ZU CHHE IN LEH A DAMDAWIAH ZU

Kan Zoram zimte, a chhunga chengte pawh tlemte zingah hian zu chhe in vanga thi sawi tur kan awm ta zeh zeuh va, sawi nuam ber leh sawi chakawm tak ni mah suh se, mi thil chik mi leh mi vanduaite tan a tangkai takin tih leh kan Doctor-ten zu chhe in an enkawl dan ringhlel lek leka ngaihdan lo nei thinte ngaihthatna pawh a ni ang chu maw tiin, ‘Zu chhe in leh a damdawiah Zu’ ti hi ka rawn puak chhuahpui ve ang e.

Zu Chu Eng Nge A Nih Chiah?:
Zu hi Organic Compound chi khat, ‘Alliphatic Alcohols’ an tih chhungkaw zinga mi an ni a. A compound len dan azirin hming indawt thliai pek an ni a, chumi zinga compound te ber leh a dawttu te chu Zu Chhia kan tih leh a Zu lai bera te chu an ni. Zu chhia kan tih hi ‘Methyl Alcohol’ an ti a, Zu ni ta bera hi ‘Ethyl alcohol’ an ti leh a ni.

A nihna dik takah chuan Zu chhia leh tha a awm tak tak lo va, a hmanna tur dik taka hman chuan tangkai leh tha tak an ni. Damdawi siam nan te, ‘antiseptic’ ah te, hnim leh thlai atanga damdawi lak chhuah nan te ‘compound’ tangkai tak an ni a, a hmanlohna tura kan hman hian kan chhiatpuiin kan thihpui mai chauh a ni.

Engtiangin Nge Zu Chhia Chuan Taksa A Khawih?:
Miin zu chhia a lo in chuan a hmasa berah pumpui a thleng a, pumpuiah hian taksain a lo pai sa ‘enzyme’ chi khat ‘dehydrogenase enzyme’ an tih chu a lo awm a, he ‘dehydrogenase enzyme’ hian kha zu kha a lo man nghal chat a, chutichuan ‘chemical reaction’ lo awmin kha zu chhia kha compound chi hnih ‘formaldehyde’ leh ‘formic acid’ ah a lo phel darh ta a, heng compound chi hnihte hi a ‘molecule’ a tet tawh em avangin kan pumpui atang hian thisen zamah leh timur-ah hipluh theih a lo ni ta a, heta tang chiah hian zu chhe hnathawh chu a lo intan ta a ni.

‘Formaldehyde’ hian kan thisen zam a luh atang hian mit (eye) lam a pan ta char char a, mit a thlen veleh mit naute khawih nghalin khawhmuh a tifiah lo va, hun a lo rei a, mit a thleng tamtawlh tawlh a, a tawpah mitdelna thlentu chu ‘formaldehyde’ hi a ni.
‘Formic Acid’ pawh hi a hming atang reng hian a thur hmel bawk a, thisen zam a luh hma hauh atang pawhin thawm lian tak a nei nghal a, pumpui bang a kang pilh a, pumna em em a thlen nghal a, ‘formic acid’ avanga mihringa natna lo thleng hi a medical term chuan’ Acidossis’ an ti. Thur tam lutuk vanga natna lo thleng a ni a, pumna lutuk tawrh harsa khawp a thlen a, thisen a ti thur a, hei hian kan taksa bung hrang hrangte mamawh ‘Oxygen’ thisenin a sem darh thinte kha a luahlan avangin timur ten ‘oxygen’ an kham khawp lo va, taksa hnathawh zawng zawng a chawk buai a, a tawpah chuan THIHNA a thlen ta thin a ni.

Zu Chu Engtin Nge Damdawi A Nih Theih? :
A hma lama kan sawi tak ang khan zu chhia leh zu tha chu chhulkhat kual, inchhang bung chiah a ni kan ti a, ‘carbon chain’ pakhat chiahin an ‘molecule’ te hi an inlen hleih a, in ang tak pumraw inlen hleih chauh an ni.

Kan pumpuia lo awm, ‘dehydrogenase enzyme’ kan tih khan a lo hmelhriat ve ve a, mahse he ‘enzyme’ hi a ‘phakar’ kan ti dawn nge a ‘tunlai mi’ kan ti dawn, a lian lian hmeltha a ti teh chek a ni ang chu, zu chi hnih, duh zawk thlan tura ‘bel chhunga sa hmin sa’
a lo awm takah chuan a ‘molecule’ lian zawk, ‘ethyl alcohol’ kan tih zawk, a zu lai bera kha a thlang chat chat mai a, ‘methyl alcohol’ kha a thleng hmasa zawk mah nise sirah a lo hnawl ta si a, an ‘kutchilo hawi’ ta vak vak mai a ni. Chutia ‘methyl alcohol’ chu ‘enzyme’ hian a tihkeh tak lohvah chuan kan taksa tana hlauhawm ‘formaldehyde’ leh ‘formic acid’ insiam zel kha a tawp ta a. Hun a lo kal a, darkar hnih khat hnuah chuan kha ‘methyl alcohol’ kha a ngai ngaiin pumpui atangin ril lamah a tawlh liam ta a, pawi khawih nei lovin zun leh ek ah kan lo paih chhuak leh ta a ni.

Heta tanga chiang taka kan hmuh chu Zu hian damdawi angin a thihna tur Zu chhia atanga lo insiak chhuak kha a khawih danglam lova, tur insiam belh tur kha a veng ta mai chauh a ni. Chuvang chuan kan taksa a tur awm, ‘formaldehyde’ leh ‘formic acid’ te kha kan taksaah a la awm reng a, chuvang chuan paih chhuah fai a ngai a, chumi ti tur chuan medical thiam thil a ngai tawh, hospital lian pan pui ngei tur a ni. Hospital ah hian ‘dialysis’ hmangin heng thihna tur hi a rang thei ang bera paih fai a ngai a. Chutianga tih hman a nih chuan nunna hlu tak hi a chhan theih.

A tawp berah chuan heng thil zawng zawng thleng lo tur chuan ZU in loh mai hi a him.

Courtesy : HRISELNA (Monthly Magazine),
Issue No. 5; May 2016

Aside | Posted on by | Tagged , , | Leave a comment

MT.EVEREST LAWN CHHUAH HI

He thuziak hi a nuihzatthlak a, a thlir dan hi thil tha ang reng tak a ni a, thenkhat chuan an hrethiam lo hle thung.

Tlang lawn hi adventure a ni a, hobby a tih theih bawk ang. Mi nawlpui tan a chhawr bawkna tur a vâng duh khawp mai. Tlang lawnte hian anmahni nuam tih zawng an tihlawhtling a ni mai a, midang tan lo fak tehchiamna tur a awm lo.

Tunhnai lawkah Mizo nula pakhat chu Mt.Everest-ah a lawn chhuak a, mi tam takin “Mizo hnam min tihmingțhatu” tiin an fak chiam chiam mai a ni. Kei pawhin mimal takin ka lawmpui a, mahse han fak chiam chiamna tur ka hmu ve lo.

Rengte tlangsang lawn aia Mt.Everest lawn hi a ropuina tehchiam ka hmu lo a. Research bei tura lawn an nih ngawtloh chuan eng anga tlang hmingthangah pawh lawn mah se hlawkpuina a awm lo. Mt.Everest lawn chhuak hmasa ber Tenzing Norgay kha chuan he tlang nihphung (condition) a han hrechiang pah a, a hnu lama lawnte tan hi chuan he tlang nihphung zir a ngai tawh lo a, an mimal tana lawn mai chauh an niin a lang.

Ram leh hnam aiawha feh chhuak lote chuan an hnam an tihmingțha lem lo tih hriat a țha. Chuvangin, Mt.Everest lawn chhuakte hi chu mimal taka lawmpui mai hi a tawk a, hnam tana pasalțha angah hi chuan i chhuah tawh lo ang u khai.

Aside | Posted on by | Tagged , , , | Leave a comment

PRISM IN LOK AYUKTA DIN THUAI TURIN SORKAR AN PHUT

Prism chuan sorkarin a senso tur sum budget-a a dah tawh tho avangin Lok Ayukta hi din thuai an phut a. Mihring rintlak dah ngei turin sorkar an ngen a ni.

Prism chuan thuchhuah siamin hun rei tak corruption venna lama chak zawka hma lak duhin an nawrin an buaipui thin a. 2008 MLA inthlana MPCC an tlin khan election manifesto-a No. 1-a an dah angin Vigilance Commission an din a, an hotupa berin a sawi thin anga CBI an koh luh Prism chuan a beisei a. Mahse, an tiam angin eng mah an ti ta lo a. Kum 2013-a MLA inthlanah Lok Ayukta din an intiam leh a, hemi tihhlawhtlin nan hian dan siam zo tawhin budget-ah pawisa pawh cheng nuai 159.34 lai dah a ni tawh a. Mahse, tun thlengin Lok Ayukta hmel hmuh tur a la awm lo! Nikum lam khan Finance Minister Pu Lalsawta’n, sorkar kum 2015-16 chhunga Lok Ayukta din hman tum a nih thu a lo sawi tawh nghe nghe a ni.

Tunah hian Lok Ayukta atana Act siam a ni tawh a, Rules duan mek niin Selection Committee tun thlenga la thu khawm lo leh Search Committee la din loh chu hma la thuai turin prism chuan sorkar an ngen tih sawiin Tunah corruption chhuitu ACB-ah hian thubuai chhui thei chin officer leh ukil
DIG-1; Dy DIG-1; SP-1; Addl SP-1; DSP-4; Inspector-14 awmin sorkar ukil, Public Procecutor-1; Addl P/Procecutor-6 leh Asst P/Procecutor-6 an awm mek a, thubuai (case) an khawih seng lo a; Lok Ayukta-ah thubuai khawih thei chin officer leh ukil, Director of Inquiry & Procecution-1; Dy Dir of Inquiry & Procecution-1; DSP-1; sorkar ukil, Pubic Procecutor-1 leh Asst P/Procecutor-1 awm tur hi PRISM chuan a duh khawp lo nain duh khawp lohna dah thain ram hmelma eiruk hmang ten dan hremna an tawh ngei theih nan mihring rintlak dah a, Lok Ayukta tha tak a rang thei bera din turin sorkar kan phut a ni, tiin an thuchhuahah chuan an tarlang.

Aside | Posted on by | Tagged , , | Leave a comment

Android Phone Password Theihnghilh Reset Dan


Author :

Vanlalruatliana
Renthlei

1) Switch off la, 10-15 sec. vel han nghak phawt teh. (Switch off dawn hian Power button kha hmet vang vang la, Power off tih kha select theihin a awm ang.

2) Volume Up leh power button kha hmet vang vang la, a hnuaia milem ang hi Recovery mode a lo lang ang.
(Thenkhat ah chuan Volume up leh power key leh home key a ni thin bawk).

3) Volume up and down key khan Wipe data/factory reset tih ah khan chhuk la, (a theih loh chuan Vol Up Button kha hmet vang vang la, factory reset menu kha a select theih ang).

4) power button kha hmangin select rawh le.

5) A dawt ah “android recovery option want your conformation, you want to factory reset your android device? tih a lo lang mai thei a, confirm or OK or Yes kha thlan mai tur.

6) I nghak vang vang ang a, data a reset chhung kha a rei zawng a inang ngai lem lova, chuvangin battery low dawn ah tih a tha lem lo.

7) A zawh hnuah phone thenkhat chu amahin a in restart mai thin a, in restart lova menu bawk a lo lan leh chuan “reboot system” tih kha volume key khan select la, power key khan I OK dawn nia.

Ti khan I phone chu setup thar ang in a lo awm ang a. phone a I thil dah a paih thung dawn a ni.

Aside | Posted on by | Tagged , , , | Leave a comment

JELETINE HMANGA SANGHA BOMB TUTE MAN

June ni 2.6.2016 Ningani) khan Bilkhawthlir khaw bula lui, Chemlui-ah mi thenkhatin geletine hmangin sangha an man a. Heng mite hi man nghal an ni.

Chemluia sangha leh nungchate hi Bilkhawthlir Joint YMAchuan khauh takin a humhalh a. Jeletine hmanga sangha man an awm tih hriat a nih veleh, Bilkhawthlir Joint YMA hruaitute’n umzui nghalin heng mi te hi an man ta a ni.
1. Lalrammawia s/o H.Kawlhnuna (L), Aizawl Republic Vengthlang, tuna Kolasib-a Sericulture Dept-a Demonstrator thawk lai.
2. Zohmingthanga s/o Lianhmingthanga, Kolasib Hmarveng.
4. Laldavida s/o Phunkama (L). Tuithaveng, Kolasib.
5. Lalsawmliana s/o Phunkama (L), Tuithaveng, Kolasib

Heng an mi man te hi Bilkhawthlir Joint YMA-te chuan Police kutah an hlan nghal a. Police-ah hian PR Bond sign tirin chhuah leh nghal an ni.

Aside | Posted on by | Tagged , , , , | Leave a comment

UC Browser atanga File download failed resume theih tawh loh emaw link expired tawh RESUME luih dan

File lian deuh download a, a fail a resume theih tah te hian a uihawm duh hle a. A resume dan hi lo en rawh.

1) I file download failed kha i download na chhinchhiah la, a nih loh pawn i download ngai chiah link kha chhinchhiah rawh.

2) File Manager ah lut rawh.

3) I file download na folder (eg; Uc Downloads,etc) ah lut rawh.

4) I file download failed ta kha File pahnih a awm ang a. (a main file leh .temp file)
.temp file hi phone thenkhat ah a awm kher lo tlat mai ~ Mizo Archive

5) File pahnih te chu cut/move la, Folder dangah dah tha rawh.

6) Uc Browser ah lut leh rawh.

7) Uc atang chuan Download ah lut rawh.

8) I file download failed ta kha long press la, Delete/Clear rawh.

9) I file download ngai chiah kha download leh rawh.

10) Tlem a kal hunah Pause rawh.

11) File Manager atang Uc Download atanga i download thar kha delete rawh.

12) A hma a i download, Folder danga i dah kha dah lut rawh. (Replace pawh a theih).

13) Uc Browser atang Download manager atang khan i download thar chu click la, Resume rawh le.

#‎Note‬: Video a nih chuan File Manager ah khan Uc Downloads/Video chhungah tur.

Step indawt dan chiah² khian i tih loh chuan i ti khawlo palh hlauh dah ang.
(Tin, hetiang Method hian Device dang ami File download pawh Device dangah a download chhunzawm theih bawk)

Aside | Posted on by | Tagged , , , | Leave a comment

KOHHRAN HMEICHHIA KUM CHANVE COMMITTEE HMANG AKAL TE CHUANNA MOTOR CHESUAL , MI PAKHATIN NUNNA CHAN

6/6/16 zing dar 8:30 vel khan Vaphai dai, Vaphai atanga samthang lam, 2km vela hla ah 207 pick-up ,Laldinthara , Dungtlang a mi a ta, a ma khalh ni bawk chu kawngthlang lamah tlanliamin a chesual palh a, Vanlaldiki (39) w/o Thawmvunga , Khawbung dinthar Veng chu Ka pawh chhawn loin a hmunah a thi.

Khawbung khawtlang hruaitute hnen atanga Save Mizoramin thu kan dawn danin , Motor ah hian a khalhtu nen mi 12 an chuang a, an zing a mi 10 te chu Samthang , Khawbung leh Dungtlang khua atanga IKK bial kohhran hmeichhe kum chanve committee hmang a kal an ni a, Mahni khaw lam pan a haw tur an ni. An zinga pakhat chu zirlai naupang niin a Sikul kal tur kawng lak atanga rawn chuang ve a ni bawk .

Motor chetsual chhan hi hriat a ni lo a, an tlan liamna hmun hi kawng ngil lai tak niin kawngthlang lam 50 mt vel athui an lum niin kan thu dawnna chuan a sawi bawk.

Pi Vanlaldiki ruang hitlaivarpui a ni a nga , a tuk chhun dar 12:00 ah vui a ni.

Aside | Posted on by | Tagged , , , | Leave a comment

Adhaar nei nuai 4 chuang

Author: Dingdi
  • uid nei tawh zat

Mizorama mihring za zela 58.51-in Biometic enrolment an ti tawh a, Adhaar nei tawh mi nuai 4 sing 4, sang 9 leh 498 an awm tawh bawk.

Directorate of Census Operations atanga sawi danin, Mizoram chhiarpui hnuhnung bera mi Nuai 10 Sing 9 Sang 7 leh 206 awma chhinchhiah a nih laiin National Population Register-ah chuan Nuai 10 Sing 8 leh 950 nia chhinchhiah a ni ve thung a, hetah hian Bio-Metric Enrolment-a inziaklut tawh mi Nuai 5 leh 5,929 awm tawhin, Aadhar nei tawh hi za zela 51.98 awm tawh anga chhut a ni.

Aside | Posted on by | Tagged , , | Leave a comment

Adhaar nei nuai 4 chuang

Author: Dingdi
  • uid nei tawh zat

Mizorama mihring za zela 58.51-in Biometic enrolment an ti tawh a, Adhaar nei tawh mi nuai 4 sing 4, sang 9 leh 498 an awm tawh bawk.

Directorate of Census Operations atanga sawi danin, Mizoram chhiarpui hnuhnung bera mi Nuai 10 Sing 9 Sang 7 leh 206 awma chhinchhiah a nih laiin National Population Register-ah chuan Nuai 10 Sing 8 leh 950 nia chhinchhiah a ni ve thung a, hetah hian Bio-Metric Enrolment-a inziaklut tawh mi Nuai 5 leh 5,929 awm tawhin, Aadhar nei tawh hi za zela 51.98 awm tawh anga chhut a ni.

Aside | Posted on by | Tagged , , | Leave a comment

Biate-ah Vawk Pul Hri a leng

Author: Dingdi
  • vawk pul hri leng zel
  • Biate ah vawk an thi
  • vawk pul hri vanga thi tawh zat

Tunhnai khan Biate-ah vawk hri a leng a, he hri leng vang hian tun Inrinni tlai thleng khan vawk 23 a thi tawh a, thi zinga 8 chu a puitling niin a dang 5 chu vawktea ni.

Biate Branch YMA Vice President Pu Remkunga’n a sawi danin, June 4 Inrinni tlai thlenga Vety hotute hnena in report chu 22 an nih laiin la report hman loh pakhat a thi leh a. June 3 Tun Zirtawpni khan Champhai DVO office atangin Vety Doctor-te kalin a hmunah an enfiah a. Damdawi an ken bakah vawk thi leh damlo sample te an la a, vawk vulhtute hnenah vawk damlo enkawl dante an zirtir bawk a. Pu Remkunga chuan vawk thi hi hei aia a tam theih thu sawiin in report lo an awm nual a rin thu a sawi a ni.

Khawtlang hruaitute chuan hri leng mek hi vawk hri hlauhawm, PRRS nia an rin thu an sawi a. An khaw YMA hruaitute chuan tunhnaia an khuaa vawk thi reng reng chuan hri vei a darh lohna’n tha takin an phum nghal zel niin an sawi a, tunah hian vawk damlo thahnem tak a la awm a, chung zingah chuan eizawnna atana vawk vulhtute vawkpui 90 vel a tel niin an sawi bawk.

Hetih lai hian tunhnaia PRRS nasa taka lenna Champhai khaw pui leh a chhehvelah chuan vawk thi thar a awm thu an dawng lo niin Champhai Area Vawkvulh Association hruaitute chuan an sawi a, hemi hma lam hian AH & Vety Department hotute sawi danin Mizorama Dist. hrang hranga hri leng vanga vawk thi tawh zat chu 3,256 an tling tawh a, Biate khuaa thi nen chuan 3,279 a tling tawh a ni.

Aside | Posted on by | Tagged , , , , | Leave a comment