,
https://is.gd/i2GeuO
File Size: 13.61MB

Aside | Posted on by | Tagged , , , | Leave a comment

Sia – Alive MP3 and MP4 Free download

Sia – Alive
File type : MP4
Resolution : 640×360,360p,mp4.
File Size 13.14MB
Download: https://is.gd/AonjDM

Title: Sia – Alive (Official Video)
Subtitle: Español + Lyrics
File Type: mp3
File Size: 4.58MB
Download: https://is.gd/ZaA5TC

Aside | Posted on by | Tagged , , , | Leave a comment

MI ZAWNG ZAWNG ZÂRA ZARA

AUTHOR : Dingpuii

  • Lainatna duhawm chu
  • Lainattu hlut zia
  • Misual sawiin lainattu leh khawngaihtu an hrereng thin
  • Thil tha tih hlutna

Saw… an lo infiam leh tawh! Ka van ning tak aw, an zawn ka thlen apiangin an ball-in min per ziah lehnghal. A chang phei chuan tleirawl rual mai ni lo, tlangvalte pawh an lo inkhel ve țhin. Mi chhaih ching chu an awm lo, mahse kaltlang hi a nuamlo ka ti ru țhin.

An zawn ka thlen hma ațangin an thawm chu a țha hle mai a, an nui leh ham ham țhin a, an au rual leh dial țhinbawk a, ball an petin an beng bawk silo a, eng tak chu ti ang maw ka ti a. Ka va hawi phei chuan a bial deuh hian an ding a, an din bial chhungah chuan putar niawm tak hi thei leh theilo hian a lo zuang niin! Chutia țhalaiin an pa emaw an pu emaw rual lai tur an lo bawl kual ka hmuh chuan ka sa zak mai, “Heih, enge in tih?” ka va ti tuarh a. An lo hawi țhap a, a laia putar ber chuan hah thaw deuh hle hle chung hian, “Mami, eng nilove, ka inhlawh a nih hi,” a ti mai a, midang chu an lo nui dar dar a, zak ang reng fe hian ka kalsan ta a.

A tuk ka hna kal haw chuti lai hmun ka thlen chuan a ngaite bawkin an lo bial leh țaih mai a, an haw haw nasa phian mai bawk si a, tlangval pahnih hian an malte thleng dawn vela sang hian hrui an lo keng a, chu chu putar chuan zuan kahlen a lo tum lehpek! A zuan khûm theilo chu a tlusawp lah nai zel a, chumi lawm chuan tlangval ho chu an nui a lo ni. Ka en reng a, kei pawh chu ka nui ve ta hawk hawk a, putar ka tih ngawt kha tar chu a la ni lo, kum 50 pawh a tlin ka ring ta chiah lo. Zu a in mai pawh ni tawhlo in, zuin a inlet tawh zawk a ni tih hriat fahran hi a ni. Amah lah chu a failo hle mai si a, a ha hmai chu a bal lehnghal a, a kutte chu a khur der der mai bawk a, zan tam riak a pailo tih a lang reng mai bawk. Pa pangngai ni se, a tu leh fate rual lek lek bawlin a awmlo tur, min rawn en a, “Tikhan ka inhlawh tih chu i hrethiam mai em?” a ha bal kar a nui seu chung chuan a rawn ti a. Khatia an tihtir khan a zu man tur an pe țhin hi a lo ni a, ka kal leh tur chuan, “Kha kuhva ka țheh ang che, ka pu” tih pahin ka theh phei a, ka inluahna neitute fapa tlangval țan tir Sawma chuan, “Pu a nilo, u Zara a nih hi, mi zawng zawng zâra Zara,” a ti a. Nasa fe mai hian an nui a, amah lah chu a nui ring ber berah ala țang zui, ka kalsan ta a.

Ka tlai haw apiang deuh thaw hian a lo awm ve ziah a, remlo chung hian min biak dan a lo zawng ve țhin, a kuhva leh meizial tur hawn sak ka ching ta viau mai, tlangval ho pawhin u zara nen hian ni ru min lo ti vak vak zel. Mahse ka be țha duh vaklo. Nula mahnia inluahte ka ni si a, min zuam ang a, lolen a tum ang tihte ka hlau a!

Hun a kal a, kar a liam a, kan khuaah chawlh hmangin nithum lek chamin ka haw a, Aizawl ka let leh zan chuan ka inluahnate tlangval leh a țhiante an lo leng ve țiai a, kan titi kan titi hnu chuan pakhat chuan, “U zara kha a damlo asin, a thi țep tawh,” a ti ta mai a! Ka ngaihven deuh hru mai, an u zara chanchin chu an sawi zui nak nak a.
“ A hma chuan sorkar driver a ni țhin”
“Nupui pawh a nei ve, fa pakhat an nei a, kum 3 vel atlinin an nu a uire”
“ A fapa nen an khawsa a, a fapa chu kum 5 a nihin malaria vangin a boral”
“Ta țang khan zu a in tlek tlek mai ni”
“ A hna ațang pawhin voluntary pension-in a chhuak ringawt alawm”
“KS pakhat khan a luhkhung a, zu te an zuar a, kha khan a nun a ti chhe zual”
“Eee, u zara hi maw, a tlangval lai chuan inkhelh a thiam tawp, kan veng aiawh pawhin football te a khel ve țhin, an ti”
“ An nu ks zek zawk vang khan jail-ah te a tâng a, khanu khan a tlanbosan leh daih bawk si”
“U zara hi chu aw… zu ngawlvei mah nise, pawi hi a van sawilo tak, fiamthute hi a thiam a sin”
“ A hma chuan tuna a in khu a țha thei lutuk, a ramte khu a zau bawk sia, a nun chhiat tak hnu hian a hralh țhen a hralh țhen a, a inte khu a te tawh tawp”.
Khing khi ka inlengte sawi a ni.

U ZARA CHU :
Damdawiin khumah chuan a lo mu bel mai a, a taksa chu vunin a khuh der der chauh hi a ni a, a thluak erawh a fim a ni ang, kan lut min hmuh khan a lo nui hei mai! A țawng a fiahlo em em, a thâm chal bawk. Nurse a rawn kal a, “Nithum chhung hian a chanchin engmah kan hrelo va, a chhungte in ni em? In va ngaihsak lo ve” a rawn ti bawrh bawrh a, rang zet hian “Aw ni e, ka u a nih hi, kan khuaah ka hawsan lawk hlanin tihian a lo awm a, ka thiam loh a ni” ka ti a, ka tlangval kalpuite leh u zara chuan min melh kawk mai.

A damdawi tur țhenkhatte leisakin leh a kawr hak chu a chhiat em avangin tshirt man to vaklo leh kekawrbul ka ken sak chu kan hak tir a, ka wipes pai chuan a hmaite, a kut leh kete chu ka han hruk sak nawk nawk a, kan hawsan ta a.

Hawlamah chuan tumah kan țawnglo, kan ngawi nghiai mai. Ka in thlen hma kawng sir piah zawl zau lai, tlaitin an infiamna chu alo reh dak mai a, kan hawi phei țhap a, ngawi rengin kan kal pel a.

A tuk hna ka kal chu ka rilru a nuamlo hle mai, u zara kha ka ngaihtuah tlat, damdawiin lama kal pen ka duh hle nangin a hma ni a kan kal tho avangin ka kal ta lo a. Ka tisual ta!

Zanriah ka ei lai chuan inchung tlangval Sawma a rawn tlan thla khut khut a, phawk hruin, “ U zara a thi!” a ti a. Ka tho thurh a, ka puan dahna ka va hai rawk rawk a, puan pakhat chu ka la chhuak lawk a, Sawma nen chuan kan tlan chhuak ta hlawk hlawk a. A inluah ve te chu kan va thleng a, mi tlem azawng an lo awm ve a, a inchhung kan han lut chu bungraw tlemte chhiar tham lek tak tak hi a lo nei ve. A khum sawi li liai chu kan han siamrem a, a lukham hnuaiah chuan lehkhabu te takte leh pen chhin neilo leh zozial pahnih alo awm a, Sawma chuan a thlek vut vut a, a ak ta a.

A ruang a lo thleng a, a inluah zimteah chuan kan țhu khat ve bang mai a, tlai tin a infiampui, zu no khat a hlawh theih nana zuantir țhinte nen chuan a ruang chu kan kil ve bam mai! U zara chuan ka tshirt pek chu ala ha a, a hma ipte chu a puar deuh a, sawma chuan a zu zen a, lehkhapuan zawr deuh thleh fel pawh nilo, hnawh luh tawp hi a rawn phawrh a, a en vung vung a, ngawi rengin a ak leh ta a.

U ZARA SULHNU :
Tlangval ho chu an infiam ngaiin an infiam leh tawh a, u zara hmuh tur a awm ve tawh lo, a khawharthlak hi ka ti a. Vawiin tlai phei chu chhun lama ruah a tlak sek avangin tlai ni tla tur chu a eng mawi em em mai a, muangchangin kawng ngaite bawk chu zawhin ka kal a, tlangvalho pawh an lo ri leh nak nak a, ngawirengin ka thlir a, sawma a rawn tlan phei a, “U Thanpui, vawiin tlai chu i inah chaw eikhawm ang u kan ti a, a rem ang tiraw” a rawn ti a. “In va han nghal tak” tih pah chuan a rem tur thu ka hrilh a.

Kan chaw ei kham chuan an u zara chanchinah bawk kan lut leh a, a thihni a a lukham hnuai a mi a lak leh a kawrawm a lehkha zawr deuh kha sawma’n rawn phawrh pahin, “Hei hi chhiar ve la kan ti a” a ti a, zozial pahnih chu u zara hriatrengnan tiin an inzuk țawm hlawm bawk a. A lehkhabu niawm tak chu ka’n keu a, milem nalhlo tak tak inziakte, a bâ niawm tak a ziahte leh a phektawp lamah chuan hawrawp nalh vak lo hian
“Thanpuii a nih chu”
“Thanpuiin kuhva leh sikret min pe, sikret ka zuk lohna a rei ta hle mai”
“Vawiin tlaiah thanpuii a lolang lo”
“Thanpuii a zin”
Chung chu alo inziak a! Kan ngawi leh ta țhiap mai.
A thihnia a tshirt hma lam ipte a a lehkha ah kha ka han pharh leh a, kut ziak hraw hrep hrup, rualrem lova ziah tih hriat fahran hian,
“Laina tumah ka neih loh laiin, Thanpuii’n ‘ka u’ min ti,” tih a lo ziak a.
Ka insum hmanlo , “U ZAR” tih leh țah ka rual ta a!

Aside | Posted on by | Tagged , , , , | Leave a comment