S. Korean ruling party, Saenuri Party M.P. ni lai, Ha Tae-keung chuan N. Korean leader, Kim Jong-un chu that ngei a ngai a ni a ti. YNT radio station-a interview-naah he thu sawiin Ha Tae chuan Kim-a hi tihhlum anih phawt chuan mi zawng zawng an lawm ngei ang a ti a, N. Korea-in nuclear ralthuam an hmanna titawp tur hian amah ngei hi dahbo a tul a ti. Ha Tae chuan kum li kum nga kaltaa N.Korea in nuclear ralthuam a buaipui hma khan Seoul hian thahna hun remchang a nei tawh thin a, chu hun chu liam tawh mahse tunah hian President Park Geun-hye hian ualau (openly) takin Kim-a thahna tur thupek hi chhuah sela, ramdangte thlawpna pawh dap rawh se. A bikin U.S leh Japan te hi sawm sela, hetianga kan ti a nih pawhin Iraqi President Saddam Hussein-a chunga thil thleng nen khan a inang dawn a, Kim-a hi dan bawhchhiaa thil sual titu a ni a, hetiang dan bawhchhiate nuaibo hian international laws a kalh lo a ni a ti hmiah mai. Saddam-a pawh U.S leh a thurualpuiten dovin an hneh a, an man a, Iraqi court-in thi turin a chungthu a rel mai a nih kha a ti a ni.
Tunah hian South leh North Korea te inkar boruak hi a sosang chho zel a, eng nge lo thleng dawn hriat thiam a har rih hle a nih hi!
Mizo Archive 